رابطة الوحوش ملاك السيفيا....الجزء الاول

**max_ziro** · 06-07-2011 06:39 PM

المشاركة الأصلية كتبت بواسطة roland_yamaha

الف مبروك يا ماكس ع التعديلات جامدة جدا
عاوز اسألك علي حاجة لو عاوز اشحم طارة الدركسيون ممكن احط فيها زيت من فوق وينزل براحته لحد تحت ولا مينفعش

الله يبارك فيك ياباشا

و للاسف مش فاهم قصد حضرتك فى موضوع التشحيم دة

**max_ziro** · 06-07-2011 06:41 PM

المشاركة الأصلية كتبت بواسطة elhelawy

بسم الله ما شاء الله يا ماكس من قبل ما تحط الاكصدام شكلها جميل ربنا يديك خيرها ويكفيك شرها
بس عايزين تكلفت الحاجات دى اد ايه ؟

ربنا يخليك ياباشا

تكلفة الحجات دى كلها 250 جنية

**max_ziro** · 06-07-2011 06:56 PM

المشاركة الأصلية كتبت بواسطة h a r d

ما شاء الله جميله يا ماكس بس لو عملت الى قدام بلاش تعدل فى الى ورا
لان انا بعد الموضوع بتاعك ده وبعد حادثه غزالى
فكرنا نعمل الاتنين ذي منتا ناوى تعمل كدا بما انهم عاوزين يتغيروا تمام
منها حديد ويستحملوا ومنها تكلفه ارخص

لما اتكلمنا مع السمكرى قالى ميكربش بس نجرب شاسيه الانوس
وبعد كدا قالى لو الاتنين شاسيه حديد وعمل الدثه بيهم كان جسم العربيه راح
لان مفيش عامل امان لامتصاص الصدمه زى اكصدام الفيبر
وفى نفس الوقت الاكصدام الحديد مش هميتص معاك
وبالتالى الى هيتاثر بيها جسم العربيه او شاسيه العربيه ولقيت ان كلاموا فعلا مقنع
عشان كدا عاملين الاكصدامات فايبر عشان تمتص حزء من الصدمه ومتاثرش على الشاسيه
حتى لما اتكلمت مع استاذ وائل اكدلى نفس المعلومه والله اعلم

فلو فعلا عملت الى قدام يبقى متعملش الى ورا
بس بغض النظر العربيه ما شاء الله شكلها جميل
وعاوزين نشوف بقى الفديوهات يا ريس وانت مشمر
ونشوف بعد الفنش الاخير
وايه اخبار الغزل معاك

لا طبعا السمكرى دة مش فاهم اية الى تم
الى تم يا سيدى ان الشاسية راكب على فرد شاسية العربة مباشرة منغير اى تعديل علية او قص
و دة معناه اية
ان مراحل انهيار الشاسية بتاع الاكصدام
و مراحل انهيار الى العربية متصممة عليها واحد ب اختلاف درجات الصلابة مش اكثر و لو انت ركزت شوية فى الصور هتفهم الى بقلولة
و الخلفى هيكون نفس الكلام بردو مناطق اهيارة متطابقة مش الشاسية ب اختلاف درجات الصلابة بس

و هركب الخلفى عشان بردو هيركب بنفس الوضع على فرد شاسية العربية

و كمان الشاسية نفسة فية مراحل انهيار
و لو كان كلام السمكرى دة صح كان زمان كل الانوس الى فى البد متفعص ياراجل

و عشان كلام السمكرى يبقى تمام و فعلا يكون التأثير ب السلب على العربية نفسها يبقى لازم اكون مركب مواسير حديد او اركب اى حاجة عير مصممة بمراحل انهيار
و لو مسكت الشاسية دة ف ايدك هتلاقى فية اجزاء متداخلة فى بعضيها عشان لو لقدر الله العربية اتخبطت الاجزاء دى كلها بتخش جوة بعضها و بيتنى بشكل معين على الفرد بتاعت الشاسية جوة بعضية زى البيانو كدة
و ربنا يسترها معانا و معاك
على فكرة الشاسية الفايبر دة اضعف مما تتخيل و ملوش علاقة بمعاملات امان العربية
انا لسة شايف خريطة مراحل انهيارها و هو مش محطوط فيها اصلا
اول مرحلة انهيار فى الكبوت
يعنى اى حاجة هتتحط قدام مرحلة الانهيار الاولى هتكون ب الايجاب مش ب السلب
و على فكرة عدم وجود شاسية خلفى عندنا دة عامل عيب فى العربية هتلاقى اغلب السيفيات فيها شروخ فى الشاسية فى الشنطة من عند الاستبن كدة
و دة سببة عدم توزيخ قوة الصدمة ف اى حد بيتخبط من ورا بيدخل على فرد الشاسية علطول
و من ادام بردو
اما لما بتركب الشاسية المعدن دة بتوزع الخبطة على الفردتين
دز الميزان بتاع العفشة كدة
دة ب الاضافة ان الشاسية الى راكب دة مش عمولة
لا دة مصمم على درجات امان بردو
و الله اعلم ..

و بعون الله اول ما اخلص موضوع العزل دة هوريكوا الصور ..

**Esam Mosaad** · 07-07-2011 12:53 AM

لا طبعا السمكرى دة مش فاهم اية الى تم
الى تم يا سيدى ان الشاسية راكب على فرد شاسية العربة مباشرة منغير اى تعديل علية او قص
و دة معناه اية
ان مراحل انهيار الشاسية بتاع الاكصدام
و مراحل انهيار الى العربية متصممة عليها واحد ب اختلاف درجات الصلابة مش اكثر و لو انت ركزت شوية فى الصور هتفهم الى بقلولة
و الخلفى هيكون نفس الكلام بردو مناطق اهيارة متطابقة مش الشاسية ب اختلاف درجات الصلابة بس

و هركب الخلفى عشان بردو هيركب بنفس الوضع على فرد شاسية العربية

و كمان الشاسية نفسة فية مراحل انهيار
و لو كان كلام السمكرى دة صح كان زمان كل الانوس الى فى البد متفعص ياراجل

و عشان كلام السمكرى يبقى تمام و فعلا يكون التأثير ب السلب على العربية نفسها يبقى لازم اكون مركب مواسير حديد او اركب اى حاجة عير مصممة بمراحل انهيار
و لو مسكت الشاسية دة ف ايدك هتلاقى فية اجزاء متداخلة فى بعضيها عشان لو لقدر الله العربية اتخبطت الاجزاء دى كلها بتخش جوة بعضها و بيتنى بشكل معين على الفرد بتاعت الشاسية جوة بعضية زى البيانو كدة
و ربنا يسترها معانا و معاك
على فكرة الشاسية الفايبر دة اضعف مما تتخيل و ملوش علاقة بمعاملات امان العربية
انا لسة شايف خريطة مراحل انهيارها و هو مش محطوط فيها اصلا
اول مرحلة انهيار فى الكبوت
يعنى اى حاجة هتتحط قدام مرحلة الانهيار الاولى هتكون ب الايجاب مش ب السلب
و على فكرة عدم وجود شاسية خلفى عندنا دة عامل عيب فى العربية هتلاقى اغلب السيفيات فيها شروخ فى الشاسية فى الشنطة من عند الاستبن كدة
و دة سببة عدم توزيخ قوة الصدمة ف اى حد بيتخبط من ورا بيدخل على فرد الشاسية علطول
و من ادام بردو
اما لما بتركب الشاسية المعدن دة بتوزع الخبطة على الفردتين
دز الميزان بتاع العفشة كدة
دة ب الاضافة ان الشاسية الى راكب دة مش عمولة
لا دة مصمم على درجات امان بردو
و الله اعلم ..

و بعون الله اول ما اخلص موضوع العزل دة هوريكوا الصور ..

لو فعلا زى منتا بتقول كدا يبقى تمام اوى
انا من كلامك اعتقد انك هتركب شاسيه حديد ليه درجه صلابه جامده بحيث انو مع الخبط ميتاسرش
وده الى كنت بتكلم فيه واعتقد ان السمكرى فهموا

بس طالما انت بتقول برضوا بتبقى ليه درجه انهيار بس اقوى من الشاسيه العادى يبقى فعلا مفيش خطوره منوا
ومبروك عليك يا معلم وعقبال الخلفى

عارف بقى انت ركب اتنين مساعدين فى الاكصدام كمان عشان لو حبيت تزق حد
ومستنين صور الاكصدام الامامى بعد التركيب وتعديل الشكل

**Esam Mosaad** · 07-07-2011 12:57 AM

ربنا معاك يا عصام انتا و غزالى ويسهلكم الصعب ان شاء الله
كنت عايز اسألك هو 250 جنيه للفانوسين الخلفى ولا للواحد
وربنا يطمنكم على الماتور ان شاء الله وانا برجح ان يكون الموضوع شغل كهرباء وحاجه بسيطه ان شاء ال

لا يا باشا ده الاصلى و 275 جنيه للواحد
ياريت يكون فى اصلى الجوز ب 275 ده يبقى ارخص من التيوانى
بالمناسبه
سماعتين الباب الجوز ب 50 جنيه

**الغزالى** · 07-07-2011 02:10 AM

المشاركة الأصلية كتبت بواسطة h a r d

امبارح تم الاتى
رحت لغزالى عشان نودى العربيه للسمكرى السمكرى بعيد حوالى 4 كيلوا طبعا هوا كان فى شغله
العربيه خرطوم الباور لازق فى طنبوره الباور
غير الريداتير لازق فى وش الفرن او تحديدا مروحه التكييف لابسه فى وش الماتور وطبعا الريدتاير مخروم
وكان المفروض لاما القطر او انها تتشال على ونش

المهم فتحت الكبوت وبعد الخرطوم بايدى وحسيت انو بقى سهل القطم ربنا يسترها
وزودت العربيه بالميه وابتدت تنقط
وقبل محط البطاريه كان طبعا سلوك كهربا قدام كتير مطرح الزينون وغيره وكلها سلوك عريانه بجانب سلوك معرفش جايه منين
المهم قصفت كل السلوك للامان
ودور يا عم دارت تمام مكنش فى مشاكل غير ان الميه بتنقط ابتديت اتحرك بالعربيه العربيه مبتخدش بنزين غير بالعافيه
تحت انها ماتور 500 سى سى
بس بتمشى طلعتها لحد مكان فى عربيات نص نقل وابتدنا نتفاوض مع واحد يقطر ويجر
طبعا ربنا يسترها على الماتور ويكون حاجه بسيطه الى ماثره فى العزم بتاعه والله اعلم ايه
قطرنا العربيه لحد الراجل وكان مشوار منيل بنيله محدش صابر ولا حد شايف منظر العربيه من قدام ومن ورا الكل عاوز يعدى وخلاص
قولت فى عقل بالى العربيه كدا كدا مدشدشه يعنى الى عاوز يعدى هوا الى هيتعور وفعلا ابتديت امشى ابجح والكل خاف
الا بتوع الموتسكلات يجى فى النص عادى جدا ولا حياه لمن تنادى ربنا يخدهم
وصلنا للراجل ومن عنده طلعنا على الحرفيين
وصلنا لحمدى على واخيرا جبت رقمه
وابتدى مشاور الاسئله الرخم بتاعى وديه الاسعار الحجات الى جبتها ومش جبتها

جنا كبوت ابيض ب 850
اكصدام امامى بالشاسيه ب 1000 جنيه الاكصدام لوحده عامل 650
ريداتير وسربنتينه وكبسناهم عاملين 900 جنيه
شاسيه خلفى ب 400

يعنى حسبه 3150 وده كان بعد الفصال واخد 3050
طبعا الاسعار عند ناس تانيه معديه فعلا كل حاجه راحه فى داهيه

سالت على السوست السوسته عامله 75
العدادات عامله 150
الفوانيس الخلفى الاصلى 250
حساس الايديل 150
لوحه مفاتيح رباعيه لوحدها ب 200 جنيه
وغيره

وربنا يسترها والعربيه تخلص على خير
وبعد كدا نشوف الماتور ناوى على ايه

دة فلتر البنزين يا معلمى ,,, و عشان كدة يومها انا اشتريت واحد بس ملحقش يركب يالا الحمد لله ,, والراجل دة يا جماعه اتا مطلع عينه معايا ,,, وهوا الى بيسعالى على العريبه كتر الف خيره ,,

-

-

-

-

الموضوع: رابطة الوحوش ملاك السيفيا....الجزء الاول

LinkBack

أدوات الموضوع

عرض

-

-

-

-

-

-

المواضيع المتشابهه

رابطة الوحوش ملاك السيفيا (ج3)

رابطة الوحوش ملاك الافيو

رابطة الوحوش ملاك السيفيا (ج2)

الى رابطة وحوش السيفيا الحقونى

مقابــلة الوحوش - الجزء الخامس

الكلمات الدلالية لهذا الموضوع

المفضلات

المفضلات

ضوابط المشاركة