خطيبتى خانتنى...موقف صعب أتمنى المساعدة

[ASHAALAN]

إقطع الشك قولها لو القصة كدة عرفيني عليه و خليها تقابلكم بعض و شوف إنت الوضع

[tifa55555]

استاذى الفاضل
ادى نفسك فرصه انك تفكر شويه
البنات كلها مخها على قده ،فكر ان القصه اللى اتقالت من عمك انها صح؟ليه لأ؟
اذا كانت القصه دى غير حقيقيه يبقى انت لازم تنفصل عنها مهما كلفك الامر
اما اذا كانت القصه دى حقيقيه وانها بتصالحهم على بعض تبقى هى اكيد طبعا غلطانه غلط شديد بس ممكن يعدى على افتراض انها صغيرة وقليلة الخبرة ،على الرغم انها عارفه ان ده غلط بدليل انها بتكلمه باليل علشان ما حدش عندها يحس فى البيت ،،ولكن دى غلطه ممكن تعدى اذا كان الامر كما قالت
مش معقول يكون فى حاجه بينها وبين راجل متجوز وعنده عيال والمفروض ان موعد الجواز خلاص على وشك
بس المشكله اللى حتواجهك انك تتأكد من صدق كلامها ازاى ما عرفش؟؟؟!!!
وربنا يحلها على خير

[Samah AbdAllah]

موقف عمك ومراة عمك طبيعى جدا
سواء كانوا مصدقين كلام بنتهم او مش مصدقينه فهمهم الاكبر دلوقتى انهم يتمموا زواج البنت عشان الناس متتكلمش عليها لو الخطوبة اتفسخت
عشان كلام الناس وسمعة البنت اللى اتخطبت 3 سنين لابن عمها والفرح خلاص بعد شهرين تلاتة يبقا ابن عمها سابها ليه
كمان دى بنته مهما حصل هيبعد عن تفكيره ان بنته ممكن تغلط
وانا شخصيا كنت متأكدة من اول الموضوع ان الشخص اللى بتكلمه اكيد متجوز بغض النظر عن فيلم الصلح اللى بعد 12 بالليل ده
لانه لو مش متجوز كانت سابتك واتجوزته
انت تقول لعمك لو سمحت يا عمى قلبى دخله الشك ومش مقتنع بالكلام ده كله ومش هقدر ابنى بيت اساسه قائم على الشك لانه هيقلب الحياة لجحيم فالافضل ليا وليها ان كل واحد يروح لحاله ونفضل اهل وشكرا
بس هو انت متأكد ان عمك عصبى والكلام اللى كنت بتقوله ده؟
اصل انا توقعت انه يتصل بيك يقولك تعالى خد شبكتك وكل شئ قسمة ونصيب

[Survival]

ايه يا هندسة الموضوع بالورقة و القلم
جواز + شك = فشل
كذب + خيانة = جحيم

بصراحة كده هو انت زعلان عليها و لا زعلان على نفسك عشان فضلت واحد تانى عليك
لو بتفكر كده احب اقولك انك غلطان لان ممكن تكون انت احسن بكتير من انها تفهمك و تحس بيك

انت ناوى تخلص الموضوع بس بلاش تقول انك بتشك فيها لعمك خلى كلامك ذكى و قليل
بس خلى بالك انت معندكش وقت عشان عمك اداك فرصة لحد معاد النجار فانجز الموضوع بسرعة و لو البنت كلمتك رد عليها عادى و اسمع منها عشان تأمن شرها و ياريت لو تعرف تسجل المكالمة عشان تبقى تسمعها لعمك وقت الطلب
أهم حاجة لما الموضوع يخلص حاول تنسي و اشغل نفسك فى الشغل و ما تتكلمش مع حد فيه
احمد ربنا انك عرفت كل ده فى الوقت المناسب

[nevozaky]

اسمح لى حضرتك اقول لك راْيى ولو انى من النادر انى باتكلم فى موضوعات الاجتماعى .

كنت هاْرد على حضرتك فى الجزء الاول من الموضوع انك طبعا لازم تسيبها وتبعد عنها وما ينفعش تكمل معاها

غير الكلام اللى قالوه الزملاء عن انها تستبيح مالك ووقتك
وكنت هاْقول لحضرتك خليها هيه اللى تخترع اى سبب وتقوله لوالدها علشان تفسخ الخطوبة وتتحمل اى اهانة او مشاكل مع والدها لاْنها هيه السبب فى الموضوع من الاْول

وكنت هاْقول لحضرتك اوعى تقول لعمك على السبب علشان عمك ما يتكسرش اودامك وحفاظا على مشاعره كرجل

ولكن بعد مكالمتها لك ومكالمة عمك ومرات عمك اسمح لى اقول لك راْيى

اولا حضرتك لازم تسيبها لعدة اسباب :

مفيش حاجة اسمها انها بترتاح له .من الاْولى انها ترتاح لخطيبها مش لرجل غريب ايا كان صفته .

هى غير امينة على حضرتك وقت الخطوبة اللى هوه المفروض من افضل الاوقات بين الزوجين امال بعد الجواز هتعمل ايه

فى شىْ ناقص بينكم ولا تقتنع باْى كلام او مبررات تقولها لحضرتك .

مكالمة والدتها غريبة بصراحة وتبريرها غريب

يعنى هيه بتكلم واحد متجوز وبالليل وتحل له مشاكله مع مراته .طيب من الاولى تحل اى مشاكل او نقص فى اى خطاْ مع خطيبها بما انها قادرة على حل مشاكل الغير .فاقد الشىْ لا يعطيه .

بما ان عم حضرتك عرف ده سهل عليك الموضوع جدا انت تقدر تسيبها بدون اى مشاكل

وعمك دلوقتى يعمل معاك بنظام خدوهم بالصوت يعنى يبداْ بالهجوم ويرد بالدفاع ليضعك امام الامر الواقع وتلاقى نفسك متجوزها .

تانى حاجة من الاولى انها بدل ما تحكى لوالدها ووالدتها عن مشاكل زميلها كانت تتكلم مع حضرتك وتحكى لك على الموضوع ده لو كان موضوع عادى بالنسبة لها .لكنه غير عادى وطبعا علشان كده مش هتقدر تقوله لحضرتك .

المفروض العلاقة بين الخاطبين او المتزوجين تبقى علاقة لها اكتر من صورة بالاضافة للصورة العادية ومشاعر المخطوبين تبقى موجودة بها علاقة صداقة واحترام وصراحة كاملة بين الطرفين .

الخلاصة هى تكن لزميلها المتزوج ده مشاعر اى مبرر تانى هتقوله لك هيبقى كلام فاضى .

هيه بس مش عايزة تخسرك كزوج مضمون ومستقبله تتمناه اى بنت .
سامحنى فى صراحتى مع حضرتك .

النهاية لازم تتركها ولا تندم على موقفك .وخد خطوة حاسمة قبل فوات الاوان .
واعلم ان ربنا سوف يكافئك خيرا بغيرها ان شاء الله


اسفة للاطالة

[khaled_yassin]

الخلاصة انهى الموضوع , الشباب فى المنتدى قالوا كل حاجة

[mohamedbook]

خد بالك مكنش فية داعي تعمل موضوع من اصلة
لان الرد الطبيعي للموضوع ده انك تديها ميت جزمة فوق دماغها وتروحها لبوها مكسرة ولو سالك تقلة اصلك مربتهاش وهي كانت عايزة تربية وتخلع من الموضوع

[mazagngi2010]

يازين ماخترت
ده الاهل طلعوا العن من البنت
==========
وتحيه خاصه لردود ا-احمد كمال

[icehearted girl]

في مثل هموت واقوله بس خايفة ملوقف...مفيش هنا حبر سري؟

[abo_anas]

في مثل هموت واقوله بس خايفة ملوقف...مفيش هنا حبر سري؟

ابعتهولى على الخاص وانا انشره واخد اجره

[shaddadfalcon1]

قوليه واحنا نعمل نفسنا مش شايفين

[shaddadfalcon1]

حاسك كمان سنه هتيجي تعمل موضوع زي موضوع الأخ اللي كانت مراته عند اهلها وعايزاه يتفاهم معاهم وهي منفضه ومش في دماغها

[aboamr]

نصيحه سيبك منها واوعى تكمل حيكون اكبر خ ا ز و ق معلش النوعيه دى منتشره قوى بين البنات والعلاقات مع المتزوجين بالذات وكلام الموبيلات وغالبا بيكون كلام خارج وللاسف حتلاقى بلاوى مع اللى بتكلمه وحيكون مسجل لها مكالمات ورسايل زى الهباب ومش حتقدر تبعد عنه ابدا وحتستمر تقرطس فيك بكلمك من خلال شاهد عيان فى مواضيع زى الزفت من نفس النوعيه تيبكال ربنا يهدى الجميع ويهدى ولادنا جميعا
نصيحه من الاخر اخلععععععععععععععععععععععععععع

[shaddadfalcon1]

تصدق مجاش في دماغي فعلا موضوع انه ممكن يكون مسجلها المكالمات لان غالبا الزوج الخاين اللي بيبقي عايز يكلم بنات صغيره غير مراته بيبقي اقذر مايكون وبيبقي عايز يضمن نفسه عشان لو حصل اي مشكله

[horas3000]

طبعا بعد كلام الزملاء و خصوصا احمد بيه كمال مفيش حاجه تتقال

بس و انا بقرا الردود تفتقت الفكره ده في ذهني و قلت اقولها لك

انت تعمل نفسك شربت الموضوع و تروحلهم ترزع اعتذار خفيف كده
و تاني يوم تاخد البنت و تطلع علي دكتور بحجه عمل فحوصات قبل الجواز
و شويه تحاليل و اشعات و ياخدو منها شويه دم ( ده اذا لقوا اصلا)
الكتور يتطلع علي التقارير و هوبااااا الجواز ده لا يمكن تتم لانه اذا حصل هتخلفوا عيال ب 6 رجول و راسين و بيقولوا مااااء و ده عشان القرابه
و بكده تقدر تخلع
طبعا الموضوع فيه شويه تكاليف و لازم تكون مظبط الدكتور هو و اي واحد تاني ممكن هما يقترحوه عشان يتاكدوا


شكلي بتفرج علي افلام عربي كتير انا بس اهو فكره جت علي بالي و قلت اقولها و السلام

و الله يكون في عونك و يصبرك و يهديك للي فيه الخير