مشكلة عويصة فى دورة تبريد كيا سيراتو 2010

[mr_daredevil]

ده رابط فى الموقع الذى اعطاه الاخ العزيز المهندس بوريو عن دوره التبريد

المفروض كيا فورت هى كيا سيراتو .. فقط من باب العلم بالشيئ راجع النقط دى على الكتالوج عندك و اتأكد من المواصفه .. اهم ما فى الجمل باسفل ان خلط الماء العادى بالماء المخصص للسياره يمكن ان يتسبب فى تلف للموتور او اعطال شديده .. فتأكد جيدا ان كل الماء العادى تم تصفيته قبل وضع الماء الجديد

kia forte: Engine coolant - maintenance - kia forte td 2014-2016 owners manual

recommended engine coolant

• when adding coolant, use only deionized water or soft water for your vehicle and never mix hard water in the coolant filled at the factory. an improper coolant mixture can result in serious malfunction or engine damage
• .
• the engine in your vehicle has aluminum engine parts and must be protected by an ethylene-glycol based coolant to prevent corrosion and freezing
• .
• do not use alcohol or methanol coolant or mix them with the specified coolant
• .
• do not use a solution that contains more than 60% antifreeze or less than 35% antifreeze, which would reduce the effectiveness of the solution.

انا عملت كده عشان كنت كل اشويه اضيع مية موبيل ب 75 جنيه على الارض...اول ماتاكد ان الترموستات اشتغل هنزل كل المياه واحط موبيل تانى

[HishamShafai]

وده ينفع لاى عربية وياريت تبعتلى اللينك

ينفع , أكتب على جوجل souq egypt OBD

[tasaka]

وده ينفع لاى عربية وياريت تبعتلى اللينك

ده اقتباس من احد ردودى بخصوص الموضوع ده .. علشان تأخذ فكره انت عايز ايه

1- جميع هذه الاجهزه سواء رخيصه او غاليه قد تتوافق او لا تتوافق مع سياره معينه طبقا للبروتوكولات المستخدمه .. الحل هو التأكد ان ماركه السياره مشموله فى الجهاز .. و الافضل التجربه الفعليه

2- هى 3 انواع بصفه عامه

- code reader .. السعر عاده م 20 الى 40 دولار .. وظيفتها الاساسيه هى قراءه اعطال المحرك و اطفاء اللمبه .. و الحصول على كميه بسيطه من الداتا عن المحرك

- code scanner او يسمى ايضا scan tool .. السعر سيكون مثلا من 70 الى 120 دولار .. وظيفته الاساسيه هى قراءه اعطال المحرك و اطفاء اللمبه .. و الحصول على كميه اكبر من الداتا عن المحرك .. و قد يشمل مثلا abs .. او air bag .. كما قد توجد به بعض الوظائف الاضافيه مثل الداتا اللحظيه للمحرك .. المنحنيات اللحظيه .. او اللقطات الثابته التى تؤخذ وقت حدوث العطل لكى تعرف الحاله التى سببت تسجيل العطل .. الخ .. و كلما زادت الامكانيات زاد السعر

- ٍٍscanner شبه متخصص .. يشمل جميع امكانيات الاجهزه الاقل سعرا بالاضافه الى امكانيات اكبر .. السعر قد يصل الى 200 دولار و قد يصل الى 300 و 400 دولار .. و هذا اوفر بديل عن الاجهزه المتخصصه جدا ( يصل ثمنها من 2000 الى 10,000 دولار ) .. هذا بالطبع سيستطيع قراءه المحرك .. Abs .. Air bag .. الفتيس .. و كميه داتا اضافيه لا تستطيع الاجهزه الاقل قراءتها .. و ايضا يستطيع قراءه الاكواد الاصليه لكل سياره محدده طبقا لمصنعها مثل p1 ( و ليس فقط الاكواد العامه generic .. و ايضا bi-directional controls التى تستطيع عن طريق هذه الميزه تشغيل و اختبار و اطفاء انظمه معينه فى السياره و كذلك امكانيه البرمجه الجزئيه لبعض الاشياء .. و كلما زادت الامكانيات زاد السعر

3- من حيث الشكل .. عاده سيكون جهاز متكامل وحده واحده .. او مثل الجهاز الذى تريد شرائه و هو يحتاج الى تليفون او كمبيوتر لاستعماله


و فى جميع الاحوال لا يوجد ضامن لان يعمل مع سيارتك الا ان ينص على سيارتك صراحه فى المواصفات او عن طريق التجربه

و لا معنى لشراء جهاز غالى مثلا 200 دولار ان كنت لا تملك المعرفه الكافيه لفهم الكميه الكبيره من الداتا او المنحنيات اللحظيه لعمل troubleshoot للمشكله .. و استغلال الداتا لاستبعاد بعض الاحتمالات و تقريب احتمال المشكله و الحل اللازم

ال code reader بيكون سعره بسيط ( على الامازون ممكن تلاقى بسعر 20 او 30 دولار ) .. بسعر ال 500 جم اعتقد انه لازم يكون code scanner ( به امكانيات اكبر .. مثل القراءات اللحظيه اثناء عمل المحرك فعلا .. تشخيص ال abs .. تشخيص air bag .. )

معلوماتى ان معظم السيارات ( البنزين ) بعد 1996 اصبحت obd 2 .. و لكن بعض السيارات البنزين حتى 2001 كانت اقل من obd 2 .. و فيه كمان حاجه اسمها obd 1.5

eobd هو البديل الاوروبى ل obd 2

و بما ان احد الاعضاء ذكر انها obd 1 .. يبقى اتأكد احسن بسبب الاتى ( اسأل ميكانيكى بيستعمل الاجهزه دى لتشخيص الاعطال )

لاحظ ان obd 1 .. كل شركه كانت بتضع اكواد الاعطال الخاصه بها و ايضا ال software الخاص بها .. و لكن بدأ من obd 2 تم توحيد الاكواد ليصبح عام لجميع السيارات

[mr_daredevil]

انا عاوز جهاز ينفع مع سيراتو 2010

[tasaka]

اسأل العضو HishamShafai هل هو استعمله مع سيراتو .. و خليه يعطيك رقم الموديل للجهاز

[mr_daredevil]

وبعد عناااااء طويل الحمد لله اتحلت المشكلة

[فتح الباب]

وبعد عناااااء طويل الحمد لله اتحلت المشكلة

عند وقت فراغك ارجو وضع المرجع الخاص بالعطل وطريقة الاصلاح لتعم الفائده . بصرف النظر عن تلهفى لمعرفة وجود العيب . والحمد لله اولا واخيرا انك وصلت للعيب .

[borio1704]

وبعد عناااااء طويل الحمد لله اتحلت المشكلة

الحمد لله...

هل حضرتك نفذت خطوات التركيب اللي ذكرتها ؟؟؟

يا ريت تقوللنا الوضع عامل إيه بعد فترة من التركيب..

ومخبيش عليك.. أنا هاخد المفيد من الموضوع هنا وأزوده على موضوعي عن ثرموستات الكوعة.. خصوصا وضعية التركيب..

بالتوفيق إن شاء الله.

[mr_daredevil]

الحمد لله اولا واخيرا
بدايه الموضوع روحت لبتاع الرادياتير غسلت الدورة الاول وبعد كده فكيت خرطوم الداخل للكوعه وركبت الترموستات الجديد بإيدى(من غير سيليكون)وللعلم هو بيبقى فيه سهم بارز لفوق فى اتجاه بلف الهواء وبيبات فى مكانه بالظبط فى الكوعه (فى تجويف للسهم فى شفة قاعده الموتور عند الكوعة)وبعد كده رفعت وش العربية بالكريك عشان اسهل خروج الهواء وفتحت زرار السخان على الاخر وشغلت فان التسخين على اخر سرعه كل ده من غير تدوير العربية وبدات املى الخرطوم التانى اللى خارج من الموتور للرادياتير بالمية وانفخ فيه عشان يدخل مية للبلوك وده مهم عشان بعد تركيب الترموستات يعتبر البلوك فاضى من الميه .
وبعدين ركبت كل الخراطيم تانى ودورت العربية وبدات املى المياه المقطرة ببطء عشان الهواء يطلع وبعد كده الترموستات فتح (الخرطوم العلوى والسفلى سخنين) شويه والمروحة اشتغلت ....وكانت المفاجأة

[mr_daredevil]

المروحة برده مش عاوزة تفصل !!!!!
كنت هاتجنن
كان فية مركز خدمة جنب الرادياتير
قولت لازم ادخل واتكلم مع المهندس...والحمد لله لاقيت مهندس سيارات بمعنى الكلمه اسمه محمود السعيد (برنس) عرفته بنفسى وحكيتله على الموضوع كله
كشف على العربية وكان نتيجة الكشف حاجتين:
1.دورة المياه لسه فيها هوا
2.Circuit shortage from ECU to The fan control يعنى مشكله فى توصيلة الكهرباء من كونترول العربية للمروحة بسبب ملوحة او صدا على سلك الارضى


وفى خمس دقائق اتحلت المشكله

نزود ميه وندوس بنزين حوالى كذا مرة لحد الهواء كله طلع وصلح الشورتيج

والحمد لله كله تمام بس فى حاجة بسيطة

[mr_daredevil]

المروحه بتطول شوية عما تفصل

[mr_daredevil]

السبب ان المروحة بتطول شوية على ماتفصل ان فى ضغط هوا فى دورة التبريد نتيجة تسريب بسيط من غرفة الاحتراق على دورة المية (very mild leak) نتيجة ان الجوان ممكن يكون اتلسع فاصبح سيء(Head gasket is bad) ده بيعتبر بداية بسيطة جدا للجوان والمهندس نصحنى اغيره لما اكون فاضى عشان وش السلندر مايتاثرش

[mr_daredevil]

الخلاصة كان فى مشكلتين:
1.هواء فى دورة المياة( من ارخم العربيات فى خروج الهواء عشان الترموستات موجود تحت عند مدخل المياة عكس الدايو مثلا وده بيخلى بعد التركيب فى هواء فى البلوك وبيختاج وقت كتير عشان يخرج فنفضل نزود مياه وندوس بنزين لحد مايخرج وتغلبت على المشكله دى انى مليت المياه الاول قبل مادور العربيه من الخرطوم العلوى على الوش والبلوك وبعد كده دورت وبدات املى ميه من الرادياتير

2. المشكله التانيه شورتيج فى دايرة المروحة
السؤال المهم؟؟؟ اغير الجوان ولا لا

[tasaka]

السؤال المهم؟؟؟ اغير الجوان ولا لا

اعتقد الاصح تتبع نصيحه المهندس .. لو كان وجود الشرخ مؤكد .. بدل ما الوش يتعوج

بس سؤال .. هو عرف منين ان فيه شرخ خفيف فى الجوان .. هل ظهر هوا مستمر فى دوره التبريد ؟

[mr_daredevil]

اعتقد الاصح تتبع نصيحه المهندس .. لو كان وجود الشرخ مؤكد .. بدل ما الوش يتعوج

بس سؤال .. هو عرف منين ان فيه شرخ خفيف فى الجوان .. هل ظهر هوا مستمر فى دوره التبريد ؟

بعد ماجربنا العربية على الطريق وضغطنا عليها المروحة طولت شويه على مافصلت وضغط على الخراطيم لقى فيها ضغط هواء والخرطول السفلى مش بنفس درجة حرارة العلوى