كل ما يخص مازدا 323 موديل 82 (اعطال.قطع غيار.كماليات)

[manousha]

ياجماعه انا متشكرة اوى ليكو كلكو فعلا ماطلعش جوان وش سلندر طلع البطارية هى اللى كانت السبب.. طب انا عايزة اعرف البطارية دى بكام
وهل فى منها انواع؟؟ انا عارفه انى تعبتكم والله بس انا لوحدى ومش فاهمة فى الموضوع اوى

[thedeveloper87]

ياجماعه انا متشكرة اوى ليكو كلكو فعلا ماطلعش جوان وش سلندر طلع البطارية هى اللى كانت السبب.. طب انا عايزة اعرف البطارية دى بكام
وهل فى منها انواع؟؟ انا عارفه انى تعبتكم والله بس انا لوحدى ومش فاهمة فى الموضوع اوى

الحمدلله بسيطة إن شاء الله.

فيه نوعين من البطاريات سائلة وجافة.
- البطارية السائلة أرخص بس محتاجة صيانة كل شهر تقريبا. (بتروحي عادي لبتاع البطاريات اللي اشتريته منه البطارية يكشف عليها وعلى الدينامو ولو البطارية محتاجة تتزود مياه وبتديله جنيه أو متديلهوش خالص)
- البطارية الجافة أغلى بس مالهاش صيانة.

وأكثر الناس شكروا في النوعين التاليين:
لو حضرتك هتجيبي سائلة يبقى النسر فارتا ب 240 جنيه.
لو جافة يبقى فارتا الألماني (أكتر من 400 جنيه)

ولمزيد من المعلومات.

ما أفضل أنواع البطاريات

[aturkia1]

ياجماعه انا متشكرة اوى ليكو كلكو فعلا ماطلعش جوان وش سلندر طلع البطارية هى اللى كانت السبب.. طب انا عايزة اعرف البطارية دى بكام
وهل فى منها انواع؟؟ انا عارفه انى تعبتكم والله بس انا لوحدى ومش فاهمة فى الموضوع اوى

ما تستعجليش فى شراء البطارية الا لما تتاكدى انها فعلا بايظة يعنى تأكدى الاول ان الدينامو بيشحنها ودى لما تفتحى الكونتاكت وقبل ما تدورى الموتور فيه لمبه فى التابلوه مرسوم عليها بطارية المفروض انها تنور وبعد ما تدورى الموتور تنطفى لو غير كده بيحصل يبقى عندك مشكلة فى الشحن ولو ما فيش مشكلة فى الشحن تأكدى ان مية البطارية موجودة ومغطية الواح البطارية كويس وان القواطيش سليمة يعنى مش مملحة او سايبة وبعدين امشى بالعربية مشاوير مش اقل من 20 او 30 كم فى اليوم وتابعيها لعدة ايام لو فيه مشكلة فى الدوارة بعد كده (غير مشاكل الدوارة الصبح) يبقى كده عندك مشكلة فى البطارية

[manousha]

طب سؤال تانى ياجماعة معلش العدادات عندى كلها واقفة لو جبيت اغيرها تتغير بكام؟؟؟ والتابلوه كله بكام ولو حبيت اجيب تارة سبور الحاجات دى كلها بكام ومنين؟؟؟؟

[gears]

معقولة ولا عداد شغال؟؟؟
لو كده لازم تروحي لبتاع عدادات.
تابلوه جديد تقريبا ب 600 جنيه على ما أسمع.

بس حرام الفلوس دي كلها. حضرتك لازم تعملي حسابك إنك هتعملي صيانة قدام ، فبلاش شراء شئ مش مهم قوي زي تابلوه كامل.

[mohamed777]

ممكن يكون فيوزات عاوزة تتغير بس

[agwaa]

جزاك الله خيرا ياباشا
ماقلتلناش ، كراسي الدايو عاملة معاك ايه؟
ولما ركبتها ـ ركبتها بالمجرى بتاعها؟

كراسي الدايو شغالة معايا تمام جداً والحمد لله
طبعاً ركبتها بالمجرى بتاعها
كل كرسي إتربط بالمسمارين اللي في الطرف الخارجي ( اللي ناحية الباب ) أما المسمارين الداخليين إتخرم لهم للأسف والأخرام نفذت لأسفل الشاسية بس عالجتها بعازل بعد ما خلصنا تركيب

[agwaa]

السلام عليكم ورحمة الله وبركاته

انا ياجماعة عاوز مشورتكم بالنسبة لافضل الانواع والاسعار ومكان الشراء والتركيب للاتى:

زوجين مساعدين خلفيين
زوجين كبالن

وعندى شحن زيادة على البطارية وعلامته ان مية البطارية بتفور اثناء الشحن من الدينامو فهل يكفى ضبط الكتاوت ام يلزم تغييره بجديد؟ وفى حالة الضبط حد يعرف بيتعمل ازاى علما بانى قمت بفكه من العربية وبفتحة لمحاولة الضبط ولم اعرف
وفى حالة لزوم تغيير الكتاوت فما هو النوع الموصى به وسعره ان امكن

وشكرا لكل من سيرد

السلام عليكم
المساعدين سمعت عن نوع ممتاز إسمه kyp ياباني طبعاً
الكبالن :
موجود الياباني والتايواني والصيني وطبعاً السعر بيفرق أنا شخصياً من سنتين لما سألت عليهم كان الكوبلن الواحد الياباني 250 - التايواني 175 - الصيني 110 فركبت إتنين صيني وشغالين لغاية الآن والحمد لله بس لي ملحوظتان :
أولاً :الصيني في أي منتج ممكن تشتريه أول ما ينزل السوق المصري بيبقى بجودة لا بأس بها لكن بعد كدة بيبدأوا يلعبوا في خاماته
ثانيا : أنا كنت بأشتكي ساعتها من كوبلن واحد ( وهو إللي خرج بسهولة جداً وإحنا بنفكه ) أما التاني فكيناه بالضالين - فضل الميكانيكي يدق عليه ولما يأس من فكه خلا الخراط يفوره ( ياريتني خليته ) لأن ولاد الحلال الله يسامحهم أفتولي بأني لازم أغير الجوز مع بعض

أما عن مكان شراؤهم ( المساعدين والكبالن ) فأحسن ليك الحرفيين بس لف على أكتر من واحد للحصول على أحسن سعر

أما عن مين يركبهم :
المساعدين طبعاً العفشجي
أما الكبالن اللي بيركبهم الميكينيكي

[agwaa]

معلش فيه حاجة كمان وهى كابلات البوجيهات ياريت انواعهم واسعارهم ومنين؟؟؟؟

دي بقى أنا إن شاء الله هشتريهم بكرة ولما أوصل لحاجة هقول لك

[aturkia1]

شكرا لك يا agwaa على ردودك وفى انتظارك بالنسبة للكابلات

[agwaa]

هي الناس راحت فين 0000!
يا أصحاب المازدا 323 0000
إنتو إستغنــيتوا عن موضوعنا ولا إييييه 00؟

[mohamed777]

السلام عليكم ورحمة الله وبركاتة
انا بعتذرللانقطاع عن الموضوع وعن المنتدى لفترة
وان شاء الله هبقى موجود معاكوا ياباش مهندس احمد فى الموضوع هنا

[gears]

السلام عليكم ورحمة الله وبركاته
يا جماعة أنا عملت عمرة ولينت الحمدلله. دلوقتي الموتور يمكن صوته أهدى سنة من الأول عزمه أحسن سنة من الأول سحب زي الأول.
مش حاسس بفرق تقريبا. ايه خبراتكم مع العمرة (للناس اللي عملوا عمرة)؟ هو الفرق اللي أنا ملاحظه إن خرطوم الفايظ ما بيدخنش بس الشكمان لسة بيدخن علشان مليان زيت.

[mohamed777]

انا اضطريت لتغير الشكمان كلة على شان ارتاح من الحكاية دى
مش عاوز اقولك غيرة ويكون تكاليف على الفاضى
اصل انا كان الشكمان عندى مسدود وبيسخن الموتور وبيعلى صوت الموتور مع السحب

[gears]

شكرا يا أستاذ محمد.

ماقلتليش لما عملت عمرة العربية فرقت معاك في السحب والعزم وصوت الموتور؟ ولا ملقيتش أي فرق(أو فرق بسيط لا يذكر زيي)؟

بالنسبة للشكمان جبت نوع ايه وبكام؟ وغيرته منين؟

واحد لقيته بيقوللي شكمان كامل من أول الموتور لحد الذيل ب 350 جنيه مش عارف ده كتير ولا لأ.

آسف لكتر أسئلتي وشكرا.