تقييم الm11 من الاول للاخر

[hemaa_82]

?????صرفت ايه ؟؟؟

خبطات
كاوتش
تيل
زيوت
صيانات دورية

ايه اللي كتير بالظبط ولا حضرتك قصدك ايه بالظبط

و شكرا علي التثبيت لتعميم الفايدة للجميع

[sakr7]

اولا بشكر حضرتك جدا على الرد ثانيا انا واحد من الناس مهتم جدا بال ام 11 وبفكر اشتريها زيرو بس دايما اى حد بيقول ان الزيرو يعد معاك على الاقل 3 سنين تغير زيت وفلتر بس وبالنسبه للمصاريف حضرتك مثلا دافع اخر مره 1870 جنيه ودا مبلغ مش صغير بس هل دا عادى واتمنى من حضرتك الرد على موضوع تربيط العفشه وجزاك الله خيرا

[hemaa_82]

المبلغ ده بتاع الصيانة الدورية بتاعت ال 40000 كيلو ... علشان بيغيروا فيها كاتينة و مجموعة البلي بتاعتها

[sakr7]

بخصوص العفشه وقطع الغيار بره التوكيل ؟؟؟؟؟

[hemaa_82]

لمبة ب جنيه و نص اشتريت 3
ازازة wd40 علي سبيل اللعب
كلبسات علي سبيل الاحتياط "للكنب و الاكصدامات"
ايه تاني فكرني :)

انا مش شايف ان انا دافع كتير ابدا بره الصيانات الدورية ... بس انا برضه شايف ان الصيانات الدورية مبالغ في اسعارها .. بس برضه للاسف كل الوكلاء كده

[hemaa_82]

والحمد لله طلعنا بره الضمان و ريحنا الدماغ ... من هنا ورايح بفلوسي يا عالم يا تيييييت....ربنا ما يحوجنا لأي شئ ان شاء الله

[islamnasser10]

والحمد لله طلعنا بره الضمان و ريحنا الدماغ ... من هنا ورايح بفلوسي يا عالم يا تيييييت....ربنا ما يحوجنا لأي شئ ان شاء الله

طلعت علشان عدي 3 سنين او 60000 ك
ولا طلعت من الضمان لسبب اخر

[hemaa_82]

3 سنين و شهرين
لسة مجدد الرخصة
660 ضرائب 3 سنين
330 تأمين اجباري
415 مخالفات 3 سنين "فدا الحكومة "
45 ورق تجديد
و شوية تحابيش كده بتاع 50 جنيه تانين

[hemaa_82]

و علي فكرة الضمان 3 سنين او 100 الف كيلو مش 60 الف بس

[hemaa_82]

لمبة الشبورة الامامي شمال لسعت ....

اللمبة طلعت فيلبس الماني H7 55watt 12 v ...طبعا استسهلت و جبت من اقرب واحد ... لمبة GE نفس المواصفات منشأ المجر ب 25 جنيه

بقي العربية من بابها صيني ... و الشبورة الماني ؟؟؟؟؟؟

[hemaa_82]

اخيرا غسلت العربية

شيل اللي علي طريق الاسماعيلية بعد الدائري علي طول

برة و جوة و شاسيه و متور و كراسي و بيبان كله كله 80 جنيه و بقشيش

بالنسبة للكراسي ... مش حلوين قوي.... بيحطو بنزين علي صابون و يفضل يدعك في الكراسي ....لسة في بعض البقع ..ناوي اجرب اغسلها كيماوي كمان شوية و احدد بعدها الفرق في النضافة ....


المهم بعد غسل المتور العربية تلتت "اشتغلت ناقصة بوجيه" و نورت فحص المتور في التابلوه ...
قلت اسيبها تنشف من امبارح 4 الضهر حتي اليوم الصبح مع مشور اجمالي من البنزينة للدقي فضلت زي ما هيه....

جيت في الدقي فكيت البوجيهات نشفتها و نضفت مكانها و ركبتها كله تمام ....شلت كابل البطارية علشان لمبة الفحص و بعد التركيب رجعت شغاله حلاوة و اللمبة مطفية خلاص....


الفايدة او المعلومة الجديدة النهاردة ان مفتاح العجل اللي نازل في الام 11 من النحية التانية يشتغل مفتاح بوجيهات .... و ده بصراحة شئ في منتهي الروعة لان النهاردة الاحد و مكنتش لاقي صنايعي يعمل الحوار ده

بجد الناس دس بتفكر و مبيعملوش حاجة من الفراغ

[Mohamed.Fawzy]

اخيرا غسلت العربية

شيل اللي علي طريق الاسماعيلية بعد الدائري علي طول

برة و جوة و شاسيه و متور و كراسي و بيبان كله كله 80 جنيه و بقشيش

بالنسبة للكراسي ... مش حلوين قوي.... بيحطو بنزين علي صابون و يفضل يدعك في الكراسي ....لسة في بعض البقع ..ناوي اجرب اغسلها كيماوي كمان شوية و احدد بعدها الفرق في النضافة ....


المهم بعد غسل المتور العربية تلتت "اشتغلت ناقصة بوجيه" و نورت فحص المتور في التابلوه ...
قلت اسيبها تنشف من امبارح 4 الضهر حتي اليوم الصبح مع مشور اجمالي من البنزينة للدقي فضلت زي ما هيه....

جيت في الدقي فكيت البوجيهات نشفتها و نضفت مكانها و ركبتها كله تمام ....شلت كابل البطارية علشان لمبة الفحص و بعد التركيب رجعت شغاله حلاوة و اللمبة مطفية خلاص....


الفايدة او المعلومة الجديدة النهاردة ان مفتاح العجل اللي نازل في الام 11 من النحية التانية يشتغل مفتاح بوجيهات .... و ده بصراحة شئ في منتهي الروعة لان النهاردة الاحد و مكنتش لاقي صنايعي يعمل الحوار ده

بجد الناس دس بتفكر و مبيعملوش حاجة من الفراغ

انا قرأت ال 39 صفحه و الله كلهم و مش عارف اشكرك على ايه ولا ايه :

- على اسلوبك الرائع .... ولا على الموضوعيه فى السرد .... ولا على التفاصيل كلها

ربنا يبارك فيك و فى عربيتك و ميحرمناش من مشاركاتك الجميله

[hemaa_82]

شكرا :) ....اخجلتم تواضعنا

[hemaa_82]

تاني مشكلة بعد الغسيل ....

الازاز الكهربا الامامي يمين اتجنن .... وده اساسا كان زمان في عفريت و قالولي كان فيه قافلة و اتصلح من بتاع سنة تقريبا ...
المهم انا اول ما علق رجعتلي كل الكوابيس بتاعته تاني لانه كان بيعذبني علشان اعرف انزل من العربية و كان بيعطلني نص ساعة لما يعلق ....
سميت بسم الله و شيلت زراير الازاز الاربعة .... الاقيها شوربة ... كلها مية ....
نشف نشف المهم نشفوا .... و لسة الازاز مجنون....
لقيت ان لما بفصل الزرار بتاعه بس بيشتغل ... انما لما بوصله بيجيلو هبل ....
فكيت الزرار من الباب...شيل قلبه من الفبر... فكيت القلب من جوا لحد البورده ... نشفتها بورق مناديل و مسحت التمليح اللي علي البنات و البورده ....
جرب ....اشتغل حلاوة ..... قفل قفل و ركب ... الحمد لله بقت فله ...

اخر مرة اغسلها عند ناس مبتفهمش .... و حسبنا الله و نعم الوكيل

[hemaa_82]

الحمد لله مفيش اعطال تاني ....

المفروض اني هكمل ال 50 الف علي اخر الاسبوع ...وقتها بقي او علي اول الشهر هنعمل الاتي ان شاء الله:-

تيل امامي
تيل خلفي
بوجيهات
زيت و فلتر
فرده كاوتش "اخر واحدة الحمد لله :) "


نوافيكم بالاسعار و كل جديد في وقته ان شاء الله