الموضوع: رابطة الوحوش ملاك السيفيا....الجزء الاول

صباح الفل يارجالة
تم اليوم فك طمبورة الكرنك و معاينتها و تفكيكها و تمحيصها و التفكير فيها و فى كل فتفوتة و كل نمنومة
و توصلت انا و الاخ الميكانيكى المخضرم الاتى
ان الهدف من الكلتش الجلد الى ف الطمبورة هو الاتى
انها تكون قطعة استهلاكية و ليست قطعة زات اهمية ولا قطعة ذات منسوب امان عالى لية بقى حد يسألنى
اقولكوا لية
تركيب الطمبورة كا الاتى
فى مجموعتين مكونين للطمبورة دى
مجموعة داخلية و دى عليها سير الكاتينة
و متوصل بيها طرمبة الزيت و طرمبة المية دة ب النسبة للجزء الداخلى
اما الخارجى منها مكون من جزأين بردو
جزء راكب علية الدينامو لوحدة
و الفردة التانية راكب عليها الباور و التكيف
يعنى نستنتج اية من كل الكلام دة
نستنتج ان الطمبورة لو فوتت و انت ماشى او حصلها اى حاجة العربية هتفضل ماشية بردو و مش هيحصل حاجة غير انها هتقطع باور و تكيف بس مش اكتر
طب يا عم هو الخواجة اهبل ؟؟
لا طبعا الخواجة مش اهبل
الخواجة عمل دى على انها نقطة امان ثانية اذاى تانية اقلكو
دلوقتى انهى اقوى الطمبورة ولا السير ؟؟
اكيد الطمبورة
طيب فى حالة ان الكمبريسور لقدر الله قفش و الى سايق دى طور الله فى برسيمة و مخدش بالة من الصوت الفظيع الى هيحصل و مقفلش التكيف الى هيحصل ان السير هيتفرتك قبل ما الطمبورة تحس ب اى حاجة خالص
طيب بلاش الطمبورة
الكرنك هيحصلة اية
اقولك انا ولا الهوا اولا لان السير هيتفرتك ثانيا ان قوة الكرنك الى بتتحمل الانفجارات و نزول البساتم و الرزع و الهبد المردود بتاع السير هيكون نقطة جمبة ولا اى حاجة خالص

يعنى من الاخر يا عم بعد الرغى الكتير دة نعمل اية لو لقدر الله طمبورتنا فوتت
اقولك انا بدال ما تجيب طمبورة ب 175 او 250
الحل كا الاتى
هتروح تفك الطمبورة و تطلع بيها على استاذ لحام و يلحملك الجزأين فى بعضيهم بدقة متناهية و دى مقصود بيها الاتى
ولا حتة يمين ولا حتة شمال ولا حتة لفوق ولا ملى لتحت عشان اقل حاجة هتعمل رفة فى الطنابية و دة معناه ارتدادات غير محببة
و اجمالى الموضوع دة ب الفك و التركيب تكلفتة 30 جنية و بكدة تكون جبت طمبورة جديدة ب 30 جنية بس
و ادينا فى مرحلة التجربة و يا مسهل الحال يا رب
على فكرة بعد ما غيرت الطمبورة اكتشفت انى تقريبا كنت ماشى ب نص باور مش باور و يا مسهل الحال يا رب
و يارب سهلها على ما نجيب جوز مساعدين خلفى ادعولى يا ناس و ب الصدفة البحتة اكتشفت الاتى
ان السيفيا و الفيرنا و الالنترا ليهم ايدل واحد كلهم زى بعض و اغلب حساسات الالنترا زى حساسات السيفيا بس لازم حد مخضرم يعمل التعديلات فى التركيب و ب النسبة للاسعار اغلب حجات الهيونداى الداخلية للمحرك اغلى من بتاعت السيفيا
مثلا الحساس دة لو واخدة على انة بتاع النترا بيكون ب 150 و لو واخدة على انة بتاع سيفيا بيكون ب 100 و انت و شطراتك و الله اعلم
و اى استفسارات عن اى حاجة فى المتور انا فى الخدمة
عشان انا لسة حاضر فتح متور انهاردة و شكلى كدة هشترى متور خفيف امن اى حد و اقعد اتسلى و استكشف فية براحتى ..

كل الى اقدر اقوله ماكس باشا عمود كردان الرابطه
وياربنس الليالى يا رمنت الميزان يا هاف دفندر قلبى فينك من زمان
معلومات جميله يا ماكس
ومن ضمن برضوا عوامل الامان الى بتعجبنى لو السير الكاتينه انقطع ملهوش خطوره

شوفت انت واحد فى قسم السيفك فك الماتور بتاعه وعمله عمره !!