للمهتمين بالثبات : هل الالنترا و الفلوستر .بتعوم؟ و ابه الحل من وجهة نظرك.دنجل خلفى

[Kareem.ElAraby]

السلام عليكم
بقالي مده مش هنا
الشغل قطعوا عني النت و طبعا من كتر الدخول علي نايل موتورز و بأرجع باليل بأحسس عشان أوصل السرير
أخيرا موضوع مثمر و الناس كلها بتجتهد و بتنقل الي عندها
بقالنا مده ما شوفتش موضوع كده
انا معايا النترا 2011 HD
لو هأعمل تعديلات عشان الثبات
جنط 16 نضيف (لينزو أو هاي جوينت)3500-4000
كاوتش نضيف (بريدجستون أو يوكاهاما S Drive ) 3000-4000
طقم بارات الترا ريسنج (من عادل وجدي) 2500-2800
كده احنا بنتكلم في 10000 بلبل مصري قيمه تقريبيه
ثبتت خير و بركه ما ثبتتش يبقي ارضي يا ابن أدم بنصيبك
و ممكن نوفر الجنط و الكاوتش و نركب ال 205/60/15 يوكاهاما C Drive و ده عامل 580 الفرده !
Made In Japan + Traction "A

أكتر من كده الصراحه من وجهه نظري الشخصيه ملوش لازمه و فلوس في الارض و مش هتعرف تاخد اللي انت عاوزه من العربيه كأداء مقابل اللي دفعته كفلوس و ان كنت مستكتر اللي انا بأقوله أصلا !
بس قولت أشارك يمكن حد يستفيد من المعلومه

[Samir Elshahawy]

أستكمالا للحديث و تعليقا علي كلام الباشمهندس / كريم العربي

صحيح الألنترا أو السيراتو عربيات حلوة و أنا شخصيا بأحب الالنترا بس مش لدرجة أني أصرف عليها جامد كده لسببين :

- لما أجي أبيع العربية مش هأعرف أستعيد قيمة اللي صرفته و ده لأن اي واحد هايشتريها مني مش هايقدر قيمة التعديلات دي

- خسارة أني أركب عربية فخمة أو أعدل في عربية و اصرف عليها و بعدين ييجي حرامي يسرق العربية كلها في غمضة عين أو واحد مش فاهم في أي حاجة زي مابيحصل اليومين دول يدخل في العربية يخسرني كل اللي دفعته فيها

بصراحة مصر خسارة يتركب فيها عربيات نظيفة أصلا

[lanos2004]

أستكمالا للحديث و تعليقا علي كلام الباشمهندس / كريم العربي

صحيح الألنترا أو السيراتو عربيات حلوة و أنا شخصيا بأحب الالنترا بس مش لدرجة أني أصرف عليها جامد كده لسببين :

- لما أجي أبيع العربية مش هأعرف أستعيد قيمة اللي صرفته و ده لأن اي واحد هايشتريها مني مش هايقدر قيمة التعديلات دي

- خسارة أني أركب عربية فخمة أو أعدل في عربية و اصرف عليها و بعدين ييجي حرامي يسرق العربية كلها في غمضة عين أو واحد مش فاهم في أي حاجة زي مابيحصل اليومين دول يدخل في العربية يخسرني كل اللي دفعته فيها

بصراحة مصر خسارة يتركب فيها عربيات نظيفة أصلا

عنى نفسى راكب لانوس
ومخلى فى الجراج بورش كايين
-
-
-
-يارب الستر من عندك

[M.Akef]

هو الكلام جميل يا معلم الحقيقه بس لازم نجرب علي ارض الواقع اللاول :)

[moha4tec]

لو ماشي في طريق محترم ناعم ومفيش مطبات هواء ولامفصلات كباري هتلاقي اداء العربية مرضي جدا
اعتقد ان طقم الدعامات هيؤدي الغرض في تثبيت الجنبين يمين وشمال قدام وورا وهو ده المطلوب

الدعامات بتخلى العربيه متميلش فى الملفات .و تمسك نفشها فبتزود الثبات طبعا
و لسه امبارح مكتشف كارثه ................
التورشن بيم اصلا كان مفكوك خالص من عندى و عاوز يتربط مكان ما مركب شداد الترا ريسينج و بيتهز بايدى عادى جدا
اعتقد دا سبب ان العربيه ممكن تروح خالص منى هههههههههههههههههه
يا نهار ابيض و كل المده دى ماشى و هو مفكوك هههههههههههه
الحمد لله ربنا ستر هروح افكه و اظبطه و اركبه تانى
لان الشداد اتحك من المطبات و هى السبب انه يفك كده

[moha4tec]

معلش انا علي قدي في التعديلات في الموتور والعفشه

يعني انا معايا اكسنت اربي المفروض اضيف اللينك فقط

طب ده يعني شكله ايه واربطه فين لو في صور ياريت
"الصورة بالف كلمة"

انتظر موضوع قريب فى قسم كيا باذن الله

[moha4tec]

الموضوع هايل وكل الحلول ممتازه هتجيب نتيجه بس لعلمك تعديل العفشه لسبور هيكون على حساب الراحه فى المطبات والتعديل رقم 1 مش سهل طبعاً وان تم معرفش النتائج هتتوافق مع العفشه الاماميه والا لا ... الموضوع اختيارى حسب استخدام الشخص فى النهايه يعنى لو كشيت قانونى ومعدتش سرعة 100 مش هيفرق معك يعنى انا راكب المانى وماشى قانونى ولمى بنزل وبركب اي عربيه حتى لو سويفت او اكسنت مبحسش بمشكله لأنى عمرى ما بوصل للسرعه اللى ممكن اى عربيه تفقد السيطره فيها فنصيحه وفرو فلوسكو ولو فى مبلغ تاعب حد يتبرع به للغلابه او يعدل داخلى يجيب جى بى اس او فرش جلد تمام ويعمل صياناتو فى مواعيدها وده رأيي الشخصى والله المستعان

كلام معقول ووجهة نظر تحترم

[moha4tec]

اولا موضوع ممتاز بحث هايل احييك على مجهودك

ثانيا من وجهه نظرى المتواضعه

هتركب عفشه سبور و شدادات و هتصرفلك مصاريف بالعبيط علشان تخلى العربيه ثابته

كل ده على موتور 110 حصان او اقصى حاجه 130 حصان

حرام عليا اصرف كل ده فى الرقم الصغير ده

هى العربيه قدراتها كده

يا اركبها على كده يا مركبهاش

مصرفليش انا مثلا 15 الف جنيه زياده على تمن العربيه علشان اخليها ثابته

ما انا ممكن ازود المبلغ ده او عليه شويه صغيرين و اركب حاجه ثابته بدون تعديل

هى العربيات دى كده يا اركبها على كده يا حرام عليا فلوسى

تحياتى

^_^

مشكور جدا جدا و احييك على وجهة نظرك

[moha4tec]

مطبات الهواء تتحل بمساعدين اقوى شوية او رياضية
عشان العربية وهى طالعة من المطب تكون ماسكة نفسها وميحصلش sway وكمان يركب تيش وبارة دركسيون رياضىة لو امكن
ودة كيت كامل


بارات تيش الدركسيون لو فيها اقل مشكلة العربية تبقى عرضة بصورة واضحة جدا للــ body rolling
والمساعدين دلوقتى فى انواع بتدى امكانية عمل زاوية camber and caster عن طريق البطاحة
طبعا جميلة جدا



بس طبعا الكل عارف ان الثبات الجامد بيروح معاة الشعور بالراحة داخل العربية

+11111111111111
كلام مظبوط 100%
و بالنسبه لتيش الميزان الرياضى عندك فكره بيتباع فين ؟؟؟؟

[moha4tec]

وبخصوص التكاليف
معلش فى ناس بتبقى حابة العربية بتاعتها جدا ولا يفرق معاها كورى ولا اى كان
عادى جدا هو حابب يعدل فيها
يعنى زمان من حوالى 18 سنة مكنش فية الكلام دة خالص
كنت افتكر ان ناس بتركب عدد صوت فى العربية بتوصل لارقام 30 الف جنية ويبقى مركبها فى 128
والله ان شوفت ناس كتير كدة وكانت فى بورسعيد

دلوقتى الناس اشتغلت فى التعديلات الجوهرية بتاعة العربية ..... انا شايف انة عادى انا حابب عربيتى وعايز اظبتها لنفسى

الكلام دة بقى شوفت اكتر منة فى تعديل المتسوبيشى لانسر .... تبقى العربية ثمنها 45 الف ويعدل عليعا ب 40 الف كمان ويعملها ايفوليوشن
والعربية اصلا فى الاساس ضعيفة جدا ومتستهلش كل دة
بس لو جيت ان الواحد يعدل على عربية محترمة فدة عادى جدا وكويس وخصوصا ان كيا وهيونداى دلوقتى بيهتمو جدا بالسفتى
[youtube]http://www.youtube.com/watch?v=dxdnwiz0qpg[/youtube]
هى اراء ليس اكثر
(ه>ا رائى الشخصى فقط ممكن يكون غير صحيح بالمرة)

موضوع الايفو دا مكنتش اعرفه خالص
ممكن افكر فيه بعد سنتين مثلا
و بصراحه انت دماغك حلوه فى العربيات و التعديلات

[moha4tec]

أحلي حاجة ان للصور ده كلها لعربيات مش في مصر.....:):):)ليه؟؟؟؟

حد يقولي التعديلات حايعملها فين، عند عبده عفشة ولا إبراهيم مقص، ولا حمادة جلب اللي ورا السنترال.

يا جماعة مصر ما فيهاش صنايعية و بالتجربة و من تجارب الاخرين، حضرتك تبتدي تعدل العربية من هنا و تبقي بداية مشاوير العذاب ما بين العفشجية و الميكانيكية.

الصنايعية اللي عاملين الشغل اللي في الصور ده، ناس مدربة و مؤهلة و معاها رخص مزاولة مهنة. و هي مهنة واحدة، مش النهاردة نقاش و بكرة خبير بربريز أمامي و مراية يمين.

و اللي بيعدل عربيته و بحس ان الدنيا اتعكت معاه ما بيقولشي، بس يقولك بقه انهارده رايح اظبط ماعرفشي ايه و بكره حارجلش كذه...

مصر ما فيهاش مراكز ولا ناس فاهمة هي بتعك ايه، الكلام سهل، لكن التنفيذ مختلف كلياً و كمان وقت التركيب الصنايعي بيقابل مشاكل و يقوم ضارب خرم هنا و تاييفة الناحية التانية و انت ولا داري.... و بعدين تسوق بعد الصرف ده كله، تحس ان في راكب حلة مسامير...

تحياتي ليكو و لمعلوماتكو القيمة اللي استفادت منها كتير.

معاك حق فى موضوع الصنايعيه
ضايعين جدا
دا حتى مبيعرفوش يستخدموا الادوات بتاعتهم اصلا
و ممكن يبوظلك اكتر ما يفيدك
بس بردو فى ناس فى مصر الان بقوا على مستوى عالى جدا بس طبعا الاسعار اغلى و منهم كار بويز و عادل وجدى و بور زون و هيثم سمير و مجيفر و رامى سرى و ناس كتييييييييييير جدا

[moha4tec]

طيب بالنمسبه لتعديل من تورشن بيم لواتس لينك ينفع لاي عربيه ولا ده للسيراتو فقط انا نفسي اخلص من التورشن بيم ده في السيريون

ينفع لاى عربيه بس اللى شفته للسيراتو و الالنترا و الفلوستر
و هو مبيشلش التورشن بيم اصلا
بالعكس هو بيزود عليك ال z link فقط و بكده تتحول و تبقى واتس لينك
هى دى الفكره
بس لازم تشوف حد عملها قبل كده فى عربيه تانيه عشان تنفزها صح
انا شفتها اتنفزت فى فلوستر و الترا و ظبطت الاداء و الله اعلم

[moha4tec]

احييك على المجهود المبذول...
احب اقول ان الكلام سهل وكتير...
ومفيش احنلى من الكلام النطري...
رأيي الشخصي من رأي اللي قالوا ان الماتور ده ع العربية دي مش محتاج ثبات اكتر من كده...
و متنساش ان لو فرضنا ان التكلفة كانت معقولة فانت هتواجه مشكلة في توفير الصنايعيه اللي يقومو بالمهمات على اساس علمي بأكمل وجه....
تحياتي

sent from my se arc s using forum runner

مشكور على كلامك و وجهة نظرك المحترمه
بس انا عارف هعملها فان و ازاى و كل حاجه جهزه الحمد لله فاضل بس انى اشترى القطع و اركبها
انا بس لو معايا الادوات ممكن اعملها بنفسى بس للاسف معنديش ...........

[moha4tec]

ممكن تقولنا ايه الكيت اللي انت مركبه دلوقتي
انا عمال ادور علي النت علي كيت لعربيتي و مش لاقي حاجه بسعر كويس
ومش لاقي اوي حاجات للكوري
مع ان فيه ناس مركبه apex علي سيراتيو
و مش موجود لينك في الموقع بتاعهم او اي موقع تاني للكوري اصلا

انتوا بتركبو كيت بتاع عربيه تانيه و بتعدلوا فيها ولا ايه؟؟؟
السوست بس هي اللي سهل تلاقيها
انا عايز اجيب طقم apex
اسعاره حلوه جدا بالنسبه للانواع الثانيه بس مش لاقي كيت ليها ولا لأي عربيه كوري
ياريت تفهمني وفكك من محلات مصر كلوا هيضرب في الاسعار و هيقولو اي هبل

انا كلمت مره عادل وجدي فقعني اخر فقعه
يقولي احنا ممكن نركب عفشه كوني بتاع عربيه مثلا كورورلا عندي و نعدل مش عارف في ايه و تكلفه الفيلم الهندي ده في حدود 3500 و انت طالع
وكل ده العفشه اصلا استيراد!!!!

مركب الترا ريسينج بارز
و الكيت نازله للعربيه بتاعتى مخصوص
و مش متوفقه
و انت لو عاوز اى حاجه هتلاقيها بس هتتعب شويه فى البحث
انت عربيتك اكسنت موديل سنة كام
دا لينك بارات هيونداى و هتلاقى الاكسنت قلب و شوف

Hyundai

[moha4tec]

متابع

منورنا .