صباح الخير يا رجاله ربنا يعينك يا ماكس ويا عصام وان شاء الله العربيه تبقي تمام معلش انا مقصر شويه بس ربنا يعلم ظروفي صعبه اليومين دوول انا طبعا كالعاده مفهمتش موضوع الاكصدامات ده بس لما اروق كده هكلمك يا عصام وافهم منك الدنيا فيها ايه ياصقر بلاش تلعب في الحساس لانه غالي وبيبوظ من مجرد التفكير في تنضيف وغالي انت اقرص علي العربية شويتين صحيح هو مينفعش يتلغى؟!
اذيك يا باشا انت فعلا مختفى شويه ان شاء الله يكون المانع خير
بالنسبه للاكصدمات ده ماكس الى عمل تعديل فيها يا باشا
وزى مقال ماكس مينفعش يتلغى
ماشي يا عص انا شاري علي 1000 وتحت التجربة يا إما تخلي بالك علي عربيتك
بالنسبة لغزالي ربنا معاه ويخلص العربية علي خير وتبقي تمام التمام
يا باشا شوف انت ظروفك وعاوز نتقابل امتى وفين
بس انا ارجح بقى تيجيلى القناطر بس هترجع مواصلات يكون فى علمك
وغزالى انهارده عديت على عربيته لقيت الراجل بيفك الرفرفين الى قدام وربنا يسهل
هههههههههههه
هفكر فيها
ياااة لو كنت قلتهالى قبل التركيب كان زمانى عاملها دلوقتى
انهارده
ماشى من المعادى الى وسط البلد ومشغل التكييف الى مس حاسس بيه اصلا
وفجاءه جت اشاره والاقى دخانه بيضه طالعه من الكبوت بصيت على مؤشر الحراره لقيتوا فى النص
رحت راكن ومبطل التكييف ونزلت افتح الكبوت لقيت دخنه رحتها وحشه من عند الكمبروسور طبعا مش عارف ده ايه
واديقت جدا
جه فى دماغى انوا اتحرق فى مشكله
او ممكن يكون من زيت الباور الى ادلق عليه ومن السخونيه عمل كدا بس مفتكرش
المهم طفيت التكييف وروحت على بتاع بيبان عشان عندى صوت فى البا الخلقى جننى ومش عارف اعمله ايه قالى تعالى لما الجو يطرى قولتلوا ماشى
طلعت على بتاع تكييفات قالى تعالى لما الجو يطرى
طلعت على ميكانيكى عشان المساعدين ناشفين اوى استغرب هوا كمان من ان المساعدين ناشفين كدا ومعرفش هما زيت ولا غاز وقالى تعالى بليل على المغرب رحت قايلوا لما الجو يطرى
مش عارف هما متفقين ولا ايه
والغريبه ان مع تشغيل التكييف وقت طويل مياه الريدتاير بتقل بسيط ومستغرب رغم انى سالت كذا واحد قالى عادى بس مش مقتنع
امبارح تم الاتى
رحت لغزالى عشان نودى العربيه للسمكرى السمكرى بعيد حوالى 4 كيلوا طبعا هوا كان فى شغله
العربيه خرطوم الباور لازق فى طنبوره الباور
غير الريداتير لازق فى وش الفرن او تحديدا مروحه التكييف لابسه فى وش الماتور وطبعا الريدتاير مخروم
وكان المفروض لاما القطر او انها تتشال على ونش
المهم فتحت الكبوت وبعد الخرطوم بايدى وحسيت انو بقى سهل القطم ربنا يسترها
وزودت العربيه بالميه وابتدت تنقط
وقبل محط البطاريه كان طبعا سلوك كهربا قدام كتير مطرح الزينون وغيره وكلها سلوك عريانه بجانب سلوك معرفش جايه منين
المهم قصفت كل السلوك للامان
ودور يا عم دارت تمام مكنش فى مشاكل غير ان الميه بتنقط ابتديت اتحرك بالعربيه العربيه مبتخدش بنزين غير بالعافيه
تحت انها ماتور 500 سى سى
بس بتمشى طلعتها لحد مكان فى عربيات نص نقل وابتدنا نتفاوض مع واحد يقطر ويجر
طبعا ربنا يسترها على الماتور ويكون حاجه بسيطه الى ماثره فى العزم بتاعه والله اعلم ايه
قطرنا العربيه لحد الراجل وكان مشوار منيل بنيله محدش صابر ولا حد شايف منظر العربيه من قدام ومن ورا الكل عاوز يعدى وخلاص
قولت فى عقل بالى العربيه كدا كدا مدشدشه يعنى الى عاوز يعدى هوا الى هيتعور وفعلا ابتديت امشى ابجح والكل خاف
الا بتوع الموتسكلات يجى فى النص عادى جدا ولا حياه لمن تنادى ربنا يخدهم
وصلنا للراجل ومن عنده طلعنا على الحرفيين
وصلنا لحمدى على واخيرا جبت رقمه
وابتدى مشاور الاسئله الرخم بتاعى وديه الاسعار الحجات الى جبتها ومش جبتها
جنا كبوت ابيض ب 850
اكصدام امامى بالشاسيه ب 1000 جنيه الاكصدام لوحده عامل 650
ريداتير وسربنتينه وكبسناهم عاملين 900 جنيه
شاسيه خلفى ب 400
يعنى حسبه 3150 وده كان بعد الفصال واخد 3050
طبعا الاسعار عند ناس تانيه معديه فعلا كل حاجه راحه فى داهيه
وربنا يسترها والعربيه تخلص على خير
وبعد كدا نشوف الماتور ناوى على ايه
السلام عليكم ورحمه الله
أزيك يا عصام عامل ايه ربنا يعينك انت و غزالى على العربيه و ترجع أحسن من الاول أن شاء الله و يبعد عنكم الناس الرخمه اللى فى الشارع عشان أنا عارف الشعور ده كان حصل من فتره عربيه واحد صاحبنا أتقلبت و مكنتش بتمشى و كنا بنحركها زق كنت عملهم فيها ظابط مرور أوقف الشارع من هنا و الباقى يزق العربيه و كانت حاجه ايه
لا طبعا السمكرى دة مش فاهم اية الى تم
الى تم يا سيدى ان الشاسية راكب على فرد شاسية العربة مباشرة منغير اى تعديل علية او قص
و دة معناه اية
ان مراحل انهيار الشاسية بتاع الاكصدام
و مراحل انهيار الى العربية متصممة عليها واحد ب اختلاف درجات الصلابة مش اكثر و لو انت ركزت شوية فى الصور هتفهم الى بقلولة
و الخلفى هيكون نفس الكلام بردو مناطق اهيارة متطابقة مش الشاسية ب اختلاف درجات الصلابة بس
و هركب الخلفى عشان بردو هيركب بنفس الوضع على فرد شاسية العربية
و كمان الشاسية نفسة فية مراحل انهيار
و لو كان كلام السمكرى دة صح كان زمان كل الانوس الى فى البد متفعص ياراجل
و عشان كلام السمكرى يبقى تمام و فعلا يكون التأثير ب السلب على العربية نفسها يبقى لازم اكون مركب مواسير حديد او اركب اى حاجة عير مصممة بمراحل انهيار
و لو مسكت الشاسية دة ف ايدك هتلاقى فية اجزاء متداخلة فى بعضيها عشان لو لقدر الله العربية اتخبطت الاجزاء دى كلها بتخش جوة بعضها و بيتنى بشكل معين على الفرد بتاعت الشاسية جوة بعضية زى البيانو كدة
و ربنا يسترها معانا و معاك
على فكرة الشاسية الفايبر دة اضعف مما تتخيل و ملوش علاقة بمعاملات امان العربية
انا لسة شايف خريطة مراحل انهيارها و هو مش محطوط فيها اصلا
اول مرحلة انهيار فى الكبوت
يعنى اى حاجة هتتحط قدام مرحلة الانهيار الاولى هتكون ب الايجاب مش ب السلب
و على فكرة عدم وجود شاسية خلفى عندنا دة عامل عيب فى العربية هتلاقى اغلب السيفيات فيها شروخ فى الشاسية فى الشنطة من عند الاستبن كدة
و دة سببة عدم توزيخ قوة الصدمة ف اى حد بيتخبط من ورا بيدخل على فرد الشاسية علطول
و من ادام بردو
اما لما بتركب الشاسية المعدن دة بتوزع الخبطة على الفردتين
دز الميزان بتاع العفشة كدة
دة ب الاضافة ان الشاسية الى راكب دة مش عمولة
لا دة مصمم على درجات امان بردو
و الله اعلم ..
و بعون الله اول ما اخلص موضوع العزل دة هوريكوا الصور ..
و الله العظيم انت راجل زى الفل و عشره على عشره
و الف الف مبرووووك على التعديلات
هوا غسيل العربيه ملهوش علاقه لانك مجتش جمب الحساسات
وبعدين عندك الاديل الله يخرب بيته هوا الى بيعمل الكلام ده
حاول تروح مشوار تقرص عليها شويه عشان الكربون الى عليه
وتجرب لو مكنشى يبقى تنظفه
المشاركة الأصلية كتبت بواسطة kbarema
ياصقر بلاش تلعب في الحساس لانه غالي وبيبوظ من مجرد التفكير في تنضيف وغالي انت اقرص علي العربية شويتين
تمام يا رجالة يا انا فعلا مشيت عليها شويه وظبط الحمد لله
المشاركة الأصلية كتبت بواسطة max_ziro
حصلت معايا و كان سببها ان قطاش البطارية كان مفكوك من الضغط بتاع المسدس
و الحاجة التانية ان حساس التكيف يكون معلق
و ان شاء الله هتكون الاولانية ..
يا اخي انت بجد ملكش حل
فعلا قطاش البطاريه كان مفكوك قبلها وربطه وانا في البنزينة
انت ايه يا عم حاوي ولا كنت شغال في التوكيل ومخبي علينا؟؟
المشاركة الأصلية كتبت بواسطة H A R D
المهم طفيت التكييف وروحت على بتاع بيبان عشان عندى صوت فى البا الخلقى جننى ومش عارف اعمله ايه قالى تعالى لما الجو يطرى قولتلوا ماشى
طلعت على بتاع تكييفات قالى تعالى لما الجو يطرى
طلعت على ميكانيكى عشان المساعدين ناشفين اوى استغرب هوا كمان من ان المساعدين ناشفين كدا ومعرفش هما زيت ولا غاز وقالى تعالى بليل على المغرب رحت قايلوا لما الجو يطرى
مش عارف هما متفقين ولا ايه
ايه يا عم كل الحاجات اللي ورا بعضها دي على العموم ان شاء الله تكون حاجه بسيطة في التكييف وتتعمل بسرعه
وبالنسبة لان ميه الردياتير بتنقص انا برضو ماعتقدش انه عادي بس غالبا ان شاء الله تتحل بعد ما تظبط التكييف
او ممكن تستنى شويه لما الدنيا تطري
فهمت قصدك ياباشا
انت ممكن تشحم مجموعتين نقل الحركة الى ف العمود بتاع الدركيسوت
و لو هتعرف تفك الدركسيوت و تدى الغويشة حبة دابليو فورتى يبقى كدة مية مية
مش هتسمع تزييق تانى سنة على الاقل
و الف مبروك على الطرمبة ياباشا ..
@@#@@#@@
واحدة واحدة علي يا ماكس باشا افك الدركسيون ازاي وهشحم ازاي معلش اشرحلي كده ع الهادي عشان امشي معاك واحدة واحدة وهرش دبليو40 من الدركسيون ولا من عند الكبوت معلش قولي عشان انا مش عارف
منتظر ردك يا باشا
تمام يا رجالة يا انا فعلا مشيت عليها شويه وظبط الحمد لله
يا اخي انت بجد ملكش حل فعلا قطاش البطاريه كان مفكوك قبلها وربطه وانا في البنزينة انت ايه يا عم حاوي ولا كنت شغال في التوكيل ومخبي علينا؟؟
ايه يا عم كل الحاجات اللي ورا بعضها دي على العموم ان شاء الله تكون حاجه بسيطة في التكييف وتتعمل بسرعه وبالنسبة لان ميه الردياتير بتنقص انا برضو ماعتقدش انه عادي بس غالبا ان شاء الله تتحل بعد ما تظبط التكييف او ممكن تستنى شويه لما الدنيا تطري
ياباشا و انا اجى اية جمب معاليك
كلة بتوجيهات سعادتك
و ربنا يخليك لينا ياباشا
و اتفق معاك فى موضوع المية الى مينفعش تنقص ..
..لا اله الا الله ..
..سبحان الله و بحمدة سبحان الله العظيم ..
http://www.nilemotors.net/Nile/284167-3.htmlرابطة الوحوش ملاك السيفيا
المفضلات