رابطة الوحوش ملاك السيفيا....الجزء الاول

**max_ziro** · 15-05-2011 01:37 AM

المشاركة الأصلية كتبت بواسطة sephiaa2001

كلام جميل مقدر اقول حاجه عنوا
بس فى نقطه فين الجزء الى اسمو control valve فى العربيه

جوة الطرمبة..

**max_ziro** · 15-05-2011 01:42 AM

المشاركة الأصلية كتبت بواسطة sephiaa2001

تمام ياريس هيا عند حلمى سليمان لو مقدرتش اروح لحد هناك عندنا هنا قطع غيار نقل كتير
تسلم يا حبى
وعاوز تقولى اجيب تيل خلفى منين يكون نوع كويس
وايه رايك فى يوم الجمعه الجايه ولو حد عاوز يجى
ول ايوم من وسط الاسبوع

ممكن اجيبلك الفريكسا معايا من الاسماعيلية لو انت عايز انا مسافر الاربع و راجع فى نفس اليوم ..

**max_ziro** · 15-05-2011 01:47 AM

المشاركة الأصلية كتبت بواسطة dody_jaja

مبدئيا شكرا على الرد والمجهود
ثانيا، المشكلة في الطرمبة شوية حاجات كدة، اول حاجة لما ببقى راكنة واجي اطلع بالعربية الدركسيون بيبقى تقيل وعشان احس ان الباور شغال تمام لازم ازود بنزين وقتها بس بلاقي الدركسيون بقى خفيف معايا واعرف اطلع، يعني من الاخر الباور مش بيشتغل غير لما بزود بنزين ودة متهيألي معناه ان الضغط بتاع الطرمبة قليل، المشكلة التانية ان في صوت عالي مع نقلات الفتيس، زي ونة كدة طول مانا ماشية ودي مزعجة جدا وكانت قلقاني لاني مكنتش عارفة في الاول انها طرمبة الباور وخلتني اشك في الموتور وكنت هعمل موضوع ع الموتور، اخر حاجة ان البلف الي في الطرمبة كل شوية يعلق، يعني تقريبا كل 100 كم او اقل بيعلق، ولما البلف دة بيعلق الباور بيفصل تماما، يعني حتى الزيت مش بيقلب في علبة زيت الباور، الراجل الي شغال فيها بيقولي خبطي على الطرمبة من برة باي حاجة هيرد مكانه تاني ودة طبعا مش منطقى ومش مقنع خالص، اكيد البلف دة بيعلق لسبب انا مش عارفاه، تفسير الميكانيكي انه بيعلق لو في اي رواسب او رايش جه عليه، وهو غيره قبل كدة بس بيرجع يعلق تاني، وانا من الاخر عاوزة حل نهائي بس يكون التكلفة مش عالية ومتضرش العربية او الاسكاطرة
سؤال كمان عاوزة اعرف انا دلوقتي سايبة البلف معلق من امبارح ومش راضية اخبط عليه وقلت مش مشكلة استحمل وامشي من غير باور بدل مالطرمبة تبوظ الاسكاطرة، دة غلط على البلف بتاع الاسكاطرة ولا عادي كدة احسن؟
وشكرا على اهتمام وعلى ردودكم جميعا.

العفو عل اية بس
طبعا واضح جدا ان الطرمبة دى بايظة اساسا و لو حضرتك لسة جايباها لازم ترجع مينفعش تخديها خالص (معلش انا مش متابع القصة من الاول)
الطرمبة دى بليها بايظ و دة سبب الونة و كمان الانضغاط فى الضياع و كمان البلف بايظ طب اية الى سليم فيها؟؟
فى استيراد كتير نضيف و زى الجديد و بردو بيكون على تجربة
و لو حضرتك محتاجة اشوفلك و اقولك السعر اية
و الحاجة الوحيدة الى تأثر على الاسكاطرة الرواسب و الرايش و ماشابة ..

**max_ziro** · 15-05-2011 01:53 AM

المشاركة الأصلية كتبت بواسطة sakr122

والله اكيد انت ادرى وممكن فعلا يكون اللي حصل ده بسبب اني دوست فرامل مع تحريك الدركسيون

الحمد لله ربنا ستر وبعدين مانا قلتلكم يا اخوانا انا في الغرز والجري عييييضه
بس ادينا بنتعلم

ياباشا احنا الى بنتعلم من معاليك
و متركزش اوى مع موضوع الغرز و الشد دة ملوش لزمة اساسا

..

**max_ziro** · 15-05-2011 01:54 AM

المشاركة الأصلية كتبت بواسطة sephiaa2001

طب تمام لانى اخر مهزهق هشيل السير بتعها واخلص من ونها
هقولك بالبلدى كدا لان الملف الى فى الحوار ده مش عاوز يترفع
احنا عندنا بنقول علبه دركسيون او اسكترا
بس علبه الدركسيون ده نظام والاسكترا نظام تانى
علبه الدركسيون بتعتمد على جسم اسطوانى فيه اخدود حلزونى اشبة بالقلاووز و راكب علية صباع متصل بدراع لما السواق بيلف الدكسيون بيلف معاه الجسم الاسطوانى و القلاووز اللى محفور عليه بيحرك الصباع و الذراع الى متوصل بيه فى اتجاه معين و بيتم وصل الزراع دة ب اعمدة و وصلات لتحريك العجل والمشكله ان النظام ده بيبقى تقيل واستاجبه بطيئه عشان كدا مينفعش معاه نظام باور وبرضوا فى ناس بتسمى النظام ده اسم الحلزونه وده بيبقى فى القديم
اما الاسكترا فا هى ببساطة ترس صغير راكب على جريدة مسننة و لما تلف الدكسيون بتلفف الترس و هو بدورة بيزق الجريدة فى احد الاتجاهات النظام بسيط و سهل و خفيف الوزن و بيستوعب نظام الباور بسهولة و موجود على العربيات الحديته
النظام ده بيكون فى بلوف او حساسات بيوصل ليها زيت الباور عشان كدا بنقول طرمبه باور لو بايظه تتغير عشان متاثرش عليها

بالنسبه لقى لبف الطرمبه انا برضوا اول مره اسمع الموضوع ده

يا عم منا عارف الكلام دة
بردو مش فاهم بلف حساسا الاسكاطرة دة بيكون فين ؟؟ و اية وظيفتة ؟؟

**Esam Mosaad** · 15-05-2011 10:04 AM

دلوقتى فى حاجه تانيه وده من استنتاجى انا وبناء على حجات شوفتها احنا مكناش مقتنعنين ان فى حاجه اسمها فصل الطرمبه بعد أل 100 تمام
وطلع كلام صحيح لان الطرمبه مبتفصلش
لكن ماكس جهه فهمنا موضوع الاداه control valve الى بتقلل الضغط مع الطرمبه وبالتالى الدركسيون هيتقل تمام كدا وتشكر يا ماكس
طب لو كانت بتفصل كنا هنقول فيشه متوصله وبعد سرعه معينه بتفصل وطلع كلام غلط
لانوا طلع ضغط باcontrol valve تمام طيب لو قولنا ان الطرمبه بايظه فاكيد الطرمبه ادائها مش
هيبقى على اكمل وجه يعنى اجزاء الطرمبه من جوه مش شغاله تمام سواء بقى بلى او بلوف او بقيت اجزائها
طب ماكيد الموضوع ده هياثر على الكنترول بتعها الى بيقلل الضغط وبالتالى هوا كمان مش هيشتغل بافضل اداء عندوا وعشان كدا على السرعات مش بحس بتقل الدركسيون ده مع الناس الى الطرمبه بتعتهم بايظه
غير النقطه ديه طيب لو الطرمبه بايظه فاكيد الكنترول مش هيشتغل بكفاءه وده ماكس وضحوا ووضح خطرتوا انو ممكن
يفجر الاسكتر ا من الضغط الجامد عليها تما لحد كدا
طب انا كان عندى الخرطوم الى واصل من الطرمبه الى الاسكترا بيضرب زيت وكل مره اغيروا وكنت مستغرب ليه
بيضرب زيت وفى اخر مره فاكر انى ربطوا بافيز جامد والحمد لله مبقاش يضرب بس انا نقلت الضغط من على
الخرطوم لحته تانيه لانها بقت تخرج زيت من الطرمبه نفسها وبمعنى كدا برضوا ان الضغط فيها عالى وبيضرب زيت
بغض النظر عن الزيت بيضرب منين طب مده برضوا اكيد بياثر على الاسكترا لان الاسكترا بتعتى القديمه كانت بتنقط
زيت الباور وكل شويه كنت بزود زيت وعشان كدا غيرتها الكلام ده ايام التوكيل
بلاش برضوا موضوع الاسكترا بتعتى
الى فهمتوا من الملف ومن كلامك يا ماكس ان لازم الطرمبه تبقى سليمه عشان موضوع الضغط الى بيحصل فيها
لان لو فرضنا ان الضغط مش شغال كويس او بايظ فاكيد هيبقى فى خطورة زى منتا بتقولى على الاسكترا والخراطيم
وغيرها

بالنسبه بقى للبلوف مكنها اكيد فى الاسكترا وظفتها ايه انا ذيك برضوا معرفش بس هيا بتضرب لو فى ضغط على الاسكترا عشان كدا انا جيت وقولت بلوف الاسكترا وبتلاقى حد بيشتكى من الاسكترا بتنقط زيت الباور وبيكون عيب بلوف
فيبقى نمشى من غير طرمبه باور احسن منمشى بيها وهيا بايظه صح ولا ايه
والله اعلم

**Esam Mosaad** · 15-05-2011 10:05 AM

ممكن اجيبلك الفريكسا معايا من الاسماعيلية لو انت عايز انا مسافر الاربع و راجع فى نفس اليوم ..

طب هوا عامل كام ؟

انا اتصلت بحلمي سليمان لقيت الطرمبة سعرها جديد 750، والسعر يعتبر عالي لاني لسة جايبة كمان الاسكاطرة جديدة فطبعا صعب اغير الطرمبة كمان بواحدة جديدة دلوقتي، انا كنت عاوزة اعرف هل في انواع طرمبات جديدة برضو ممكن يكون سعرها اقل من كدة؟؟ انا عارفة انها طبعا مش هتعيش زي الاصلية دي بس اهي حاجة تمشي الدنيا شوية
وشكرا على ردك السريع ومعلش ياباشا تاعباك معايا

حضرتك انا كان عندي صوت زنة برضو في الباور وده من اكتر عيوب السيفيا ونزلت جبت واحدة استيراد من عند ابوادهم في الوكالة قاللي 300 جنيه فاصلت معاه وخدتها ب 250 وركبتها وماشاء الله زي الفل وحطيت زيب نضيف(شيل) ولا أي صوت موجود دلوقتي ووفرت 500 جنيه تمن واحدة جديدة الكلام ده من اسبوعين ورقم ابوادهم 25758496 أمام أدريني بتاع الكبده[/quote]

اذيك يا هانى ايه اخبارك والله ابو ادهم ده اسعاره غريبه انا لما بكلموا بيقولى 450 جنيه
بس كويس ان حظك حلو

الموضوع: رابطة الوحوش ملاك السيفيا....الجزء الاول

LinkBack

أدوات الموضوع

عرض

-

-

-

-

-

-

-

المواضيع المتشابهه

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا (ج2)

الى رابطة وحوش السيفيا الحقونى

مقابــلة الوحوش - الجزء الخامس

الكلمات الدلالية لهذا الموضوع

المفضلات

المفضلات

ضوابط المشاركة