إسأل و إطمن علي الفرامل..

[SAMER_ENGINES]

والله ياسامر انا مشفتش حد محترم زيك اوي كده بجد اللسان يعجز عن شكرك انا مينا اللي معايا الفيرنا كنت بعتلك علي الخاص ابل كده دلوقتي يا سامر انا غيرت الطنابير خالص في التوكيل و صنفرت التيل و مبقتش بتصفر بس المشكلة الفرامل مش شديدة معايا و الدواسة واطية وشية بس دورة الفرامل متفتحتش فهل ممكن يكون ده هوا و لا تيل و لا اه انا و الله نفسي اشوفك بس اليومين دول مشغول شوية و الفرامل مزعلاني شوية فقولي ممكن يكون عيب اه انا شاكك في الزيت هو مليان بس ممكن يكون صلاحيته خلصت اسف علي الاطاله

يا مينا أنا اللي بشكرك علي كلامك اللي بجد أخجلني من ذوقك و أسمحلي أنا اللي أشكرك أنت و أعضاء الموقع الكرام و الإداراة الموقرة علي الموقع الجميل ده اللي بيختص بالشئ اللي أنا بعشقه و بعشق كل مسمار فيه ألا و هو السيارات فشكرا مرة ثانية.

كدة انت بتقول غيرت التيل و الطنابير و الحمد لله كله تمام بس الفرامل مش قوية.......
طيب ما هو أنت لو لسه مغيرهم يبقوا لسه مطبعوش لازم العربية تمشي كام مشوار جامدين عشان التيل يطبع علي الطنبورة.
و كل اللي تعمله انك تنتظر و تمشي بيها كذا مشوار لو تمام يبقي الحمد لله, لكن لو مشيت بيها فترة و برضه حسيت اني الفرامل واطية يبقي تروح لحد ياخد لك هوا و يبص لك علي الزيت بالمرة يشوف قوامه ايه و هل كويس و لا لا.
و انا تحت امرك في أي وقت و يوم ما تبقي فاضي و تحب تيجي بس قولي و انا هوصفلك المكان بالظبط و لو معرفتش مستعد أجي أخدك بالعربية من المكان اللي انت موجود فيه لأني بجد أنا كمان عايز أشوفك و أتشرف بمقابلتك.

[samirayad]

أشكرك جدا عزيزي علي كلامك
و أكيد هناك أنواع كثيرة من سائل الفرامل و لكني أنصح دائما بإستخدام لوكهيد أو بندكس علي الأقل حاليا لتفادي الغش التجاري في بعض الزيوت الأخري دون ذكر أسماء.
و بالنسبة لموضوع الفروق فيما بين Dot.3 و Dot.4 و Dot.5
فالفرق بينهم هو درجة تحمل الحرارة و درجة اللزوجة للسائل نفسه, فمثلا في السيارات العادية (الملاكي) يفضل Dot.3 أو Dot.4 علي الأكثر أما الـ Dot.5 فيستخدم في الشاحنات الكبيرة أو سيارات الميني باص مثل:
(هاشم باص او ميني باص غبور ميتسوبيشي) وذلك ليتحمل درجات الحرارة العالية التي تصدر عن إحتكاك التيل بالطنبورة فبالتأكيد درجات الحرارة في فرامل سيارة او أوتوبيس صغير مثل هاشم باص كبيرة و لن يحتملها الزيت الأقل في الدرجة مثل Dot.3 أو Dot.4 و لهذا يجب تزويده بالـ Dot.5
و بالطبع لا أنصح بتزويد سيارة ملاكي عادية بزيت Dot.4 او Dot.5 لأن خصائصه تختلف تماما كما قلت عن الـ Dot.3 و لزوجته ستكون أكثر و من الممكن أن يؤثر هذا علي دورة الفرامل للسيارة العادية كما أنك ستجد ان أسعاره أكثر من الزيت الـ Dot.3 و لهذا فلا داعي منه و أنصح دائما بإستخدام الـ Dot.3

أشكرك.....وبارك الله فيك

[foaad]

ياريت يا أستاذ سامر تقوللى تشخيص المشكلة اللى عندى اللى هى انى مشيت بالعربية بتاع عشر دقايق واكتشفت ان فرامل اليد كانت مشدودة فياترى فرامل اليد عندى سليمة والا فيها عيب و ايه اللى هيحتاج يتغير....وشكرا

[SAMER_ENGINES]

مرة كنت سايق و فضلت بتاع 10 دقايق سايق و ملاحظ ان السرعة مش ولا بد و صوت الموتور عالى شوية و اكتشفت فى الآخر ان فرامل اليد كانت مشدودة,يا ترى الفرامل كده مش تمام؟

أهلا بيك يا أستاذ فؤاد و طبعا شد فرملة السيارة مع تحريك السيارة خطأ كبير بيأثر علي الكثير من الأجزاء مثل:-
الوير الخاص بفرامل اليد و سوست التيل الخلقي و التيل الخلفي و الطنابير الخلفية, فضلا عن أنه يتسبب في حرارة شديدة في العجل الخلفي.
و لكن إذا كنت تشعر بان الفرامل تعمل بحالة جيدة فلا داعي للقلق و لكن كن حذر في المرات القادمة.
و للتأكد من سلامة فرامل اليد شد فرامل اليد و حاول التحرك بالسيارة و كأنك بتطلع بالعربية عادي و لو رفضت السيارة التحرك أو الموتور بطل يبقي تمام لكن لو اتحركت معاك العربية بسهولة يبقي أتجه لمتخصص فرامل و دبرياج كما أفضل دائما و قول له شد لي فرامل اليد هو حيشدها و تجرب مارة تانية لو في مشكلة هيراجع علي الوير و السوست بتاعة فرامل اليد و تحت أمرك في أي إستفسار و أسف للتأخر في الرد.

[awazeer]

السلام عليكم
انا عندي لغز مش عارف احله
الفرامل عندي كويسه وبتقفش وكله تمام
بس اوقات قليله الفرامل بتهرب مني
يعني اوقات كده اجي ادوس ملاقيش استجابه خالص او تكاد تكون منعدمه
ولازم ادوس مرتين تلاته عشان تيجي
رحت كشفت في التوكيل مستوى الزيت سليم
قاللي عايزه تيل امامي غيرته واتظبطت شويه بس رجعت تاني هي اقل من الاول بس لسه موجوده
المشكله مش مرتبطه باي ظروف خالص
مره حصلتلي و كنت ماشي بسرعه كبيره جه مطب وكلته بسببها
بس انا اوقات تانيه كتيير بمشي بسرعه وبتقفش كويس قوي
مش عارف بقى ايه المشكله دي معلش هاتقل عليك شويه بس الموضوع محير

[kantalub]

اولا الف شكر ليك علي التوبيك الرائع ده ،، استفدت منه كتير .. وسؤالي :-
انا معايا لانسر 2006 /1600 -هيدروماتيك -- فرامل اليد هل يفضل اني كل ما اقف بالعربية في مكان لمدة دقيقتين مثلا اني ارفعها -- وتاني حاجة ساعات برفعها وانقل الترس علي D وتمشي العربية --وهل الهيدروماتيك بالنسبة لفرامل اليد زي المانيوال لاني انا ما عنديش غيارات علشان اعرف اقيس مدي كفاءة الهاند بريك ؟

سؤال تالت :- آسف هاخرج عن اطار التوبيك -- بس هو انا برضه لما اقف في اشارة مرور او انزل منها اجيب حاجة الافضل اني اسيبها علي الN اللي هو وضع السرعة اللاتعشيقية ولا انقل الترس علي الP اللي هو انها تقف خالص -- وامتي استخدم وضع الترس N لاني صراحة بجهل استخدامه امتي وفين -- ولازم ارفع الهاند بريك لما انقل الترس علي N ..

سؤال رابع :- آسف برضه لانه خارج نطاق التوبيك -- هو لازم المحرك يكون داير مثلا لما اشغل التكييف او الراديو -- ولا ممكن اشغلهم والعربية مش دايرة -- والبطارية هيكون ايه وضعها في الحالة التانية .. هتخرب يعني ولا عادي ؟

معلش هاتعبك معايا يا غالي :- بس ياريت لو تعرف لينك ممتاز فيه اساسيات كيفية تعلم قيادة الهيدروماتيك -- وسامحني لاني طولت بس ده اول توبيك ادخله في حوار ومناقشة واسئلة -- جزالك الله كل خير ..

[SAMER_ENGINES]

السلام عليكم
انا عندي لغز مش عارف احله
الفرامل عندي كويسه وبتقفش وكله تمام
بس اوقات قليله الفرامل بتهرب مني
يعني اوقات كده اجي ادوس ملاقيش استجابه خالص او تكاد تكون منعدمه
ولازم ادوس مرتين تلاته عشان تيجي
رحت كشفت في التوكيل مستوى الزيت سليم
قاللي عايزه تيل امامي غيرته واتظبطت شويه بس رجعت تاني هي اقل من الاول بس لسه موجوده
المشكله مش مرتبطه باي ظروف خالص
مره حصلتلي و كنت ماشي بسرعه كبيره جه مطب وكلته بسببها
بس انا اوقات تانيه كتيير بمشي بسرعه وبتقفش كويس قوي
مش عارف بقى ايه المشكله دي معلش هاتقل عليك شويه بس الموضوع محير

أهلا بيك و متقولش هتقل عليك أسأل براحتك و انا في خدمتكم دايماً..
و بالنسبة لمشكلتك غالبا هتكون ماستر عمومي لأني مرة الفرامل بتقفش و مرة لا شوف متخصص فرامل و دبرياج يكشف علي الماستر العمومي و أنشاء الله بسيطة.

[SAMER_ENGINES]

اولا الف شكر ليك علي التوبيك الرائع ده ،، استفدت منه كتير .. وسؤالي :-
انا معايا لانسر 2006 /1600 -هيدروماتيك -- فرامل اليد هل يفضل اني كل ما اقف بالعربية في مكان لمدة دقيقتين مثلا اني ارفعها -- وتاني حاجة ساعات برفعها وانقل الترس علي D وتمشي العربية --وهل الهيدروماتيك بالنسبة لفرامل اليد زي المانيوال لاني انا ما عنديش غيارات علشان اعرف اقيس مدي كفاءة الهاند بريك ؟

سؤال تالت :- آسف هاخرج عن اطار التوبيك -- بس هو انا برضه لما اقف في اشارة مرور او انزل منها اجيب حاجة الافضل اني اسيبها علي الN اللي هو وضع السرعة اللاتعشيقية ولا انقل الترس علي الP اللي هو انها تقف خالص -- وامتي استخدم وضع الترس N لاني صراحة بجهل استخدامه امتي وفين -- ولازم ارفع الهاند بريك لما انقل الترس علي N ..

سؤال رابع :- آسف برضه لانه خارج نطاق التوبيك -- هو لازم المحرك يكون داير مثلا لما اشغل التكييف او الراديو -- ولا ممكن اشغلهم والعربية مش دايرة -- والبطارية هيكون ايه وضعها في الحالة التانية .. هتخرب يعني ولا عادي ؟

معلش هاتعبك معايا يا غالي :- بس ياريت لو تعرف لينك ممتاز فيه اساسيات كيفية تعلم قيادة الهيدروماتيك -- وسامحني لاني طولت بس ده اول توبيك ادخله في حوار ومناقشة واسئلة -- جزالك الله كل خير ..

شكرا و أهلا بيك

و بالنسبة لسؤالك الأول:-
عن الهاند بريك فعادة محدش في الأوتوماتيك بيستخدمها يعني انا شخصيا بسوق اوتوماتيك كتير و لما بنزل بريح دماغي و بروح معشق علي الـ P بدل ما احطها علي الـ N و أشد الهاند, الـ P بتقضي الغرض و مفيش منها ضرر علي العربية, ألا لو راكن في مكان مائل يعني تكون راكن في حتة كدة زي المطلع اللي بيكون علي أبواب بعض الجراجات أو منحدر و كدة لازم تشد الهاند و زيادة تأمين تعشق بعدها علي الـ P لكن في مطلع زي كدة بلاش تعشق الـ P بس من غير هاند بريك لأنك بكدة بتحمل وزن العربية كله علي تروس الجيير و ده طبعا غلط كبير.

بالنسبة لسؤالك التاني:-
و بالنسبة إلي أني العربية بتتحرك و الهاند مشدودة فممكن تكون الهاند بريك عايز يتشد عليه شوية و الموضوع ده مياخدش 5 دقائق طالما اني أجزاء الهاند بريك سليمة.
و تقدر تقيس كفاءة الهاند زي المانوال بالظبط بس خليك حنين علي البنزين عشان الأوتوماتيك أصلا بمجرد وضعه علي D العربية بتتحرك فكل اللي تعمله تشد الهاند و تحط العربية علي D و تدوس سنة بنزين خفيفة أوي لو أتحركت العربية يبقي عايزة يتشد عليها زي ما قلت لك.

و بالنسبة لسؤالك التالت:-
فأفضل لك لما تنزل تجيب حاجة و ترجع و طالما الأرض مستوية تحت العربية (مش مطلع او منحدر زي ما قلت قبل كدة) أنك تحط العربية علي P.
لكن لما تقف في إشارة حطها علي ان عشان لما الطريق يتحرك قدامك تبقي أسرع في وضعها علي D, لأني طبعا من N لـ D أسهل من وضعها علي p و المرور بعد كدة علي R , N , D و طالما العربية علي وضع الـ N أفضل تشد الهاند عشان العربية متريحش علي اللي وراك او اللي قدامك أنا شخصيا لما بقف في أشارة او الطريق يكون واقف و انا سايق أوتوماتيك ببقي ما بين الـ N و الـ D و لو لزم الأمر بشد الهاند.

بالنسبة لسؤالك الرابع:-
التكييف أصلا و حسب علمي مش بيشتغل الا مع دوران الموتور و حتي لو كان عندك علي البطارية مباشرة فبلاش تشغله و العربية واقفة ابداً لأني بيهلك البطارية أما الكاسيت فمفيش مشكلة بس المهم متنساش تطفيه بعد النزول من العربية.

و بالنسبة لسؤالك الخامس:-
و هو لينك تعلم قيادة الاوتوماتيك فهو مش محتاج مدرسة أبدا ده كفاية جد الشرح النظري و انت هتلاقي كل حاجة زي الفل هو حضرتك مش بتسوق بالفعل؟؟!!
طيب محتاج اللينك في أيه؟؟!!
علي كل حال انا برده هحاول ابحث لك عن حاجة كدة و لو في أي حاجة إسألني علي طول و تحت أمرك في أي وقت.

[kantalub]

السلام عليكم :-
تسلم لردك يا سامر . . هو انا فعلا بسوق الهيدروماتيك بس ليا قيمة اسبوعين كده . . يعني كنت عايز اللينك زيادة تاكيد واطمئنان . . بس هل من وجهة نظرك لازم ادخل مدرسة القيادة في المرور ولا السواق اللي علمني يكفي ؟

تاني حاجة :- بالنسبة للهيدروماتيك عندي لو اديت للبنزين شعرة الاقي العربية سحبت مني . . وبالتالي في اوقات قليلة لو في مطب باضطر انزل علي الفرامل مرة واحدة علشان العربية تهدي مني . . هل ده يأثر علي الفرامل ؟؟


3- عايز اشتري للعربية جهاز انذار . . ايه افضل نوعية من وجهة نظرك يا سامر وسعرها يكون معقول ؟


4- بالنسبة لما انقل الفتيس علي التروس عندي . . في دليل المالك بيقول انك لما تنقل من N للـ D مش لازم انك تضغط علي الز اللي موجود في الفتيس . . يعني ممكن تشد الفتيس شد .. هل ده لازم ولا لو ضغطت عليه في كل النقلات عادي ؟؟

5- بالنسبة للتكييف عندي في الشتا بشغله سخن . . ده بيستهلك من البطارية اكتر من البارد ولا البطارية في كلتا الحالتين واحدة ؟؟

6 والاخير :- لما اجي اركن العربية . . بنقل من الD للـ R بسرعة وفي وقت قليل طبعا واكتر من مرة لاني لسه مش متمرس في فن الركن . . هل سرعة النقلات تأثر علي جودة الفتيس . .؟

-=- معلش هأتعبك معايا يا أخ سامر . . واسف للإطالة -=-

[SAMER_ENGINES]

السلام عليكم :-
تسلم لردك يا سامر . . هو انا فعلا بسوق الهيدروماتيك بس ليا قيمة اسبوعين كده . . يعني كنت عايز اللينك زيادة تاكيد واطمئنان . . بس هل من وجهة نظرك لازم ادخل مدرسة القيادة في المرور ولا السواق اللي علمني يكفي ؟

تاني حاجة :- بالنسبة للهيدروماتيك عندي لو اديت للبنزين شعرة الاقي العربية سحبت مني . . وبالتالي في اوقات قليلة لو في مطب باضطر انزل علي الفرامل مرة واحدة علشان العربية تهدي مني . . هل ده يأثر علي الفرامل ؟؟


3- عايز اشتري للعربية جهاز انذار . . ايه افضل نوعية من وجهة نظرك يا سامر وسعرها يكون معقول ؟


4- بالنسبة لما انقل الفتيس علي التروس عندي . . في دليل المالك بيقول انك لما تنقل من N للـ D مش لازم انك تضغط علي الز اللي موجود في الفتيس . . يعني ممكن تشد الفتيس شد .. هل ده لازم ولا لو ضغطت عليه في كل النقلات عادي ؟؟

5- بالنسبة للتكييف عندي في الشتا بشغله سخن . . ده بيستهلك من البطارية اكتر من البارد ولا البطارية في كلتا الحالتين واحدة ؟؟

6 والاخير :- لما اجي اركن العربية . . بنقل من الD للـ R بسرعة وفي وقت قليل طبعا واكتر من مرة لاني لسه مش متمرس في فن الركن . . هل سرعة النقلات تأثر علي جودة الفتيس . .؟

-=- معلش هأتعبك معايا يا أخ سامر . . واسف للإطالة -=-

أهلا بيك مرة تانية يا Myth........
و أنا رأيي كفاية جدا السواق اللي علمك ده و أنت مش محتاج أكتر من كدة دي أوتوماتيك.

و بالنسبة لموضوع المطب و العربية الاوتوماتيك طبعا الأوتوماتيك مفيهاش دبرياج يحكم الحركة أو زي ما بنقول دايما (يكتف العربية) فبمجرد الضغط علي الدواسة العربية بتجري لكن متخافش و موضوع الفرامل و البنزين ده حتلاقي نفسك بتعمله لوحدك و حتلاقي نفسك أخدت علي الموضوع و قدرت تقدر بعد المطب عن العربية و تدوس ازاي دي بتيجي من الممارسة و كمان لاحظ انك طالع مطب يعني كدة كدة المطب حيهدي العربية و هية طالعة عليه مع دوسة خفيفة منك و انت بتاخد المطب و طبعا تكون مخفض سرعة العربية من الأول عشان تبقي براحتك و انت بتاخد المطب و صدقني بجد كل ده بيجي بالممارسة و مفيش داعي للقلق خاااااااالص.

بس حاول تتعامل مع الفرامل برفق شوية و متخافش انا بنصحك بالرفق مع الفرامل للحفاظ عليها أطول مدة لكن مفيش تأثير خطير أو ضار جدا أبدا بس بنحاول نحافظ عليها لأطول مدة ممكنة عشان التيل و السوست و كدة.

و بجد حاولت أدور علي لينك زي اللي طلبته بس مش لاقي و عامة مش حيأس و أشوف لك تاني و أنا معاك برضه في كل أسألتك و في أي حاجة تحتاجها.

و بالنسبة لأجهزة الإنذار أعتقد اني (وولف Wolf) أفضلهم و سعره معقول برضه.
بس سألت من شهر كدة قالوا لي حاجة مش متأكد منها قالوا لي أشتري تايواني بلاش صيني لأني التايواني أنضف!!

بالنسبة للزر اللي في الفتيس مش بندوس عليه الا في التحويل من و إلي الـ R أو الـ P أما ما بين الـ D و الـ N فبنشد الفتيس عادي جدا بدون الضغط علي الزر ده و السبب في عمل الزر ده أصلا تفادي الخطأ و النقل علي الـ R او الـ p و العربية ماشية و بتتحرك, لكن لو دست عليه مع كل نقلة مفيش خوف او مشكلة و برضه هتتعود تحركه من غير زرار في الـ N و الـ D.

و موضوع التكييف طول ما العربية دايرة مفيش فيه فرق أو خوف خااااالص و مش بيستهلك من البطارية أصلا لأني الدينامو بيكون شغال و بيشحن البطارية بإستمرار و بيعوض أني نقص في الكهرباء فيها فورا و بكدة بتستخدم الأنوار و التكييف و الكلاكس و الكاسيت و كل شئ في العربية و احيانا في نفس الوقت و احنا مطمنين لأني البطارية بتتشحن طول ما العربية موتورها داير.

و عن النقل بسرعة من الـ D للـ R فده عادي جدا و نفسي تشوفني لما بكون مستعجل بعمل ايه سواء في المانوال أو الأوتوماتيك بس أهم حاجة في الموضوع ده كله أنك توقف العربية توقف تام عن الحركة في النقل ما بين الـ D و الـ R و العكس و خاصة في الأوتوماتيك.

و لو في أي اسئلة تانية أسأل براحتك جدااااااااا و أوعي تتردد.

[kantalub]

جزاك الله كل خير يا سامر . . وكل التحية مني علي شغلك الجميل في التوبيك وانتظرني قريبا بأسئلة جديدة . .

[SAMER_ENGINES]

جزاك الله كل خير يا سامر . . وكل التحية مني علي شغلك الجميل في التوبيك وانتظرني قريبا بأسئلة جديدة . .

أشكرك يا Myth
و انتظر أسألتك و أسئلة الجميع بكل ترحاب.

[kantalub]

السلام عليكم :-
رجعنا من جديد :-

1- بالنسبة للمساعدين تبع العربية عندي . . افضل طريقة للحفاظ عليهم ايه ؟ . . وللأسف الشوارع الجانبية فيها حفر كتير وزلط ده بالاضافة الي انها غير متسفلتة . . وكمان الكلام ده موجود في بعض الطرق الرئيسية!! . . هل الحفر دي والبلاعات تاثر علي مساعدين العربية . . ؟


2- بالنسبة للموضوع السرقة . . هل يكفي جهاز الانذار والغطا ولا لازم اعمل الزرار اللي بيتوصل بالموبينة علشان يفصل كهربة العربية ؟؟ وكلبش الدريكسيون ده موجود في محلات الاكسسوارات ؟ ؟


3- بالنسبة لفرامل ABS . . انا عارف ان الانسر 2006 فيها الخاصية دي . . بس للاسف اللمبة مش بتنور عندي في التابلوه لما المحرك بيدور . . هل ده يعني انها خربت ! ولا انها مش موجودة اصلا ؟ ؟


4- عجل العربية هل لازم يتيغير بعد فترة معينة . . وعندي عجلة غيرتها والجنط بتاعها ضاع . . ده ممكن يسبب تلف العجلة او الكوتش ولا لا ؟؟

5- عندي خدوش كتير في العربية . .في منها خدش صغير ولأسف في خدوش كبيرة الي حد ما . . ممكن الصنايعي يظبطها بحيث ما تبانش . . ولا لازم تدخل العربية فرن ؟ ؟


6- بالنسبة لظبط الزاويا في العربية . . في حد متخصص في المجال ده . . ولا اي ميكانيكي يقدر يعمله ؟ ؟


-=- اتمني الاسئلة تكون مفيدة وتفيد الكل . . في انتظار جوابك يا سامر -=-

[dr_abooody]

السلام عليكم

انا الماستر العمومي عندي نصفة الخلفي ناحية الكباس باين ان في ارتشاح لسائل الفرامل

هل كدا محتاج يتغير ؟

[SAMER_ENGINES]

السلام عليكم :-
رجعنا من جديد :-

1- بالنسبة للمساعدين تبع العربية عندي . . افضل طريقة للحفاظ عليهم ايه ؟ . . وللأسف الشوارع الجانبية فيها حفر كتير وزلط ده بالاضافة الي انها غير متسفلتة . . وكمان الكلام ده موجود في بعض الطرق الرئيسية!! . . هل الحفر دي والبلاعات تاثر علي مساعدين العربية . . ؟


2- بالنسبة للموضوع السرقة . . هل يكفي جهاز الانذار والغطا ولا لازم اعمل الزرار اللي بيتوصل بالموبينة علشان يفصل كهربة العربية ؟؟ وكلبش الدريكسيون ده موجود في محلات الاكسسوارات ؟ ؟


3- بالنسبة لفرامل ABS . . انا عارف ان الانسر 2006 فيها الخاصية دي . . بس للاسف اللمبة مش بتنور عندي في التابلوه لما المحرك بيدور . . هل ده يعني انها خربت ! ولا انها مش موجودة اصلا ؟ ؟


4- عجل العربية هل لازم يتيغير بعد فترة معينة . . وعندي عجلة غيرتها والجنط بتاعها ضاع . . ده ممكن يسبب تلف العجلة او الكوتش ولا لا ؟؟

5- عندي خدوش كتير في العربية . .في منها خدش صغير ولأسف في خدوش كبيرة الي حد ما . . ممكن الصنايعي يظبطها بحيث ما تبانش . . ولا لازم تدخل العربية فرن ؟ ؟


6- بالنسبة لظبط الزاويا في العربية . . في حد متخصص في المجال ده . . ولا اي ميكانيكي يقدر يعمله ؟ ؟


-=- اتمني الاسئلة تكون مفيدة وتفيد الكل . . في انتظار جوابك يا سامر -=-

أهلا بيك مرة تانية و أسف علي التأخر في الرد.

و بالنسبة للحفر و المطبات فهي بالتأكيد تؤثر في السيارة و لكن لا مفر منها في شوارع المحروسة و الحل الوحيد تحاول تهدئة السرعة قدر ما تستطيع عند المطبات.

أعتقد الإنذار كافي و لكن لا تحضر أنذار حساس لأي شئ فمثلا لو طلعت قطة علي السيارة تجد الإنذار أنطلق لكن حاول أن تحضر نوعا أقل حساسية.
و الغطا ليس له علاقة بالسرقة قدر ما له علاقة بالحفاظ علي السيارة.
و مفتاح الكهرباء لا أعتقد انه مناسب للسيارة و لموديلها فهذا قد يوضع في تاكسي أو سيارة قديمة و لكن لا أراه في سيارة حديثة و يكتفي بالإنذار و كلبش الدركسيون و هو موجود بالفعل في محلات الإكسسوار و ستجد الصيني في حدود 20 - 25 و لكن لا تشتريه لاني احضرته من أسبوع تقريبا و أعدته له مرة اخري فهو تالف من قبل ان يعمل أصلا و له مفتاحان مفتاح يعمل و الاخر معووج و لا يعمل طبعا فالإيطالي أفضل كثيرا و ستجده في حدود 25 - 35 تقريبا و هو الأغلي و الأفضل.

بالنسبة للـ ABS أعتقد بانه موجود في السيارة بالفعل و المفروض ان اللمبة تضي في أول تشغيل السيارة لمدة ثواني و تنطفئ تماما كلمبة الزيت و لا تضئ أثناء عمل السيارة الا لو وجد خلل في الـ ABS و يمكنك التأكد بفتح الموتور و رؤية ما إذا كان بها جهاز ABS ام لا و ربما تكون اللمبة الموجودة في التابلوه بها مشكلة فقط.
ملحوظة: ساحاول أحضار صورة لجهاز الـ ABS لمن لا يعرف شكله.

بصراحة في سؤال مش فاهمه اللي هو:
عجل العربية هل لازم يتيغير بعد فترة معينة . . وعندي عجلة غيرتها والجنط بتاعها ضاع . . ده ممكن يسبب تلف العجلة او الكوتش ولا لا ؟؟
هو عجل العربية يتغير لو تلف أو النقشة اللي فيه اتمسحت لكن موضوع الجنط اللي ضاع انا مش فاهمه لكن ممكن تجيب جانط تاني و تركبه في الكاوتش, بس أزاي الجنط يضيع لو كان قصدك البلاستيكة اللي بتركب في الجانط بتاع العجلة فدي أسمها طاسة أنا مش عارف ده قصدك و لا قصدك الجانط نفسه, و للعلم ضياع الطاسة البلاستيك ليس له أي تأثير بأي شكل علي الجانط او الكاوتش دي منظر أكتر منها فائدة.

الخدوش دي في كل العربيات متضايقش نفسك و لو حاجات بسيطة ممكن تتعمل بالقلم أنت بس تقول للصنايعي أعملها لي بالقلم و هو حيفهم و ده عشان متعملش بارومة و لو جزء كبير من الدهان متقشر و صعب يتعمل بالقلم ممكن يتحط معجون بس لحد لما تجدد العربية كلها لكن مش كل كام خدش ندخل العربية فرن لا طبعا كدة لأني دخول العربية الفرن ده مش رخيص.

ظبط الزوايا ده شئ تاني خالص ملوش اي علاقة بالميكانيكية و ده بتقوم بيه ورش مخصوصة لظبط الزوايا فقط منهم ورشة محسن مثلا و دي من اشهر الورش و أفضلها و ده ليه كذا فرع و لو تحب نتفق و اجي مع حضرتك تحت أمرك و الحكاية كلها بتكلف حوالي 20 جنيه و لو فيه مشكلة في العفشة لا قدر الله بيديك بيها Report أو تقرير و تدفع العشرين جنيه و تحل المشكلة و ترجع تعمل ظبط زوايا مرة تانية بالتقرير اللي معاك بدون أي تكاليف اضافية بس خلال اسبوع.

و يارب أكون أفدتك و أفدت الجميع و أرجو المعذرة لعدم الرد في نفس اليوم او تاني يوم و ده بيكون لظروف خارجة عن إرادتي.