الموضوع: فائدة التركيز

المشاركة الأصلية كتبت بواسطة blazer

شكرا على الموضوع
و شكرا على الردود المفيده لكل الناس اللى شاركت
بمناسبه موضوع اتجاهات مرور الهوا
فى جزئيه التبريد الهوائى فى فرامل السيارات
الطنابير اللى بتبقى ventilated
زى دى كدا

حضراتكم ذكرتم فى مشاركه سابقه

نفس الكلام دا لما يتطبق على الطنابير
ازاى بتبرد و انا اعتقد فى ان سرعتها بتبقى عاليه جدا ان يحصل تبادل حرارى بينها وبين الوسط التانى اللى هو الهواء ؟

لاحظ عدة نقاط فى الموضوع دة:

1- الكلام اللى اثرتة مضبوط و عشان كدة بقى فيه طنابير مهواة ventlated عشان زيادة المساحة المعرضة للهواء و تحسين التبريد و دة نتيجة الحرارة العالية اللى بتولدها الفرامل مع صعوبة تبريد الطنبورة لانها محاطة باجسام كتير (الجنط و الكالبر و العفشة و خلافة)

2- الفرامل مش حتسخن الا لما تستعمل... يعنى السخونة حتعلى لما سرعة العربية تقل بالتالى بيبقى متاح زمن اكبر للتبادل الحرارى... و كل ما العربية بقى ادائها عالى كل ما بقى معمول حساب التبريد من خلال ducts لتوجية تيار هوا للكالبر و الطنبورة ... فى عربيات الرالى لما بيبقى السباق على الاسفلت بيركبوا كالبر فيه 6 بساتم و علية رادياتير صغير لتبريد زيت الفرامل




3- التبادل الحرارى كدة كدة حيحصل لكن الفرق فى فاعلية التبادل اللى حصل نتيجة عامل السرعة اللى ذكرتة و عامل قلة الهواء... العوامل دى مش خطيرة فى الفرامل زى الرادياتير لان الرادياتير بيبقى سخن طول ما المكنة شغالة و درجة حرارتة شبة مستقرة فى حدود معينة لكن الفرامل بتسخن مع الاستخدام فقط و ممكن توصل لدرجات حرارة عالية جدا فى ثوانى قليلة لكن دى مش طبيعة تشغيل الطنابير او الوضع الطبيعى لشغلها طالما بنتكلم على عربية ركوب عادية بالتالى نظريا المفروض ان تيار الهوا اللى بيعدى على الطنبورة و زيادة المساحة المعرضة للهواء من خلال تصميم طنابير مهواه يكفى لتبريد الطنابير

4- كل دة ميمنعش ان الطنابير احيانا بتسخن زيادة و دة بيسبب ان التيل يشيط بالتالى السواق نفسة لازم يبقى واخد بالة انة لما يكون ضاغط على الفرامل جامد و عارف ان الطنابير سخنت ميقفش مرة واحدة و يدى فرصة للطنابير تبرد من خلال المشى بسرعة معقولة عشان يبقى فيه تيار هوا مناسب للتبريد والا اول ما يقف التيل حيولع



MMamdouh