الموضوع: رابطة الوحوش ملاك السيفيا....الجزء الاول

انا كلمت الاستاذ تمام فى الحرفيين
قالى طرمبه الباور الاصلى عامله 350 جنيه ازاى بصراحه معرفش واكد عليه طرمبه الباور
فلو فعلا هتبقى جديده بالسعر ده هتبقى حلوه حتى لو مش اصلى
ده رقمه برضوا لو حبيتى تتاكدى

26975922 / 26972303 / 0176573388
الحرفيين - م السلام عماره الربيع اما بلوك 9

ولو كدا انا ان شاء الله ناوى اجيب واحده من عندوا على اول الشهر

نسيت حاجه حمدى على تحت الاستاذ

المشاركة الأصلية كتبت بواسطة dody_jaja

انا عندي مشكلة بعد ماركبت الاسكاطرةالجديدة، في الموال بتاع تصليح الباور كانت الطرمبة بتاعة الباور عاملة صوت والراجل قالي دي محتاجة تغيير، هغيرها بواحدة استيراد ومتقلقيش منها، المهم انه غيرها فعلا حوالي 3 مرات وكل مايحط واحدة تبوظ وكان بيقولي دة حصل عشان الطرمبة القديمة كانت عاملة رايش فهو دة الي بيبوظ الطرمبتين التانيين، ع العموم هو كان بيغيرهم من عنده على حسابه، المشكلة اني بعد ماركبت الاسكاطرة الجديدة وهو ركبلي الطرمبة الاستيراد كان في صوت عالي وقالي دة هوا ومع الوقت هيروح، مع الوقت الطرمبة كانت كل شوية تعمل مشكلة وتعلق ولما اروحله يقولي دة البلف بيعلق ودي حاجة بسيطة لو خبطتي على الطرمبة من برة هيتظبط لوحده وانا طبعا مش مقتنعة بالكلام دة ومش مقتنعة بالطرمبة اصلا لانها مش بتاعة السيفيا ولما سألته ازاي اي طرمبة تركب، مش المفروض يكون ليها ضغط مثلا معين بتشتغل عليه قالي لاخالص العربيات النقل بيركبلها طرمبات عربيات شاهين ومتقلقيش من الموضوع دة لاني طبعا خايفة على الاسكاطرة الجديدة، المفيد ان الطرمبة امبارح علقت تاني وانا زهقت من الحوار دة وعاوزة حل نهائي، من خلال خبرتكم ايه الافضل والحل الي يرحمني من مشاوير الميكانيكية، اجيب طرمبة استيراد بتاعة سيفيا واتاكد انها فعلا بتاعتها، ولا اجيب واحدة جديدة وعوضي على الله؟ ولو جبت استيراد، اضمن منين انها كويسة، وياريت حد يقولي ايه الاسعار بتاعة الاتنين ولو في حد ميكانيكي شاطر في الموضوع دة حد يقولي عليه عشان انا تعبت من الصنايعية كلهم.
معلش طولت عليكم بس انا واثقة في خبراتكم اكتر من اي حد لاني جربت كلامكم في اكتر من مشكلة والحمد لله كان تمام وكمان عرفت كتير عن العربية

فعلا الطرمبات ليها نسب انضغاط و مينفعش اى طرمبة تركب على التانية
و البلف الى بيعلق دة بتاع السرعة المفروض يشتغل مع السرعة
و بيكون موجود استيراد نضيف
بس مشكلة الطرمبات ان المفروض تخزينها بطريقة معينة و اى تخزين غلط بيبوظها زى الرشاشات مثلا ليها تخزين معين

بس انا عايز افهم بعد اذنك المشكلة فى اية ب الظبط فى الطرمبة
لو على الصوت ف دة ملوش اى تأثير فى الاداء هو صوت مش اكتر
اما لو الطرمبة ضعيفة ف دة كلام تانى
و لو على قد الصوت امشى بيها عادى مش هتعمل حاجة فى الاسكاطرة
الى يضر الاسكاطرة الضغط الزيادة مش القليل
و الضغط القليل هيتقل الباور شوية مش اكتر
و ياريت متخليهوش يجرب طرمبات كتير عشان ميبوظلكيش الاسكاطرة عشان اى طرمبة بتركب بتنضف الى فيها فى الزيت و بيترسب فى ال الاسكاطرة و دورة الزيت
و ربنا يوفقك و تلاقى طرمبة كويسة و لو محتاجة واحدة ممكن اشوفلك واحدة و اجيبهالك و طبعا على تجربة ..