تويوتا , 70 عاما من التقليد!

[PRO-DRIVE]

يفرق انو لو عندنا محرك فيات 1600 سى سى و محرك بنفس السعة لسيارة يابانية هنلاقى انو محرك الفيات بيستخرج عزمه عند دورات أقل, و نقطة العزم الأقصى مثلا عند 3000 مثلا, بينما سوف نجد السيارة اليابانية تستخرج عزمها عند ال4400 لفة مثلا. ده الطابع الغالب و لكن ممكن تلاقى بعض الاستثناءات.

لا حول ولا قوه الا بالله

يا عم ما قلنا بالارقام قبل كدا كل واحد

السيارات اليابانيه بتطلع عزم اكبر علي دورات اكتر ممكن تدوس و ممكن متدوسش انت حر

العربيه مش حتتحرك بس عند 4400

الحالة هنا مختلفة تماما.
فيات هى التى أعادت احياء طرازات لانسيا و ألفاروميو الى الوجود, فبعد أن عانت تلك الشركات من خسائر متوالية و ركود غير عادى

طيب فولكس اشترت بوجاتي و كان حالها ايه ؟؟

بدأت فيات -و هذا يحسب لها- مسيرة اعادة احياء هذه الماركات, فصممت لألفاروميو 156 ثم 166

اذا افهم من كلامك ان فيات فقط كانت تحتاج لعلامه تسويقيه تثق فيها الناس :)

[hazem_khidr]

لا يا بو حميد فيات مش محتاجه لعلامه تسويقيه علشان الناس تثق فيها.
سيارات فيات طول عمرها اعتماديتها عاليه جدا و قليله الاعطال و المواد المستخدمه فيها علي درجه عاليه من الجوده مش عربيات اي كلام

[PRO-DRIVE]

ل يا بو حميد فيات مش محتاجه لعلامه تسويقيه علشان الناس تثق فيها.
سيارات فيات طول عمرها اعتماديتها عاليه جدا و قليله الاعطال و المواد المستخدمه فيها علي درجه عاليه من الجوده مش عربيات اي كلام

طيب تفسر بأيه انها عندها تكنولوجيا و عندها فلوس و عندها مصممين و عندها خير ربنا كتير

و تشتري شركات فاشله و واقعه و ملهاش اي حاجه

و تعييد احيائها ؟؟ اكيد مش عشان عيون الفاروميو


يا حازم باشا انت معاك ختم الجنسيه التويوتاويه خلاص بقي انسي فيات :D

[hazem_khidr]

لا علشان خاطر عيون الفا روميو فعلا
فيات بالدرجه الاولي سيارته اقتصاديه
الفاروميو سيارتها تميل للطابع الرياضي نوعا ما
لانسيا سيارتها تميل للفخامه
و متهيالي شركه عريقه زي فيراري مش فاشله و نت طبعا عارف يعني ايه الحصان الجامح و عارف انه افضل الفرق في الفورمولا واحدد ان لم يكن الافضل علي الاطلاق و مفيش ي شركه لا يابانيه و لا اي كان جنسها قدرت تحطم ارقام فيرري علي مر السنوات

[Ahmed Anwer]

ملحوظة يا برو ،،،

من خبرات بسيطة في التسويق ،،

كل شركات العالم لازم تغير في شعاراتها كل فترة ،، دي حاجة معروفة ،،،

مش معناها إنها بتحاول تغير صورتها بس عشان الشعار يبقي جذاب و متجدد دائما ،،

زي مثلآ Nike لو تابعت هتلاقي علامتهم بتتغير كل شوية الأول الكلمة و تحتها صح و دلوقتي صح بس ،، و كذلك اديداس مثلآ

يعني بيغيروا في الشعار في نسبه في الوانه ، حجم الكلمة كده يعني ،،،،

مش يعيب فيات إنها بتطور شعارها ،، و هتلاقي معظم شركات السيارات كده ،،

حازم باشا ،،

أنا برده من عشاق الطعم الإيطالي في العربيات ،،، و صوت الموتور العالي شوية ، و الصالون اللي

تحس انها متأفل علي أدك ،، و الطابع الرياضي ،،

بس تفسر بأيه إن مجوعة فيات تراجعت للمركز العاشر علي مستوي العالم ؟؟؟

[hazem_khidr]

يا احمد بيه فيات فعلا وصلت المستوي العاشر بس حط في اعتبارك ان فيات مبيعاتها كلها في اوربا و البرازيل و الارجنتين يعني مش زي تويوتا مثلا ناجحه في كل العالم ما عدا اوربا

[PRO-DRIVE]

من خبرات بسيطة في التسويق ،،

كل شركات العالم لازم تغير في شعاراتها كل فترة ،، دي حاجة معروفة ،،،

نيسان من ساعه ما وجدت مغيرتش اسمها ولا شعارها

تويوتا كذلك

فولكس فاجن اضافت اللون الازرق للخلفيه و بس

شيفورليه عمره ما اتغير

كاديلاك كمان

مرسيدس التعديلات كانت زماااان اوي و خلاص يمكن من 60 سنه متغيرش حاجه

كرايسلر كمان

اودي من ايام اوتويونيون قبل الحرب العالميه التانيه و شعارها الاربع دوائر

سوبارو من ساعه ما انشأت برضه مغيرتش شعارها

و انفنتي و لكزس و اكيورا

و هوندااا

الامثله كتيييييييير اوي



فيات غيرت شعارها كليا مش ضافت لون او كدا

[hazem_khidr]

احنا نستني و نشوف راي الاستاذ فادي في الموضوع دا :)

[Ahmed Anwer]

بص يا برو ،،

طبعا انتا عارف انك حبيبي

مش انا اللي هاتخض ،، و اقول ياهه الواد ده جامد و قاعد في مصانع العربيات ،،

هههههه

الحركات دي تعملها مع فادي ،، و ترصله كام حرف انجليزي جنب بعض ،،

ده مثل واحد ،، و مش فاضي اجيبلك بقية الشركات

شعار سوبارو القديم سنة 1985 ،،

[PRO-DRIVE]

يا احمد باشا سوبارو غيرته 1 واحده في حياتها و كان تعديل لوضع نجمه

لكن ايه علاقه شعار فيات الاحمر حاليا و الازرق اللي قبله و الطويل اللي قبله

فياات غيرت شعارها تقريبا 12 مره مفيش شركه في العالم عملت كدا :)


حتلاقي كله يمكن مره او 2 بالكتييييييييييرررر مش 12

احمد باشا علي فكره تقدر تشوف كميه شعارات فيات اللي استخدمت هنا

http://www.cartype.com/page.cfm?id=160

جيبلي بقي ربعهم عند سوبارو ولا شركه تانيه :)

[فادى]

"طيب تفسر بأيه انها عندها تكنولوجيا و عندها فلوس و عندها مصممين و عندها خير ربنا كتير

و تشتري شركات فاشله و واقعه و ملهاش اي حاجه

و تعييد احيائها ؟؟ اكيد مش عشان عيون الفاروميو


يا حازم باشا انت معاك ختم الجنسيه التويوتاويه خلاص بقي انسي فيات "

كل شركات العالم تفعل ذلك, و تشترى الشركات ال"واقعة" زى ما بتقول.
عندك مثلا بى ام دبليو و شرائها لجزء من روفر, هيونداى و شرائها لكيا, جنرال موتورز و شرائها لدايو, مادامت ترى أنك تستطيع اعادة احياء هذه الشركة و الاستفادة منها فلم لا. و لا أعتقد أن أحدا من الشركات المذكورة يحتاج لاسم أو تكنولوجيا.
و هناك سبب أخر أهم بكثير, و هو أن ألفاروميو و مازيراتى و لانسيا هى أسماء ايطالية عريقة رغبت فيات بحس قومى فى المحافظة عليهم, و قد جاء عليها هذا بخسارة كبيرة فى كثير من الأحيان و خاصة لانسيا التى تشكل حجر عثرة فى طريق فيات, و لكن فيات لم تتخلى عنها أبدا.
و لا تنسى أنها سيارات تمثل فئات مختلفة عن فيات,
فيات فئة السيارة الصغيرة-العائلية الصغيرة و المتوسطة الاقتصادية.
ألفاروميو تتخصص فى سيارات السيدان الرياضية و السيارات الرياضية من المستوى الابتدائى.
لانسيا السيارة الفاخرة.
مازيراتى السيارة الفاخرة ذات الأداء الرياضى.
فيرارى السيارة السوبر الرياضية.
ايفيكو : الشاحنات و سيارات الخدمة الشاقة.
و لا تنسى أن كل هذه السيارات من أول فيات الى فيرارى تتمتع بطابع رياضى يميز السيارات الايطالية عموما, ماعدا ايفيكو بالطبع.
كما ترى أن كل شركة تتولى انتاج نوع معين من السيارات و ألفاروميو و لانسيا دائما ما يتشاركون الشاسيهات و المحركات مع سيارات فيات. بينما تتشارك فيرارى و مازيراتى نفس المكونات تقريبا.
و أسست فيات شركة فرعية اسمها "ماجنيتى أريللى" و عملها هو تزويد كل سيارات المجموعة بما تحتاج اليه من مكونات. يعنى هتكتشف فى النهاية انو حتى فيرارى بتعتمد على فيات فى كثير من المكونات و علبة التروس الشهيرة "سيلسبيد" التى استخدمت فى سيارات فومولا واحد من تطوير شركة "ماجنيتى أريللى".
و لا تنسى أن مايكل شوماخر كان يقود فيرارى على حلبة السباق, و يوقد فيات باندا فى الطرقات العامة و كان يشيد بها للغاية.
أما بالنسبة لموضوع تغيير الشعار, فطبعا يمكنك استبعاد الشعارات الأولية التى كانت تدخل فى طور ايجاد الشعار المناسب, و لم ترى فيات غضاضة فى تغيير شعارها طوال تاريخها و لم تشعر أن ذلك يؤثر عليها بل دائما كانت تطور شعارها ليبدو أفضل فى كل مرة, و ليست لذلك أى دلالة.
فمثلا سوف تلاحظ أن فى كل مرة يصبح الشعار أجمل و أكثر تأثيرا من الشعارات الاولية غير الجذابة الى الشعار الدائرى ذو الألوان الباهتة بعض الشىء الذى رأت فيات تغييره الى كتابة اسمها بطريقة مائلة, ثم الى شعار الخمس بارات المائلة, و هذا أعرف قصته, و كانت ببساطة أن العاملين كانوا يرون شعار فيات ذو الخمس الحروف ليلا عبارة عن خمس أشرطة مائلة, فأعجب جيانى أنيللى رئيس فيات فى ذلك الوقت بهذا الشعار و تم تغييره الى خمس أشرطة مائلة بدون حروف (تبدو فى الريجاتا و التمبرا), ثم وجدوا أن ذلك الشعار يفتقد للجاذبية (و هذا ليس عيبا) فتم العودة الى الشعار القديم, الى أن فكروا فى الشعار الدائرى مرة أخرى باعتباره أكثر جاذبية فتم اعادته مرة أخرى لكن مع تغيير ألوانه القديمة و جعلها أكثر عصرية و جاذبية.
نستدل من هذه القصص أن فيات شركة تفكر ببساطة فى مسألة الشعار و ليست لديها أى "عقد" كالتى لدى الشركات الأخرى لناحية تغيير الشعار, فقط كلما تجد فيات شعارا أفضل اذا لم لا, غيره الى الأفضل, لأن الشعار هو جزء من شكل السيارة ككل, و كلما كان شكله أفضل, كلما كان شكل السيارة أفضل.
و لم أسمع فى حياتى أن فيات غيرت شعارها لأسباب تتعلق مثلا بمحاولة تغيير "سمعتها" أو أشياء من هذا القبيل كما يلمح برو, و هو ما ليس صحيحا لأن الاسم "فيات" بقى كما هو بدون تغيير, بل هو اسم عريق و قديم و هى أفضل صانع للسيارات الاقتصادية على الاطلاق.
و اذا كانت مرسيدس يسمونها النجمة التى تقود الجميع فى مجال السيارات الفاخرة, فان فيات هى التى تقود الجميع فى صناعة السيارات الصغيرة و الاقتصادية و الأمثلة على ذلك كثيرة.
و مبيعاتها جيدة جدا فى أوروبا و هى الشركة الوحيدة الحاصلة على جائزة أفضل سيارة فى أوروبا ل8 مرات, تليها بيجو 3 مرات.

[iunknown]

هى الشركة الوحيدة الحاصلة على جائزة أفضل سيارة فى أوروبا ل8 مرات, تليها بيجو 3 مرات.

ارجو العذر يا استاذ فادي ولكن بالرجوع الى مداخلاتك السابقة: من منح فيات هذه الجوائز؟ وفيم يختلفون عمن يمنح الجوتئز للسيارات اليابانية؟
اذا كنت تشكك في مصداقية خبراء السيارات فلماذا تستشهد بهم فيما يخص السيارات الاوروبية أما حينما يدلون برأيهم في اليابانية؛ فهم مأجورون فاسدي الذمم أو على الأقل يكتبون غير ما يعتقدون......


أرجو ان تكون فهمت وجهة نظري

[PRO-DRIVE]

كل شركات العالم تفعل ذلك, و تشترى الشركات ال"واقعة" زى ما بتقول.

مش انت اللي قايل انها مشترياهم خسرانين و مش عارف ايه و الكلام دا

هيونداى و شرائها لكيا, جنرال موتورز و شرائها لدايو, مادامت ترى أنك تستطيع اعادة احياء

طيب شكرا لأعترافك شخصيا ان "مقام" الفاروميو و "لانشيا" من مقام كيا و دايو

انا مقلتش حاجه من عندي

رغبت فيات بحس قومى فى المحافظة عليهم

يا سلام :)
طيب ليه مشترتش لمبورجيني بالمره ؟؟؟

أما بالنسبة لموضوع تغيير الشعار, فطبعا يمكنك استبعاد الشعارات الأولية التى كانت تدخل فى طور ايجاد الشعار المناسب, و لم ترى فيات غضاضة فى تغيير شعارها طوال تاريخها و لم تشعر أن ذلك يؤثر عليها بل دائما كانت تطور شعارها ليبدو أفضل فى كل مرة, و ليست لذلك أى دلالة.

شيل اول مرتين يلا بس

كدا حيبقي فيات غيرت شعارها "بالكامل" 10 مرات

نستدل من هذه القصص أن فيات شركة تفكر ببساطة فى مسألة الشعار و ليست لديها أى "عقد" كالتى لدى الشركات الأخرى لناحية تغيير الشعار

الشركات التانيه العمل حافظ شعارها 100%

مثلا لو هوندا كانت اخدت سمعه سيئه كان اي انسان شاف شعار حرف H كان اكيد قال

سياره سيئه


او واحد شاف 6 نجوم في شكل بيضاوي " كان انتقد السياره "

كل الرابط بين شعارات فيات هي كلمه فيات اللي الحمد لله متغيرتش و حاسس انهم
حيغيروها

و لم أسمع فى حياتى أن فيات غيرت شعارها لأسباب تتعلق مثلا بمحاولة تغيير "سمعتها" أو أشياء من هذا القبيل كما يلمح برو

دليلك الوحيد علي عدم صحه كلامي ان كل مره الشعار بيكون اجمل

طيب ما طبيعين انا حغير حاجه بحاجه اسؤأ !!! يبقي عملت ايه !!!!

طيب ما طبيعي جداا تغيير لشكل افضل

مبيعاتها جيدة جدا فى أوروبا و هى الشركة الوحيدة الحاصلة على جائزة أفضل سيارة فى أوروبا ل8 مرات, تليها بيجو 3 مرات

اكييييد فيات دفعت مبالغ مبالغ فيها عشان يدوها الرقم دا

اساسا دي ناس بتتسول علي الشركات

حتي كمان بيجو بتدفع بس واضح انها دفعت اقل من فيات عشان كدا مخدتهاش غير 3 مرات بس

انا كدا اتأكدت ان مرسيدس من الشركات المحترمه في التاريخ اللي مبتدفعش عشان تاخد جايزه

خلي بالك جوايز فيات دي وصمه عار علي الذمه الماليه للشركه و انها بتسوق سيارات

بدفع مبالغ ماليه لل"مرتزقه"

و تخليهم يكسبوا سيارات فيات




ياااااااااااللعااااااااااااااررررررررررررر

[mtema99]

ارجو العذر يا استاذ فادي ولكن بالرجوع الى مداخلاتك السابقة: من منح فيات هذه الجوائز؟ وفيم يختلفون عمن يمنح الجوتئز للسيارات اليابانية؟
اذا كنت تشكك في مصداقية خبراء السيارات فلماذا تستشهد بهم فيما يخص السيارات الاوروبية أما حينما يدلون برأيهم في اليابانية؛ فهم مأجورون فاسدي الذمم أو على الأقل يكتبون غير ما يعتقدون......


أرجو ان تكون فهمت وجهة نظري

صدقت و اوجزت

[فادى]

"ارجو العذر يا استاذ فادي ولكن بالرجوع الى مداخلاتك السابقة: من منح فيات هذه الجوائز؟ وفيم يختلفون عمن يمنح الجوتئز للسيارات اليابانية؟
اذا كنت تشكك في مصداقية خبراء السيارات فلماذا تستشهد بهم فيما يخص السيارات الاوروبية أما حينما يدلون برأيهم في اليابانية؛ فهم مأجورون فاسدي الذمم أو على الأقل يكتبون غير ما يعتقدون......


أرجو ان تكون فهمت وجهة نظري"

كتبت فى مداخلة سابقة أن هذه المسابقة لا تتمتع بالحياد التام, و دللت على ذلك باختيار فيات باندا على حساب الجولف منذ سنتين على ما أذكر و هو الاختيار الذى ثار عاصفة من الانتقادات وقتها, و لكنى ذكرت عدد جوائز فيات فقط للعلم بالشىء ليس أكثر, و لم أعتمد على ذلك فى مداخلتى.و ليس هناك أدنى تناقض فى ذلك.

"طيب شكرا لأعترافك شخصيا ان "مقام" الفاروميو و "لانشيا" من مقام كيا و دايو "

انت شايف انو ده معنى كلامى؟!!:)
طيب فولكس اشترت بنتلى برضو! ايه رأيك؟ بقت بنتلى زى كيا و دايو؟!!