::: البولونيز المظلومة :::

[RMADAN0056]

اشكرك اخى العزيز كاريكا على هذة النصائح الغالية

[RMADAN0056]

اهلا وسهلا بالعضو الجديد الاخ هلالى ونتمنى لة التوفيق --------كما اشكر الاخ العزيز زيكا علىكثرة معلوماتة------كما احيى كل اعضاء المنتدى وسلاما عليكم

[kreka]

انا لسه شارى بلونيز 89
كنت عاوز شوية نصائح لانى لسه جديد ف موضوع العربيات برده
هي محتاجة شوية سمكرة ف الكبوت وصدر العربية والرفارف وواحد صديقى بيقول لى متتبعبش نفسك ف سمكرة واشتريهم احسن
ايه رأيكم ؟
ولو كلامه صح منين اجيب الحاجات دى

وفى ف عربيتى مشكله ان لما بشغل النور الواطى الناس بتتضايق فهل ده عيب الفوانيس ولا عيب ايه

وبالتوفيق وياريت فعلا يبقى فيه رابطة للبلونيز

لو السمكره خفيفه سمكرها ... لو متبهدله يبقى اشترى استيراد زى ما بيقولوا على ابوه شكل قديم جديد عادى انت ومزاجك وتقريبا الشكل الجديد ارخص
لو هتغير مفيش غير عذبه شلبى هتلاقى كل حاجه تلف وتفاصل وتجيب انضف حاجه

بالنسبه للنور لو شديد يبقى تمام وسيبك من الناس انا عن نفسى مركب تنجسرام بس 90\100

ربنا يسهل وأغير ل 100\140 عشان تكون اضاءه اقوى كمان

[mhasen57]

السلام عليكم منورين يا رجاله ايوه كده شغلتو الرابطه تانى انا كان عندى استفسار انا عندى صوت خبط فى العربيه من قدام ومن الناحيه اليمين ساعات بيظهر معايه ويقعد كام يوم وساعات مش بيظهر هوه صوت زى الطبله كده انا مش عارف اروح لميكانيكى ولا عفشجى افيدونى جزاكم الله خير:b4_048:

[kreka]

السلام عليكم منورين يا رجاله ايوه كده شغلتو الرابطه تانى انا كان عندى استفسار انا عندى صوت خبط فى العربيه من قدام ومن الناحيه اليمين ساعات بيظهر معايه ويقعد كام يوم وساعات مش بيظهر هوه صوت زى الطبله كده انا مش عارف اروح لميكانيكى ولا عفشجى افيدونى جزاكم الله خير:b4_048:

روح عند واحد بتاع عفشه الأول وبصراحه مش متخيل الصوت

طب الصوت بيحصل على الطوالى ولا المطبات ولا اما تلف ؟ وهل زى الطقطقه ؟

[elhelaly]

سؤال عن عزبة شلبى

معلش كان عندى استفسار صغير
اصل انا مش من القاهره
هي فين عزبة شلبى وأروحها ازاي ؟
وجزاكم الله خيرا

[kreka]

معلش كان عندى استفسار صغير
اصل انا مش من القاهره
هي فين عزبة شلبى وأروحها ازاي ؟
وجزاكم الله خيرا

بالنسبه ليا انا ركبت المترو ونزلت المطريه وخدت مواصله لمسطرد وبعدين اتمشيت حته صغيره دقيقتين لعذبه شلبى

[elhelaly]

بالنسبه ليا انا ركبت المترو ونزلت المطريه وخدت مواصله لمسطرد وبعدين اتمشيت حته صغيره دقيقتين لعذبه شلبى

تسلم ياباشا
جزاك الله خيرا

[kreka]

الحمد لله عملت العربيه 23 ساعه شغال فيها وبرضو مخلصتش بس عملنا الحمد لله الآتى
1- تذويد الكراسى
2- تركيب كسوه جلد-مخمل
3- تركيب طقم فرش ابوب جديده
4- تركيب مسندين للأبواب الأماميه سياره دوجان
5- لزق جزء كان ساقط فالسقف
6- لزق كل كاوتش الأبواب واصلاح كرسى السواق
7- غطاء موكيت للتابلوه
8- تركيب جلد للفتيس وعصا الهاند

الأسعار
1- كسوه 180 جنيه
2 - لزوم تذويد ولزق مستورد وجلد وموكيت 130 جنيه
3- 60 جنيه فرش ابواب
4- 70 جنيه مسندين امامى
5- 20 جنيه اجره لحام قاعده الكرسى
6- 200 جنيه اجره السروجى

الصور لما العربيه تكمل لأن لسه التابلوه والفتيس والهاند

هتتفجأوا من شكل العربيه قبل وبعد

[elhelaly]

هل فيه حل لموضوع السخونية السريعة للعربية ؟
او
ايه الحلول المتوافرة لحل موضوع السخونية

[mhasen57]

الاخ العزيز كاريكا الى مريح قلبنا كلنا بالنسبه للطقطقه دى بتحصل لما العربيه تاخد ملف او اخد بيه مطب وشكرا على اهتمامك واسف على المتابعه المتقطعه لانى بشتغل ورادى

[kreka]

هل فيه حل لموضوع السخونية السريعة للعربية ؟
او
ايه الحلول المتوافرة لحل موضوع السخونية

سخونيه ؟؟؟؟؟ انا معنديش سخونيه
انا مركب مروحه على الموتور ومروحه على الريداتير ... درجه الحراره مش بتوصل لل 90 فالشتاء او الصيف باليل أبداً

ممكن تركب ريداتير 3 ماسوره نحاس ومروحه ريدياتير ومروحه فالموتور من قدام

الاخ العزيز كاريكا الى مريح قلبنا كلنا بالنسبه للطقطقه دى بتحصل لما العربيه تاخد ملف او اخد بيه مطب وشكرا على اهتمامك واسف على المتابعه المتقطعه لانى بشتغل ورادى

دى غالباً مساعدين قدام
لما تاخود المطب المساعد بيقفل على الآخر فبيعمل الطقه دى ... المساعد قدام بيلف حول محور نفسه وبيعمل الطقه

دى مشكله عفشه ... عليك وعلى العفشجى هيفيدك اكتر ان شاء الله

[kreka]

انا ببيع الكاسيت بتاعى متسوبيشى mc81 يعرض على شاشه وريموت كونترول و USB و AUX و RCA وايكوليزر خرارج صوت قوى

سعر الشراء 240 وسألت عليه انهرده لقيته ب 265

سعر البيع 200 جنيه

سبب البيع عايز اشترى بايونيير او كينوود او سونى

[EngAhmedSayed]

السلام عليكم
اولا تحية كبيرة لكل اخوة مالكى السيارة الجميلة البولونيز
ثانيا تحيةكبيرة لصاحب الموضوع انى قدر يلم شمل البولونزية كلهم فى موضوع واحد

العربية دى كانت عشقى الاول وانا كنت فى الدراسة الثانوية سنة1995 و كنت انتظر الصبح قبل ما ادخل المدرسة الثانوية المدرسة قلى كان بيوصلها جوزها الدكتور و كنت احب اشوف العربية هى ممكن تكون بالنسبة لناس تانية عربية شكلها وحش او خشنةاو اى حاجة بس كنت بعشقها و لما دخلت المرحلة الجامعية طبعا مش هشوف العربية تانى دى كل يوم الصبح
بس كان ليا جارى كان يعرف صديق ليه والده كان مدير شركة النصر فى الوقت دة و كان عنده بولونيز بيجيلو بيها و الغريبةانى كانت مبتفرقش حاجة عن بتاعةالمدرسة لانها كانت نفس اللون ابيض و الاتنين كانو محفظين عليها من غسيل و نظفه و تحس انى هى لسةخارجةمن المصنع دة اللون المفضل قلى بحب اشوف البولونيز فيها لانى بحس انى هى عروسة ماشاء الله عليها و كنت اتمنى انى يكون عندى واحده
دى كانت قصتى معاه مع العلم انى حاليا فلشيوى ( سكودا فلشيا ) اوعى حد يقول الكلام دة فى قسم سكودا هيقلبو عليا خليوها سر هنا
ودى حقيقة والله انا لما قريت الموضوع فرحة جااااااااا قولت ياه لقييت ناس بتقدرالعربية دى الحمدلله
ان شاء الله هيبقى ازوركم باستمرار علشان اطمن عليكم

م / احمد سيد

[kreka]

السلام عليكم
اولا تحية كبيرة لكل اخوة مالكى السيارة الجميلة البولونيز
ثانيا تحيةكبيرة لصاحب الموضوع انى قدر يلم شمل البولونزية كلهم فى موضوع واحد

العربية دى كانت عشقى الاول وانا كنت فى الدراسة الثانوية سنة1995 و كنت انتظر الصبح قبل ما ادخل المدرسة الثانوية المدرسة قلى كان بيوصلها جوزها الدكتور و كنت احب اشوف العربية هى ممكن تكون بالنسبة لناس تانية عربية شكلها وحش او خشنةاو اى حاجة بس كنت بعشقها و لما دخلت المرحلة الجامعية طبعا مش هشوف العربية تانى دى كل يوم الصبح
بس كان ليا جارى كان يعرف صديق ليه والده كان مدير شركة النصر فى الوقت دة و كان عنده بولونيز بيجيلو بيها و الغريبةانى كانت مبتفرقش حاجة عن بتاعةالمدرسة لانها كانت نفس اللون ابيض و الاتنين كانو محفظين عليها من غسيل و نظفه و تحس انى هى لسةخارجةمن المصنع دة اللون المفضل قلى بحب اشوف البولونيز فيها لانى بحس انى هى عروسة ماشاء الله عليها و كنت اتمنى انى يكون عندى واحده
دى كانت قصتى معاه مع العلم انى حاليا فلشيوى ( سكودا فلشيا ) اوعى حد يقول الكلام دة فى قسم سكودا هيقلبو عليا خليوها سر هنا
ودى حقيقة والله انا لما قريت الموضوع فرحة جااااااااا قولت ياه لقييت ناس بتقدرالعربية دى الحمدلله
ان شاء الله هيبقى ازوركم باستمرار علشان اطمن عليكم

م / احمد سيد

يا هلا يا هلا منور ........ شكلك مدمن بولونيز
عايزين بقى نشوفك على طول