الموضوع: رابطة الوحوش ملاك السيفيا....الجزء الاول

السلام عليكم
اخوكم كريم ولا نستوني اتاخرت عليكم معلش بس كنت بقضى فترة اشغال شاقه مع الصنايعيه منهم لله
رحله عذاب بس اتعلمت فيها كتيييير
هبدأ من اخر مره كتبت وذكرت العيوب اللي في العربيه
واللي انا عملته كالاتى
1- غيرت مساعدين امامى منرو استيراد ب 300
2- غيرت زيت وفلتر زيت 250
3- غيرت لمبات التابلوه والفوانيس بالكامل 200
4- شحنت التكييف وعزلت سلوك الماتور التابلوه 200
5- اريال استيراد 120
6- كونسول استيراد بالمسند 150
7- رشيت الاكر الجزئين الداخليين والحته بتاعه السجاير اللي في الباب والهوايات وزراير الكهربا لون فضى 200
8- فرش جلد احمر في رصاصي والقوايم كلها احمر والحته اللي ورا السماعات احمر 1000 بس تحفه
9- انزار 160 ولف وحدتين رفع 110 تركيب 120
10- تيل امامى 75 كوري وخلفي وخرط الطنابير ب 50 والميكانيكى 50
11- لزقت الطابلوه 50 ج تمن 10 انبوب امير و10 جوانتى وشويه سرنجات وكده يعنى بقي معقول
12- فلتر بنزين 25 فلتر هوا 25 سير كاتينه ايطالي 75 والميكانيكي 120 طبعا بعد ماحرق حساس الايدل كنترول (وجبته ب 200 استيراد) وكان مركب سير الكاتينه غلطت منه لله وحسبي الله ونعم الوكيل
13- ستاير كبس خلفية
14- بوجيهات 2 شمعه وسلك بوجيهات جديد
15- فاضلي اجيب موبينه واشوف ايه اللي حصل في عوامه البنزين مش بتعلي ولا تنزل واقفه علي النص واجيب مكنه ازاز خلفي يمين تقيله جدا جدا

المشاركة الأصلية كتبت بواسطة h a r d

كان لازم اعزق يعنى

منورنا ياريس بالمناسبه عاوزك تقولنا اخبار العربيه ديه معاك ايه
من حيث قطع الغيار والصيانه
لان بصراحه مذا واحد دخل على المنتدى وكان قدامو السيفيا 1 بس كنا بننصحوا بسيفيا 2 عشان قطع الغيار متوفره اكتر
فبما انك بقى معاك العربيه قولنا ايه اخبارها معاك

مشاكل العربيه ديه امرها سهل كلها بسيطه
التبلوه قبلت كل الناس
والحمد لله قدرنا نتوصل لتلت حلول
لاما يتزنق بحاجه مع الترعيض للشمس وديه فكرتى
او فكره ماكس انك تلزق التبلوه بامير
وفكره سامح والاخيره انك تروح لواحد يخرجلك التيلوه ويظبطهولك ويرجعلك كل حاجه زى مكانت واحسن

اول فكره هتعمل بسيطه وعاوزه صبر
لو التبلوه عندك قابب لفوق وده عن تجربه عملتها عندى
التبلوه عندنا بيتاثر بالحراره والشمس عشان كدا بيطرقع لفوق
فانت برضوا هتعلجوا بالحراره والشمس
هتوقف العربيه قد 3 او 4 ساعات فى السمش تمام وبعد كدا هتم الاتى
هتجيب ملايه كبيره وهتبدى تزنقها كويس بين التبلوه والازاز هتلاقى التبلوه هيرد معاك لتحت
المهم هتزنق جامد وعلى مهلك وانساها بقى لمده 3 او اربع ايام كدا
وبعد كدا شيل الملايه هتلاقى التبلوه رجع رد تانى لتحت ولو حسيت بعد كدا انوا يجرى تانى هتبتدى تزنقوا بقى باى حاجه صغيره

الفكره التانيه فكره ماكس
والراجل كان عامل موضوع هجبهولك انوا حقن التبلوه بامير وبرضوا بيتزنق لحد مينفش
والموضوع ادى معاه تمام
http://www.nilemotors.net/nile/173421-a.html

فكره سامح بقى
انوا راح لواحد متخصص وظبطهولوا تمام بصراحه وانا شوفتوا وشغلوا نظيف

بالنسبه لمكن الازاز طبيعى يكون بطىء من الاستخدام الفتره ديه كلها كتير خيرو
هتحاول الاول نظف مجارى الازاز وميكنش بزيت عشان هيلم تراب
وبرضوا شوف البطء من اللوحه الرباعيه ولا من كل زرار
او بمعنى تانى يعنى كل ازاز بيكون ليه زرار لما بترفع من الزرار الى عند كل ازاز بيطلع بسرعه ولا لا
لو بيطلع بسرعه وبيطلع ببطء لما بيتجى ترفع من اللوحه الرباعيه يبقى حاول انك تنظفها باسبراى وتبص على لوصلات بتعتها

لو مكنش فى كل الكلام ده يبقى هتلاقى شربون المكن عاوز يتغير وهيرجع معاك تمام وزى الفل

بالنسبه لموضوع السرعه انا مش معاك فيها بصراحه 120 نفسها كتير اوى
مع الطرق بتعتنا هتلاقى العربيه بتترقص بيك حتى لو راكب بى ام
غير لو فى هوا برضوا هياثر معاك جامد
والعومان بيكون ليه اسباب كتير انت ابتديت بالزوايه وده صح
اكشف على الاتى
أظبط زوايا وتأكد من سلامة المقصات والميزان الاماميين وان مافيش عجلة مأخرة عن التانية
اضبط زوايا ورا وتأكد من سلامة جلب المقصات الخلفية
العربية متكونش مرفوعة من ورا ومكفية من قدام وشوف لو انت مركب ليها علايات ولا لا
اتاكد ان علبة الديريكسيون مافيهاش بوش

اولا انا بشكرك جدا على زوقك وردك التفصيليى انا هاحاول اشوف الحلول واحد واحد
بص يا باشا العربيه ديه جميله جدا وهاحاول اقول الموضوع فى مميزات وعيوب

المميزات
احسن عربيه ممكن تشتريها فى حدود 26 - 30 الف (من وجهة نظرى بعد بحث 3 شهور على حاجه فى حدود المبلغ ده)
شكلها حلو من بره ومن جوه وحديث نوعا ما (مقارنة بحاجات تانيه فى نفس السعر زى تمبرا - كورولا 86
موديل مش قديم 95 و96 (96 افضل قليلا)
كماليات معقوله جدا على السعر ( تكييف - باور - 4 ازاز كهرباء - سنتر لوك)
مشاكلها قليله جدا والحمد لله
موتور 1500 انجكشن قوى
تشتغل على بنزين 80 بكفاءه عاليه مع انها انجكشن
الموتور استيراد 1800 - 2000 جنيه (من غير فتيس)
فى حاجات من سيفيا 2 (من 99 وطالع) تركب عاليها)
قطع الغيار الاستيراد فى الوكاله والحرفيين وكتيير

العيوب
واطيه على الارض (زى معظم الكورى) والحل هو تركيب كاوتش كبير شويه او عاليات
مكن الازاز بطئ جدا (ليه كذا حل برده)
مشكلة التابلوه المطقطق (الاخوه عرفولو اكتر من الحل الحمد لله)
ضيقه شويه (نفس وسع ال لانوس)
قطع الغيار الجديده بعضها نادر شويه بس استيراد فى كل حاجه ورخيصه (فى حاجات سيفيا 2 ممكن تركب عليها)

ارجو انى اكون افدتك

===========
سامح غنيم