"خطيبتى"_اسيبها ولاأكمل_انا تعبت_وخايف!!!.

[icehearted girl]

ولا كل واحد بيتكلم على الوسط المحيط بيه

+111111111111

[mohamed_mohsen]

اه قابلت ناس محترمه بس قليلين وانا قصدي ان 99%مينفعوش للجواز ممكن ينفعو لحاجات تانيه لكن للجواز أشك

يا راجل ماتقولش الكلام ده.....حرام عليك......في بنات كتير محترمات.....ماترميش تهم بالباطل كده

[ghazy12]

اه قابلت ناس محترمه بس قليلين وانا قصدي ان 99%مينفعوش للجواز ممكن ينفعو لحاجات تانيه لكن للجواز أشك

اسمحلي يا فارس اختلف معاك تماااااااماااااا.... ده كلام مش صحيح

البنات المحترمه و المتدينه و ولاد الاصول موجودين في كل مكان, لكن اللي يدور صح...

يمكن نكون عايشين في ايام بقى الوحش فيها غالب, لكن عمر الناس المحترمه ما هتختفي
ابدااااا مهما حصل... و صدقني اللي يدور صح, و يخلص النيه لله يهلاقي و هيلاقي كتييير...

اخلص النيه لله, و صدقني ربنا هيرزقك ببنت الحلال و هتكون بنت اصول و متدينه و نسب يشرف...

ربنا يهديك و يوفقك للخير...

[heshamzaky]

يا هشام بيه_تخيل هى قالتلهم_احمد عايز يسيبنى!_وانتم السبب_بمعاملتكم ليه_قالولها_احنا ماعملناش حاجة_ومش هانتغير_اكيد انتى اللى ضايقتيه او هو مش عايزك_انا:اقسم بالله_انتى زى الفل_وخسارة فيهم _انا اساس المشكلة اهلك_انا متأكد انهم هايقلبوا حياتى جحيم بعد الزواج_والحياة مش مستحملة_وانا عايز اسرة وعيلة_ليه يبقى فى مشاكل_مع الأهل.انا بطبيعتى راجل مسالم _واهلى بسطاء طيبين _ما بيحبوش المشاكل.غصب عنى.

بص يا باشا و الله الكلام الى حا اقولة لك ممكن جدا يكون ناشف بس دة لمصلحتك الموضوع كدة مكعبل و بص معلش أخوك أكبر منك سنا بفرق مش بسيط و متجوز و عندى اولاد مفيش حاجة اسمها تنفصل عن أهلها دة كلام ناس مش حاسين لسة بأى نوع من المسؤلية لا يمكن ان تستغنى انت عن أبوك و أمك الى ربوك و صرفو دم قلبهم عليك و لا هية نفس الكلام بالظبط تقدر تقولى كدة لما تتجوزو حا تروح عندهم و لا لآ طبعا لازم تروح مش ممكن أستحالة و الكلام بالمثل بص من الاخر اهل البنت عاوزين أمكانيات أعلى ممكا هو متاح فى يديك أوعى تفهم انى يهاجمك و لا بشخصن حوار من باب الغلاسة و الترويش لا و الله انا مش صغير عشان اعمل كدة بس دة الواقع ما تزعلش منى البنت ذات نفسها حا تتخنق بعد شوية يعنى لما تتجوز أؤكد لك ان العربية حا تتسحب منها ابوها حا يقول مش مديهالها عشان يركبوها انت معاك 127 و انا عندى برضو سوبر فيورا 127 كانت معايا من أيام الكلية من اكتر من 20 سنة تقريبا و عندى العربية حتى اليوم و عندى عربية أخرى بجد مش بحب حاليا اسوقها بتخنق خلاص لان معى عربية احدث تفتكر الواحد ممكن يقولك سيب العربية ال 127 و حا اديلك بدلها موتسيكل طبعا لا انت فاهم الفكرة بلاش لما تتجوز و تخلف و مراتك بتشتغل العيال حا توديهم فين حضانة و لا المدام حا تقعد بيهم فى البيت يا عمى و الله حماتك لو ست كويسة حا تبقى زى امك التانية و انت حا تحبها و لما تتعب انت الى ممكن توديها للدكتور و تقول ربنا يبارك لها و يحفظها و بص أهلك حا يساعدوك حتى بعد ما تتجوز و اهلها برضو بس بصورة عينية مش نقدية يعنى ابسطها مثلا لو العيل تعب و انتم فى الشغل حا تودية للدكتور و يقعد عندها لما يخف لو عندة مرض معدى لحسن يعدى أخوة يا باشا و الله حا تبقم اهل مش ممكن تفوت جمعة الا لما تروح عند والديك و والديها برضو بس المشكلة الى موجودة انت الناس دول مش عاوزين يكملو و البنت عاوزة بس لو حدث ضغط عليها مش ممكن تتخلى عن العيشة الى كانت عايشاها و الابوين كلامهم مجليط يعنى لو البيت نقص منة حاجة و البنت اشتكت ممكن تسمع كلام يضايقك جدا و لو اخوها اتنطط بكلمتين مالهومش لازمة ممكن تشبك بصورة غير مباشة معاة و تقوم حالف مش عاوز حد يخش بيتى و النتيجة طبعا حرب باردة و انت الى حا توجع دماغك فكر كويس فى كل حاجة و استشير أهلك طب معلش سؤال انتو اتفقتم على تفاصيل الفرح و الشبكة و المؤخر و القايمة لو بيكتبو و لا لسة ؟

[i_Am_Legend]

بدون ما اكمل باقي الردود... ده بالظبط اللي عايز اقوله بس كنت قلقان لتزعل من كلامي...

بجد يا دكتور محمد هو ده الكلام السليم و اللي العقل و المنطق بيقوله...

لما اهلها رامينها كده... و هي بتقولك اتجوزني و اعتبرهم ماتوا...!! الكلام ده غلط بكل المقاييس
و كده في حاجه مش مظبوطه, و ممكن تكون بتلعب على ان انت اللي بتحبها, و هتستحمل اي حاجه,
لكن مافيش لا شرع و لا دين بيقول لكده...!!!

و صدقني... اوعى تآمن لانسانه باعت اهلها و اهلها باعوها علشان جوازه او اي شئ في الدنيا,
هيجي عليك يوم و هيتعمل معاك نفس الموضوع, و اكتر كمان...

اخيراً هقولك ان النسب الطيب مش بالشهادات او المناصب او المؤهلات الاكاديميه بس...!!

النسب الطيب هما ولاد الاصول قولاً و فعلاً, و اللي ماشيين بما يرضي الله في كل شئ...

فكر كويس, و زي ما قلتلك, رأي ان الموضوع ده ماينفعش بالمره والله...

و في الاول و الاخر دي حياتك, و انت الادرى بظروفك و حالك...

ارجوك استخير ربنا تاني و تالت و رابع كمان...

ربنا يهديك و يوفقك للخير...

يا غازى :هى ما تقصدش_ انها بتبيع اهلها_ولا قصدها اعتبرهم ماتوااا..
هى قصدها_هى:يا أحمب اعتبر انك خطبت بنت_واهلها مش موجودي ويتيمة_أعتبر ان اهلى مش موجودين اصلا_عاملنى على اساس كدة_لكن هى مش بتتبرا منهم_ابدا_هى قصدها انى اعتبرها أنى خطبت بنت يتيمة.دة حاجة تقرف_هو فى اهل بالشكل دة_دة فى ناس بيحبوا البنت عن الولد_وبيدلعوها.لكن دول مش طبيعيين خالص_انا بحس انى بسمع اساطير_الف علامة تعجب!!!

[a_samy]

[QUOTE=Soma_Sooma;3873064188]انا مبسوطة جدا من كلام كدة ربنا يتمملك على خير

بس فى حاجة يا جماعة انتو ناسينها خااااااااااااااااااالص

وهو الشيطاااااااااااااااااان

الشيطان دايما بيدخل و يسخن الطرفين وجوازات كتيرة اتفشكلت بعد ما فرشو وخلاص عالفرح وفى ناس بتبقى خلاص الخطيب و الخطيبة مش طايقين بعض فى الفترة الأخيرة دى عشان بيكون شد اعصاب جامدة قوى
وبعد الجواز تلاقى الكل بقى زى السمن عالعسل و مفيش مشاكل

الشيطااااااااااااااااااااااان

هدفة انة ميحققش الجواز دة لأن فى حاجة حلال هتحصل

بيعمل كل جهدة عشان يفشل الجوازة

استعيذ من الشيطااااااااااان كل ما تلاقى مشكلة

وافتكر ان الشيطان واقف بيسخن و يهدى النفوس وقتها

الله ينور عليكى حضرتك قولتى اللى كنت عاوز أقوله.....
الشيطان لما بيلاقى البنى آدم ماشى فى موضوع حلال بيعمل كل الطرق عشان يكرهه فى الموضوع ده و يخليه يسيبه...أنت لازم تبقى أنصح من كده وتعرف تتعامل مع مكائد الشيطان بالإستعانه بالله والتقوى وصدقنى ربنا مش بيعمل لينا حاجه وحشه بس أنت صلى إستخاره وألجأ لله وأنت هتلاقى واقف جمبك وبيرشدك للصواب.

[fares515]

+111111111111

ياجماعه انا بقول 99% بقصد المبالغه بس المعنى المقصود ان المعظم كده واسف ياصاحبه القلب اللى مش عارف ايه لو كان الكلام زعلك او استفزك وجايز يكون الغلط من عندي انا او الوسط المحيط بيا كده فعلا!.. بس انتو يعني عايشين في مصر تانيه غير بتاعتنا طب قولولي مصر بتاعتكو ده فين عشان انقل عليها
بس بغض النظر عن ده كله انتي شايفه فعلا ان البنات المحترمه على قفا من يشيل؟عشان الواحد كل اما يلاقي واحده كويسه يتلككلها على اي حاجه ويصبر نفسه بالبقين دول؟!!

يا راجل ماتقولش الكلام ده.....حرام عليك......في بنات كتير محترمات.....ماترميش تهم بالباطل كده

ياجماعه هو انا قلت ان البنات الكويسه انقرضو؟؟انا بقول المعظم وكلمه 99% مش مقصوده بالحرف يعني للمبالغة وتوضيح وجهة النظر مش أكتر..لان الأستاذ اللي قبلي بيقول ان البنات المحترمه على قفا من يشيل!!!
حضرتك شايف الكلام ده صح؟؟

اسمحلي يا فارس اختلف معاك تماااااااماااااا.... ده كلام مش صحيح

البنات المحترمه و المتدينه و ولاد الاصول موجودين في كل مكان, لكن اللي يدور صح...

يمكن نكون عايشين في ايام بقى الوحش فيها غالب, لكن عمر الناس المحترمه ما هتختفي
ابدااااا مهما حصل... و صدقني اللي يدور صح, و يخلص النيه لله يهلاقي و هيلاقي كتييير...

اخلص النيه لله, و صدقني ربنا هيرزقك ببنت الحلال و هتكون بنت اصول و متدينه و نسب يشرف...

ربنا يهديك و يوفقك للخير...

بكرر أسفي لكل رجاله المنتدى ولشخصك المحترم ياباشمهندس واسحب الكلمه اللى مزعلاكو ديه مع اني فعلا اتفهمت غلط بس خلاص هسحبها وأمري لله..وشكرا على دعوتك بس انا خلاص لقيتها من زمااان

وارجع اقول لحضرتك زي ماقلت للعضوين اللى قبل كده انت شايف ان تعبير ان البنات المحترمه على قفا من يشيل ده صح؟؟

[i_Am_Legend]

احنا أتفقنا على كل حاجة_حتى المؤخر_ابوها قال 20 الف_قولنا ماشى_حتى الشقة_راحوا شافوها وعجبتهم جدا جدا_وكلة تمام_اتفقنا على كل حاجة_يا جماعة مافيش إختلاف فى الماديات_خالص_الأختلاف_فى المعاملة بس_معاملتهم زفت الزفت_ناس باردة_اقولكم على حاجة_جدتى مثلا_عندها ازواج عماتى ال2 زى أولادها بالظبط_وبتعاملهم معاملة ايه مش ممكن_وهما بيحبوها جدا.

[Miss_Pharma]

اول لما قريت موضوعك كنت عايزة اسأل اسئلة كتير قبل مارد ولما قريت الردود لقيت اجابات الاسئلة ..
بص انا اول مرة اقول لحد فركش او سيب خطيبتك ..

لكن فعلا الموضوع هنا يحتم عليا اقولك فركش لكذا سبب .. هحاول اختصر على قد ماقدر

1- مش كل الناس كاملة .. تمام .. لكن كل واحد فينا بيبقى ليه اولويات في شريك حياته ومهم انها تكون موجودة ..
مثلا لو قلتلك رتب الصفات دي حسب اهميتها واولويتها بالنسبة لك :

اجتماعية
بتعرف تطبخ
جميلة
هادية

كل واحد فينا هيختلف ترتيبه للاولويات وده طيبيعي وصحي جدا ولولا اختلاف الاذواق لبارت السلع ..

واضح من كلامك ان موضوع العيلة والاجتماعيات وصلة الرحم من الحاجات الاساسية جدا عندك .. وده من حقك .. من حقك ترتبط بواحدة عيلتها اجتماعيين ويعاملوك زي ابنهم ويكون فيه بينكم مودة وارتباط ..
واحد تاني غيرك مش مهم بالنسبة له الكلام ده ..

2- يعني ايه عيلة مابتحبش البنات ؟ تخيل انكم اتجوزتم وخلفتك طلعت كلها بنات .. هتعملوا ايه لما تروحوا تزوروهم في العيد مثلا ؟ جدهم مش هيديلهم عدايا وهيدي لولاد خالهم ؟
هيحب ولاد اخوها اكتر من ولادها ؟ شوف موقف ولادك ولا بناتك ساعتها هيكون ايه من جدهم ؟؟

3- متقولش هعيش لوحدي ماليش دعوة بيهم وهنعزل عنهم .. معلش حد ضامن الظروف ؟ هل انت ضامن انك متحصلكش اي ازمة ( خسارة مادية لا قدر الله .. بيتكم وقع في زلزال لا قدر الله برضه محدش عارف فيه ايه بكرة ) وتضطر تلجأ لاقرب الناس ليك اللي هما اهلك واهل مراتك .. ساعتها هيعملوا ايه ؟ هيستحملوك ويشيلوك انت ومراتك وعيالك ؟ وحتى لو شالوك وهما مش طايقينك وقرفانين منك .. انت هتبقى حاسس بايه ؟؟؟ في حين انهم لو كانوا على قد حالهم وعايشين في اوضة بس بيحبوك وبيعاملوك كويس هتقعد معاهم وانت حاسس انك وسط اهلك وهتتشال على راسهم ..

- يعني من الاخر ولا هيكونوا معاك في السراء ولا الضراء ..
انا من رأيي سيبها .. لانها مش ماشية مع اولوياتك ولا انت هتقدر تتكيف مع اهلها ..

وهي متقلقش عليها لانها بنت ناس ومن عيلة واهلها مراكز ومحترمة وهتلاقي اللي يناسبها ويقدر يتكيف مع اهلها ويكون طبعه من طبعهم ..
كل فولة وليها كيال ..

[shiko85]

احنا أتفقنا على كل حاجة_حتى المؤخر_ابوها قال 20 الف_قولنا ماشى_حتى الشقة_راحوا شافوها وعجبتهم جدا جدا_وكلة تمام_اتفقنا على كل حاجة_يا جماعة مافيش إختلاف فى الماديات_خالص_الأختلاف_فى المعاملة بس_معاملتهم زفت الزفت_ناس باردة_اقولكم على حاجة_جدتى مثلا_عندها ازواج عماتى ال2 زى أولادها بالظبط_وبتعاملهم معاملة ايه مش ممكن_وهما بيحبوها جدا.

يعنى هم كده معاك انت بس ؟؟ ولا طبيعتهم كده ؟؟

[أحمد كمال]

يعنى هم كده معاك انت بس ؟؟ ولا طبيعتهم كده ؟؟

ما تفرقش كتير

1- لو معاه هو بس .....يبقوا مش قابلينه .... و البيت اللي اهله ما يشيلونيش من عالارض شيل ما يستاهلونيش (بافتراض ان انا كويس و على خلق)

2- لو مع الكل ..... يبقوا ناس @#$$%^ و نسبهم يجيب للواحد المرض .....

[MaZaGAngeE]

الناس اللي بتقول البنت حاجة و أهلها حاجة ..... بيقولوا كده على أشاس ايه ؟
البنت دي مين اللي خلفها و رباها و علمها و صرف عليها و عاشت في بيته ؟
مش أبوها برضه و لا حد تاني ؟
مين اللي شخصيته و تصرفاته مش مقبولة من العريس ؟ مش ابوها برضه ؟
مين اللي الخلاف بين العريس و عروسته بسببه ؟ مش ابوها برضه ؟

مش قادر أفهم انتوا بتتكلموا على أساس ايه ؟

كل اناء ينضح بما فيه
و الراجل ده ربى ولاده على الطمع و الانانية و احتقار المجتمع المحيط بيهم

طبعا دي لو آخر بنت في العالم و مفيش غيرها .... عيش لوحدك مبسوط احسن ما تاخد البنت دي و تطلع عينك و عين اهلك بعد ما اليومين الحلوين يخلصوا

[ghazy12]

يا غازى :هى ما تقصدش_ انها بتبيع اهلها_ولا قصدها اعتبرهم ماتوااا..
هى قصدها_هى:يا أحمب اعتبر انك خطبت بنت_واهلها مش موجودي ويتيمة_أعتبر ان اهلى مش موجودين اصلا_عاملنى على اساس كدة_لكن هى مش بتتبرا منهم_ابدا_هى قصدها انى اعتبرها أنى خطبت بنت يتيمة.دة حاجة تقرف_هو فى اهل بالشكل دة_دة فى ناس بيحبوا البنت عن الولد_وبيدلعوها.لكن دول مش طبيعيين خالص_انا بحس انى بسمع اساطير_الف علامة تعجب!!!

والله يا ابوحميد انا حاسس بيك, لاني مريت بتجربه شبه تجربتك الى حد ما, لكن اقل في حدتها,
و اقسملك اني خدت نفس القرار و بعدت, مع اني كنت بقول نفس الكلام و البنت كويسه, و انا
مالي باهلها و العيله, مع انهم كانوا كويسين كمان... لكن كان في مشكله صغيره بدون التطرق ليها,
و صدقني دلوقتي بقول لنفسي ان القرار ده كان سليم 100% لاسباب كتييييييييير اجتماعيه و دينيه...

فكر يا احمد مين هيكون جد اولادك, جدتهم, خالهم, خالتهم... مين نسايبك, و مين مرات اخوها
و مين جوز اختها................ والله العظيم انا مش ببالغ ولا بعقد الامور... لكن هو ده النسب

الناس دي هتفضل مهما حصل اهل مراتك, و اوعى تتخيل انك تقدر تخلي مراتك تسيب اهلها
او ماتسألش عنهم, او مايزوروهاش, او ماتزورهومش, او زي ما هي بتقولك كأنك بتتجوز واحده
يتيمه لان الكلام ده عمره ما هيحصل... اليتيمه يا احمد عمر ما هيكون ليها اب يعملك مشكله,
ولا ام ممكن في اي لحظه تتدخل في حياتك و في بيتك, او تلعب بدماغ بنتها بأي شكل ضدك...

انا عارف انك بتحبها, و في بينكم عشره, و اتعودت عليها, و كل ده مش سهل نسيانه,
لكن فكر كده لو تجاوزت و ضحيت دلوقتي و كملت, و حياتك بعدين كانت مليانه مشاكل هتحس بايه؟؟؟

فكر لو ضحيت و تجاوزت و الناس دي ما قدرتش و ما شالتش كل ده ليك, هتعيش معاها ازاي؟؟

فكر بقى لو كنت صريح مع نفسك, و قلت ان الوضع ده ماينفعش لانه (شاذ) عن العرف و الاصول
و المتعارف عليه, و بعدت, و اخترت انسانه تانيه صح على اساس سليم و بما يرضي الله,
هتحس بايه لو فعلاً لقيت نفسك مع انسانه فيها كل اللي بتتمناه, و بردو نسب يشرف, و بنت اصول
و اهلها طيبين, و شايلاك من على الارض بقى هي و اهلها... يبقى قرار انك تبعد عن الاولانيه
هيكون بالنسبه ليك (احسن قرار في حياتك) لانه غير شكل حياتك تماما, و خلاك سعيد بجد...

اوعى تقول لنفسك (انا هلاقي زيها فين..؟؟)... هتلاقي والله
اوعى تقول (دي بتحبني..!!)... هتلاقي اللي تحبك بردو
اوعى تقول (انا مالي و مال اهلها..؟؟)... صدقني هيفرقوا معاك طوووول حياتك, و فكر
في انك ممكن تلاقي انسانه محترمه, و اهلها كمان محترمين, و بيحبوك, و عندهم الاستعداد
يشيلوك من على الارض لانك تستاهل... يبقى ليه ترضى بالاقل طالما ممكن تاخد الصح و المناسب؟؟؟

اقسملك بالله ان في رجاله اهل مراتهم هما اللي بيفرقوا في حياتهم 180 درجه, و بيبقوا حاجه تانيه
خاااااااااااالص لانهم اختاروا صح... و العكس... زوج لبنت اسره معينه بيفرق معاهم كتيييير هو
و اهله, لانها اختارت انسان صح و بما يرضي الله... فربنا بيرزق الاثنين بشكل لا يمكن تتخيله...

الجواز رزق... فرح... سعاده... خيييير... مش مشاكل و كره, و حقد و شد و كلام يقل من قيمته

اختار صح, تعيش حياتك كلها مرتاح و في سعاده... لان اللي بيتبني من الاساس صح, بيفضل طول عمره صح

و على فكره... دينياً بردو الموضوع ده ماينفعش, و ده المهم, و عندي اكتر من دليل على كلامي...

ربنا يهديك للطريق السليم, و يرزقك الزوجه الصالحه...

بكرر أسفي لكل رجاله المنتدى ولشخصك المحترم ياباشمهندس واسحب الكلمه اللى مزعلاكو ديه مع اني فعلا اتفهمت غلط بس خلاص هسحبها وأمري لله..وشكرا على دعوتك بس انا خلاص لقيتها من زمااان

وارجع اقول لحضرتك زي ماقلت للعضوين اللى قبل كده انت شايف ان تعبير ان البنات المحترمه على قفا من يشيل ده صح؟؟

لأ مش على قفا من يشيل ولا حاجه... لكن موجودين كتير و سهل تلاقيهم لو دورت صح...

و الموضوع مش محتاج اعتذار ولا حاجه يا باشا, و في الاخر احنا اخوات و بنحاول ننصح بعض
بما يرضي الله, و زي ما نحب لنفسنا بالظبط... و ربنا يخليهالك و يرزق الجميع الزوجه الصالحه...

تقبل تحياتي...

[ashouhdy]

اول لما قريت موضوعك كنت عايزة اسأل اسئلة كتير قبل مارد ولما قريت الردود لقيت اجابات الاسئلة ..
بص انا اول مرة اقول لحد فركش او سيب خطيبتك ..

لكن فعلا الموضوع هنا يحتم عليا اقولك فركش لكذا سبب .. هحاول اختصر على قد ماقدر

1- مش كل الناس كاملة .. تمام .. لكن كل واحد فينا بيبقى ليه اولويات في شريك حياته ومهم انها تكون موجودة ..
مثلا لو قلتلك رتب الصفات دي حسب اهميتها واولويتها بالنسبة لك :

اجتماعية
بتعرف تطبخ
جميلة
هادية

كل واحد فينا هيختلف ترتيبه للاولويات وده طيبيعي وصحي جدا ولولا اختلاف الاذواق لبارت السلع ..

واضح من كلامك ان موضوع العيلة والاجتماعيات وصلة الرحم من الحاجات الاساسية جدا عندك .. وده من حقك .. من حقك ترتبط بواحدة عيلتها اجتماعيين ويعاملوك زي ابنهم ويكون فيه بينكم مودة وارتباط ..
واحد تاني غيرك مش مهم بالنسبة له الكلام ده ..

2- يعني ايه عيلة مابتحبش البنات ؟ تخيل انكم اتجوزتم وخلفتك طلعت كلها بنات .. هتعملوا ايه لما تروحوا تزوروهم في العيد مثلا ؟ جدهم مش هيديلهم عدايا وهيدي لولاد خالهم ؟
هيحب ولاد اخوها اكتر من ولادها ؟ شوف موقف ولادك ولا بناتك ساعتها هيكون ايه من جدهم ؟؟

3- متقولش هعيش لوحدي ماليش دعوة بيهم وهنعزل عنهم .. معلش حد ضامن الظروف ؟ هل انت ضامن انك متحصلكش اي ازمة ( خسارة مادية لا قدر الله .. بيتكم وقع في زلزال لا قدر الله برضه محدش عارف فيه ايه بكرة ) وتضطر تلجأ لاقرب الناس ليك اللي هما اهلك واهل مراتك .. ساعتها هيعملوا ايه ؟ هيستحملوك ويشيلوك انت ومراتك وعيالك ؟ وحتى لو شالوك وهما مش طايقينك وقرفانين منك .. انت هتبقى حاسس بايه ؟؟؟ في حين انهم لو كانوا على قد حالهم وعايشين في اوضة بس بيحبوك وبيعاملوك كويس هتقعد معاهم وانت حاسس انك وسط اهلك وهتتشال على راسهم ..

- يعني من الاخر ولا هيكونوا معاك في السراء ولا الضراء ..
انا من رأيي سيبها .. لانها مش ماشية مع اولوياتك ولا انت هتقدر تتكيف مع اهلها ..

وهي متقلقش عليها لانها بنت ناس ومن عيلة واهلها مراكز ومحترمة وهتلاقي اللي يناسبها ويقدر يتكيف مع اهلها ويكون طبعه من طبعهم ..
كل فولة وليها كيال ..

متفق معاكى فى كل حرف .... بالذات كل فولة وليها كيال دى

[yasso0101]

هحاول اركز ردي في نقط مركزه محدده

1- البنت كويسه زي الفل

لو البنت خبيثه كانت مقلتلقش حاجه ولبستك العمه واحنا احلى عيله في مصر وبعد كده ابلس بعد الجواز ولو افترضنا ان ده اختبار ليك يبقى يا شاطر متتكلمش وانته في اختبار يا تكسب الانسانه يا تخسر.

2- مفيش ورده من غير شوك

اغلب الاعضاء قالتلك ان الشيطان مش هيسيبك في حالك - انا مش فاهم انته عايز تاخد واحد بنت ناس و متدينه بالساهل كده - يا ابني بعد خبرة 5 سنين جواز وخلفه انا امنت بالمثل ده - مفيش حاجه غاليه تيجي بالساهل واللي يجي بسرعه يروح بسرعه.


3-الرسول قال ( اظفر بذات الدين ) مصدق الرسول عليه السلام ولا لاء.

يعني ولا تقولي نسب ولا فلوس ولا عزومات ولا خروجات - قالك لو هيه فيها دين يعني انته كسبان دنيا واخره وهتديك حقك وهتدي اهلها حقها-زعلان علشان المعامله - الا ان سلعة الله غاليه الا ان سلعة الله الجنه - بالساهل كده عايز تاخد الجنه بالساهل انشف و استرجل وفووووووووق

4-اضمن البنت من ناحيت عليلتك انته الاول

قبل متدخل في الجد يا حلو لازم تكلم والدك و والدتك الاول وتقلهم الوضع كذا كذا كذا - لو باباك و مامتك موفقوش وقالوا وقف يا ابنى يبقى خلاص -ولو قالوا كمل يا ابني احنا مباركين - هتكون كسبت حاجتين وقفين في صفك ودعواتهم ليك. انشف و استرجل وقوم انته راجل .

5-دورك سلبي جدا مع اهلها

استرجل وخش على ولدتها وابوها فهمهم انهم هما اللي غلطانين - اظهر في الصوره -انته سايب البنت هيا اللي تقولهم ان انته قرفان - ايه الخيابه ده - علشان كده انته خلتهم يهزءها و مصدقوش انهم السبب - انته راجل ولا ايههه - انته اللي تقود الموضوع وتعمل قاعده وتفهمهم ان انته مكمل علشان بنتكم شاريها .

6- الراجل يا ابن الناس مش بفلوسه بقوفته في الشدايد

ابو 5 تلاف جنيه في الشهر مستحملش وجري - قالك دين مين يا با انا عايز بنت وعليله تدلعني و مش مشكله اللي يحصل بعد كده - اوعى تحص انك اقل منهم فتاخد جنب - شوف الفرحه اللي في عينها لما تشوف انك مش سلبي و قاعد تقطم فيها هيا - احميها في حضنك بدل مترميها قصاد عليتها حلي مشاكلك وجبيني بعد متخلصوا - ايه الرجوله السهله ده - لو مش شاريها سبها

7-اعرف انك في مقابل هتاخد الورده ده اهلها مش هيسبوك

اوعى تفتكر ان اهلها هقفوا جنبك في اي شده - اوعى تفتكر ان انته لو فضلت سلبي كده اناس هتبعد عنك بعد الجواز لو موقفتهمش واقفه تحدد كل واحد اخره ايه و خصوصا توتو ده وقفه عند حدوده و فهمه وخليهم يعملولك الف احترام.

8- البنت بعد الجواز العجينه يسهل تشكيلها

البنت بعد الجواز ( احنا مفترضين انها كويسه و متدينه ) بتبقى عمله زي العجينه تقدر تشكلها زي ما نته عليز مش لدرجة تقطع اهلها بس في حدود لكل حاجه.


واخيرا لو عايزها ارجل و خش خبط مع الام و الاب واخها التوتو وفوقهم - ولو مش قادر 100 واحد غيرك هيتمناها

و الله اعلم ممكن بعد ما تسبها ربنا يكرمها باللي احسن منك وربنا يرزقك باللي احسن منها