الموضوع: رابطة الوحوش ملاك السيفيا....الجزء الاول

صباح الفل على الرجالة الحلوين
واحشنى ولله و نفسى نتقابل
و عقبال ما تشوفوا اخر حاجة عملتها عندى
مش هقول هتشوفوها لما نتقابل
انا فى القاهرة و منتظر الميعاد المناسب للمقابلة..

والله انا كمان نفسي اشوفك واتعرف عليك يا عص كفاية انك شخص خدوم وبتحب الخير لكل الناس عموما كمان اسبوعين ان شاء الله وهكلمك اربط معاك

ان شاء الله يا وحش وانا معاك

انا عندي مشكلة بعد ماركبت الاسكاطرةالجديدة، في الموال بتاع تصليح الباور كانت الطرمبة بتاعة الباور عاملة صوت والراجل قالي دي محتاجة تغيير، هغيرها بواحدة استيراد ومتقلقيش منها، المهم انه غيرها فعلا حوالي 3 مرات وكل مايحط واحدة تبوظ وكان بيقولي دة حصل عشان الطرمبة القديمة كانت عاملة رايش فهو دة الي بيبوظ الطرمبتين التانيين، ع العموم هو كان بيغيرهم من عنده على حسابه، المشكلة اني بعد ماركبت الاسكاطرة الجديدة وهو ركبلي الطرمبة الاستيراد كان في صوت عالي وقالي دة هوا ومع الوقت هيروح، مع الوقت الطرمبة كانت كل شوية تعمل مشكلة وتعلق ولما اروحله يقولي دة البلف بيعلق ودي حاجة بسيطة لو خبطتي على الطرمبة من برة هيتظبط لوحده وانا طبعا مش مقتنعة بالكلام دة ومش مقتنعة بالطرمبة اصلا لانها مش بتاعة السيفيا ولما سألته ازاي اي طرمبة تركب، مش المفروض يكون ليها ضغط مثلا معين بتشتغل عليه قالي لاخالص العربيات النقل بيركبلها طرمبات عربيات شاهين ومتقلقيش من الموضوع دة لاني طبعا خايفة على الاسكاطرة الجديدة، المفيد ان الطرمبة امبارح علقت تاني وانا زهقت من الحوار دة وعاوزة حل نهائي، من خلال خبرتكم ايه الافضل والحل الي يرحمني من مشاوير الميكانيكية، اجيب طرمبة استيراد بتاعة سيفيا واتاكد انها فعلا بتاعتها، ولا اجيب واحدة جديدة وعوضي على الله؟ ولو جبت استيراد، اضمن منين انها كويسة، وياريت حد يقولي ايه الاسعار بتاعة الاتنين ولو في حد ميكانيكي شاطر في الموضوع دة حد يقولي عليه عشان انا تعبت من الصنايعية كلهم.
معلش طولت عليكم بس انا واثقة في خبراتكم اكتر من اي حد لاني جربت كلامكم في اكتر من مشكلة والحمد لله كان تمام وكمان عرفت كتير عن العربية

من الواضح انا لراجل عاوز يبيع الى عندوا وخلاص واخر مزهق من تغيير الطرمبات ابتدى يحاول يقنعك ان كل حاجه تمام
وفى الاول والاخر حضرتك برضوا غلطتى لان انا بركب حاجهمش عشان اقعد اخبط عليها كل ماجى اركب العربيه
بالنسبه لان طرمبه العربيه تركب انا سمعت لكن مش متاكد بتاعت الانسر لكن انهى موديل والكلام ده معرفش
بس متوصلش للشاهين !!!! وممكن بنسبه كبيره اوى تأثر على الاسكترا

فلازم ترجعيلوا وتقوليلوا لتجبلى الطرمبه بتاعتها لاما تاخد الطرمبه بتعتك وانا اشك فى اخر حاجه وهيتحجج ان الطرمبات كانت سليمه وباظوا بعد التركيب وهتبقى خساره عليه
لو حصل ورجعت هتجيبى لاما جديد لاما استيراد
وانا ارجح الجديد انا كنت من محبى الاستيراد وبنصح بيه فى الطرمبه بس اكتشفت انو حوار فاشل ومحدش ركب طرمبه وفضلت معاه
غير ان الجديد اضمن فى العمر لو كان نظيف
واخر حاجه احنا كشباب ممكن نفك ونغير ونجرب بدل المره عشره وهنعرف تفكير البياع والميكانيكى بينصب او غيره
بس حضرتك هيبقى تعب ديه نقطه وزهق غير ان الناس مبقاش عندها ضمير ويقولى نقولها اى حاجه وهيا مش فاهمه مع احترامى اكيد ليكى

لو جديد اضمن مكان حلمى سليمان لو استيراد يبقى نفس الطرمبه حمدى على