إسأل و إطمن علي الفرامل..

[kemoelord]

اهلا بيك.....
و بالنسبة لسؤالك عن عدم رجوع الزيت نتيجة لمشكلة في الخرطوم فأعتقد بأن الخرطوم ليس له علاقة و المشكلة تكمن في ماستر العجلة فيجب تغيير لاني واضح انه اخذ الزيت و لم يعيده مرة اخري الي الخزنة.
و بعد الكشف عليها عند احد المتخصصين و التأكد من كلامي غير ماستر العجل و بعد هذا تاكد من قوام و شكل سائل الفرامل فربما يكون من نوعية سيئة او ثقيل زيادة عن اللزوم و تسبب في ثقل الماستر و تلفه فتأكد منه قبل ان يتلف اي ماستر أخر, و عامة ستحتاج لزيادة سائل الفرامل (الزيت) بعد تغيير الماستر و انصحك بلوكهيد او بندكس حيث انه اوفر من لوكهيد و في نفس جودته.

انا كان حصل كده معايا في يوم وانا ماشي لاقيت العجلة اليمين الي ورا قفشت لغايه لما ركنتها واجه الميكانيكي فكلي التيل والماستر وقعد ينظفه وركبلي كل حاجة من اول وجديد ولم يتم تغيير اي حاجة وبالفعل زودت زيت فرامل فهل المشكله ممكن ترجع تاني وهل كان لازم اني اغير " ماستر العجلة "

[SAMER_ENGINES]

من شهر وبتاريخ 28-11-2008

روحت توكيل ميتسوبيشى لحل المشكله اللى تقريبا موجوده عند معظم ملاك اللانسر وهى صوت صفاره عاليه ومزعجه جدااااااا مع الفرمله بالرغم ان التيل اللى كان فيها كان بتاع الفبريكه وكانت ماشيه 25 الف كيلو المهم المهندس قالى مش محتاج يتغير ده يتصنفر ويشتغل فتره قولتلوا لا غيره وخلاص وبالفعل تم تغيره بتيل اصلى وكان سعره 325 جنيه ولونه ازرق ومكتوب عليه ماركه او اسمه sumitomo
وسالت وهو بيركب التيل الطنابير فيها حاجه لا الطنابير سليمه وتمام اوكى راكب التيل والمفاجاءه بعد اسبوع الفرامل بتصفر تانى روحت راح مصنفر التيل والطنابير وراح الصوت واول امبارح رجع الصوت تانى عالى علما الصيانه كانت فى فرع ميتسوبيشى اللى فى بنزينه موبيل اللى امام محطه مترو المعادى مباشره وكده التيل مكملش ال 3000 كيلو والنهارده بعد صلاه الجمعه روحت لميكانيكى معرفه واحد قريبى فك وطلع التيل بيقولى ده ناعم ووحش علشان كده بيصفر اقوله ازاى ده اصلى وتمنه كذا يقولى لا فى نوع تركى كويس انا بستخدمه على طول حركبه وتشوف وفعلا اشتريت التيل ده وكان تمنه 55 جنيه وصناعه تركى وماركه اسمه beser
وطلع يجرب معايا بصراحه والا صوت والا الهواااا راحه اعصاب فزيعه بس المشكله ان حاسس ان الفرامل بقيت اضعف بس هو قالى لسه التيل لما يطبع حتبقى تمام فكنت عاوز اعرف من حضرتكم ايه رائيكم فى الكلام ده مع العلم ان فى التوكيل قالوا ان التيل بيصفر علشان الطنابير عاوزه تتخرط والميكانيكى قالى الطنابير فبريكه وتمام اوعى تخرطها ده من التيل وفعلا كلام مقنع علشان لو عاوزه تتخرط كانت صفره مع التيل التركى ده والا ايه؟؟ ودلوقتى انا ارمى التيل اللى جايبه من شهر ب 325 وسمعت ان غلى بقى ب 425 ومكملش 3000 كيلو والا اركبه واخرط الطنابير والتيل التركى ده لما يطبع حيمسك حلو والا ايه النظام وحيطبع امتى؟؟ وانا شوفت فى المنتدى سحب الهوا من الفرامل ازاى اعمل كده ومين اللى بيعملها ودى بتتعمل ازاى ولما يحصل ايه؟؟؟ معلش يا جماعه صدعتكم من الرغى الكتير ده بس انا اهم حاجه عندى فى العربيه الفرامل وبجد الموضوع ده مجننى ومعكنن عاليا جامد وغلبت مع الفرامل ومش عارف اعمل ايه؟؟؟

اولا بعتذر عن تأخر الرد و لكن بجد ظروف و برد و ساقعة زي ما حضرتك شايف و لو مفيش ورايا حاجة بتكلفت تحت الغطا..

بالنسبة لمشكلة حضرتك انا بصراحة مش فاهم ازاي صنايعي و بيركب تيل جديد علي طنبورة و مش بيخرط او جايز احنا و بتوع الفرامل كلهم مش بيفهموا و هو بيشتغل بطريقة جديدة بس لو جبت لك اصغر عيل من الصبيان اللي كانوا عندنا في الورشة و سالته هيقولك تغير تيل يبقي نخرط الطنابير لاني اللي اعرفه انه مفيش حاجة اسمها اركب تيل جديد علي طنبورة من غير ما اخرطها و تصدق بايه اني ساعات بتكون الطنبورة جديدة و طالعة من كرتونتها و بتكون محتاجة خرط فطبعا تركبيه التيل بدون خرط غلط و ده بيبوظ التيل الجديد.
فرأيي الشخصي تخرط الطنابير و تركب التيل اللي هو فيها حاليا ابو 55 جنيه طالما انه مريحك و لما تيجي تغير التيل خلي التيل التاني عندك و جربه بعدين في التغيير اللي جاي إن شاء الله لكن لو تحب تسيب الطنابير علي كدة و حاسس اني العربية كدة كويسة خلاص بس رأيي انا تتخرط افضل.

- و بالنسبة لأخد هوا من الفرامل انت متعملش فيه حاجة اي ميكانيكي او يفضل طبعا صنايعي فرامل و دبرياج هو اللي يقوم بالمهمة دي و الكلام ده بيتم كالآتي:
كل عجلة فيها مسمار هوا بينزل عند كل عجلة و يقولك "كارك" يعني تدوس و تسيب دواسة الفرامل كذا مرة ورا بعض و بعد كام دوسة يقولك "دوس" و يروح فاتح مسمار الهوا ده و يخرج الهوا و تتكرر العملية دي في كل عجلة و في الماستر العمومي لحد ما كلهم يجيبوا زيت و يقولك العجلة جابت زيت يقفل مسمار الهوا و خلاص و هو ده اخد الهوا يعني العملية بسيطة جدا و مش بتاخد 10 دقائق علي بعض, و العملية دي بتتم لما بيحصل شغل في الفرامل (فك و تركيب) او الفرامل تاخد هوا عامة و دي بتعلي بدال الفرامل شوية و هي عملية بالرغم من بساطتها لكنها سهلة جدا و مهمة جدا كمان.

- و بالنسبة لتطبيع التيل فحسب مشاويرك بالعربية يعني من 3 ايام لاسبوع و ممكن اكتر لو العربية بتقف كتير.

ملحوظة: العربية الأوتوماتيك بتاكل تيل اكتر من الفتيس العادة.
و اي استفسار آخر انا تحت امر حضرتك و آسف لتأخير الرد مرة اخري.

[SAMER_ENGINES]

انا كان حصل كده معايا في يوم وانا ماشي لاقيت العجلة اليمين الي ورا قفشت لغايه لما ركنتها واجه الميكانيكي فكلي التيل والماستر وقعد ينظفه وركبلي كل حاجة من اول وجديد ولم يتم تغيير اي حاجة وبالفعل زودت زيت فرامل فهل المشكله ممكن ترجع تاني وهل كان لازم اني اغير " ماستر العجلة "

اهلا بيك.......
هو ممكن يكون بس سائل الفرامل كان نوعيته مش كويسة و تقل الماستر و خلاه يقفش بس طالما انه فكه و نضفه خلاص, و لو اني برضه ارجع و اقولك كان علي الأقل غير جلد ماستر للإطمئنان بس عامة اكيد برضه هو ليه نظرة و مكانش هيخسر حاجة لو كان لقي مشكلة في الجلد او الماتسر و قالك عليها فمتخافش.
و مسألة اني الموضوع ده يتكرر تاني ده بيتوقف علي نوعية سائل الفرامل اللي بيتحط في العربية لاني سائل الفرامل بيأثر تأثير مباشر علي المساتر و الجلد بتاعها و طبعا متنساش اني لكل حاجة العمر الإفتراضي بتاعها.

[mazgangy]

اولا بعتذر عن تأخر الرد و لكن بجد ظروف و برد و ساقعة زي ما حضرتك شايف و لو مفيش ورايا حاجة بتكلفت تحت الغطا..

بالنسبة لمشكلة حضرتك انا بصراحة مش فاهم ازاي صنايعي و بيركب تيل جديد علي طنبورة و مش بيخرط او جايز احنا و بتوع الفرامل كلهم مش بيفهموا و هو بيشتغل بطريقة جديدة بس لو جبت لك اصغر عيل من الصبيان اللي كانوا عندنا في الورشة و سالته هيقولك تغير تيل يبقي نخرط الطنابير لاني اللي اعرفه انه مفيش حاجة اسمها اركب تيل جديد علي طنبورة من غير ما اخرطها و تصدق بايه اني ساعات بتكون الطنبورة جديدة و طالعة من كرتونتها و بتكون محتاجة خرط فطبعا تركبيه التيل بدون خرط غلط و ده بيبوظ التيل الجديد.
فرأيي الشخصي تخرط الطنابير و تركب التيل اللي هو فيها حاليا ابو 55 جنيه طالما انه مريحك و لما تيجي تغير التيل خلي التيل التاني عندك و جربه بعدين في التغيير اللي جاي إن شاء الله لكن لو تحب تسيب الطنابير علي كدة و حاسس اني العربية كدة كويسة خلاص بس رأيي انا تتخرط افضل.

- و بالنسبة لأخد هوا من الفرامل انت متعملش فيه حاجة اي ميكانيكي او يفضل طبعا صنايعي فرامل و دبرياج هو اللي يقوم بالمهمة دي و الكلام ده بيتم كالآتي:
كل عجلة فيها مسمار هوا بينزل عند كل عجلة و يقولك "كارك" يعني تدوس و تسيب دواسة الفرامل كذا مرة ورا بعض و بعد كام دوسة يقولك "دوس" و يروح فاتح مسمار الهوا ده و يخرج الهوا و تتكرر العملية دي في كل عجلة و في الماستر العمومي لحد ما كلهم يجيبوا زيت و يقولك العجلة جابت زيت يقفل مسمار الهوا و خلاص و هو ده اخد الهوا يعني العملية بسيطة جدا و مش بتاخد 10 دقائق علي بعض, و العملية دي بتتم لما بيحصل شغل في الفرامل (فك و تركيب) او الفرامل تاخد هوا عامة و دي بتعلي بدال الفرامل شوية و هي عملية بالرغم من بساطتها لكنها سهلة جدا و مهمة جدا كمان.

- و بالنسبة لتطبيع التيل فحسب مشاويرك بالعربية يعني من 3 ايام لاسبوع و ممكن اكتر لو العربية بتقف كتير.

ملحوظة: العربية الأوتوماتيك بتاكل تيل اكتر من الفتيس العادة.
و اي استفسار آخر انا تحت امر حضرتك و آسف لتأخير الرد مرة اخري.

يا باشا انت كلامك زى الفل والا اسف والا حاجه انا حقولك اللى عملته النهارده الصبح اول ما صحيت من النوم لانى نايم اصلا مخنوق بسبب الموضوع ده نزلت لميكانيكى قولتلوا فك الطنابير فكها روحت خرطها وبقيت تمام التمام روحت قولتلوا ركبهم راح مركبهم قالى اركبلك انهى تيل قولتلوا لا سيبك من التركى ده روحت مديلوا الاصلى اللى كان صفر ومكملش ال 3000 كيلو هو بتاع اللانسر الاصلى راح مصنفره ومركبه الملاحظات بقى كالاتى

مفيش صفاره خالص بس الفرامل اضعف وهو بيقولى لما تطبع تبقى تمام ازاى بقى تطبع والتيل مش جديد ده ماشى ما يقرب من 3000 كيلو والفرامل كانت باللمسه وزى الفل بس عيبه كان بيصفر والملحظه التانيه ان كان الاول نفس التيل وهو بيصفر كنت المس الدواسه بس احس بالفرامل انى بفرمل دلوقتى لازم ادوس والدواسه تنزل كتير تحت رجلى ومستنى رد حضرتك والف شكر ليك وللعلم العربيه لانسر كريستاله 99 اتوماتيك

[grumby78]

السلام عليكم اولا . انا مش عارف الي عندي دي مشكلة ولا لأ ؟!! لما باجي أدوس فرامل على سرعة بأحس برجرجة بسيطة في دواسة الفرامل . ومش موجوده لما بأكبس فرامل. واحيانا وعلى سرعات بسيطة بادوس فرامل والوضع طبيعي جدا . علما بأن مستوى سائل الفرامل ثابت وطبيعي ومشوار الدواسة طبيعي جدا . علما بأني كنت مسافر وتركت السيارة 3 شهور . وكفاءة الفرامل كما هي جيدة . ولك جزيل الشكر مقدما...

[kemoelord]

بالنسبة لمشكلة حضرتك انا بصراحة مش فاهم ازاي صنايعي و بيركب تيل جديد علي طنبورة و مش بيخرط او جايز احنا و بتوع الفرامل كلهم مش بيفهموا و هو بيشتغل بطريقة جديدة بس لو جبت لك اصغر عيل من الصبيان اللي كانوا عندنا في الورشة و سالته هيقولك تغير تيل يبقي نخرط الطنابير لاني اللي اعرفه انه مفيش حاجة اسمها اركب تيل جديد علي طنبورة من غير ما اخرطها و تصدق بايه اني ساعات بتكون الطنبورة جديدة و طالعة من كرتونتها و بتكون محتاجة خرط فطبعا تركبيه التيل بدون خرط غلط و ده بيبوظ التيل الجديد.
.

حضرتك بتقول مش ينفع اركب تيل جديد بدون ما اخرط الطنابير هو انا تقريبا مغير تيل الفرامل مرتين قبل كده وبدون ما اعمل اي شغل في الطنابير فهل خرط الطنابير ده ضروري جدااااااا ولا هو مجرد رفع كفاءة الفرامل

[SAMER_ENGINES]

يا باشا انت كلامك زى الفل والا اسف والا حاجه انا حقولك اللى عملته النهارده الصبح اول ما صحيت من النوم لانى نايم اصلا مخنوق بسبب الموضوع ده نزلت لميكانيكى قولتلوا فك الطنابير فكها روحت خرطها وبقيت تمام التمام روحت قولتلوا ركبهم راح مركبهم قالى اركبلك انهى تيل قولتلوا لا سيبك من التركى ده روحت مديلوا الاصلى اللى كان صفر ومكملش ال 3000 كيلو هو بتاع اللانسر الاصلى راح مصنفره ومركبه الملاحظات بقى كالاتى

مفيش صفاره خالص بس الفرامل اضعف وهو بيقولى لما تطبع تبقى تمام ازاى بقى تطبع والتيل مش جديد ده ماشى ما يقرب من 3000 كيلو والفرامل كانت باللمسه وزى الفل بس عيبه كان بيصفر والملحظه التانيه ان كان الاول نفس التيل وهو بيصفر كنت المس الدواسه بس احس بالفرامل انى بفرمل دلوقتى لازم ادوس والدواسه تنزل كتير تحت رجلى ومستنى رد حضرتك والف شكر ليك وللعلم العربيه لانسر كريستاله 99 اتوماتيك

معلش التيل اي نعم مشي 3000 كيلو بس التيل اتصنفر و الطنابير اتخرطت يعني اصبر عليها شوية لحد ما التيل و الطنبورة يطبعوا علي بعض يعني كلامه صح, و انتظر كام يوم و طبعا بعد ما تخرج بالعربية كام مشوار محترمين كدة و شوف لو الفرامل لسه واطية روح له ياخد لك هوا عشان الفرامل تعلي تاني و للعلم اللانسر و خاصة الاوتوماتيك و الأوتوماتيك بصفة عامة دايما بياكل تيل اكتر و دي مشكلة لاحظتها مع واحد قريبنا معاه لانسر بومة و بيعمل الفرامل عندنا.

[SAMER_ENGINES]

حضرتك بتقول مش ينفع اركب تيل جديد بدون ما اخرط الطنابير هو انا تقريبا مغير تيل الفرامل مرتين قبل كده وبدون ما اعمل اي شغل في الطنابير فهل خرط الطنابير ده ضروري جدااااااا ولا هو مجرد رفع كفاءة الفرامل

هو حضرتك بتتكلم علي تيل امامي و لا خلفي؟؟
الامامي بتتخرط برضه بس عادة مش بتحتاج خرط زي الخلفي (و لو انه يستحسن) تتخرط.
عيوب الخرط: كل عيبه انه بياكل من لحمية الطنبورة.
فوائده: عمل تسوية للطنبورة او للجزء اللي بيحتك بيه التيل و ده عشان التيل الجديد ميبوظش بسرعة.
و طبعا لرفع كفاء الفرامل و لعدم حدوث اهتزازات مع الفرامل.

[SAMER_ENGINES]

السلام عليكم اولا . انا مش عارف الي عندي دي مشكلة ولا لأ ؟!! لما باجي أدوس فرامل على سرعة بأحس برجرجة بسيطة في دواسة الفرامل . ومش موجوده لما بأكبس فرامل. واحيانا وعلى سرعات بسيطة بادوس فرامل والوضع طبيعي جدا . علما بأن مستوى سائل الفرامل ثابت وطبيعي ومشوار الدواسة طبيعي جدا . علما بأني كنت مسافر وتركت السيارة 3 شهور . وكفاءة الفرامل كما هي جيدة . ولك جزيل الشكر مقدما...

و عليكم السلام..
غالبا الطنابير عند حضرتك فيها مشكلة بس الغريبة انها بتعمل كدة علي سرعات معينة, علي كل اكشف علي الطنابير لو كانت محتاجة خرط و لو مكانتش يبقي راجع علي صرر العجل و العفشة جايز تكون مشكلة ملهاش علاقة بالفرامل, بس الصح اني الدواسة تكون ثابتة تحت رجلك و متترجش فكدة في حاجة غلط.

[maka]

سوال على الماشى هو الطنابير وره بتبقى صرر وقدام ديسكات

[kemoelord]

انا كنت بتكلم عن التيل الامامي , وانا ان شاء الله ناوي اغير تيل خلفي على كده لازم اخرط الطنابير " الخلفيه " ؟؟

[SAMER_ENGINES]

انا كنت بتكلم عن التيل الامامي , وانا ان شاء الله ناوي اغير تيل خلفي على كده لازم اخرط الطنابير " الخلفيه " ؟؟

اكيد لازم تتخرط عشان الحفاظ علي التيل الجديد و انت هتلاقي الراجل فكهم من نفسه و خرطهم.

[kemoelord]

شكرا يا باشا على الاهتمام

[SAMER_ENGINES]

سوال على الماشى هو الطنابير وره بتبقى صرر وقدام ديسكات

بص يا استاذي الطنابير عادة بتكون سكينة قدام او زي ما قلت ديسكات و قباقيب ورا (قباقيب و ليس صرر لاني الصرر دي موضوع تاني خالص و هحاول اجيب صورة لصرر العجل برضه) و دي صور للطنابير الامامي و الخلفي:-

الامامية:-


الخلفية:-


لكن في بعض الأحيان تكون سكينة في الأمام و الخلف كبعض موديلات الأوبترا و الـ 132 و في بعض الأحيان ايضا تكون أيضاً قباقيب في الأمام و الخلف مثل السوزوكي سوبر كاري و بعض موديلات السيات 133.

[mazgangy]

معلش التيل اي نعم مشي 3000 كيلو بس التيل اتصنفر و الطنابير اتخرطت يعني اصبر عليها شوية لحد ما التيل و الطنبورة يطبعوا علي بعض يعني كلامه صح, و انتظر كام يوم و طبعا بعد ما تخرج بالعربية كام مشوار محترمين كدة و شوف لو الفرامل لسه واطية روح له ياخد لك هوا عشان الفرامل تعلي تاني و للعلم اللانسر و خاصة الاوتوماتيك و الأوتوماتيك بصفة عامة دايما بياكل تيل اكتر و دي مشكلة لاحظتها مع واحد قريبنا معاه لانسر بومة و بيعمل الفرامل عندنا.

الحقنى يا باشا وقولى اعمل ايه علشان اتجننت انا منتظر انه يطبع ويبقى تمام لكن بعد مشوار النهارده 120 كيلو لقيت الاتى التيل طبع واستجابه الفرامل بقيت احسن بكتييير اتبسط جداااااا وقولت اخيرااااا بس مش لحقت افرح ولقيتوا بيصفر تانى على الرغم من خرط الطنابير وتركيب التيل الاصلى واللى تمنه 450 جنيه واللى مش مشى 3000 كيلو تقريبا 2500 كيلو وبرضوا متصنفر واحد فتالى وقالى بص بقى غير زيت الفرامل كله فضيه وحط زيت جديد الكلام ده صح والا لا؟؟؟ وقولى وانجدنى يا باشا اعمل ايه اصل انا خلاص حتجنن من الموضوع ده والورشه بتاعت حضرتك مكانها فين بالظبط ؟؟ وشكرا لأهتمامك