إسأل و إطمن علي الفرامل..

[maka]

بص يا استاذي الطنابير عادة بتكون سكينة قدام او زي ما قلت ديسكات و قباقيب ورا (قباقيب و ليس صرر لاني الصرر دي موضوع تاني خالص و هحاول اجيب صورة لصرر العجل برضه) و دي صور للطنابير الامامي و الخلفي:-

الامامية:-


الخلفية:-


لكن في بعض الأحيان تكون سكينة في الأمام و الخلف كبعض موديلات الأوبترا و الـ 132 و في بعض الأحيان ايضا تكون أيضاً قباقيب في الأمام و الخلف مثل السوزوكي سوبر كاري و بعض موديلات السيات 133.

سوالين على الماشى :
1- هى الناس بتقول ليه السكينة احسن من القباقيب
2-مكان التيل بيحك فين فى القباقيب

[SAMER_ENGINES]

الحقنى يا باشا وقولى اعمل ايه علشان اتجننت انا منتظر انه يطبع ويبقى تمام لكن بعد مشوار النهارده 120 كيلو لقيت الاتى التيل طبع واستجابه الفرامل بقيت احسن بكتييير اتبسط جداااااا وقولت اخيرااااا بس مش لحقت افرح ولقيتوا بيصفر تانى على الرغم من خرط الطنابير وتركيب التيل الاصلى واللى تمنه 450 جنيه واللى مش مشى 3000 كيلو تقريبا 2500 كيلو وبرضوا متصنفر واحد فتالى وقالى بص بقى غير زيت الفرامل كله فضيه وحط زيت جديد الكلام ده صح والا لا؟؟؟ وقولى وانجدنى يا باشا اعمل ايه اصل انا خلاص حتجنن من الموضوع ده والورشه بتاعت حضرتك مكانها فين بالظبط ؟؟ وشكرا لأهتمامك

هو طبعا كدة بيفتي لاني زيت الفرامل ملوش اي علاقة بالتصفير خااالص لا من قريب و لا من بعيد لاني التصفير ده بيكون ناتج عن احتكاك التيل بالطنبورة لا اكثر و كدة ممكن تكون خامة التيل ده مش حلوة فعلا بالرغم من انه غالي بجد مش عارف اقولك ايه التيل فعلا غالي و حرام يترمي و عموماً انا هبعت لحضرتك البيانات في رسالة.

[SAMER_ENGINES]

سوالين على الماشى :
1- هى الناس بتقول ليه السكينة احسن من القباقيب
2-مكان التيل بيحك فين فى القباقيب

بالنسبة لسؤالك الأول مش شرط اني دي تكون افضل او دي تكون افضل بس لكل شئ في الدنيا ميزة و عيب.
و مميزات الطنابير السكينة:
انها مش بتسخن او تقفش زي الطنابير اللي بيركب عليها القباقيب.
و مش بتحتاج لرجلاش زي الخلفية.
مميزات الطنابير الحلة (القباقيب):
انها ليها مساحة احتكاكية اكبر لاني حجم تيل القباقيب اكبر و بكدة الإحتكاك بيكون علي مساحة اكبر من الطنبورة و ده اكيد بيحسن اداء الفرامل كتير و كمان فرامل اليد بتكون متصلة بيها مباشرة اما في السكينة الخلفية عادة بيتعمل فيها فرامل يد منفصلة و النظام ده معمول بيه في الإسبيرانزا الجديدة لتأمين العربية في اي مطلع او منزل فلم يعتمدوا علي الفرامل السكينة فقاموا بعمل حلة او طنبورة اخري لشد فرامل اليد فقط.
و رأيي الشخصي اني نظام الفرامل السكينة او الديسكات في الامام و الحلة او القباقيب في الخلف افضل كثيرا و هو النظام المعمول بيه في نسبة كبيرة من السيارات.

اما سؤالك الثاني فالقباقيب بتكون عبارة عن شئ مستدير كما تري في الصورة في الرد السابق و التيل يكون مركب من داخلها و يحتك فيها من الداخل و ها هو شكل التيل بعد فك الطنابير و يتضح من شكل التيل مكان احتكاكه بالطنبورة:-

صورة اخري للإيضاح:

ارجو أن أكون قد اوضحت لك الفكرة و اي استفسارات اخري انا جاهز و في خدمتكم.

[maka]

بجد يا باشمهندس سامر انت ممتاز و مكسب للمنتدى ربنا يبارك فيك

[SAMER_ENGINES]

بجد يا باشمهندس سامر انت ممتاز و مكسب للمنتدى ربنا يبارك فيك

يا باشا ده كتير عليا و الله و أخجلتم تواضعنا و كفاية ردك و كلامك الحلو و ذوقك, انا مش عايز اكتر من كدة.

[dr_abooody]

ما هي اعراض تلف الماستر العمومي

و هل الحدفة اللي بتحصل مع الفراما مرة ترةح و مرة تيجي تعتبر من اسبابها

و ساعات الفرامل تحس انها بتحجر تحت رجلي

و لكن لا يوجد تسريب زيت نهائيا و كنت لسا مغير طنابير و تيل و خراطيم امامية و خلفية

و الحدفة قلت بس ساعات تروح و ساعات تيجي

و لا دة ممكن يكون مشكلة في العفشة مع انها سليمة

[SAMER_ENGINES]

ما هي اعراض تلف الماستر العمومي

و هل الحدفة اللي بتحصل مع الفراما مرة ترةح و مرة تيجي تعتبر من اسبابها

و ساعات الفرامل تحس انها بتحجر تحت رجلي

و لكن لا يوجد تسريب زيت نهائيا و كنت لسا مغير طنابير و تيل و خراطيم امامية و خلفية

و الحدفة قلت بس ساعات تروح و ساعات تيجي

و لا دة ممكن يكون مشكلة في العفشة مع انها سليمة

اهلا بيك..............
* و من اعراض تلف الماستر العمومي:
- حدفة لليمين او لليسار.
- وجود حدفة مرة يمين و مرة يسار و مرة مفيش مشكلة (كما يحدث معك).
- و وجود سائل فرامل ناشع علي الماستر العمومي معناه أيضاً انه ضرب زيت.
- هبوط الفرامل لأسفل.

* و الحدفة اللي عندك تعتبر من أعراض تلفه.

* و بالنسبة إلي اني الفرامل بتحجر ده بسبب عيب في السرفو اكيد.

* كدة الحمد لله الفرامل عندك كلها تمام بما انك مغير تقريبا غالبية اجزاء دورة الفرامل بس فيما عدا الماستر العمومي و للعلم و من اسمه أني الماستر العمومي هو المسؤول عن توزيع سائل الفرامل للسيارة كلها و لو تلف الماستر العمومي و بقية دورة الفرامل كلها جيدة لحدث خلل كبير بالفرامل.
و من الصعب ان تكون المشكلة في عفشة السيارة و الا لكانت الحدفة في ناحية واحدة فقط.

[SAMER_ENGINES]

تنويه هام جداً: فقط أردت التنويه بأنه لا يوجد أي مسؤولية تقع علي أو علي الورشة نهائياً و أن ما أقدمه هنا مجرد نصائح فقط و هذا لا يمنع الكشف و التأكد مرة أخري عند متخصص فرامل و دبرياج موثوق به.
و يجب الا ننسي دائما ان الكشف علي السيارة مباشرة شئ و مجرد الكلام فقط شئ آخر و أتمني من الله أن يحفظنا جميعاً و يحفظ سياراتنا من كل سوء أو ضرر.
و أتمني تكون معلوماتي و نصائحي صحيحة و أتمني ان أكون قد أفدتكم و في إنتظار أي إستشارة أو سؤال جديد.
و وقانا الله و إياكم شر الطريق.

[SAMER_ENGINES]

في إنتظار إستفساراتكم و أسئلتكم دائما.

[samirayad]

الأخ العزيز...أستاذ/ سامر....أولا أشكرك على المرجع الجميل هذا فى كل المشاكل المتعلقة بدورة الفرامل....ثانيا قرأت فى أحد ردودك بأنة يوجد نوعان من الزيوت الخاصة بالفرامل ..لوكهيدوبندكس والسؤال الأن ...لقد اطلعت فى قرائتى بانة يوجد مثلا أكثر من درجة فى هذة الزيوت ....مثلا Dot3&dot 4& Dot5 فهل عادى أن يتم التزويد لدورة الفرامل بأى درجة من الدرجات وأيهما تفضل من واقع خبرتك.....أشكرك

[sss2000]

بصراحة يا جماعة انا النهاردة بوجة كلمة شكر للاستاذ سامر علي مجهودة الي عملة معايا انا رحتلة الورشة امبارح والراجل بصراحة قابلني مقابلة جميلة جدا وفضل معايا لحد مظبطت فرامل العربية وحسيت فعلا بفرق كبير بعد ما عملتها وفضل علي اتصال معايا لحد ما روحت وكمان الراجل الي في الورشة في منتهي الذوق بكرر شكري لية مرة تانية علي مجهودة معايا وفي المنتدي

[SAMER_ENGINES]

الأخ العزيز...أستاذ/ سامر....أولا أشكرك على المرجع الجميل هذا فى كل المشاكل المتعلقة بدورة الفرامل....ثانيا قرأت فى أحد ردودك بأنة يوجد نوعان من الزيوت الخاصة بالفرامل ..لوكهيدوبندكس والسؤال الأن ...لقد اطلعت فى قرائتى بانة يوجد مثلا أكثر من درجة فى هذة الزيوت ....مثلا Dot3&dot 4& Dot5 فهل عادى أن يتم التزويد لدورة الفرامل بأى درجة من الدرجات وأيهما تفضل من واقع خبرتك.....أشكرك

أشكرك جدا عزيزي علي كلامك
و أكيد هناك أنواع كثيرة من سائل الفرامل و لكني أنصح دائما بإستخدام لوكهيد أو بندكس علي الأقل حاليا لتفادي الغش التجاري في بعض الزيوت الأخري دون ذكر أسماء.
و بالنسبة لموضوع الفروق فيما بين Dot.3 و Dot.4 و Dot.5
فالفرق بينهم هو درجة تحمل الحرارة و درجة اللزوجة للسائل نفسه, فمثلا في السيارات العادية (الملاكي) يفضل Dot.3 أو Dot.4 علي الأكثر أما الـ Dot.5 فيستخدم في الشاحنات الكبيرة أو سيارات الميني باص مثل:
(هاشم باص او ميني باص غبور ميتسوبيشي) وذلك ليتحمل درجات الحرارة العالية التي تصدر عن إحتكاك التيل بالطنبورة فبالتأكيد درجات الحرارة في فرامل سيارة او أوتوبيس صغير مثل هاشم باص كبيرة و لن يحتملها الزيت الأقل في الدرجة مثل Dot.3 أو Dot.4 و لهذا يجب تزويده بالـ Dot.5
و بالطبع لا أنصح بتزويد سيارة ملاكي عادية بزيت Dot.4 او Dot.5 لأن خصائصه تختلف تماما كما قلت عن الـ Dot.3 و لزوجته ستكون أكثر و من الممكن أن يؤثر هذا علي دورة الفرامل للسيارة العادية كما أنك ستجد ان أسعاره أكثر من الزيت الـ Dot.3 و لهذا فلا داعي منه و أنصح دائما بإستخدام الـ Dot.3

[SAMER_ENGINES]

بصراحة يا جماعة انا النهاردة بوجة كلمة شكر للاستاذ سامر علي مجهودة الي عملة معايا انا رحتلة الورشة امبارح والراجل بصراحة قابلني مقابلة جميلة جدا وفضل معايا لحد مظبطت فرامل العربية وحسيت فعلا بفرق كبير بعد ما عملتها وفضل علي اتصال معايا لحد ما روحت وكمان الراجل الي في الورشة في منتهي الذوق بكرر شكري لية مرة تانية علي مجهودة معايا وفي المنتدي

يا أشرف باشا أحنا تحت أمر حضرتك و كفاية مقابلة حضرتك و ذوقك المتناهي و اللي لو دل يدل علي أخلاقك العالية.....
و نتمني أني الفرامل تكون ظبطت معاك تمام و لو محتاج تاخد هوا أو في أي حاجة أو أي ملاحظة لا تتردد في أنك تيجي مرة تانية أو لو حضرتك مش فاضي و انا موجود كلمني و أنا مستعد أوصل لك في المكان اللي حضرتك فيه و أخد العربية و أرجعها لك تاني و بالمناسبة سليم كنت معاه من شوية في الورشة و سالني علي حضرتك و علي اخبار العربية.
و بجد أنا سعدت جداً بزيارتك لينا و لورشتنا المتواضعة و مبسوط اني كسبت شخصية جميلة زي حضرتك.

[نينو]

والله ياسامر انا مشفتش حد محترم زيك اوي كده بجد اللسان يعجز عن شكرك انا مينا اللي معايا الفيرنا كنت بعتلك علي الخاص ابل كده دلوقتي يا سامر انا غيرت الطنابير خالص في التوكيل و صنفرت التيل و مبقتش بتصفر بس المشكلة الفرامل مش شديدة معايا و الدواسة واطية وشية بس دورة الفرامل متفتحتش فهل ممكن يكون ده هوا و لا تيل و لا اه انا و الله نفسي اشوفك بس اليومين دول مشغول شوية و الفرامل مزعلاني شوية فقولي ممكن يكون عيب اه انا شاكك في الزيت هو مليان بس ممكن يكون صلاحيته خلصت اسف علي الاطاله

[foaad]

مرة كنت سايق و فضلت بتاع 10 دقايق سايق و ملاحظ ان السرعة مش ولا بد و صوت الموتور عالى شوية و اكتشفت فى الآخر ان فرامل اليد كانت مشدودة,يا ترى الفرامل كده مش تمام؟