كل ما يخص مازدا 323 موديل 82 (اعطال.قطع غيار.كماليات)

[mohamed777]

استشير عفشجى كويس وشوف رأية
انا دخلت فى موال العفشة من حوالى 3 سنين غيرت ساعتها بارات وبيض وجلد تراب واربع مساعدين والبطاحات ونسيت المشاكل بتعاعتها من ساعتها والحمد لله

[agwaa]

انا عندى مازدا 323 مو 82 ياباشا وادىاللينك بتاعها لو عايز تتفرج على الصور

أتفضل هنا

ما شاء الله
الصالون ولا أجمل من كدة - إيه يا عمنا الجمال دة
قوللنا يا باشا عملته فين وبكام

[agwaa]

السلام عليكم ورحمة الله وبركاتة
عملت الموضوع ده يا شباب على شان نناقش فية كل مشاكل المازدا 323 موديل 82 وكل الاعضاء يقولوا خبراتهم ومشاكلهم على شان الكل يستفيد منها
ويكون مرجع لكل مشاكلها خصوصاً ان اغلب المواضيع فى منتدى المازدا بيتكلم عن الموديلات الحديثة
وعن نفسى هحاول افيدكم بكل ما شوفتة فى العربية دى من عزاب لان العربية دى معايا من زمان ولو اى حد عنده استفسار بخصوصها ربنا يقدرنا جميعاً ونحلها مع بعض
وجزاكم الله خيرا

الله عليك وعلى موضوعك

أنا معاك يا باشا ومستعد أساعد بأي حاجة

عربيتي مازدا 323 /83 ومعايا من 3 سنين

[mohamed777]

الله عليك وعلى موضوعك

أنا معاك يا باشا ومستعد أساعد بأي حاجة

عربيتي مازدا 323 /83 ومعايا من 3 سنين

...
اهلاً بيك ياباشا واول استفسار منى ليك
انا لسة عامل عمرة والحمد لله كلة تمام والدخان الازرق اختفى تماما المشكلة بقى عندى فى نسب تغير السرعات بالنسبة لصوت الموتور زى ماهى قبل العمرة .... يعنى مثلا الاول اخرة 20 والتانى اخرة 40 والتالت80 والرابع بيجيب 100 او زياده عنها شوية بالعافية ويكون صوت الموتور عالى

الغريب فى الموضوع ان سحبها كويس يعنى من اقل لمسة بتجرى

انا فى العمرة غرت الاسطوانة بس ماغيرتش الديسك والكل فى النتدى واولهم المنهدس سمير عياد نصحونى بتغيير الديسك لانة غالباً هو السبب
حبيت اجيب طقم كامل بالمرة لقيتة غالى

انت بقى عربيتك بتعمل معاك اية فى الكلام ده ورأيك اية؟

[lotfyonline]

ساعدوني أكرمكم الله

أولا بالنسبة لميكانيكي القلعة أسمه عم نبيل وشهرته بلبل مازدا وده راجل محترم جدا واسعاره رخيصة جدا وبيشتغل في الميكانيكا والعفشة بس مشكلتي اني ساكن بعيد قوي عنه فمش قادر اروحله كل شوية ولكن بنصح الكل انه يتعامل معاه.

ثانيا : من عنده خبرة في العربية يقولي ليه البلاتين كل شوية بيلدع لأني زهقت ورحت لعم نبيل غيري الموبنة العادية وجابلي الكتروني وفعلا العربية بقى سحبها افضل بس برده البلتين لدع . يا جماعة ده بيلدع عندي كل اسبوع تقريبا ولما كلمت عم نبيل تاني قالي ان البضاعة في السوق تعبانة فرجاءا من عنده فكرة او مر بنفس المشكلة يفيدني

[mohamed777]

ثانيا : من عنده خبرة في العربية يقولي ليه البلاتين كل شوية بيلدع لأني زهقت ورحت لعم نبيل غيري الموبنة العادية وجابلي الكتروني وفعلا العربية بقى سحبها افضل بس برده البلتين لدع . يا جماعة ده بيلدع عندي كل اسبوع تقريبا ولما كلمت عم نبيل تاني قالي ان البضاعة في السوق تعبانة فرجاءا من عنده فكرة او مر بنفس المشكلة يفيدني

لازم تغير الكوندنسر مع الابلتين
وبلاش تخلى الكونتكت مفتوح على الفاضى

بس اية حكاية الموبينة الالكتورنى دى اول مرة اسمع عنها ياريت تفسرهالى شوية

[lotfyonline]

-شكرا جدا للرد .. الموبينة الالكتروني دي زي اللي بتركب في بعض العربيات الجديدة تمنها 65 جنيه وبصراحة ظبطت معايا العربية وفرقت في السحب وعلى فكرة اللي نصحني بيها الكهربائي اللي بيشتغل مع عم بلبل.
- انت متأكد من موضوع تغيير الكوندنسر لأن الميكانيكي عمرة ما قالي الكلام ده ومفيش علامات في العربية بتقول ان الكوندنسر تعبان .

[mohamed777]

-شكرا جدا للرد .. الموبينة الالكتروني دي زي اللي بتركب في بعض العربيات الجديدة تمنها 65 جنيه وبصراحة ظبطت معايا العربية وفرقت في السحب وعلى فكرة اللي نصحني بيها الكهربائي اللي بيشتغل مع عم بلبل.
- انت متأكد من موضوع تغيير الكوندنسر لأن الميكانيكي عمرة ما قالي الكلام ده ومفيش علامات في العربية بتقول ان الكوندنسر تعبان .

على ما اعرف من الميكانيكى اللي بتعامل معاة ان الابلاتين يلدع من بوظان الكوندنسر او انك تسيب الكونتكت مفتوح.....والله اعلم

بالنسبة للموبينة الالكترونى انت مركب ماركة اية عندك؟

[emkh]

استاذ محمد انا عندىمشكله كبيره وهى مسمار قفيز المقص الامامى فوت من الصاموله يعنى الصموله مش متسبته فى البدى وشلت الفرش تحت الدوسات عشان القى الصاموله لقيت المكان مقفول لو تعرف ازى اوصل للصاموله دى اكون شاكر جدا ليك وانا شاكر كده كده

[emkh]

انا عايز اتعلم افك الكاربراتير لوحدى واغسله لو ممكن فيديو

[emkh]

وعندى مشكلة فى مسمار المقص الامامى ال ماسك القفيز الصموله بتاعته فكت من اللحام ومش عارف اوصلها لو تعرف ازى اوصلها اكون شاكر

[mohamed777]

استاذ محمد انا عندىمشكله كبيره وهى مسمار قفيز المقص الامامى فوت من الصاموله يعنى الصموله مش متسبته فى البدى وشلت الفرش تحت الدوسات عشان القى الصاموله لقيت المكان مقفول لو تعرف ازى اوصل للصاموله دى اكون شاكر جدا ليك وانا شاكر كده كده

انا مش فاهم انت بتتكلم عن اية

وبالنسية للكربيراتير مانصحكش انك تفكة ولا حتى تخلى الميكانيكى يفكة
فى ورش متخصصة فى كده
وطول ما الكربيراتير شغال كويس ومن غير مشاكل يبقى تنظيفة بالاسبراى
الكربيراتير من اطول قطع السيارة عمراً ويعيش مادامت السيارة على قيد الحياة ما لم يفك

[lotfyonline]

الحقيقة يا استاذ محمد انا مش فاكر النوع لأني رميت الكرتونة بتاعتها بس فاكر ان الكهربائي بعت الصبي بتاعه معايا علشان يجيبل نوع معين و لما شفته اتأكدت انه ياباني اصلي وعلى العموم هبص على العربية لما انزل يمكن الاقي نوعه باين .

بالنسبة لموضوع الكندنسر ليا سؤال : هل ممكن الكوندنسر يبقى تعبان ومايبانش على العربية حاجة زي انها تأخر في التدوير أو تنتش لأن ده مش ظاهر عندي فعمري ما شكيت في الكندنسر وعلى العموم أغيره وأجرب.

[mohamed777]

الحقيقة يا استاذ محمد انا مش فاكر النوع لأني رميت الكرتونة بتاعتها بس فاكر ان الكهربائي بعت الصبي بتاعه معايا علشان يجيبل نوع معين و لما شفته اتأكدت انه ياباني اصلي وعلى العموم هبص على العربية لما انزل يمكن الاقي نوعه باين .

بالنسبة لموضوع الكندنسر ليا سؤال : هل ممكن الكوندنسر يبقى تعبان ومايبانش على العربية حاجة زي انها تأخر في التدوير أو تنتش لأن ده مش ظاهر عندي فعمري ما شكيت في الكندنسر وعلى العموم أغيره وأجرب.

ياريت تعرفلى على شان اغير انا كمان البوبينة وياريت لو تقدر تصورهالى وهى راكبة فى العرببية اشوف شكلها اية لانى عمرى ما شوفت البوبينة الالكترونى
يبقى كتر الف خيرك

وبالنسبة للكوندنسر انا معرفش اية اعراض بوظانة بس اللي اعرفة انه بيخلى الابلتين يلدع باستمرار
والله اعلم

[mohamed777]

طيب مش ممكن تكون البوبينة الجديده هى اللي بتخلى الابلاتين يلدع؟
يمكن بتدخل كهرباء مختلف عن المصممة بية العربية؟