إسأل و إطمن علي الفرامل..

[dr_abooody]

انا الحمد لله روحت ركبت الماستر العمومي بس الفرامل البدال وطى لتحت بس بتفرمل جامد اكتر من الاول
المشكلة ان البدال الواطي دة انا مش متعود علية
قولتلة ينفع نعلية اكتر من كدا
قالي لا
قولتلة لية قالي عشان الصباع قصير شوية
تقريبا بتاع السيرفو

السؤال بقى هل البدال هيعلى مع الوقت
انا فاكر انى عملت شغل فرامل و البدال كان واطي و على لوحدة بعد كدا ؟؟

[roky]

عزيزي عاشق السيارات،

الفرامل أخدت منها هوا .. وبعد أسبوع واحد بس خفت تاني :
ورحت لميكانكي غيره قالي ده عيب طاقية السرفو ، و هي اصلا نصر 83 مفيهاش سرفو.


عاوز استفسر منك عن شوية حاجات عاوز اعلمها بنفسي في عربيتي الـ 127، لاني مش لاقي أي حد متخصص فرامل هنا في 6 اكتوبر

أولا عاوز أتأكد انه مفيش تسريب زيت أعمل أيه، هل هاتنقط زيت تحت الكبوت زي زيت الموتور ... التسريب واضح تحت العربية يعني ولا اعرفه ازاي

ثانيا انا الحمد لله لو شفت التيل الخلفي بقدر اعرف اذا كان متهالك ولا لأ ، أذا كان سمكه 3 ملم تقريبا يبقي كويس .. صح ولا أيه
أما التيل الأمامي أعرف أزاي انه كويس ولا متهالك، لاني اصلا ماعرفش مكانه فين و يتشاف ازاي ؟؟ه
برضه الحقيقة انا معنديش بيبة .. ينفع أفك الفرامل بمفتاح عاده ؟؟
ثالثا العربية كانت جاية و فيها علبة زيت lookhead الأنجليزي ، بس مالقيتوش في السوق فجبت Bindex. هل ده نوع كويس ولا ردئ

أخيرا شكرا ليك علي الموضوع الحيوي و الحساس ده ... ياريت الأدارة تثبت الموضوع ده

[roky]

سؤال صغير كمان
هي أيه لزمة البتاعة اللي عاملة زي العوامة و فيها سلك طالع لفوق اللي بتكون جوه علبة الزيت
و المفروض تكون عايمة ولا غطسانة

وشكرا مقدما

[maka]

سؤال صغير كمان
هي أيه لزمة البتاعة اللي عاملة زي العوامة و فيها سلك طالع لفوق اللي بتكون جوه علبة الزيت
و المفروض تكون عايمة ولا غطسانة

وشكرا مقدما

المفروض لما زيت الفرامل يقل لمبة فرامل اليد تقيد وتطفى (فلاشر)

لكن هتلاقيها ملغية عندك -وللاسف انا كمان واغلب الفيورات

اللى شوفتها- وسالت عليها قالولى لازم اخد خزنة الزيت كلها واستيراد!!!!!

[محمود نجيب]

ما المقصود بــــ :
يرجلش الفرامل
أو
يعمل رجلاش للفرامل

و ما فائدته للسيارات الجديدة عند أول صيانة في التوكيل بعد الخمسة آلاف كيلو الأولى .

و جزاك الله خيرا

[kemoelord]

انا عندي بس استفسار بخصوص ماستر الدبرياج وهو ان من سنه ونصف تقريبا لاقيت الدبرياج سقط لتحت وطبعا العربيه وقفت مكانها لان انا ساعتها ما عرفت انقل فالمهم الميكانيكي جالي وغيرلي ماستر الدبرياج فطبعا الحكايه دي حصلت فجأة فهل الماستر ده له مده ويتغير زي الصيانه كده ولا له اعراض تلف ولا ايه بالظبط

[SAMER_ENGINES]

شكرا جزيلا
بس هو الرجلاش هو نفسه موضوع يتاخد هواء

يعنى لما اروح لهم أأقولهم يسحبوا الهواء من دورة الفرامل

ولك جزيل الشكر

لا شكر علي واجب

و الرجلاش مش هو أخد الهوا ده حاجة و ده حاجة تانية خاااااالص الرجلاش ده توسيع أو تضييق المسافة او الخلوص اللي بين ال التيل و الطنابير لكن الهوا ده إخراج الهوا من دورة الفرامل.

[SAMER_ENGINES]

السلام عليكم

انا معايا 128

لما ادوس على الفرامل جامد بتمسك كويس بس مش بالدرجة المطلوبة بس الفرامل كويسة جدااا و بتمسك حلو

المهم دلوقتي جي بشوف الماستر العمومي لقيتة زي مدلوق علية طبقة من الزيت كدا قولت يمكن حاجة تانية

لقيت الكباس بتاع الفرامل علية بردة زيت كتير قولت كدا في حاجة
حطيت ايدي من تحت لقيت سائل كدا روحت شوفت طعمة اية لقيتة مسكر و دوقت سائل الفرامل ليقتة نفس الطعم

كدا في تسريب لسائل الفرامل
يا ترى كدا اية المشكلة هل الكباس بيسرب زيت و لا الماستر العمومي

هي الفرامل كويسة و ما فيهاش حاجة خالص هل لو سيبت الزيت دة كدا هل في مشاكل ان الفرامل يحصلها تلف مفاجئ لا قدر الله و انا ماشي
و لا دة كدا خطر

كدة للأسف الزيت اللي انت حطيته مغشوش و هو هو الزيت اللي أتكلمت عنه قبل كدة في موضوع أسمه مية بسكر و ده الرابط بتاعه

http://www.nilemotors.net/Nile/showthread.php?t=50446&highlight=%E3%ED%C9+%C8%D3%DF%D1

و للأسف لازم تروح بيها لأقرب متخصص فرامل و دبرياج و يشوف ايه اللي لازم تغييره ما اذا كان جلد او ماستر عمومي او غيره و غالبا ما حيكون الماستر العمومي و لا تسكت عليها و لما تحط سائل فرمل تحط اما لوكهيد او بندكس فرنساوي بالعلبة الصفيح الشهيرة بتاعته هما أغلي شوية بس دي فرامل و زي ما بقول دايما استرخص في أي شئ في العربية ألا الفرامل بالذات.
و أي سؤال أنا تحت أمرك.

[SAMER_ENGINES]

الدبرياج اعرف ازاى انة فية مشكلة
اصل التوكيل قال انة لازم يتغير و انا عمرى ماشتكيت
من الدبرياج

أهلا بيك يا دكتور وليد
و الدبرياج بتعرف حالته بكذا طريقة أولهم طبعا - السحب هل لما بتيجي ماشي و مثلا غيرت من التالت للرابع و دوست بنزين عشان تكمل عادي بتسمع صوت عالي للموتور و مفيش سحب و فين علي ما تجمع و تسحب معاك لو ده موجود يبقي الدبرياج فعلا فيه مشكلة.
- و لو طلعت بالعربية و نتشت الدبرياج العربية (بتأمرك) منك يعني العجل بيلف حوالين نفسه طلعة (أمريكاني) زي ما بتسمي يعني و لا مهما نتشت الدبرياج العربية مش بتأمرك خالص لو مش بتأمرك يبقي برضه فيه مشكلة.
بس سؤال بقي ليه يتغير طقم الدبرياج ده بيتغير في أضيق الحدود لو الديسك لا قدر الله تكسر او في سوستة مثلا في الإسطوانة اتكسرت و كنت أنت حتلاحظ ده أكيد لكن يتغير كدة علي طول؟؟!!
اللي بنعمله و كل الناس و الصنايعية بيعملوه بنملأ الإسطوانة تيل و ممكن نخرط الديسك و نطمن علي الفولام بس و بيركب طقم الدبرياج هو هو تاني حاول تشوف حد تاني يتأكد لك من انه كويس بدل تغيير و فلوس و خلاص بدون ما يكون فيه مشكلة.

[SAMER_ENGINES]

معلش سوال جه على بالى كنت مرة راكب مع الميكانيكى ونازل من كوبرى اكتوبر

بسرعة جدا ولقيت حفرة كبير فى اخر المنزل وفرملت جامد فالميكانيكى قالى كده

خطر على العربية والفرامل الجامدة بتفتح شاسية العربية الكلام ده صح ولا لا

نعم أزاي يعني شاسيه يتفتح من فرملة ليه معمول من أيه علب كبريت؟؟
أمال لو العربية نزلت في بلاعة جامدة و لا مطب من مطبات المحروسة هيحصل ايه؟؟!!
هي بس فيها شوية تحميل زيادة علي الفرامل مش اكتر يعني العربية ماشية بسرعة و منزل و دوست فرامل جامد لكن بصراحة اول مرة أسمع عن موضوع شاسيه العربية يفتح دي و لو حد عنده خبرة اكبر في الشاسيهات ياريت يقولنا.
بس رايي الشخصي الميكانيكي ده للموتور و بسسسسسسسسسسسسسس ميعملش حاجة غير كدة لأني كل واحد و ليه تخصصه لكن أغلبيتهم بيحبوا يحطوا مناخيرهم في كل حاجة في العربية أهو جاب لك حاجتين ملهمش علاقة ببعض الشاسية و الفرامل و عايز يفهمك أنه بيفهم في الموتور و الشاسيه و الفرامل و كل حاجة و فعلا يحسسوك أنهم فاهمين في كل حاجة في العربية و اني العربية كلها بتاعة الميكانيكي و هو الوحيد اللي بيفهم فيها و ده طبعا كلام فارغ و مش صحيح بالمرة.

[SAMER_ENGINES]

موضوع زي العسل وشخصية غاية في الاحترام

ربنا يباركلك

يا فندم ده من ذوق حضرتك و حسن أخلاقك و الف شكر ليك و لكلامك الجميل.

[SAMER_ENGINES]

السلام عليكم انا عندي مشكلة اني وانا ماشي على 120 وادوس فرامل الاقي العربية ببترج جامد جدا واذا زودت عن ال120 ووصلت ل140 ومسكت فرامل الرجة بتخف وممكن ماتكنش في حاجة

تبقى ايه هيا المشكلة

ممكن تكون الطنابير محتاجة خرط بس لو ممكن تقول لنا اخبارها أيه علي السرعات العادية جوة المدينة مثلا.

[SAMER_ENGINES]

انا الحمد لله روحت ركبت الماستر العمومي بس الفرامل البدال وطى لتحت بس بتفرمل جامد اكتر من الاول
المشكلة ان البدال الواطي دة انا مش متعود علية
قولتلة ينفع نعلية اكتر من كدا
قالي لا
قولتلة لية قالي عشان الصباع قصير شوية
تقريبا بتاع السيرفو

السؤال بقى هل البدال هيعلى مع الوقت
انا فاكر انى عملت شغل فرامل و البدال كان واطي و على لوحدة بعد كدا ؟؟

هو البدال يعلي لوحده مع الوقت لو كنت غيرت تيل أو طنابير عشان بياخد فترة علي ما يطبع لكن كدة المفروض أنه ياخد هوا من كل عجلة و يرجلش و ياخد هوا من العمومي لو لزم الامر عشان البدال يعلي عن كدة.
هو أخد هوا أصلا و لا لا؟؟

[SAMER_ENGINES]

عزيزي عاشق السيارات،

الفرامل أخدت منها هوا .. وبعد أسبوع واحد بس خفت تاني :
ورحت لميكانكي غيره قالي ده عيب طاقية السرفو ، و هي اصلا نصر 83 مفيهاش سرفو.


عاوز استفسر منك عن شوية حاجات عاوز اعلمها بنفسي في عربيتي الـ 127، لاني مش لاقي أي حد متخصص فرامل هنا في 6 اكتوبر

أولا عاوز أتأكد انه مفيش تسريب زيت أعمل أيه، هل هاتنقط زيت تحت الكبوت زي زيت الموتور ... التسريب واضح تحت العربية يعني ولا اعرفه ازاي

ثانيا انا الحمد لله لو شفت التيل الخلفي بقدر اعرف اذا كان متهالك ولا لأ ، أذا كان سمكه 3 ملم تقريبا يبقي كويس .. صح ولا أيه
أما التيل الأمامي أعرف أزاي انه كويس ولا متهالك، لاني اصلا ماعرفش مكانه فين و يتشاف ازاي ؟؟ه
برضه الحقيقة انا معنديش بيبة .. ينفع أفك الفرامل بمفتاح عاده ؟؟
ثالثا العربية كانت جاية و فيها علبة زيت lookhead الأنجليزي ، بس مالقيتوش في السوق فجبت Bindex. هل ده نوع كويس ولا ردئ

أخيرا شكرا ليك علي الموضوع الحيوي و الحساس ده ... ياريت الأدارة تثبت الموضوع ده

أهلا بيك يا roky
بالنسبة لموضوع أني الفرامل وطيت تاني فممكن الرجلاش يتفتح شوية و يتاخد هوا تاني برضه بس أنت متأكد انها مفيهاش سرفو و موديل 83؟؟!!
ياريت تتأكد لنا من النقطة دي.

بالنسبة لتسريب زيت الفرامل أو بمعني اصح سائل الفرامل فبتتأكد منه بانك تحط ايدك خلف كل عجلة و تشوف لو فيه تسريب سائل لأني سائل الفرامل مش بس عند الموتور ده واصل و بيتوزع لكل عجلة لوحدها و لو لقيت سائل يبقي في ماستر ضارب زيت و لازم يتغير ده بالنسبة للعجل بس ممكن الزيت يتسرب من المواسير أو الخراطيم بتاعة الفرامل و المواسير بتكون تحت العربية فصعب شوية أنك تشوفها أما الخراطيم فبتكون موصلة للعجل فحتكون قريبة علي أيدك و لما تمد أيدك لو لقيت سائل لا قدر الله حتقدر تحدد اذا كان من الخراطيم او فيه ماستر ضارب و أحيانا بيكون الزيت ضارب و واصل لحد العجلة من برة و تلاقي الزيت نازل عليها, اما الماستر العمومي فبيتعرف بأنك بتفتح الكبوت و تشوف الماستر نفسه هل ناشع عليه زيت من الخارج و لا لا و عشان تريح دماغك أكشف علي الزيت اللي في خزنة الفرامل و بس و لو لقيته ناقص متزودهوش لأني النقص ده ممكن يكون تآكل في التيل أو تسريب و لازم يتعالج إلا لو كنت في مكان بعيد زي ما بتقول في 6 اكتوبر مثلا و لازم توصل بيها لأقرب متخصص في الحالة دي ممكن تزودها عشان تمشي بيها.

أفتكر 3 ملم بالنسبة للتيل الخلفي كويس أنت قيسته أزاي معاك بوكوليس و لا أيه؟؟

التيل الامامي لو أتاكل حيبدأ يصفر مع دوسة الفرامل و حتلاقي الزيت بينقص و لو تحب تعرفه حتفك العجلة و حتلاقي التيل متوصل بالجشمة اللي متوصلة بالعجلة هي عبارة عن حديدة كدة متوصلة بالعجلة بخراطيم و كدة و جواها بيكون التيل الامامي و تقدر تشوفه أو تحط ايدك و تشوف سمكه.
و دي صور للجشمة او الكاليبر أو الماستر الامامي:-
التيل موجود بالحديدة الموجودة أعلي الطنبورة (الجشمة) كما نري و يبدو التيل ظاهراً لو دققت النظر:-


و صور أخري و التيل موجود داخل الجشمة الزرقاء اللون هنا في الصورة:-


و بالنظر او وضع يدك يمكنك تقدير حالة التيل الامامي الموجود.

بالنسبة لفك الفرامل بمفتاح عادة فانا لا افضل فكها اصلا لاني اللعب في الفرامل مش كويس و حتي لو فكيتها بمفتاح عادة حتقدر تطلع التيل من مكانه و كدة و في سوست و حاجات زي كدة؟؟

بالنسبة للبندكس هو زيت كويس أوي و يضاهي اللوكهيد و أرخص منه و انا شخصيا بستخدمه و مش بنبيع غيره في الورشة علي الاقل حاليا.

و ألف شكر لثناءك علي الموضوع و لذوقك.

[dr_abooody]

هو البدال يعلي لوحده مع الوقت لو كنت غيرت تيل أو طنابير عشان بياخد فترة علي ما يطبع لكن كدة المفروض أنه ياخد هوا من كل عجلة و يرجلش و ياخد هوا من العمومي لو لزم الامر عشان البدال يعلي عن كدة.
هو أخد هوا أصلا و لا لا؟؟

هو اخد هوا من الماستر بس

لان انا كنت مغير ال 4 طنابير و تيل من شهر