إسأل و إطمن علي الفرامل..

[SAMER_ENGINES]

سؤال صغير كمان
هي أيه لزمة البتاعة اللي عاملة زي العوامة و فيها سلك طالع لفوق اللي بتكون جوه علبة الزيت
و المفروض تكون عايمة ولا غطسانة

وشكرا مقدما

المفروض بتكون عايمة علي السائل و هي بالظبط نفس فكرة عوامة البنزين لما البنزين يقل لمبة البنزين بتنور.
و نفس الكلام لما سائل الفرامل بيقل لمبة الفرامل بتنور عشان تنبهك و هي معتمدة علي اني في عوامة صغيرة مع نزول الزيت بتنزل معاه و مع نزولها بتوصل دائرة الكهرباء للمبة الموجودة في التابلوه عندك و بكدة تخليها تنور بس.

[SAMER_ENGINES]

ما المقصود بــــ :
يرجلش الفرامل
أو
يعمل رجلاش للفرامل

و ما فائدته للسيارات الجديدة عند أول صيانة في التوكيل بعد الخمسة آلاف كيلو الأولى .

و جزاك الله خيرا

أهلا بحضرتك
و بالنسبة لموضوع الرجلاش ده ما هو إلا تقليل المسافة الفاصلة (الخلوص) الموجود فيما بين التيل و الطنابير الخلفية و ده بيعمل علي تعلية الدواسة و جعل إستجابة الفرامل أفضل و أسرع و هو بمثابة تعويض للتيل المتآكل.
و إليك صورة للإيضاح:-
و يظهر كما هو واضح الماستر بالأعلي و من الأسفل موجود الرجلاش كما هو مكتوب وواضح علي الصور:-


و صورة أخري بشكل آخر للرجلاش:-


و فائدته أنه يقوم بتعويض التآكل في التيل كما قلت سابقا و يقوم بظبط المسافة ما بين التيل و الطنابير.
أرجو ان أكون قد اوضحت الصورة و أي إستفسار أنا في خدمتكم دائماً.

[SAMER_ENGINES]

انا عندي بس استفسار بخصوص ماستر الدبرياج وهو ان من سنه ونصف تقريبا لاقيت الدبرياج سقط لتحت وطبعا العربيه وقفت مكانها لان انا ساعتها ما عرفت انقل فالمهم الميكانيكي جالي وغيرلي ماستر الدبرياج فطبعا الحكايه دي حصلت فجأة فهل الماستر ده له مده ويتغير زي الصيانه كده ولا له اعراض تلف ولا ايه بالظبط

أهلا بيك و بإستفسارك
لكن في سؤال هل حسيت أني الفرامل ضعفت لما كان الدبرياج ضعيف؟؟
لأني عربية حضرتك الدبرياج بتاعها علي زيت مش علي سلك يعني الدبرياج بيعمل من سائل الفرامل و لها ماستر زي الماستر العمومي للفرامل بس أصغر حجما و بيستخدم نفس خزنة زيت الفرامل.
و علي كل أعراض التلف بتكون أني الغيارات مش بتيجي كويس أو تقيلة بس اللي أعرفه أني الدواسة لما تسقط كدة يبقي محتاجة زيت و عشان كدة بسأل علي الفرامل و لو ولابد من تغيير في الحالة دي ممكن نجيب طقم إصلاح فقط.
لكن برضه مش عايز أظلم الراجل و خاصة أني العيب ده مش بيتكرر كتير و الماستر مهما كان ليه عمر إفتراضي.

[freespoken]

اولا انا عوز اشكرك علي المجود الرائع ده وكل المعلومات القيمة دي
ثانيا انا كنت عاوز اسأل علي فرامل العربية الفيرنا لأن من ساعت ما اشترنا العربيه وانا مش عاجباني الفرامل بتاعتها مقارنه بالأكسنت مثلا اللي كانت معانا قبلها وبالماروتي الي معايا شخصيا اللي بيحصل وحصل ان الفرامل بحس انها بتاخد مسافه كبيره لتوقف لاتتناسب مع الضغطه علي الدواسه وبالذات فيالفرامل الفجائية العربيه 1-2007 وعامله 15000 الف كم ورحت بيها التوكيل من صيانه الأف وانا بشتكي منها وهما كل الي بيعملو بيلعبو في الخلوص ولما كلمت واحد في التوكيل معرفه قالي نفس الكلام وقالي الفرامل كده مظبوطه ولما ضغطت عليه قالي دي زي باقي العربيات مفهاش مشكلة في الفرامل لدرجه اني جربت عربيه عنده وكمان في الجراج الي تحتا بيتي بس الموضوع ميتحسش بظبوط الا فيالمش وانا مقتنع ان العربيه مفروض تبقي اقوي من كده بس مش عارف اعمل ايه ومفيش حد يفدني بمعلومه صح حتي ولو فراملها كده بس اطمن ان مفهاش حاجة وبعد كده نفكر نعمل ايه
ايه رايك ياباشا في الكلام ده مش مفروض ان لمسه فرامل يبقي ليها تأثير بالذات مع عربيه جديده؟؟؟
ولو الموضوع كده .... هل ينفع يركبلها abs مثلا عشان تبقي احسن؟؟؟
انا مستني ردك علي احر من الجمر
وشكرا مقدماً

[cobraa2008]

ممكن تكون الطنابير محتاجة خرط بس لو ممكن تقول لنا اخبارها أيه علي السرعات العادية جوة المدينة مثلا.

هي العربية بتبقى كده بس لما اعد ال100 او 120 ودلوقتي بقيت لما عدي المية العربية تفضل تترج طول ما انا دايس الفرامل لحد ما توصل السرعة الى 110 تقريبا اما داخل المدينة زي الفل طالما العدا مابزيدش عن 100 110 العربية زي الفل لا فيه تصفير ولا اي حاااااااااجة







س: هي الورشة بتاعتك فين ؟؟؟؟؟

[SAMER_ENGINES]

اولا انا عوز اشكرك علي المجود الرائع ده وكل المعلومات القيمة دي
ثانيا انا كنت عاوز اسأل علي فرامل العربية الفيرنا لأن من ساعت ما اشترنا العربيه وانا مش عاجباني الفرامل بتاعتها مقارنه بالأكسنت مثلا اللي كانت معانا قبلها وبالماروتي الي معايا شخصيا اللي بيحصل وحصل ان الفرامل بحس انها بتاخد مسافه كبيره لتوقف لاتتناسب مع الضغطه علي الدواسه وبالذات فيالفرامل الفجائية العربيه 1-2007 وعامله 15000 الف كم ورحت بيها التوكيل من صيانه الأف وانا بشتكي منها وهما كل الي بيعملو بيلعبو في الخلوص ولما كلمت واحد في التوكيل معرفه قالي نفس الكلام وقالي الفرامل كده مظبوطه ولما ضغطت عليه قالي دي زي باقي العربيات مفهاش مشكلة في الفرامل لدرجه اني جربت عربيه عنده وكمان في الجراج الي تحتا بيتي بس الموضوع ميتحسش بظبوط الا فيالمش وانا مقتنع ان العربيه مفروض تبقي اقوي من كده بس مش عارف اعمل ايه ومفيش حد يفدني بمعلومه صح حتي ولو فراملها كده بس اطمن ان مفهاش حاجة وبعد كده نفكر نعمل ايه
ايه رايك ياباشا في الكلام ده مش مفروض ان لمسه فرامل يبقي ليها تأثير بالذات مع عربيه جديده؟؟؟
ولو الموضوع كده .... هل ينفع يركبلها abs مثلا عشان تبقي احسن؟؟؟
انا مستني ردك علي احر من الجمر
وشكرا مقدماً

لا شكر علي واجب يا freespoken
و بالنسبة للفرامل بتفرق طبعا من عربية للتانية و يمكن ده يكون سبب الإحساس الي عندك, و مثال علي كدة في السرعة لما تسوق عربية صغيرة زي الماروتي و بالرغم أني موتورها صغير لكن بتحس أني العربية طايرة مش بس بتجري نفس الكلام في الفرامل.
و لعلم حضرتك الفرامل لما تبقي ناشفة زيادة عن اللزوم برضه مش كويس.
لكن هل الفرامل فيها صوت تصفير أو سائل الفرامل ناقص؟؟
و عامة لو تحب حضرتك تعمل تشيك عليها و تطمن مفيش مشكلة.
بس للأسف مينفعش تركيب abs في عربية مفيش فيها abs من الأصل و ده لانها عملية معقدة جدا و تكاد تكون مستحيلة.

[SAMER_ENGINES]

هي العربية بتبقى كده بس لما اعد ال100 او 120 ودلوقتي بقيت لما عدي المية العربية تفضل تترج طول ما انا دايس الفرامل لحد ما توصل السرعة الى 110 تقريبا اما داخل المدينة زي الفل طالما العدا مابزيدش عن 100 110 العربية زي الفل لا فيه تصفير ولا اي حاااااااااجة







س: هي الورشة بتاعتك فين ؟؟؟؟؟

علي فكرة ممكن تكون المشكلة في الفرامل خالص بس لو حضرتك تحب نبص عليها تحت امرك و العنوان هبعته لحضرتك في رسالة خاصة..

[cobraa2008]

انا كنت بفكر اعملها خرط علشان انا بستهلك فرامل بطريقة غير طبيعية خالص لحد النهاردة العربية عاملة 35 الف ومغيرها حوالي 5 تقريبا بس من دون خرط خالص فا ايه رايك اجرب اخرطهم وبعدين اشوف ايه اللي يحصل ولا ايه رايك

[Ayman_52]

موضوع رائع جدا جدا جدا

الف شكر يااستاذ/سامر...بجد على افادة الناس وربنا يجازيك خير

انا كان عندى سؤال...كنت عاوز اعرف ايه احسن طريقه عشان احافظ عالفرامل...انا معايا جين2 ودايما بحس ان بدوس فرامل اكتر من البنزين(ودا ممكن عشان سواق مبتدىء ودوستى ساعات بتكون تقيله عالبنزين)....فهل فى طريقه او اسلوب معين لكى احافظ عالفرامل...

وشكرا جدا على المعلومات القيمه فعلا

[roky]

ألعزيز جدا/عاشق السيارات
لا تسعني الكلمات أن أوفيك حقك شكرا علي الردرود الكريمة السخية... و الشرح المفصل الدقيقي العلمي ... فانت جاوبت بكل وضوح عن كل تساؤل بدون أسقاط أي نقطة صغيرة بدون توضيح

بالنسبة لموضوع الـ 3 مم سمك ، ده مجرد تقدير بالنظر لاني لما رحت مع أحد الأصدقاء قبل كده عشان يكشف علي التيل بتاعة الميكانيكي قاله انه كويس و كان سمكه بالنظر كده 2 او 3 مم. لكن انا ماشفتفش التيل بتاعي انا شلكه ايه .
طبعا انا معنديش بوكوليس ...انا اصلا معنديش بيبه هايكون عندي البوكوليس ده ، دي عدد وتكنولوجيا متطورة عن الناس اللي زي حلاتي

الحقيقة انا رفعت العربية ع الكوريك امبارح (كوريك عادي مش تمساح) و نزلت أبص بسرعة من بعيد لبعيد (كنت خايف لحسن الكوريك ينزل فطلعت من تحت بسرعة) و شفت المواسير اللي تحكي انت عليها و الخراطيم و الحاجات الحلوة دي كلها لكن كما يبدو لي مفيش اي تسريب واضح لا من المواسير ولا علي العجل. لكن لاحظت برضه اني بعد ما زودت الزيت تاني مرة(بعد ما أخدت الهوا) الزيت تقريبا مانقصشي !؟ و الماستر شكله ناشف و مفيش حواليه اي تسريب واضح. التيل مش بيصفر ، ألآ قليل جدا، مثلا لما أكبس علي الفرامل مرة واحدة ، و أنا بركن مثلا.

أما عن موضوع السرفو فانا فعلا معنديش اي حاجة تحت الكبوت تنفع تكون سرفو ... العربية نصر مو83 وهاحاول اصور المنظر تحت الكبوت بس معنديش كاميرا حاليا


عندي سؤال عن موضوع الرجلاش ده ، من الصور بتاعتك انا كده فاهم ان الرجلاش ده حاجة ينفع تتوسع و تضيق (adjustable) لكن لما رحت مع صاحبي يرجلش الفراملف المرة اللي فاتت الصبي جاب شنبر و قص منه حته وحشرها ورا التيل عشان تعليه ... و لما سألته قالي الـ127 مافيهاش تضبيط ...هل ده صحيح ؟!

أخيرا مش عارف اعمل ايه ... الفرامل كل يوم بتخف عن اليوم اللي قبله ، زي مايكون انها مع الوقت بيدخلها هوا زيادة ؟؟
فأيه رأيك يا باشا الخطوة الجاية أعمل ايه ؟؟

أهلا بيك يا roky
بالنسبة لموضوع أني الفرامل وطيت تاني فممكن الرجلاش يتفتح شوية و يتاخد هوا تاني برضه بس أنت متأكد انها مفيهاش سرفو و موديل 83؟؟!!
ياريت تتأكد لنا من النقطة دي.

بالنسبة لتسريب زيت الفرامل أو بمعني اصح سائل الفرامل فبتتأكد منه بانك تحط ايدك خلف كل عجلة و تشوف لو فيه تسريب سائل لأني سائل الفرامل مش بس عند الموتور ده واصل و بيتوزع لكل عجلة لوحدها و لو لقيت سائل يبقي في ماستر ضارب زيت و لازم يتغير ده بالنسبة للعجل بس ممكن الزيت يتسرب من المواسير أو الخراطيم بتاعة الفرامل و المواسير بتكون تحت العربية فصعب شوية أنك تشوفها أما الخراطيم فبتكون موصلة للعجل فحتكون قريبة علي أيدك و لما تمد أيدك لو لقيت سائل لا قدر الله حتقدر تحدد اذا كان من الخراطيم او فيه ماستر ضارب و أحيانا بيكون الزيت ضارب و واصل لحد العجلة من برة و تلاقي الزيت نازل عليها, اما الماستر العمومي فبيتعرف بأنك بتفتح الكبوت و تشوف الماستر نفسه هل ناشع عليه زيت من الخارج و لا لا و عشان تريح دماغك أكشف علي الزيت اللي في خزنة الفرامل و بس و لو لقيته ناقص متزودهوش لأني النقص ده ممكن يكون تآكل في التيل أو تسريب و لازم يتعالج إلا لو كنت في مكان بعيد زي ما بتقول في 6 اكتوبر مثلا و لازم توصل بيها لأقرب متخصص في الحالة دي ممكن تزودها عشان تمشي بيها.

أفتكر 3 ملم بالنسبة للتيل الخلفي كويس أنت قيسته أزاي معاك بوكوليس و لا أيه؟؟

التيل الامامي لو أتاكل حيبدأ يصفر مع دوسة الفرامل و حتلاقي الزيت بينقص و لو تحب تعرفه حتفك العجلة و حتلاقي التيل متوصل بالجشمة اللي متوصلة بالعجلة هي عبارة عن حديدة كدة متوصلة بالعجلة بخراطيم و كدة و جواها بيكون التيل الامامي و تقدر تشوفه أو تحط ايدك و تشوف سمكه.
و دي صور للجشمة او الكاليبر أو الماستر الامامي:-
التيل موجود بالحديدة الموجودة أعلي الطنبورة (الجشمة) كما نري و يبدو التيل ظاهراً لو دققت النظر:-


و صور أخري و التيل موجود داخل الجشمة الزرقاء اللون هنا

و بالنظر او وضع يدك يمكنك تقدير حالة التيل الامامي الموجود.

بالنسبة لفك الفرامل بمفتاح عادة فانا لا افضل فكها اصلا لاني اللعب في الفرامل مش كويس و حتي لو فكيتها بمفتاح عادة حتقدر تطلع التيل من مكانه و كدة و في سوست و حاجات زي كدة؟؟

بالنسبة للبندكس هو زيت كويس أوي و يضاهي اللوكهيد و أرخص منه و انا شخصيا بستخدمه و مش بنبيع غيره في الورشة علي الاقل حاليا.

و ألف شكر لثناءك علي الموضوع و لذوقك.

[SAMER_ENGINES]

انا كنت بفكر اعملها خرط علشان انا بستهلك فرامل بطريقة غير طبيعية خالص لحد النهاردة العربية عاملة 35 الف ومغيرها حوالي 5 تقريبا بس من دون خرط خالص فا ايه رايك اجرب اخرطهم وبعدين اشوف ايه اللي يحصل ولا ايه رايك

لو حضرتك ناوي تخرط خلي حد يبص علي التيل لو لسه كويس يبقي يتصنفر عشان تركب علي نضافة.
أما لو لقيته تعب يستحسن تغيره و تخرط عشان تبقي جددت كله بالمرة.

[SAMER_ENGINES]

موضوع رائع جدا جدا جدا

الف شكر يااستاذ/سامر...بجد على افادة الناس وربنا يجازيك خير

انا كان عندى سؤال...كنت عاوز اعرف ايه احسن طريقه عشان احافظ عالفرامل...انا معايا جين2 ودايما بحس ان بدوس فرامل اكتر من البنزين(ودا ممكن عشان سواق مبتدىء ودوستى ساعات بتكون تقيله عالبنزين)....فهل فى طريقه او اسلوب معين لكى احافظ عالفرامل...

وشكرا جدا على المعلومات القيمه فعلا

أن دايما في خدمتكم و لا شكر علي واجب يا أستاذ أيمن.......
و بالنسبة للحفاظ علي الفرامل:-
* و لنبدأ بأسلوب القيادة:-
- حاول التقليل من الفرامل الفجائية (إلا في حالات الخطر لا قدر الله).
- في الدخول علي إشارة مثلا لا تترك السيارة تجري و تجئ قبل الإشارة و تضغط علي الفرامل بقوة حتي تتوقف السيارة بل أعطي للسيارة و لفراملها المساحة المناسبة و الوقت المعقول حتي تتوقف بدون عناء و بدون تحميل زائد علي الفرامل (و خاصة في حالة تحميل السيارة).
- في الزحام و لنقل أن أمامك 2 او 3 متر لا تجري في تلك المسافة القصيرة ثم تضغط الفرامل بقوة.
* و بالنسبة للصيانة:-
- لا تترك التيل ينتهي إلي أخره أو حتي يصل للحديد كما يقال (التيل علي الحديد) حتي لا تتأثر الطنابير.
- أخرط الطنابير مع كل تغيير للتيل.
- أحرص علي إستخدام نوعية جيدة من سائل الفرامل (زيت الباكم) مثل لوكهيد أو بندكس.

-- و بالنسبة لفرامل اليد لا تستخدمها في حالة تحرك السيارة (الا في حالات الطورائ أو ضعف فرامل القدم لا قدر الله).

هذه هي أهم النقاط و ليحافظ الله علينا و علي سياراتنا جميعاً.
و أي سؤال أنا في خدمتكم.

[Ayman_52]

أن دايما في خدمتكم و لا شكر علي واجب يا أستاذ أيمن.......
و بالنسبة للحفاظ علي الفرامل:-
* و لنبدأ بأسلوب القيادة:-
- حاول التقليل من الفرامل الفجائية (إلا في حالات الخطر لا قدر الله).
- في الدخول علي إشارة مثلا لا تترك السيارة تجري و تجئ قبل الإشارة و تضغط علي الفرامل بقوة حتي تتوقف السيارة بل أعطي للسيارة و لفراملها المساحة المناسبة و الوقت المعقول حتي تتوقف بدون عناء و بدون تحميل زائد علي الفرامل (و خاصة في حالة تحميل السيارة).
- في الزحام و لنقل أن أمامك 2 او 3 متر لا تجري في تلك المسافة القصيرة ثم تضغط الفرامل بقوة.
* و بالنسبة للصيانة:-
- لا تترك التيل ينتهي إلي أخره أو حتي يصل للحديد كما يقال (التيل علي الحديد) حتي لا تتأثر الطنابير.
- أخرط الطنابير مع كل تغيير للتيل.
- أحرص علي إستخدام نوعية جيدة من سائل الفرامل (زيت الباكم) مثل لوكهيد أو بندكس.

-- و بالنسبة لفرامل اليد لا تستخدمها في حالة تحرك السيارة (الا في حالات الطورائ أو ضعف فرامل القدم لا قدر الله).

هذه هي أهم النقاط و ليحافظ الله علينا و علي سياراتنا جميعاً.
و أي سؤال أنا في خدمتكم.

طب هو عادى ان رجلى تفضل وقت طويل عالفرامل..وكمان فرامل الجين2 من النوع اللى عاوزه قوه شويه عشان تستجيب...يعنى مش من اللمسه بتوقف.


وبجد شاكر جدا جدا لرد حضرتك الوافى...ربنا يجازيك خير

[ahmad5997]

ربنا يجازيك خير ان شاء الله

لتاني مرة بشكرك بس المرة دي بدعيلك كمان علي المعلومات اللي بتساعد بيها اخواتك وعلي ذوقك وطريقتك في الشرح والكلام بجد بجد ربنا يجازيك خير ويجعلها في ميزان حسناتك
سؤالي بقي قصدي حكايتي
لسة شاري ريجاتا من اسبوعين ومن ساعة ما اشتريتها ولمبة منورة في كمبيوتير الاعطال بتاعها بتشاور علي العجل اللي ورا ولما سألت اخوانا في النتدي منهم اللي قال ان دي بتاعة الزيت ومنهم اللي قال ان دي بتاعة التيل
المهم بصيت علي الزيت( او السائل زي ما علمتنا ) لقيته فعلا ناقص اشتريت ازازة بندكس ومليته بس بردو اللمبة منورة والمشكلة يا اخي الكريم اني يوم الخميس اللي فات كنت في مشوار ومعايا زوجتي وحماتي واولادي والعربية كانت شايلة كتير وبجري بيها وفجأة بدوس علي الفرامل لبست في ميكروباص محترم كلفتني مبلغ وقدرة قدر الله وما شاء فعل بس اللي انا فاكرة اني دوست فرامل جاااااااااااااامد جدا وحاسيس ان العربية ماشية زي ما يكون بتحاول تفرمل بس مش قادرة المهم انا فسرت ده بأن العربية تقيلة
بس المشكلة بقي اني بعد ما صلحت العربية سمكرة ودوكو واللذي منه ركبت العربية امبارح لوحدي وهي هي نفس العلقة لازادت قلم ولا قلت قلم بس الحمد لله المرة دي ما لبستش في حاجة ماشي عادي جدااااا بسرعة متوسطة لاهي زيادة ولاقليلة وبدوس فرامل العربية بتفرمل اه بس بصورة بطيئة جدا يعنيلو ماشي علي سرعة شوية زيادة ودوست فرامل حلني بقي علي العربية تقف
افتني يجزيك الله خيرا ويرزقك من رزقه
ولو انت شايف ان لازم زيارة ياريت تبعتلي عنوانك وتليفونك علي الخاص اجيلك اتشرف بمعرفتك
وتاني بقولهالك من قلبي والله ربنا يجازيك خير ان شاء الله

[shoudy2005]

عندى مشكلة بقالها 6 شهر و هى ان اعجل الخلفى مش دايمآ بيقفش بس العجل اللى قدام بيقفش كويس مع العلم انى قمت باخذ الهوا من جميع المساتر الفرعية و المستر الرئيسى جديد و المشكلة ديه من قبل ما اغير الماستر الرئيسى و لما بفرمل حامد على سرعة 80 العربية بترحل شوية شمال