"خطيبتى"_اسيبها ولاأكمل_انا تعبت_وخايف!!!.

[MaZaGAngeE]

و انت ايه اللي يقرفك مع نسايب مش طايقينك , و لا عندهم عقدة انك داخل البيت عشان تقلبهم في فلوسهم , ...
على رأي المثل :

يغور صحن كنافة و جاره آفة

حتى لو كانت البنت جنيه دهب اخلع برضه , عمرك ما هترتاح مع نسايب زي دول..

[Mostafa.Mahran]

بصراحة بعد رد احمد كمال الموضوع منتهى تماما

[أحمد كمال]

أنا قريت موضوع والردود وبصراحه انا ذهلت من كميه النداله الرهيبه اللى قريتها في الردود ولا الأخ اللى بيقلك اخلع قبل ماتندم حيث لاينفع الندم (للعلم هو بيدخل في كل موضوع فيه فركش ويكتب الكلمتين دول ويمشي والله أعلم بالنوايا!!)

انا مش هارد على الاهانة او الشخصنة و هاسيب الرد للجنة فض المنازعات

بس معلش من باب الفضول لا أكثر...... نوايا ايه يعني؟

هاكون مثلا طمعان في البنت و عايز افرق بينهم عشان اتجوزها انا؟ هو انا اصلا اعرف الأخ الفاضل صاحب الموضوع شخصيا خارج المنتدى و لا اعرف خطيبته و لا اعرف ساكنين فين هو أو هي و لا اي حاجة؟؟؟؟؟

قال تعالى "يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْم" [الحجرات:12].

[ahmed4000]

هو كان فى مشاكل ساعة الخطوبة؟ ولا كانوا موافقين
بس انا عايز اقولك ان ساعات الحركات دى بتحصل من كل الاهل وتلاقى معاملة غريبة وبتعديها وخلاص وشوية بشوية العوزال دى بتروح

انا مثلا ابويا طيب جدا بس مش اجتماعى وعصبى

ساعات بيدى جوز اختى كلام زى السم او يعامله وحش وساعات بيعامل اهل مراتى وحش وانا ببقى مكسوف بس بقولها حعمله ايه هو طبعه كده

فكبر دماغك مدام البنت كويسة خلاص

خلى بالك -وارجو ان محدش يزعل- بس الناس اللى بتعيش بره كتير وبتجمع فلوس ساعات اسلوبهم بيتغير وبيفتكروا ان الناس كلها طمعانين فيهم

حرام عليك تسيبها بدون داع

[ahmed4000]

البنات الكويسين على قفا من يشيل و ما بيصدقوا يلاقوا شاب جاد و كويس و راغب في الحلال

وتفتكر لما يلاقى البنت الكويسة حيلاقيها كاملة ولا حيبلاقى اهلها على الفرازة

لو كانت الام متسلطة او متحكمة ا نكدية كنا نقول فعلا توقع ان مراتك حتبقى نسخة منهم وحماتك حتقلب مراتك عليك

لكن الاهل هنا سلبيين يعنى بعاد عنهم ومش عايزنهم يبقوا قريبين وبالتالى مش حيبقى ليهم تاثير بعد الجواز..بالعكس ده حيضمنلك ان مراتك حتبقى فى حضن اهلك انت مش اهلها هى وده لمصلحتك

للاخ صاحب الموضوع اللى يبيعك بيعه (يغوروا بفلوسهم بعزوماتهم انت اكبر من كده) واللى يشتريك اشتريه (وهى البنت)

[sakrouz]

دلوقتى_هى عارفة انى قرفان من الموضوع_وهى معترفة تماما_ان اهلها اسلوبهم مش تمام_وبنائا عليه انا قررت_الإنفصال_هى ما كنتش راضية_وانا مصمم_اهلك دول ما يتعاشروش_قالت دة آخر كلامك_اه آخر كلامى_طيب انا هاقول لبابا وماما_وهخلى حد يقابلك علشان اديك حجتك_راحت قالتلهم_احمد مش عايز يكمل_طيب ليه ومش ليه_انتوا السبب معاملتكم ليه_خنقتة_احنا ما عملناش حاجة ومش هانتغير_وغلطوها_وأقلولها أكيد انتى ضايقتية أكيد قرفتية_وشالوا من عليهم اى اتهام_هى جت قالتلى النهاردة الصبح:طيب يا أحمد ادينى فرصة تانية هاحاول اصلح الأمور_وكبر دماغك من اهلى دول علشان_هما_مش هايتغيروا_بس هاحاول اصلح بردة.
انا:انا كنت واخد قرار نهائى فى الأنفصال_طيب سيبينى افكر كدة_وعموما انا هاديلك فرصة تانية تصلحى انتى بنفسك العلاقة مع عيلتى انتى كويسة دينا وخلقا لكن علاقتك باهلى كمان مش كويسة_هاشوف هاتعملى ايه_بس بردة سيبينى افكر.لأنى مش مرتاح

ليه دائما كل واحد مننا عايز كل حاجه جاهزة عايز البنت متدينه ملتزمه وكمان اهلها ناس محترمين

ياخى انا اظن ان البنت دى تستاهل انك تتعب شوية علشانها

حرام تنفصل عنها بسبب هيا ملهاش اى ذنب فيه محدش مننا بيختار اهله

[Soma_Sooma]

شوف حضرتك...أنا كنت زيك فى نفس الموقف تقريبا..بس الفرق أن أهلها وبمعنى أصح ,الدتها عشان والدها متوفى كانت كويسه معانا فى الأول وممكن تعزمنا عادى جدا وبتتعامل معانا كويس جدا,,لما جينا لوقت الجد بقى وأبتدينا نشترى العفش والحاجات قلبت عليا قلبه سوده(الأم)عشان كانت عاوزه تمشينى على كيفها وتخلينى أعمل وأشترى اللى يعجبها هيا وطظ بقى فى رأى أنا وخطيبتى.
وللأسف أخو خطيبتى الكبير كان واخد نفس صفها وكان سلبى جدا مش عاوز يناقشها فى اللى بتقوله وبالتالى أنا كمان عملت زيك ويقيت أتجنبه تماما.
ومكدبش عليك أنا فكرت أكتر من مره أنى أسيبها بسبب أهلها لأنى فعلا حسيت أنى حفضل طول عمرى فى مشاكل معاها بسبب أهلها ووصلونى لدرجة أنى أبتديت أتخانق معاها كتير وأعاملها وحش،بس هيا متمسكه بيا جدا جدا وبتحبنى أوى ولقيت أنى مش هعرف ألاقى واحده تحبنى كده.
أنا حكيتلك كل ده عشان أقولك فكر كويس أوى قبل ما تاخد أى قرار وصلى أستخاره كتير وكل يوم وفكر برضو أنك صعب تلاقى واحده تحبك وتتمسك بيك زى ما خطيبتك بتحبك كده.
وربنا يهديك للى فيه الخير والصالح ليك وليها.

انا مبسوطة جدا من كلام كدة ربنا يتمملك على خير

بس فى حاجة يا جماعة انتو ناسينها خااااااااااااااااااالص

وهو الشيطاااااااااااااااااان

الشيطان دايما بيدخل و يسخن الطرفين وجوازات كتيرة اتفشكلت بعد ما فرشو وخلاص عالفرح وفى ناس بتبقى خلاص الخطيب و الخطيبة مش طايقين بعض فى الفترة الأخيرة دى عشان بيكون شد اعصاب جامدة قوى
وبعد الجواز تلاقى الكل بقى زى السمن عالعسل و مفيش مشاكل

الشيطااااااااااااااااااااااان

هدفة انة ميحققش الجواز دة لأن فى حاجة حلال هتحصل

بيعمل كل جهدة عشان يفشل الجوازة

استعيذ من الشيطااااااااااان كل ما تلاقى مشكلة

وافتكر ان الشيطان واقف بيسخن و يهدى النفوس وقتها

[fares515]

البنات الكويسين على قفا من يشيل و ما بيصدقوا يلاقوا شاب جاد و كويس و راغب في الحلال

الكلام ده مش صح خالص ومش مضبوط..ودلوقتي 99%من البنات ملهمش أمان والواحد لا ياتمنهم على بيته وممكن تبقى عامله فيها شيخه الاسلام ولها ماضي و...و....
واظن معظم الناس هنا مؤيدين الكلام ومقتنعين ان البنات الكويسين دلوقتي يتعدو على الصوابع ياباشا دا حتى الرسول(صلى)بيقول (اظفر بذات الدين )يعني من زمان بيقولك اظفر وفوز بيها أمال دلوقتي لو شاف اللي بيحصل هيقول ايه
وطبعا انا مش هكتب ردود تاني في الموضوع انا معنديش رد اكتر من اللى قلته في المشاركتين اللى فاتو

[shiko85]

توكل على الله, من كلامك واضح كده ن البنت كويسه و متمسكه بيك و مش راضيه عن اهلها و تصرفتهم يبقى خلاص هى ملهاش اى ذنب, بالعكس دى هتقرب من اهلك اكتر و هتعتبرهم اهلها و بكره تشوف اخوها هيعمل ايه فيهم و فالفلوس اللى خايفين عليها دى, و بعدين يعنى ايه يكتبوا كل حاجه بأسمه احنا فالجاهليه علشان نحرم البنات من الفلوس اللى هى المفروض بعد كده ورثها

[fares515]

انا مش هارد على الاهانة او الشخصنة و هاسيب الرد للجنة فض المنازعات

بس معلش من باب الفضول لا أكثر...... نوايا ايه يعني؟

هاكون مثلا طمعان في البنت و عايز افرق بينهم عشان اتجوزها انا؟ هو انا اصلا اعرف الأخ الفاضل صاحب الموضوع شخصيا خارج المنتدى و لا اعرف خطيبته و لا اعرف ساكنين فين هو أو هي و لا اي حاجة؟؟؟؟؟

قال تعالى "يَا أَيُّهَا الَّذِينَ آمَنُوا اجْتَنِبُوا كَثِيراً مِنَ الظَّنِّ إِنَّ بَعْضَ الظَّنِّ إِثْم" [الحجرات:12].

طبعا واضح جدا انا قصدي ايه وعمري مهيكون قصدي انك تعرف كاتب الموضوع ده او اللى قبله..لكن ميصحش انك ترمي كلمه تقيله زي ده بدون تفسير وتمشي يعني تولع الدنيا وخلاص..وحضرتك متفضلتش بتفصيل كلامك غير لما قريت ردي طيب ما كان من الأول..وانا مشككتش في نواياك ولا اتهمتك بحاجه(راجع المشاركه بالحرف)لكن في ناس اعرفهم بيبقى لهم ذكريات مع موضوع ارتباط فاشل قبل كده فتلاقيهم لا اراديا عايزين يفشلو اي قصه حب ويشجعو اي طرف فيها انه يخلع ويفركش طبعا ده بحسن نيه او سوء نيه وارجع واقول الله اعلم بالنوايا

[Mostafa.Mahran]

الكلام ده مش صح خالص ومش مضبوط..ودلوقتي 99%من البنات ملهمش أمان والواحد لا ياتمنهم على بيته وممكن تبقى عامله فيها شيخه الاسلام ولها ماضي و...و....
واظن معظم الناس هنا مؤيدين الكلام ومقتنعين ان البنات الكويسين دلوقتي يتعدو على الصوابع ياباشا دا حتى الرسول(صلى)بيقول (اظفر بذات الدين )يعني من زمان بيقولك اظفر وفوز بيها أمال دلوقتي لو شاف اللي بيحصل هيقول ايه
وطبعا انا مش هكتب ردود تاني في الموضوع انا معنديش رد اكتر من اللى قلته في المشاركتين اللى فاتو

%99 من البنات مش كويسين؟؟؟؟؟؟؟؟؟؟؟؟؟؟؟؟؟؟؟؟؟
يا اخى حرام عليك انت جبت الكلام ده منين
ولا انت مقابلتش حد محترم خالص فى حياتك؟؟؟؟؟؟؟؟
ولا كل واحد بيتكلم على الوسط المحيط بيه

[AbO_FaRaH]

بصراحة موضوع النسب بيبقى موضوع متكامل على بعضه يعنى مينفعش نختار جزء و نسيب الجزء التانى بمعنى ان الواحد بياخد البنت و اهلها و عيلتها كلهم

+11111111
الكلام ده مظبوط.
لا يمكن فصل البنت عن اهلها ....انسى الكلام ده


. ..الزوج عامل ده زى الوجبه الكومبو.....

[fares515]

%99 من البنات مش كويسين؟؟؟؟؟؟؟؟؟؟؟؟؟؟؟؟؟؟؟؟؟
يا اخى حرام عليك انت جبت الكلام ده منين
ولا انت مقابلتش حد محترم خالص فى حياتك؟؟؟؟؟؟؟؟

اه قابلت ناس محترمه بس قليلين وانا قصدي ان 99%مينفعوش للجواز ممكن ينفعو لحاجات تانيه لكن للجواز أشك

[Mostafa.Mahran]

اه قابلت ناس محترمه بس قليلين وانا قصدي ان 99%مينفعوش للجواز ممكن ينفعو لحاجات تانيه لكن للجواز أشك

حاجات تانية زى ايه؟

[ghazy12]

فاهم يا حبيبي والله
وبردو لسة عند رايي
اللى تقول كدة عن اهلها توقع منها بعد كدة تقول اي حاجة عنك
واوعي تقولي بتحبني والكلام ده
هي شهر العسل وبعدها تظهر كل الحقيقة

بدون ما اكمل باقي الردود... ده بالظبط اللي عايز اقوله بس كنت قلقان لتزعل من كلامي...

بجد يا دكتور محمد هو ده الكلام السليم و اللي العقل و المنطق بيقوله...

لما اهلها رامينها كده... و هي بتقولك اتجوزني و اعتبرهم ماتوا...!! الكلام ده غلط بكل المقاييس
و كده في حاجه مش مظبوطه, و ممكن تكون بتلعب على ان انت اللي بتحبها, و هتستحمل اي حاجه,
لكن مافيش لا شرع و لا دين بيقول لكده...!!!

و صدقني... اوعى تآمن لانسانه باعت اهلها و اهلها باعوها علشان جوازه او اي شئ في الدنيا,
هيجي عليك يوم و هيتعمل معاك نفس الموضوع, و اكتر كمان...

اخيراً هقولك ان النسب الطيب مش بالشهادات او المناصب او المؤهلات الاكاديميه بس...!!

النسب الطيب هما ولاد الاصول قولاً و فعلاً, و اللي ماشيين بما يرضي الله في كل شئ...

فكر كويس, و زي ما قلتلك, رأي ان الموضوع ده ماينفعش بالمره والله...

و في الاول و الاخر دي حياتك, و انت الادرى بظروفك و حالك...

ارجوك استخير ربنا تاني و تالت و رابع كمان...

ربنا يهديك و يوفقك للخير...