مشكلة عويصة فى دورة تبريد كيا سيراتو 2010

[mr_daredevil]

خيالى بيقولى لما الترموستات بيقفش وهو قافل ممكن يسيب بعديه الدورة داخل البلوك فيها صدا وانسدادات وخاصة ان الترموستات فى السيراتو عند مدخل المياة (حاجة غبية اوى) وبالتالى لما تركب الجديد بيشتغل شويه ويقفش تانى ...
انا دلوقتى شايله بس العربية بالنهار زى الفل انا بالليل فى السقعة مبرجلة شويه وبااكل بنزين

ملاحظه على موضوع المروحه اللى بتشتغل على طول اما بيركب ولما بتشال بترجع تشتغل وتفصل طبيعى ان الورة دلوقتى مفتوحه وبالتالى حساس الحرارة اللى مكانه فوق عند وش السلندر بيبرد بسرعة وبالتالى المروحه بتفصل
فى عربيات الترموستات على الخارج من الموتور (اظن ده احسن)عشان المياة بتبقى اسخن فى وش السلندر عن البلوك وكمان بيبقى تحت ضغط طرمبة المياة

[فتح الباب]

بالمناسبه اى ترموستات لو خرج من المياه يبوظ ولا يصلح مره اخرى

[mr_daredevil]

ليس صحيحا لان الترموستات القديم جربته لما طلعته بيفتح ويقفل وى الفل المشكلة ليه مابيشتغلش جوة العربية

[mr_daredevil]

مافيش كود على الكمبيوتر ان فى هوا فى الدورة ....مجرد استنتاج الشخص بتاع الكشف

[Ahmedmahereng]

متابع

[borio1704]

طيب أنا عندى مشكلة مشابهة , عندى 2 ثرموستات شغالين لما أعملهم إختبار بره بالماء الساخن , لكن لما أركب أي منهم لا يفتح , أحدهم فتح مرة شوية و بعدين قفل تانى , و لما أعيد الإختبار أجدهم شغالين بكفاءة و مره حصل كده و إشتغل بعد عدة محاولات مع العلم إن الميكانيكى كان قد فشل في تركيبه , و الأمور كانت ماشية تمام ل لحد لما عملت شغل في العربية كان يستلزم إزالة الترموستات و فوجئت أن الميكانيكى(مهندس) لغاه تانى و قاللى بايظ و إن ده موضوع فاشل و يتكرر في السيراتو , حاولت أنا أركبه مثل ما سبق لكن مش عايز يفتح و هو راكب , فاضطريت أشيله , و على فكرة العربية من غيره زى الفل مفيش مشاكل. أن تفسيرى إن الترموستات مش بايظ بدليل إنه شغال بره العربية و مرة إشتغل و هو راكب , لكن العيب في كيفية التركيب و إنه يوجد هواء في الدورة و إحنا مش بنعرف نسحبه

ليس صحيحا لان الترموستات القديم جربته لما طلعته بيفتح ويقفل وى الفل المشكلة ليه مابيشتغلش جوة العربية

مش معنى إن الثرموستات بيتحرك قدامك إنه سليم 100%

الثرموستات لازم يفتح على درجة حرارة معينة.. ولو الدرجة دي مش مظبوطة يبقى الثرموستات بايظ.. حتى لو كان بيفتح مع الحرارة.

الكلام في الاقتباس اللي تحت ده أنا واخده من الموضوع اللي عملته عن الثرموستات:

http://www.nilemotors.net/Nile/328708-a.html

يا ريت نقراه تاني بالراحة .. لإن كل كلمة ليها معنى..

وازاي أعرف إن الثرموستات ده شغال كويس ولا لأ؟؟؟؟

الموضوع سهل وعلى 3 خطوات
بس الأول هنبقى محتاجين نخلع الثرموستات ونعرف درجة حرارة التشغيل اللي مكتوبة عليه

1- لما نخلع الثرموستات ونسيبه في درجة حرارة الغرفة العادية.. المفروض نلاقيه قافل كويس
2- نجيب حوض ميه ونسخنه لحد 15 درجة مئوية قبل درجة حرارة التشغيل... يعني لو مكتوب عليه 90 درجة نسخن لحد 75 بس... ساعتها المفروض يفضل مقفول برضو.
3- نسخن المية لحد درجة حرارة التشغيل... ساعتها المفروض يبقى مفتوح على الآخر.

لو لقيت إن أي خطوة من التلاتة دول مش مظبوطة... يبقى لازم نغير الثرموستات

الكلام ده معناه إن تجربة الثرموستات لازم تبقى فيها ترمومتر خارجي يقرا درجة حرارة المية.. علشان نعرف هو شغال صح ولا غلط...

من غير الترمومتر.. التجربة مالهاش فايدة... وهتوهك.


معلش ما حدش يزعل من كلامي... بس العربية معمولة على إيدين مهندسين... يعني كل حاجة بالمقاس وكل حاجة ليها سبب...

الشغل بالشبر وبالوَيَم ده ما ينفعش لو عايز تشتغل صح.


...

[mr_daredevil]

مش معنى إن الثرموستات بيتحرك قدامك إنه سليم 100%

الثرموستات لازم يفتح على درجة حرارة معينة.. ولو الدرجة دي مش مظبوطة يبقى الثرموستات بايظ.. حتى لو كان بيفتح مع الحرارة.

الكلام في الاقتباس اللي تحت ده أنا واخده من الموضوع اللي عملته عن الثرموستات:

http://www.nilemotors.net/nile/328708-a.html

يا ريت نقراه تاني بالراحة .. لإن كل كلمة ليها معنى..




الكلام ده معناه إن تجربة الثرموستات لازم تبقى فيها ترمومتر خارجي يقرا درجة حرارة المية.. علشان نعرف هو شغال صح ولا غلط...

من غير الترمومتر.. التجربة مالهاش فايدة... وهتوهك.


معلش ما حدش يزعل من كلامي... بس العربية معمولة على إيدين مهندسين... يعني كل حاجة بالمقاس وكل حاجة ليها سبب...

الشغل بالشبر وبالوَيَم ده ما ينفعش لو عايز تشتغل صح.


...

ايوة بس مش معقول الترموستات عند كل الناس بيشتغل برة وفى العربية لا...مش معقولة ان قطع الغيار الاصلية كلها مضروبة ....فى حاجة غلط احنا مش فاهمينها

[mr_daredevil]

لو حضرتك يابشمهندس احمد تعرف تقولنا نجيب الترموستات الاصلى منين يبقى حلينا المشكلة ...
على فكرة الموضوع ده موجود فى المنتديات العالمية عن كيا فورتى (سيراتو) وماركات تانية كتير وفى ناس غيرت جوانات وش سلندر ومازالت المشكلة زى ماهى

[فتح الباب]

انا عندى ترموستات اصلى صناعة المانى ٨٧ درجه لو يمشى معاك تجرب بيه وتشوف ابعتهولك ازاى . ممكن ابعتهولك فى عربيه اجره وتقابله فى اى مكاان قريب منك

[HishamShafai]

أنا جربت شراء الثرموستات من 3أماكن مختلفة التوكيل ب 130ج الجندى 100ج نافع 65ج , افضل واحد إشتغل معى مدة طويلة هو أرخصهم بس للأسف الميكانيكى شاله لوجود صيانة بالموتور و فشل في تركيبه مرة أخرى و لغاه و بوظه علشان يستعمله كجوان, بس أنا مقتنع إن العيب في طريقة التركيب و وجود هواء بالدورة , بالنسبة للزميل إللى بيقول ليس معنى أن تراه يفتح و يقفل إنه سليم , إحنا بنعمل مثل ما نرى بالفيديوهات الأجنبية , و أنا عن نفسى أغلى المياه لدرجة الغليان و معروف إنها 100 درجة و أضع الترموستات أجده يفتح

[mr_daredevil]

انا عندى ترموستات اصلى صناعة المانى ٨٧ درجه لو يمشى معاك تجرب بيه وتشوف ابعتهولك ازاى . ممكن ابعتهولك فى عربيه اجره وتقابله فى اى مكاان قريب منك

ياريت ياباشا اكون متشكر جدا
انا من زفتى لو ينفع يبقى تمام
تليفونى 01117054509 دكتور عبدالعزيز

[mr_daredevil]

طيب لو حد يعرف الطريقة الصحيحة للتركيب ياريت يشيرها

[فتح الباب]

انا على الدولى الساحلى مباشرة فى مدينة مصيف بلطيم تحديدا عندى عربيات القاهره من بلطيم وعربيات اسكندريه المنصوره لكن ما فيش عربيات طنطا ولا المحله . هو ايه الاقرب لك فى دول فكر معايا علشان ابعتهولك فى اسرع وقت

[mr_daredevil]

انا على الدولى الساحلى مباشرة فى مدينة مصيف بلطيم تحديدا عندى عربيات القاهره من بلطيم وعربيات اسكندريه المنصوره لكن ما فيش عربيات طنطا ولا المحله . هو ايه الاقرب لك فى دول فكر معايا علشان ابعتهولك فى اسرع وقت

هو الالمانى ينفع يركب فى السيراتو عادى

[mr_daredevil]

المنصورة اقرب حاجة