مشكلة عويصة فى دورة تبريد كيا سيراتو 2010

[borio1704]

أنا جربت شراء الثرموستات من 3أماكن مختلفة التوكيل ب 130ج الجندى 100ج نافع 65ج , افضل واحد إشتغل معى مدة طويلة هو أرخصهم بس للأسف الميكانيكى شاله لوجود صيانة بالموتور و فشل في تركيبه مرة أخرى و لغاه و بوظه علشان يستعمله كجوان, بس أنا مقتنع إن العيب في طريقة التركيب و وجود هواء بالدورة , بالنسبة للزميل إللى بيقول ليس معنى أن تراه يفتح و يقفل إنه سليم , إحنا بنعمل مثل ما نرى بالفيديوهات الأجنبية , و أنا عن نفسى أغلى المياه لدرجة الغليان و معروف إنها 100 درجة و أضع الترموستات أجده يفتح

أخي العزيز...

ليس كل ما يلمع ذهبا... قصدي إن مش أي حاجة يقولها الأجانب تبقى صح...


ثم إني جايب خطوات الاختبار من موقع أجنبي.. وبالنسبالي الخطوات دي منطقية جدا علشان الثرموستات متعاير على درجة حرارة معينة.. فازاي حضرتك هتتأكد إن درجة الحرارة دي شغالة صح من غير ثرمومتر تقارن بيه؟؟؟

دي أساسيات المعايرة يا فندم.


الحاجة اللي يمكن حضرتك مش واخد بالك منها إن عداد الحرارة في العربية مش بيتحرك إلا بعد ما المية توصل 50-60 درجة مئوية.. وبالتالي المسافة اللي المؤشر بيتحرك فيها لا تتجاوز 50 درجة.. ولو شفت المؤشر اتحرك لحد الشرطة اللي بعدها يبقى درجة الحرارة عليت حوالي 15 درجة بس.

المفروض إن درجة حرارة المية في معظم العربيات تكون في حدود ال90... ولو وصلت لحد 100 يبقى كده العربية سخنت وهتشوف المؤشر اتحرك مسافة واضحة في العداد...

فالمفروض الثرموستات يبدأ يبفتح قبل ما المية تغلي.. وتحديدا في حدود 75-80 درجة مئوية... ويوصل لآخر مشوار الفتح قبل ما المية تغلي بحوالي 10 درجات...


هل الثرموستات عندك شفته بيشتغل بالتسلسل ده؟؟

أشك !!


أنا بكلمك بناء على خبرة علمية وعملية... مش بفتي والله


...

[فتح الباب]

المنصورة اقرب حاجة

تمام انا هشحنهولك فى سياره اجره المنصوره ودى بتروح الموقف الجديد فى طلخا والمفروض انك عارف هتروح الموقف ازاى طبعا . اما عن انه هيركب من عدمه احنا مش هنخسر حاجه لما نجرب بكره بعد الظهر هحطه فى عربيه يناسبك الوقت ولا ايه شوف وقولى

[tasaka]

سؤال ..
هل وجود هوا كتير فى دوره التبريد يبرجل عمل الثرموستات ( حتى لو كان سليم ) ؟؟ .. فى اعتقادى الاجابه نعم

سؤال ..
ازاى تتأكد ان الدوره ليس فيها هوا ..
و اذا كان الدوره بيدخل لها هوا باستمرار ( بعد اخذ الهوا ) .. فما هو اهم سبب لذلك
و هل وجود شرخ بسيط فى اى جوان او جوان وش السلندر ممكن يعمل كده

[mr_daredevil]

تمام انا هشحنهولك فى سياره اجره المنصوره ودى بتروح الموقف الجديد فى طلخا والمفروض انك عارف هتروح الموقف ازاى طبعا . اما عن انه هيركب من عدمه احنا مش هنخسر حاجه لما نجرب بكره بعد الظهر هحطه فى عربيه يناسبك الوقت ولا ايه شوف وقولى

طب لو حضرتك شحنته على القاهرة هيوصل عبود ولا فين

[فتح الباب]

طب لو حضرتك شحنته على القاهرة هيوصل عبود ولا فين

ايوه هيوصل عبود

[mr_daredevil]

خلاص ياباشا ممكن نشحنه لعبود بكرة الثلاثاء وتدينى نمرة ورقم عربيه السواق ....
بس معلش هاتعبك شويه ابعتلى نمرتك عشان اكلمك

[فتح الباب]

وهو كذلك سيتم الشحن باكر بأذن الله
٠١٠٠٢٠٢٣٢٤٢ فتحى

[mr_daredevil]

تمام هاكلمك النهاردة ان شاء الله وهنظبط الميعاد

[HishamShafai]

أخي العزيز...

ليس كل ما يلمع ذهبا... قصدي إن مش أي حاجة يقولها الأجانب تبقى صح...


ثم إني جايب خطوات الاختبار من موقع أجنبي.. وبالنسبالي الخطوات دي منطقية جدا علشان الثرموستات متعاير على درجة حرارة معينة.. فازاي حضرتك هتتأكد إن درجة الحرارة دي شغالة صح من غير ثرمومتر تقارن بيه؟؟؟

دي أساسيات المعايرة يا فندم.


الحاجة اللي يمكن حضرتك مش واخد بالك منها إن عداد الحرارة في العربية مش بيتحرك إلا بعد ما المية توصل 50-60 درجة مئوية.. وبالتالي المسافة اللي المؤشر بيتحرك فيها لا تتجاوز 50 درجة.. ولو شفت المؤشر اتحرك لحد الشرطة اللي بعدها يبقى درجة الحرارة عليت حوالي 15 درجة بس.

المفروض إن درجة حرارة المية في معظم العربيات تكون في حدود ال90... ولو وصلت لحد 100 يبقى كده العربية سخنت وهتشوف المؤشر اتحرك مسافة واضحة في العداد...

فالمفروض الثرموستات يبدأ يبفتح قبل ما المية تغلي.. وتحديدا في حدود 75-80 درجة مئوية... ويوصل لآخر مشوار الفتح قبل ما المية تغلي بحوالي 10 درجات...


هل الثرموستات عندك شفته بيشتغل بالتسلسل ده؟؟

أشك !!


أنا بكلمك بناء على خبرة علمية وعملية... مش بفتي والله


...

أولا شكرا لإهتمامك , لا تقلق أنا برضه خبرة و على فكرة أنا مركب جهاز obd جايب لى قراءة الحرارة بالضبط و بتعلى قدامى بالأرقام على الشاشة , العربية الطبيعى بتاعها بعد الدوارة تطلع من ال 40 و أغلب الأوقات بين 87 و 90 و لما تقف في إشارة تعلى كمان لحد 99 و عندئذ تشتغل المروحة و خلال ثوانى ترجع الحرارة ل 87 و هكذا , لما بنلغى الترموستات الإختلاف بيكون إن مدة التسخين بتاخد وقت , و لما بتطلع على طريق سريع و الجو معتدل تكون في حدود 63 و لما السرعة تهدى توصل 77 و لما تدخل المدينة تبقى في العادى مابين 87 و 90 و برضة توصل في الإشارات ل 99 و المروحة تشتغل كأن الترموستات موجود.

[borio1704]

أولا شكرا لإهتمامك , لا تقلق أنا برضه خبرة و على فكرة أنا مركب جهاز obd جايب لى قراءة الحرارة بالضبط و بتعلى قدامى بالأرقام على الشاشة , العربية الطبيعى بتاعها بعد الدوارة تطلع من ال 40 و أغلب الأوقات بين 87 و 90 و لما تقف في إشارة تعلى كمان لحد 99 و عندئذ تشتغل المروحة و خلال ثوانى ترجع الحرارة ل 87 و هكذا , لما بنلغى الترموستات الإختلاف بيكون إن مدة التسخين بتاخد وقت , و لما بتطلع على طريق سريع و الجو معتدل تكون في حدود 63 و لما السرعة تهدى توصل 77 و لما تدخل المدينة تبقى في العادى مابين 87 و 90 و برضة توصل في الإشارات ل 99 و المروحة تشتغل كأن الترموستات موجود.

مش مختلف معاك في أسلوب القياس .. وأكيد الطريقة دي أدق بكتير...

بس المشكلة هنا في التذبذب الكبير في درجات الحرارة واللي ما تقدرش تتحكم فيها ... والتذبذب الكبير ده هو السبب الرئيسي في وجود الثرموستات أصلا.. لإن المفروض إن درجة حرارة الموتور تفضل ثابتة..


ليه تفضل ثابتة؟؟؟


ببساطة.. المهندس اللي صمم الموتور اختار كل مقاسات الأجزاء ولزوجة الزيت وكمية الوقود المحروق وحتى مسافة فتحات الصبابات (التاكيهات في العربيات القديمة) بناء على "افتراض" إن درجة حرارة الموتور تكون في حدود الـ90 درجة مئوية..

لو درجة الحرارة قلت لحدود الـ65 زي ما حضرتك قلت... يبقى كده حسابات الراجل ده باظت...


وإيه اللي ممكن يحصل يعني؟؟؟

أبدا.. شوية حاجات بسيطة زي:

1- ضعف قوة الموتور..

علشان جدران السلندر هتكون باردة وتمتص جزء من حرارة الاحتراق.. وبالتالي الغازات مش هتتمدد بالشكل الكافي وضغط الانفجار جوه السلندر هيقل.... وفي بعض الحالات المتطرفة.. ممكن يحصل احتراق غير كامل للبنزين (العربية تهبب)..

يعني بتصرف بنزين بدون داعي بتمن أكتر بكتير من تمن الثرموستات اللي حضرتك شلته.


2- تآكل للسبايك والشنابر..

لإن كل المعادن بتتغير مقاساتها باختلاف درجات الحرارة.. والخلوصات جوه الموتور محسوبة بالميكرون (1/1000 من المليمتر) على أساس درجة حرارة التشغيل.. وكل درجة مختلفة عن الحرارة المظبوطة بتخلي المعدن منكمش وياكل في بعضه... ده غير إن الزيت مش هيديك درجة اللزوجة الصحيحة..

أمال المواتير في مصر المحروسة مش بتعيش أكتر من 200 ألف ليه؟؟؟


درجة الحرارة المنخفضة تأثيرها سيئ زيه زي درجة الحرارة المرتفعة... بس مش هتشوف أثرها دلوقتي...



إزالة ثرموستات الكوعة هي أول مسمار في نعش الموتور...

اللهم قد بلغت... اللهم فاشهد.


...

[mr_daredevil]

كل اللى بتقوله صح بس قدملى حل للمشكلة ...تحط الترموستات يقفش والمروحة تفضل شغالة

نعمل ايه يعنى؟؟؟؟؟؟

[borio1704]

كل اللى بتقوله صح بس قدملى حل للمشكلة ...تحط الترموستات يقفش والمروحة تفضل شغالة

نعمل ايه يعنى؟؟؟؟؟؟

علشان تحل المشكلة لازم تعرف سببها

ليه الثرموستات بيقفش؟؟ علشان مش بنمشي زي ما الكتاب بيقول...

الثرموستات بيقفش علشان بنحط مية من الحنفية في دورة التبريد. . ومية الحنفية بتعمل صدا .. والصدا بيحجر ويخلي الثرموستات يقفش.... والحل هنا تحط مية زرقا وتزودها مية مقطرة بس...

أو... ممكن يكون الثرموستات الجديد مظبوط على درجة حرارة غلط... والحل تجيب ثرموستات أصلي من التوكيل.. ولا تقوللي ألماني ولا ياباني ولا أي كلام من بتاع السوق ده...

وممكن يكون حساس الحرارة بايظ ويدي قراية غلط للمراوح... ويبقى الثرموستات سليم .. بس الثرموستات مش بيشتغل بإشارة كهربا.. ده بيشتغل من نفسه... والحل هنا تجيب حساس جديد أصلي.


الموضوع مش هيخرج برا الكلام ده...


العربية ما اتظبتطش بعد الكلام ده.. يبقى عندك مشكلة في الموتور.


...

[mr_daredevil]

على فكرة الموضوع ممكن يكون مش واصلك مظبوط
الدورة كلها اتغسلت وبعدين حطينا مية زرقا موبيل وترموستات جديد وجربنا فتح فى الاول وبعدين المروحة اشتغلت ومافصلتش ومشيت عليه كده وبعدين اضطريت اشيله عشان مافتحش تانى

[HishamShafai]

على فكرة الموضوع ممكن يكون مش واصلك مظبوط
الدورة كلها اتغسلت وبعدين حطينا مية زرقا موبيل وترموستات جديد وجربنا فتح فى الاول وبعدين المروحة اشتغلت ومافصلتش ومشيت عليه كده وبعدين اضطريت اشيله عشان مافتحش تانى

نفس إللى حصل معى الإسبوع إللى فات بالضبط , ركبته و إنتظرت لما فتح و المية في الخرطوم الخارج بقت سخنة و أخدت لفة بالعربية , و تحت البيت لقيت رافض يفتح تانى , فقمت بإزالته و جربته بره لقيته بيفتح عادى , وده إللى مخلينى معتقد إنه بسبب وجود هواء بالدورة , سأجر الأسبوع القادم محاولة أخرى , و لو مفتحش سأقوم بتهوية الصامولتين إللى ماسكين بيت الترموستات علشان أعمل تنفيس للهواء يعدى و بعدين أربطهم تانى و ربنا يسهل.

[فتح الباب]

اخر تحليل استنادا لتجارب اعضاء كتير هو .
وجود هواء بالدوره فعلا لان الترموستات يتم تشغيله بالمياه فقط وليس بالهواء . فعند مرور ماء ساخن يتم فتح الترموستات وعند مرور ماء بارد يتم غلقه وايضا عند مرور هواء لايتم فتحه ايضا وبالتالى وقوف الدوره .
انما فى الحقيقه الترموستات يعمل جيدا. لننتظر اكتشاف الخلل ليكون مرجع للاعضاء