التقييــــم الشامـــل لهيونداى النتــــرا 2012 ومقارنتها مع هـــوندا سيفـيـــك 2012

[mohamedkordy]

انا بشوف المشاركات من بدري ومكنتش حابب اتكلمبس انا مش عارف انتوا بتجادلوا في ايه يعني مش كفاية هيونداي اصلا لما فكرت تشتغل راحت سرقت اول حرف من هوندا وشعارها كثر خيرهم انهم مخدهوش كوبي بيست بس انا عن نفسي كنت هجيب الالنترا والفولي لودد وكنت غلطان وبقول ان اي كوري او صيني زيرو انضف من الماني مستعمل لحد ما ركبتها مع واحد صاحبي ابسط حاجة اقول عليها ان عربية اوديa4 تعبانة موديل 98 ارقى منها بكل حاجة ولا كمان هتقولوا الهيونداي دي احسن من الاودي !!!! بالمواصفات والامان وكل حاجة ؟؟؟!! يا عم اي اوروبي او ياباني برقبة الكوري كله من اول ما توجد لحد ما ينتهي للابد ان شاء الله كفاية بقى مجازر وقرف وشوفوا حوادث الكوري عاملة ايه بالناس وشغل اشكال فاضية وبس وانا دلوقتي لو هجيب اما يباني كورولا او هوندا او سوبارو والهوندا اروع ما في الياباني او هجيب ميجان او حتى هجيب اي ماركة اوروبية احسن مليون الف مرة من اي حاجة كوري عجبي بتقارنوا بايه اصلا بين شركة لها سنين وخبرة محدش يقدر يشكك فيها زي هوندا وبين عربية لسه ملهاش عشرين خمسة وعشرين سنة اول عن اخر ويارتها عدلة بحاجة اصلا الا منظر على الفاضي ان كانت السوناتا اللي سعرها مقرب من نص مليون اتقسمت نصين بحادثة ال هيونداي ال وبيدافعوا عنها ولا كانها مصنوعة بمصر وعجبي على بلد لا فيها عربيات ولا فيها ناس بتعرف تركب عربيات اصلا سلام يا هيونداي واعتبروني من اللحظة دي ضد اي منتج كوري والله لسه الصيني احسن منها على الاقل بيحترم الناس ومش بيسرقهم بالفلوس زي الكوري على قلة فايدة وهي دي اللي يمكن تقول انك بتدفع على قد فلوسك والاكيد ان شاء الله ان الاودي هي الوحيدة اللي هتبقى عشقي الابدي وهجيبها بالنهاية باذن الله

انتا غريب يا هانى

[Ahmod]

بشكر حضرتك على الموضوع والمقارنة الجميلة اكيد فيه ناس كتير استفادت منها

لكن للامانة الموضوع مكانه مش حيادي تماما ! لو حضرتك عايز فعلا الموضوع يبقى حيادي كان لازم يتحط في قسم المقارنات مايتحطش في قسم هيونداي !! لان طبيعي جدا اغلبية الاعضاء من القسم هيبقو في صف الالنترا بالتالي انت كدة هتسمع الكلام من طرف واحد فقط

بالنسبة لإنتشار الالنترا فهي انتشرت مش عشان هي افضل من السيفيك او افضل من الكورولا إطلاقا

الالنترا انتشرت اولا عشان اتسوقلها كويس شوف كام اعلان هتشوفه للالنترا وال Rp مقابل كام اعلان للسيفيك !!؟

ثانيا وده الاهم : ان الالنترا بتخاطب متطلبات الشعب المصري : الا وهي "البلوتوث - حساس المطر - السينسور - فتحة السقف - الفوج لايتس - قطع غيار بتتباع عن البقال - يوم ماتحب تبيع بكرة تتباع من غير ماتخسر كتير ... etc " انما اداء العربية عموما كقوة ماتور - ثبات - وسائل امان ABS/Airbags .. ياراجل بلا امان بلا بطيخ الحافظ هو ربنا "

الالنترا تفوقت على السيفيك فقط في الشكل الداخلي والخارجي والكماليات فقط لا غير !!

لكن كعربية قصاد عربية ماينفعش اني اقارن او احط الالنترا مع السيفيك في جملة واحدة

السيفيك محرك اقوى <<< هتقولي دي 130 حصان ودي 122 حصان ازاي !! ؟ هقولك ببساطة بص على الالنترا ال Md كانت 124 حصان في حين السيفيك ال 2010 122 ومع ذلك !! السيفيك كانت بتكتسحها على كل السرعات !! جايز بقى الالنترا احصنة كوري زي مافورميلاتور قال !! ؟ هههههههه

السيفيك اثبت بكتييير ومافيش اي وجه للمقارنة مابين السيفيك والالنترا في الثبات

الالنترا الجديدة على فكرة عفشتها زي الزفت !! ركب فيها 2 ورا وزنهم تقيل حبتين ومشيها في شارع مكسر وسلملي على نفسك وعلى احلى اصوات حك هتسمعها مع كل مطب او حفرة

وعلى فكرة الكلام ده قدام عيني مش افترى او كلام من الهوا النترا 2012 فول لودد شفتها من كتر ماهي ساقطة على الارض كنت حاسس صاحبها مسقطها !! والله العظيم ماكان فيه مجال حتى اني ادخل صباعي مابين العجل والكرتيرات !! ؟ مافيش دقيقتين ركنت على جمب لقيت نزل منها 3 كانو قاعدين ورا قامت العربية رفعت تاني على الارض

وطبعا كاعتمادية السيفيك افضل واحسن بكتير وهات سيفيك بقالها عشر سنين على الطريق او عاملة كيلو متر عالي وقارنها بالنترا ماشية نفس المدة وانت تعرف الفرق مابين دي كعربية ودي كعربية

عموما انا من وجهة نظري الالنترا على الرغم من سعرها المبالغ فيه الا انها ممكن تكون مناسبة للي بيحب الكماليات والاوبشنز والشكل الخارجي والداخلي وناوي بعد تلت اربع سنين يبيع انما لو واحد عايز يجيبها بحيث تكون عربية العمر مافتكرش انها هتكون مناسبة

ماتنسوش ان العربية 2012 يعني كل ملاكها لسه جايبنها وماكملتش مع حد خلونا نستنى تلت اربع سنين قدام ونشوف اراء الملاك عن العربية هيبقى عامل ازاي

انا مش بقول انها وحشة لكن ماينفعش تتقارن بالسيفيك او حتى بالكورولا

-------------

بالنسبة للكورولا فانا مش عارف هو ايه اللى دخلها في الموضوع طالما المقارنة مابين السيفيك والالنترا

لكن الالنترا / او هيونداي عموما لسه قدامها ممكن بتاع 10/15 سنة علما تعمل عربية في اعتمادية وقوة ومتانة الكورولا فالاحسن نطلعها برة الموضوع عشان مايبقاش فيه تشتيت ويبقى الموضوع مقارنة مابين السيفيك والالنترا

[Inteltech]

يا نهاااار اسووووود
انت بتتكلم جد يابني يا حبيبي ؟ و الله اللي انت بتقوله دا يدل انك جاهل اوي

يابني hyundai makes from chips to ships ولو عايز ترجمة قوللي و انا افهمك الفرق بين الكلمتين

طبعاً مينفعش نقارن بين اودي و هيونداي في العربيااات دا كلام مش fair
بالمناسبة انا عندي عربية هوندا و عربية هيونداي احسن تفتكرتي متحيز ولا حاجة




جامدة اوي ويا ريتني عملت زيك

شكرا يا زوق ده من اصلك وتربيتك ربنا يسامحك

انا ضد التعصب الاعمى بغباء لاي ماركة بالدنيا واللي بقوله عن الكوري بشكل عام مش بيقلل من ملاك الكوري بشيء الا لو اعتبر حد نفسه صاحب المصنع او الوكيل سبحان الله ؟؟ اللي بقوله تجربة بحتة انا سقت بالكوري النوبيرا الموديل السابق في الالنترا اللي بشوفه احسن من الحالي وكمان الفيرنا اللي يمكن دي تكون فعلا قيمة اللي انت دافعة واخده من عربية مش زي الالنترا الفولي لودد ولا الهالة اللي محطوطة لها اللي هي فعلا اكبر من حجمها وانا مش من هواة الجري والسباق والكلام ده الحمد لله انا بسوق بعقل ومش بزيد عن السرعة القانوينة الا مضطر وبمسافات صغيرة اوقات قليلة .. اللي عايز اوضحة واشرحه علشان محدش يجي يهاجمني بقلة بصيرة ويتهم حد بالجهل وهو الجهل نفسه زي ما في المشاركة ان في ماركات مينفعش تتحط بمقارنة مابينها وبين الهيونداي او الكوري عموما ومنها هوندا لما لها من تاريخ عريق بالسيارات وحتى المواصفات القياسية اللي الشركات بتحترم نفسها وبتخليها اساسا باي سيارة بتنتجها من وسائل امان ورفاهية وانك فعلا تكون دافع بالزبط ثمن الحاجة اللي انت واخدها لكن نيجي للهيونداي ايه المواصفات القياسية اللي بياخدها المستهلك بمصر مقابل القيمة اللي دفعها ؟؟؟ اللي هي اغلى اساسا من قيمتها بكامل التجهيزات برة مصر تمام في جزأ تتحمله الجمارك انها بتبالغ بالسعر ويارتها بده مثلا بتحمي منتج محلي وبتحافظ عليه لان مفيش منتج محلي بالكامل من الاساس لكن الجزأ الثاني رايح فين مش من استغلال التوكيل اللي بيخليني اقارن ما بين العربيات الكوري وما بين الالماني انا مقارنتش بين اودي نفس النسة لا انا قارنت بين عربيتين بينهم 14 سنة هو ده الزمن ما بين التقنية بالالماني وما بين الكوري ان مكنش اكثر كمان والغريب ان الناس مش بتعرف تركب او السوق ظالم يعني عربيات مش واخدة حقها ابدا منها الفولفو والفيات والاودي والاوبل و و وو و وفي عربيات واخدة اكثر من حقها زي الكوري اللي يبنزل هنا بمصر تتصوروا لو وكيل اودي مثلا او غيرها قال للشركة الام انا عايز العربية علشان انزلها بمصر تشيلوا منها اكياس الهوا او الفرامل المانعة للانغلاق او الانزلاق بالمرة علشان السعر هتوافق زي ما الكوري بيوافق واللي يهمه اول واخر سوق مش مستهلك بعكس الماركات المحترمة ... ده اللي بقوله سواء فهمته اهلا وسهلا او ما فهمته ما بيهمنيش اصلا ولا بيعنيني ولا انت اساسا شي يذكر بالنسبة لي ومستني شرحك العظيم للهيونداي ومميزاتها بس ياريت بفهم مش نقل والسلام ؟؟ ومش غلط الواحد يتعلم حتى من اللي اصغر منه واحب اتعلم وان كنت غلط افهم الصح ده مش عيب اتفضل وياريت بما انك بتدعي ان عندك هوندا وهيونداي تقولنا الفرق بالمرة .. وشكرا مرة تانية

[SAMEH_FOUAD]

ماشي عندك حق الالنترا ب 159 انا اسف , بس الهوندا ب 200 الف ده مش كلامي ده كلام كونتاكت كارز خش شوف , بالنسبة لحبة الاوبشن اللي ملوش لازمة , اما ايه الاوبشن ال vital بالنسبة لك ؟ البادل شيفتر ؟ فعلا دي حاجة الواحد بيستخدمها كل يوم وميعرفش يعيش من غيرها , والعربية ب 138 على فكرة وعندك حق في حتة وسائل الامان دي للاسف ده بالنسبة لي العيب الوحيد , الار بي ب 118 كاملة فتحة سقف وجنوط و abs وايرباج وموتور 122 حصان يعني فرق 20 الف ! ليه بقى الفرق ده ؟
بالنسبة لعيوب السيفيك , وسائل امان قليلة لعربية ب 200 الف اقلها 6 ايرباج و esp و TCS زي الجولف , خامات بلاستيكية نوعا ما , شكل تعبان جدا , مش هتكلم عالموتور عشان مجربتوش , من جوه قريبة جدا من الجيل القديم ومفيش اي تجديد يذكر وعدادات ديجيتال شخصيا مبتعجبنيش ومش عملية , غير كل ده سعر غالي جدا عن المنافسين ( من ضمنهم الالنترا اللي هي في وجهة نظرك مغالى فيها جدا من الاصل ) والفوكاس والمازدا 3 , ممكن تكون رياضية شوية فعلا اكتر من الالنترا اللي هي اصلا مش رياضية ولا بتاعة سباقات ولا شد ولا enthusiastics , بس انا لو عاوز عربية رياضية او ثابتة او اخد احسن هاندلينج وش هجيب الفورد فوكاس او على الاقل المازدا واوفر كمان مش اقل من 20 الف , لو كانت السيفيك ب 170 الف الهايلاين كنت اقول قشطة فعلا ياباني وهوندا واغلى من الالنترا ب 10 الاف تبقى كويسة , انما 200 الف على سيفيك ده يبقى هبل ومغالاة لا تقل عن مغالاة غبور الحرامي
لمعلوماتك انا اصلا لا انصح بتاتا باي فئة من الالنترا من غير ايرباج و abs , يعني لو هتشتري اول فئة يبقى اشتري سوبر ميني وضحي بالموتور والوسع بس خد وسائل امان , على فكرة غبور مع انه حرامي بس لعبها صح , استغل شكل العربية الممتاز وقام حاططلك اول فئة بفتحة سقف مع انها في معظم الموديلات بتبقى في اعلى فئة عشان كده معظم الالنترا في الشارع بتلاقيها بفتحة سقف , ناس كتير متعرفش ايه ال abs ده , وناس كتير بتكره الايرباج وتعتبره نقمة على اساس انه لما بيتفتح بتضطر تغيره ب +5000 جنيه , هو دارس السوق كويس وعارف المصريين , وفي الخليج برضه الوكلاء عاملين كده

وسائل الامان اللي في السيفيك موجودة في الالنترا اللي ارخص ب 40 الف يعني يجيبوا عربية جديدة كل ده عشان Paddle Shifting ولوجو هوندا , ومحدش جاب الالنترا وقال اتضحك عليا على فكرة انت اللي بتقول كده من عندك , الفولي لودد فيها مرايات ضم وتحكم بالمصابيح الامامية بس مفيش زينون لانه مبينزلش في اي عربية في الفئة دي
انا عن نفسي لو بشتري مش هشتري غير ال fully loaded اصلا عشان هي الوحيدة اللي فيها وسائل امان ,

ياباشا هو حضرتك مصمم لية على السيفيك الجديدة انا كلامى على السيفيك 2010 لان ببساطة السيفيك 2012 ماليش نفس اجربها ومش عايز اجربها فخليك فى ال2010 احسن لان ببساطة لو احنا قارنا بين اللالنترا 2012 وسيفيك 2012 هتلاقى الالنترا تفوقت فى ( الخامات - الشكل - الاوبشن )

فخليك فى ال 2010 او الشكل القديم

انا ماقولتلكش ال paddle shifter مهم

السيفيك وسائل الامان قليلة ( abs - 2 AIRBAG - EBD - VSA ) على فكرة نظام الVSA هو هو نظام الثبات المساعد

وعشان بس تبقوا عارفين حاجة الفطيم نزل السيفيك بالاوبشن دة لان فعلا العربية غليت برة يعنى الكاملة برة عاملة 23 الف دولار لو حسبتها هتلاقيها عاملة تقريبا 130 الف جنية مع الجمارك والمكسب هتعدى ال 200 الف عشان كدة اقتصد منها كتير

[mody3on]

ياباشا هو حضرتك مصمم لية على السيفيك الجديدة انا كلامى على السيفيك 2010 لان ببساطة السيفيك 2012 ماليش نفس اجربها ومش عايز اجربها فخليك فى ال2010 احسن لان ببساطة لو احنا قارنا بين اللالنترا 2012 وسيفيك 2012 هتلاقى الالنترا تفوقت فى ( الخامات - الشكل - الاوبشن )

فخليك فى ال 2010 او الشكل القديم

انا ماقولتلكش ال paddle shifter مهم

السيفيك وسائل الامان قليلة ( abs - 2 AIRBAG - EBD - VSA ) على فكرة نظام الVSA هو هو نظام الثبات المساعد

وعشان بس تبقوا عارفين حاجة الفطيم نزل السيفيك بالاوبشن دة لان فعلا العربية غليت برة يعنى الكاملة برة عاملة 23 الف دولار لو حسبتها هتلاقيها عاملة تقريبا 130 الف جنية مع الجمارك والمكسب هتعدى ال 200 الف عشان كدة اقتصد منها كتير

انا بقارن عربية زيرو بزيرو يا سمسم , مفروض اساسا الشركات بتتقدم مش بتتاخر , يعني مثلا لو قارنت السيفيك بالالنترا القديمة السيفيك هتكتسح , في المقابل هيونداي تقدمت وهوندا اتاخرت , يعني لو كانت سابت الشكل القديم زي ما هو هتبقى احسن , عملت زي تويوتا اللي بعد ما عملت كورولا 2007 اللي كانت ممتازة في كل شئ عملت الكورولا الجديدة وخليتها ب 170 الف
خد بالك ان دي الاسعار في امريكا , العربية بتيجي هنا باسعار اقل من كده بكتير للتوكيل
وخد بالك انها بره بتنزل برضه ب 6 ايرباج و gps وكراسي جلد heated , ممكن السيفيك تكون احسن ( الشكل القديم ) كعربية , بس في ناس عايزة تجيب زيرو واعادة بيع كويسة وقطع غيار في المتناول وهتفضل الالنترا , بس حكاية ان العربية over-priced ده في كل العربيات مش لوحدها , مع انها فعلا مفروض على الاقل الفولي لودد تكون فيها 4 ايرباج و abs-ebd-ba-esp زي الفوكاس والجوك بس هنعمل ايه في غبور الحرامي بقى
عن نفسي لو معايا 160 الف هجيب الفولي لودد عشان الفوكاس اوبشنها قليل جدا حتى مفيش زجاج كهربا ورا , لو اقدر ازود 20 الف بدون تردد هجيب الفوكاس لانها احسن عربية في الفئة دي فعلا , واحسن تصميم وبعدها الالنترا لان الالنترا خطوطها الغير مستقيمة الكتير دي ممكن متعجبش ناس كتير , تصميم الفوكاس الهاتشباك تحفة وهي دي فعلا اللي تستاهل الفلوس

[SAMEH_FOUAD]

شكرا يا زوق ده من اصلك وتربيتك ربنا يسامحك

انا ضد التعصب الاعمى بغباء لاي ماركة بالدنيا واللي بقوله عن الكوري بشكل عام مش بيقلل من ملاك الكوري بشيء الا لو اعتبر حد نفسه صاحب المصنع او الوكيل سبحان الله ؟؟ اللي بقوله تجربة بحتة انا سقت بالكوري النوبيرا الموديل السابق في الالنترا اللي بشوفه احسن من الحالي وكمان الفيرنا اللي يمكن دي تكون فعلا قيمة اللي انت دافعة واخده من عربية مش زي الالنترا الفولي لودد ولا الهالة اللي محطوطة لها اللي هي فعلا اكبر من حجمها وانا مش من هواة الجري والسباق والكلام ده الحمد لله انا بسوق بعقل ومش بزيد عن السرعة القانوينة الا مضطر وبمسافات صغيرة اوقات قليلة .. اللي عايز اوضحة واشرحه علشان محدش يجي يهاجمني بقلة بصيرة ويتهم حد بالجهل وهو الجهل نفسه زي ما في المشاركة ان في ماركات مينفعش تتحط بمقارنة مابينها وبين الهيونداي او الكوري عموما ومنها هوندا لما لها من تاريخ عريق بالسيارات وحتى المواصفات القياسية اللي الشركات بتحترم نفسها وبتخليها اساسا باي سيارة بتنتجها من وسائل امان ورفاهية وانك فعلا تكون دافع بالزبط ثمن الحاجة اللي انت واخدها لكن نيجي للهيونداي ايه المواصفات القياسية اللي بياخدها المستهلك بمصر مقابل القيمة اللي دفعها ؟؟؟ اللي هي اغلى اساسا من قيمتها بكامل التجهيزات برة مصر تمام في جزأ تتحمله الجمارك انها بتبالغ بالسعر ويارتها بده مثلا بتحمي منتج محلي وبتحافظ عليه لان مفيش منتج محلي بالكامل من الاساس لكن الجزأ الثاني رايح فين مش من استغلال التوكيل اللي بيخليني اقارن ما بين العربيات الكوري وما بين الالماني انا مقارنتش بين اودي نفس النسة لا انا قارنت بين عربيتين بينهم 14 سنة هو ده الزمن ما بين التقنية بالالماني وما بين الكوري ان مكنش اكثر كمان والغريب ان الناس مش بتعرف تركب او السوق ظالم يعني عربيات مش واخدة حقها ابدا منها الفولفو والفيات والاودي والاوبل و و وو و وفي عربيات واخدة اكثر من حقها زي الكوري اللي يبنزل هنا بمصر تتصوروا لو وكيل اودي مثلا او غيرها قال للشركة الام انا عايز العربية علشان انزلها بمصر تشيلوا منها اكياس الهوا او الفرامل المانعة للانغلاق او الانزلاق بالمرة علشان السعر هتوافق زي ما الكوري بيوافق واللي يهمه اول واخر سوق مش مستهلك بعكس الماركات المحترمة ... ده اللي بقوله سواء فهمته اهلا وسهلا او ما فهمته ما بيهمنيش اصلا ولا بيعنيني ولا انت اساسا شي يذكر بالنسبة لي ومستني شرحك العظيم للهيونداي ومميزاتها بس ياريت بفهم مش نقل والسلام ؟؟ ومش غلط الواحد يتعلم حتى من اللي اصغر منه واحب اتعلم وان كنت غلط افهم الصح ده مش عيب اتفضل وياريت بما انك بتدعي ان عندك هوندا وهيونداي تقولنا الفرق بالمرة .. وشكرا مرة تانية

كلامك صح جدا ودة اللى بنحاول نقولة ونفهمة للناس

مايعرفوش ان ملاك السيارات الكورى بياخدوا العربية زيرو ويبيعهوها بعد ماتخلص سنين الضمان او بعديها بسنة ولا حاجة لانها بتكون فتحت بقها بجد

[SAMEH_FOUAD]

بالنسبة للكورولا فانا مش عارف هو ايه اللى دخلها في الموضوع طالما المقارنة مابين السيفيك والالنترا

اللى جاب سيرة الكورولا انهم بيقولوا ان خامات الكورولا تعبانة ولا تقارن بالهيونداى تخيل يااحمد
خامات الكورولا تعبانة , انا مش مصدق اللى اتقال

[mody3on]

كلامك صح جدا ودة اللى بنحاول نقولة ونفهمة للناس

مايعرفوش ان ملاك السيارات الكورى بياخدوا العربية زيرو ويبيعهوها بعد ماتخلص سنين الضمان او بعديها بسنة ولا حاجة لانها بتكون فتحت بقها بجد

اه وملاك الهوندا برضه على فكرة ( ماهو فتي بفتي بقى )

[Hosam_Optrawy]

السلام عليكم

بس لما وجيت بقى عملت الكلام على السيفيك 2010 ال vti هاقولك انسى السيفيك 2010 افضل بمراحل من الالنترا 2012 وعن تجربة ( مسألة الشكل ازواق ودية وجهة نظر حضرتك ) بس فية حاجة عايز اقولها شكل الالنترا حلو انك تبصلة اول مرة بعد كدة مافيش الجاذبية اللى تخليك تبص عليها , بعكس شكل السيفيك 2010 تحب تبص عليها حتى مع مرور 5 سنوات على نزولها الاسواق وانتشارها فى الشوارع ودية بردة وجهة نظرى

مش لدرجة مراحل يا استاذ سامح فين المراحل دى , ياريت مانديش الحاجه اكبر من حجمها خصوصا اننا بنتكلم فى فئه من العربيات الفروق بينها مش مراحل ولا حاجه وكل واحده ليها عيوب ومميزات , والسيفيك ممتازه ومن افضل العربيات اليابانى بس هى مش اكورد عشان نقول مراحل

بالنسبة لاجابة سؤالك هجاوب علية بمنتهى البساطة , زى بالظبط سر الانتشار الرهيب للفيرنا

هل دة مقياس انها عربية حلوة اكيد لأ طبعا بس زى ماقولتلك هيونداى وكيا لاعبين لعبة حلوة اوى وهية حاطين عربيات فى متناول ظروف المواطن المصرى عشان لو واحد معاة مقدم 50 الف وعايز يجيب عربية ومايقسطش كتير مش هيلاقى اختيار غير الكورى قدامة وفيها اوبشن كويس وبتتباع بسرعة لو حب يغير

بالنسبة بقى للخليج وامركيا لما اركب العربيات اللى بتنزل هناك اقدر افيدك ساعتها يمكن الاختلاف مابين هنا وهناك بيخليوهم يركبوها

وبعدين ياباشا نصيحة منى السوق المصرى لا يتم تحديد لية اى هوية لانة ماشى على المعتقدات القديمة ,- احنا ماشيين ورا كلام التجار يقولك ارفع الاسعار تترفع الاسعار نزل الاسعار تنزل الاسعار , يقولك دية حلوة تلاقى الكل جابها , يقولك دية وحشة تلاقيها بتتباع برخص التراب ,و هاتلى واحد كبير راكب النترا وقولة دية كام حصان هيقولك ماعرفش + ضحك المبيعات على الزباين عشان يبيعوا وطبعا كلة بعمولتة , الناس اللى بتشترى العربية من غير حتى مايجربوها كل دة دليل على ان المستهلك المصرى بيجيب اى حاجة وخلاص , لكن اللى بيبقى لية متطلبات فى العربية صدقنى هيبعد عن الكورى نهائى يعنى لو واحد عايز ( محرك قوى + ثبات + اعتمادية بجد + عربية رياضية بمعنى الكلمة ) هيبعد عن الكورى نهائى ومعظم اليابانى , مش هقولك عشان يبانى يبقى تمام , لأ طبعا فى عربيات يابانى كتير الواحد عارف ان مستوى الكورى افضل منها بدون ذكر اسماء

ماشى اللى بيركبوا كورى مش فاهمين وعشان رخيص وعلى اد ايديهم , طب واللى بيشترى يابانى عشان الماركه او العلامه بس هو دا اللى فاهم ؟

طب هانبعد عن الكورى ( النترا - سيراتو ) ومعظم اليابانى طب هانجيب ايه وبكام ؟ فى نقطة مهمه جدا فى الشراء بيتاخد بيها فى كل دول العالم , القيمه مقابل السعر , دفعت كام اخدت بيه ايه

طيب بعد اذنك كدة ممكن تقولى اية الاوبشن اللى موجود فى الالنترا اللى ب135 الف اللى بيقولوا عليها ( full option - autamtic transmission )

ب 132,500 فئة GL فيها 2 ايرباج و ABS

ب 138,500 فئة HighLine فيها ايرباج و ABS وجنوط وفتحة سقف

ب 144,000 فئة GLS فيها 2 ايرباج و ABS وجنوط وباركنج سنسور وحساس مطر وتكيف اوتوماتيك مش فاكر ايه تانى

فولى لودد ب 156

طبيعى ان كل عربية ليها مميزاتها وليها عيوبها ومعاك ان سعر الهوندا غالى جدا بس المشكلة انها فعلا عربية عيوبها تكاد ان تكون لاتذكر واهم مميزاتها ( محرك قوى - ناعمة - عفشة كويسة جدا- ثبات عالى جدا - معمرة جدا - شكل جميل - اوبشن كتير ورائع ويرضى جميع الازواق والمتطلبات - مواصفات امان عالية - بها كل وسائل الامان - شكل مميز وجذاب - خامات نظيفة جدا وتقفيل فى منتهى الروعة - استهلاك بنزين ممتاز ) دية السيفيك هاتلى بقى واحد يهتم بالحاجات الطفيفة اللى هقولها ودية العيوب ( منخفضة شوية ودة عيب فى شوارعنا مش فى العربية وعموما العربية فى كل الاحوال مش بتحك غير مع الحمولة + مطب خاطىء - رجة خفيفة اثناء فصل وتشغيل التكييف فقط - قطع غيار بيقولوا عليها غالية ومش هعرف اقولك انها غالية غير لما تسمعنى كدة حاجة من قطع غيار الالنترا - الكنبة الخلفية ضيقة شوية لو واحد طويل هو اللى بيسوق ودة موجود فى كل السيفيك على فكرة لان العربية بيبقى سقفها منخفض ) غير كدة مش هتلاقى دية السيفيك بأختصار

معلش انتوا بقى اللى القسم بتاعكوا معلوماتة قليلة جدا عن اى عربية

وانا شايف ان ال135 الف جنية دول مايدفعوش فى عربية فاضية اوبشن وكورى , لان اللى حضرتك الاوبشن اللى انت قولتة دة مايفيدنيش بحاجة

( تكييف تاتش : ولا لية اى لزمة - بلوتوث : طييب ماى حد ممكن جيب كاسيت ب400 جنية يكون فية شاشة + gps + blutooth + usb + aux اية المشكلة يعنى

حساس مطر : على اساس ان مصر كل يوم بتنزل فيها المطرة او كل شوية واحد بيرش مياة على الزجاج ولا الواحد مكسل يرفع بس الاوتو بتاع دراع المساحات

معلش ياريت بردة توضيح اكتر لاوبشن الالنترا 2012 الفئة ال 135 الف جنية

طب ودهان السيفيك ؟ والعزل ؟ وتزييق البطاحات ؟ مش دى برضه عيوب اشتكى منها ملاكها مش انا

اولا : فتيس الالنترا مش محتاج 6 سرعات لانة اولا زود الاحساس بالنقلات + ان المحرك اصلا بيجيب 200 بالعافية , ومحرك الهوندا كويس جدا علية 5 سرعات بيأمنلة تسارع ممتاز وعدم الاحساس بالنقلات ودة اللى يهمنا

ثانيا : مش عارف انت ازاى بتقول على عفشة الالنترا انها ناعمة ياريت تجربها تانى وتحكم

ثالثا : شكل السيفيك 2010 شكلة رياضى وجذاب جدا وعصرى . بالمقارنة بشكل الالنترا اللى حلواة بس يفتقد للجاذبية

رابعا : السيفيك فيها كل عوامل الامان standard فى كل الفئات , مش زى اللالنترا اللى فئة واحدة بس اللى مجتمعة فيها مواصفات الامان ( وهما abs- 2airbag ) بس , والاوبشن اللى كل مرة يضحكوا بالناس علية ويدفعهوم فلوس اكتر بكتير

خامسا : السيفيك ال vti فيها كل تستخدمها بجد مش اوبشن وخلاص والاسم موجود فى العربية زى ( نظام ال vsa مساعد الثبات : ودة مهم جدا وبيفرق كتير فى الثبات - paddle shift : مهم جدا للقيادة الرياضية ولية متعة تانية لعدم تشتيت الانتباة - فتحة السقف لاضفاء اللمسة الرياضية على السيارة - ديسكات خلفية موجودة فى كل الفئات مش طنابير زى الالنترا - طبعا بجانب الانظمة الاساسية ( abs- ebd- 2airbag- vsa ) صدقنى متعة تانية خالص

سادسا : السيتى فعلا تمنها غالى انا ماقولتش حاجة بس معلش لو قارنتها بغيرها يبقى هية احسن على الاقل فيها عوامل امان واداء محركها كويس جدا وناعمة جدا وعفشتها فى قمة الراحة ,يعيبها الخامات - غلاء قطع الغيار - سعر اعادة بيع وحش

سابعا : بالنسبة للاسعار انا بدفع 200 الف جنية وعارف انها غالية عليها بس فى المقابل واخد عربية كاملة فى كل حاجة وعلى فكرة هما بس 189 الف مش 200 الف للدقة فى كلامى , لكن لما تاخد بقى عربية ب135 ولا ب138 الف جنية ومافيهاش عوامل امان وعربية متنفضة يبقى اية !!!!!!!!!!!!1

جميل جدا طيب لما احب اركب سيفيك اعمل ايه لازم اجيب مستعمل ؟ فين الجديد بتاع الهوندا ( اللى خيب امال الكل ) وحتى لو قبلت بالجديد واقتنعت بيه هل فرق السعر منطقى ؟

وحتى لو افترضنا ان فى سيفيك VTi جديده ب 190 ينفع يبقى الفرق دا وهل تستاهل تمنها

هو حضرتك لية كل مااجيبلك سيرة ال paddle shift تجيبلى سيرة السيراتو هو احنا بنتكلم على الالنترا ولا السيراتو , وعموما ياباشا انا قولتلك جرب الpaddle shift بتاع السيفيك والسيراتو وانت تعرف الفرق هتعرف فرق ال response مابينهم

وتانى مرة ياباشا السيفيك 2010 ب 189 الف , والالنترا ب 159 الف جنية انت بترخص هنا وبتغلى هنا

السيتى 118 حصان , الالنترا 128 حصان بس جرى الاتنين وانت تعرف فرق ال i-vtec هيعمل اية فى المحرك , السيراتو 124 حصان دية الارقام الصحيحة

معلش الالنترا الاوبشن بتاعها فقير جدا بالنسبة لسعرها 141500 ,ومافيهاش غير ايرباج واحدة وحبة اوبشن واقسم بالله ولاليهم اى لزمة لييييييييييييييييييييييييييييية واى حد يقولى هل يدفع 141500 فى عربية مافيهاش اى وسائل امان ؟؟؟؟؟؟؟؟؟؟؟؟؟

بالنسبة لسعر السيتى ياباشا زى ماقولتلك سعرها مبالغ فية بس مش للدرجة اللى زى الالنترا سعرها مبالغ فية , يعنى زى ماقولتلك سعر السيتى اة غالى بس لو قارنتها بفئتها مثلا ال rb هتلاقيها ب105 الف جنية وفاضية بمعنى كلمة فاضية مقابل دية ب 135 الف جنية وعلى فكرة هو مافيش سيتى دلوقتى استنى موديل 2013 هنشوف هيكون بكام

ولا السيفيك ولا السيتى الاتنين مبالغين فى سعرهم

بس هاتلى عيوب فى السيفيك تخليك تقول يعنى اتضحك عليا وكمان كل دية عيوب وكمان مافيش وسائل امان

بعكس عربية سعرها مغالى فية تماما وكمان فيها عيوب + مافيهاش وسائل امان

وياريت تقولى بعد اذنك اية اللى يخلينى ادفع فى النترا 141500 الف جنية , فى عربية فاضية اوبشن وكمان خامات بلاستيك وفية عندى ال fully loaded ب 159 الف جنية وفيها كل حاجة لان الفرق مش قليل بس اسمك جيبت عربية فيها مواصفات امان , مع العلم ان الفئة اللى ب 141 الف مافيهاش نظام immoblaizer كمان , والفئة الfully loaded مافيهاش مرايات ضم , ولا فيها زينون , مافيش تحكم بالمصابيح الامامية ,

والعربية اللى فعلا قليلة جدا ومش بشوفها هية الالنترا ال fully loaded

ولا السيفيك ولا السيتى مبالغين فى اسعارهم ؟؟؟!!

اولا مينفعش نجيب سيرة السيتى مع الالنترا دى تتقارن بالاكسنت

وبعدين محدش بيجبر حد يشترى الالنترا من غير وسائل امان الزبون هو اللى بيختار , عندك حوالى 10 فئات منهم 4 فيهم وسائل امان اساسى 2 ايرباج و ABS بسعر يبدأ من 132 , ايه المشكله فى السعر ؟ وفين البديل الافضل

بالنسبة لإنتشار الالنترا فهي انتشرت مش عشان هي افضل من السيفيك او افضل من الكورولا إطلاقا

الالنترا انتشرت اولا عشان اتسوقلها كويس شوف كام اعلان هتشوفه للالنترا وال Rp مقابل كام اعلان للسيفيك !!؟

الاعلان طبعا عامل مهم بس مش هو كل حاجه اللى بسببه الناس بتشترى

ثانيا وده الاهم : ان الالنترا بتخاطب متطلبات الشعب المصري : الا وهي "البلوتوث - حساس المطر - السينسور - فتحة السقف - الفوج لايتس - قطع غيار بتتباع عن البقال - يوم ماتحب تبيع بكرة تتباع من غير ماتخسر كتير ... etc " انما اداء العربية عموما كقوة ماتور - ثبات - وسائل امان ABS/Airbags .. ياراجل بلا امان بلا بطيخ الحافظ هو ربنا "

هى دى متطلبات الشعب المصرى دلوقتى , ماهى موجوده فى عربيات كتير اشمعنى الالنترا مع انها مبقتش رخيصه زى زمان

الالنترا تفوقت على السيفيك فقط في الشكل الداخلي والخارجي والكماليات فقط لا غير !!

لكن كعربية قصاد عربية ماينفعش اني اقارن او احط الالنترا مع السيفيك في جملة واحدة

يااه للدرجه دى

السيفيك محرك اقوى <<< هتقولي دي 130 حصان ودي 122 حصان ازاي !! ؟ هقولك ببساطة بص على الالنترا ال Md كانت 124 حصان في حين السيفيك ال 2010 122 ومع ذلك !! السيفيك كانت بتكتسحها على كل السرعات !! جايز بقى الالنترا احصنة كوري زي مافورميلاتور قال !! ؟ هههههههه

السيفيك اثبت بكتييير ومافيش اي وجه للمقارنة مابين السيفيك والالنترا في الثبات

الالنترا الجديدة على فكرة عفشتها زي الزفت !! ركب فيها 2 ورا وزنهم تقيل حبتين ومشيها في شارع مكسر وسلملي على نفسك وعلى احلى اصوات حك هتسمعها مع كل مطب او حفرة

وعلى فكرة الكلام ده قدام عيني مش افترى او كلام من الهوا النترا 2012 فول لودد شفتها من كتر ماهي ساقطة على الارض كنت حاسس صاحبها مسقطها !! والله العظيم ماكان فيه مجال حتى اني ادخل صباعي مابين العجل والكرتيرات !! ؟ مافيش دقيقتين ركنت على جمب لقيت نزل منها 3 كانو قاعدين ورا قامت العربية رفعت تاني على الارض

وطبعا كاعتمادية السيفيك افضل واحسن بكتير وهات سيفيك بقالها عشر سنين على الطريق او عاملة كيلو متر عالي وقارنها بالنترا ماشية نفس المدة وانت تعرف الفرق مابين دي كعربية ودي كعربية

عموما انا من وجهة نظري الالنترا على الرغم من سعرها المبالغ فيه الا انها ممكن تكون مناسبة للي بيحب الكماليات والاوبشنز والشكل الخارجي والداخلي وناوي بعد تلت اربع سنين يبيع انما لو واحد عايز يجيبها بحيث تكون عربية العمر مافتكرش انها هتكون مناسبة

ماتنسوش ان العربية 2012 يعني كل ملاكها لسه جايبنها وماكملتش مع حد خلونا نستنى تلت اربع سنين قدام ونشوف اراء الملاك عن العربية هيبقى عامل ازاي

انا مش بقول انها وحشة لكن ماينفعش تتقارن بالسيفيك او حتى بالكورولا

-------------

ماشى دا رأيك وتقييمك مقدرش اكلم , لكن نقطة مينفعش تتقارن دى اللى مش فاهمها بصراحه

بالنسبة للكورولا فانا مش عارف هو ايه اللى دخلها في الموضوع طالما المقارنة مابين السيفيك والالنترا

لكن الالنترا / او هيونداي عموما لسه قدامها ممكن بتاع 10/15 سنة علما تعمل عربية في اعتمادية وقوة ومتانة الكورولا فالاحسن نطلعها برة الموضوع عشان مايبقاش فيه تشتيت ويبقى الموضوع مقارنة مابين السيفيك والالنترا

الكورولا ملهاش اى ميزة غير ان عليها علامة تويوتا ودا بيمثل نسبة 50 % من قرار شراءها من بعض الناس , ال 50 % التانيه انها اعتماديه ودى بقت حاجه عاديه مبقتش حاجه حصريه لليابانى دلوقتى دا كان زمان دلوقتى الكورى اعتماديه زيه بالتجارب مش كلام وخلاص

لكن فنيا الكورولا اقل من معظم عربيات فئتها

الكورولا فى اى مقارنه او ريفيو بتتطلع المركز الاخير دايما ماشاء الله :) ومع ذلك هى الاولى فى المبيعات فى امريكا

وعشان بس تبقوا عارفين حاجة الفطيم نزل السيفيك بالاوبشن دة لان فعلا العربية غليت برة يعنى الكاملة برة عاملة 23 الف دولار لو حسبتها هتلاقيها عاملة تقريبا 130 الف جنية مع الجمارك والمكسب هتعدى ال 200 الف عشان كدة اقتصد منها كتير

هو الفطيم بيجيب نفس اوبشنز وكماليات ومواصفات امريكا ماعدا الموتور بس ؟

[mody3on]

انت فين يا عم حسام من زمان , انا شكيت في نفسي حسيتهم بيتكلموا على كورورلا تاني غير اللي ركبتها واللي شفت معظم ريفيوهاتها والمقارنات بتاعتها , قالك السيفيك لا تقارن بالالنترا
امال دول ايه
2012 Honda Civic meets the 2011 Hyundai Elantra and the 2012 Ford Focus - Automobile Magazine
2012 Honda Civic vs. 2011 Chevrolet Cruze vs. 2011 Hyundai Elantra Comparison Test

http://www.auto123.com/en/news/is-the-civic-vs-elantra-battle-on-again?artid=141658

Hyundai builds a better Civic: 2011 Elantra GLS | The Car Tech blog - CNET Reviews
Best-Selling Compact Sedans - Comparison - Motor Trend
2011 Hyundai Elantra vs. 2012 Honda Civic: Price Comparison - KickingTires
Rechtin: Civic vs. Elantra
2013 Dodge Dart vs Civic vs Focus vs Cruze vs Elantra vs Corolla Mashup Review - YouTube
2012 Honda Civic vs. 2012 Hyundai Elantra : Car Reviews
2012 Hyundai Elantra Reviews, Pictures and Prices | U.S. News Best Cars
الالنترا هي الاحسن في الفئة بعد الفوكاس , والدودج دارت الجديدة نازلة بتقلها وشكلها جامدة جدا
هيقولك بقى الالنترا هناك غير هنا , ماهو الهوندا هناك غير هنا والكورولا هناك غير هنا والفوكاس هناك غير هنا , بس كلها فروق اوبشن ووسائل الامان والعربية نفسها هي هي

[mody3on]

انت فين يا عم حسام من زمان , انا شكيت في نفسي حسيتهم بيتكلموا على كورورلا تاني غير اللي ركبتها واللي شفت معظم ريفيوهاتها والمقارنات بتاعتها , قالك السيفيك لا تقارن بالالنترا
امال دول ايه
2012 Honda Civic meets the 2011 Hyundai Elantra and the 2012 Ford Focus - Automobile Magazine
2012 Honda Civic vs. 2011 Chevrolet Cruze vs. 2011 Hyundai Elantra Comparison Test

http://www.auto123.com/en/news/is-the-civic-vs-elantra-battle-on-again?artid=141658

Hyundai builds a better Civic: 2011 Elantra GLS | The Car Tech blog - CNET Reviews
Best-Selling Compact Sedans - Comparison - Motor Trend
2011 Hyundai Elantra vs. 2012 Honda Civic: Price Comparison - KickingTires
Rechtin: Civic vs. Elantra
2013 Dodge Dart vs Civic vs Focus vs Cruze vs Elantra vs Corolla Mashup Review - YouTube
2012 Honda Civic vs. 2012 Hyundai Elantra : Car Reviews
2012 Hyundai Elantra Reviews, Pictures and Prices | U.S. News Best Cars
الالنترا هي الاحسن في الفئة بعد الفوكاس , والدودج دارت الجديدة نازلة بتقلها وشكلها جامدة جدا
هيقولك بقى الالنترا هناك غير هنا , ماهو الهوندا هناك غير هنا والكورولا هناك غير هنا والفوكاس هناك غير هنا , بس كلها فروق اوبشن ووسائل الامان والعربية نفسها هي هي

[Ahmod]

الاعلان طبعا عامل مهم بس مش هو كل حاجه اللى بسببه الناس بتشترى

اكيد الاعلان مش كل حاجة بس انا كشخص ماكتشفتش ان الهوندا سيفيك نزلت السوق المصري الا يمكن بعد مانزلت باكتر من تلت او اربع شهور !! وده لاني مش متابع وفيه ناس كتير كدة

في حين الالنترا ماشاء الله من قبل ماتنزل واعلانتها مغرقة الدنيا ! مش بقول طبعا انه السبب بس ده عامل وعامل قوي كمان

هى دى متطلبات الشعب المصرى دلوقتى , ماهى موجوده فى عربيات كتير اشمعنى الالنترا مع انها مبقتش رخيصه زى زمان

ماشي يبقى لما الناس بتشتري العربية عشان متطلباتهم - كشعب مصري - موجودة في العربية يبقى ده مش معناها انها - كعربية - احسن من عربية تانية ماحققتش نفس المبيعات

مايمكن لو السيفيك نزلت بكماليات وسعر الالنترا !! سعتها تكتسح الالنترا !! ؟ فرق 50 الف في السعر مش قليل وانا مستغرب ازاي نقارن مابين عربيتين الفرق مابينهم داخل على ال 50 الف جنيه

ماشى دا رأيك وتقييمك مقدرش اكلم , لكن نقطة مينفعش تتقارن دى اللى مش فاهمها بصراحه

انا اوضح لحضرتك اكتر

ماينفعش مثلا اقارن الالنترا بالكورولا لمجرد ان الاتنين سعرهم قريب من بعض !! زي بالظبط ماهو ماينفعش اقارن الياريس او السيتي بالسيراتو !! ؟ ماهما الاتنين في رنج ال 135 الف !؟

انا كشخص لما ادفع 170 الف في الكورولا فقيرة الكماليات هدفعهم وانا مطمن وعارف انا حاطط الفلوس فين !! وده بالنسبة ليا احسن مليون الف مرة مادفع نفس المبلغ في الانترا ماليان كماليات واوبشنز وانا مش ضامن العربية دي بعد 4/5 سنين حالتها هتبقى عاملة ازاي ؟

الكورولا ملهاش اى ميزة غير ان عليها علامة تويوتا ودا بيمثل نسبة 50 % من قرار شراءها من بعض الناس , ال 50 % التانيه انها اعتماديه ودى بقت حاجه عاديه مبقتش حاجه حصريه لليابانى دلوقتى دا كان زمان دلوقتى الكورى اعتماديه زيه بالتجارب مش كلام وخلاص

لكن فنيا الكورولا اقل من معظم عربيات فئتها؟

لا يا باشا انا مش مع حضرتك ابدا

معلش اسمحلي الكوري لحد دلوقتي ماوصلش لاعتمادية الياباني والكورولا مازالت العربية الاولى الاعتمادية في العالم

ولو بالتجارب مش هنروح بعيد هقول لحضرتك افتح الموضوعين دول

http://www.nilemotors.net/Nile/285110-40-000-a.html

http://www.nilemotors.net/Nile/282120-40000-2007-a.html

ده تقرير صيانة ال 40.000 لعربيتي الياريس وعربية كريم فوزي الالنترا Md

العربيتين موديل 2007 والاتنين عاملين 40 الف كيلو والاتنين متغيرش فيهم حاجة من سعت مالعربيتين اتجابو

شوف قطع الغيار طالعة من عندي عاملة ازاي وطالعة من عربيته عاملة ازاي !!؟

قارن مابين حالة العربية عندي وعنده قبل وبعد الصيانة !! ؟

انا عايز اقول لحضرتك اني اول ماعملت الصيانة عارف لما تبقى لسه عامل حاجة جديدة - وحاسس ان العربية بقت احسن وانعم واهدى - مجرد الاحساس اللى بيجيلك اول مابتغير حاجة

بعدها حسيت العربية طبيعي وزي الاول ومافيش اي فرق نهائي !! بالعكس ده انا كمان ندمت اني غيرت البوجيهات والسير لان مافيش اي فروق نهائي واللى طلعو من العربية شكلهم لسه فيهم يشتغلو تاني وماقالوش لاء

مع العلم اني يوم ماببقاش ماشي هادي بكون بنقل عند 4000 Rpm ! ومع الجري مش بنقل الا لما الماتور يفصل عند 7000 وده الطبيعي بتاع سواقتي !! ومش هحكيلك عن ال Drift اللى كنت قبل كدة بعمله بشكل يومي

يعني مافتكرش ان ممكن يكون فيه حد سواقته اصعب من كدة !!

يمكن الحاجة الوحيدة اللى كانت فعلا محتاجة تتغير عندي هي فلتر البنزين وده برضوا مش عشان حاجة لا !! ده عشان انا ماكنتش بحط بنزين الا لما اللمبة تنور ومع ازمة البنزين اللى فاتت الدنيا ضربت

بلاش ده

هات اي واحد معاه الانترا سوا شكل جديد او قديم وبقالها معاه اكتر من سنتين تلاتة ومش بيعملها الصيانة بتاعتها وقارنها مابين واحد معاه نفس الموديل وبيعملها الصيانة بتاعتها !! هتحس انك ركبت عربية تانية

في المقابل جيب كورولا بقالها 5/6 سنين ماشية على الطريق من غير صيانات ولا اي حاجة وكورولا تانية بيتعملها الصيانة بتاعتها !! ؟ ان لقيت فرق هيبقى طفيف

ده الفرق في الاعتمادية وجودة قطع الغيار الاستهلاكية

------

ومين قال ان الكورولا اقل فنيا من اللى في فئتها ؟ ؟

الكورولا كماتور معروفة انها من اقوى العربيات ال 1.6 اللى في السوق

الثبات كان عليها كلام بالنسبة للشكل القديم بس الشكل الجديد ثباتها معقول وماينفعش يتقال عليها ضعيفة في الثبات

كعفشة عالية عن الارض ومش بتحك في المطبات وطبعا مش هحكيلك عن نعومة وراحة الكورولا لانها غنية عن التعريف

الهاندلنج بتاع العربية ممتاز والباور الكهرباء اللى فيها هايل

الكماليات والاوبشنز اللى فيها معقولة

كسعر اعادة بيع وقطع غيار متوفرة ومافيش فيها مشكلة

ايه اللى يخليها بقى فنيا اقل من اللى في فئتها ؟؟

[Hosam_Optrawy]

يامودى الكورولا مش محتاجه كلام كتير من غير فيديوهات بره ولا جوه , معروف اللى بيشتريها بيجيبها ليه زى ماقولت

لكن لو قارنتها فنيا موتور فتيس عفشه ثبات باى عربيه من فئتها هاتلاقيها عاديه واقل من عاديه , لأ وبكام ب 155 الف !!!! واللى فيها جنوط وفتحة سقف وشكرا على كدا ب 167 دا ايه الجمال دا :) والناس زعلانه ان الالنترا ب 123 - 156 الف

[Ahmod]

حاجة اخيرة :

معلش اسمحولي بس سؤال !! دلوقتي السيفيك ب حوالي 190 الف الالنترا الفول لودد 156 الف

فرق 40 الف جنيه !! بالتالي كل عربية فيهم في شريحة غير التانية

سعر السيفيك دخلها في المقارنة مع الفانتزيا والجيتا والفورد فوكس !! ماينفعش مع الالنترا لان بالمنطق

اللى مستعد يدفع 200 الف في عربية وفكر في السيفيك هيفكر معاها في الفانتزيا والجيتا والفوكس مش هيفكر في الالنترا اللى ارخص منهم بحوالي 40 الف جنيه

كذلك اللى معاه 150 الف وبيفكر في الالنترا مش هيفكر في السيفيك لانه مش هيقدر على تمنها !!

انا بتكلم دلوقتي كشخص معاه فلوس وناوي ينزل يشتري اكيد المقارنة دي مش هتبقى موجودة في حساباته نهائيا

[mody3on]

حاجة اخيرة :

معلش اسمحولي بس سؤال !! دلوقتي السيفيك ب حوالي 190 الف الالنترا الفول لودد 156 الف

فرق 40 الف جنيه !! بالتالي كل عربية فيهم في شريحة غير التانية

سعر السيفيك دخلها في المقارنة مع الفانتزيا والجيتا والفورد فوكس !! ماينفعش مع الالنترا لان بالمنطق

اللى مستعد يدفع 200 الف في عربية وفكر في السيفيك هيفكر معاها في الفانتزيا والجيتا والفوكس مش هيفكر في الالنترا اللى ارخص منهم بحوالي 40 الف جنيه

كذلك اللى معاه 150 الف وبيفكر في الالنترا مش هيفكر في السيفيك لانه مش هيقدر على تمنها !!

انا بتكلم دلوقتي كشخص معاه فلوس وناوي ينزل يشتري اكيد المقارنة دي مش هتبقى موجودة في حساباته نهائيا

لان دي فئتها الحقيقية , لما تقولي الالنترا مغالى في سعرها ( مش انت تحديدا ) , والسيفيك اللي هي نفس فئة الالنترا ب 200 الف , يبقى اكيد انت محتاج اعادة تفكير , مين اللي يدفع 45 الف جنيه عشان ماركة هوندا مع انها مميزاتها اللي بتميزها عن الالنترا قليلة جدا
مفيش شك ان الكورولا اعتمادية ولو قعدت 20 سنة هتفضل كويسة , بس مقابل ده بتاخد عربية "مملة" , شكل خارجي وداخلي ممل ومفيهاش اي اوبشن يحببك في العربية , يعني القديمة كان بتجمع بين شوية اوبشن ونعومة واعتمادية , دي لا اوبشن ولا سواقة , بس اكيد الاعتمادية هي الحاجة الوحيدة اصلا اللي مخلية الكورولا تبيع المبيعات دي والاسم والماركة بيلعبوا دور كبير , باختصار عربية زي الكورولا متنفعش لشاب لانك مش هتحس باي رفاهية ولا متعة وانت راكبها , وقف النترا جنب كورولا وشوف فرق الديزاين بينهم صعب اوي تبص للكورولا تاني , في فجوة كبيرة في الشكل داخليا وخارجيا وفي الاوبشن , ده غير انها فتيس عادي 4 سرعات ومش ستيبترونيك حتى !!