خطيبتى خانتنى...موقف صعب أتمنى المساعدة

[MASERATI]

السلام عليكم و رحمة الله و بركاته

أنا لسه يا باشا قارى الجزء التانى من الحكاية دلوقتى و اتفرست أكتر من الأول !!!!!!!!!!!!!!

فكرتنى بواد مدمن كان شغال معانا فى الصيدلية بتاع أسبوعين كده و جاى الشغل عامل دماغ و مضيع و جفون عنيه واقعة و مسطول مسطول و عمااااااااااااااااااال يقنعنى أنه كده خلقة ربنا !!!!!!!!!!!!!!!!!!! .

[FunnyMickey]

حد فاكر مشهد احمد رزق لما كان بيدور علي ليلي السيد احمد
في فيلم حماده يلعب
ودخل الشقه المشبوهه :)

بس كده :)

[محمد عز]

الأخوة شطحت بردودها وفى بعض الأحيان وصلت لحد التقريع والاستهزاء

هدوا اللعب شويا

أخى العزيز ، لو تفتكر انا كنت اول واحد رديت عليك

خلينا اللخص الموضوع معاك فى نقاط

1- اكتشفت موضوع خطيبتك بتكلم واحد غريب

2- واجهتها ...معرفتش ترد وردت عليك بانه واحد بترتحاله !!!!!!

3- خدت وقت كبير فى التفكير وده ادى الفرصة للاطراف التانية انهم يفكروا كويس ويعدوا خطتهم عليك

4- مكالمة من مراة عمك تقولك انها عارفة الموضوع وانه راجل متجوز بتساعده انه يحل مشاكله ( مش عارف احنا فى مجتمع غربى ولا ايه ...لما واحدة بنت تكلم راجل غريب بعد الساعة 12 ومتجوز وبتحلله مشاكله!!! يااادى النصيبة عليا)

5- مكالمة من عمك يقولك انه عارف الموضوع وبنته حكيتله ونفس القصة الخايبة وزاد عليها انه اخدك على ماااشمك وانك مش بتثق فى بنته وتربيتهاااا....والخ

كلام عمك ومراته متناقض تماما مع كلام بنت عمك فى مرة المواجهة ومكالمتها التليفونية تانى يوم

لانها مذكرتش ان عمك ومراته يعرفوا ...ولكن قالتلك انها بترتحله !!!

طبعا عمك معذور وهوا اختار الطريقة السهلة انه يخدعك ، لو بيحترم نفسه كان سمع من بنته وراقبها وراح اتصل بالراجل اللى بتكلمه وقرر بنته وعرف الموضوع من اوله لاخره

وبعد كده يكلمك يقولك الموضوع كيت وكيت وكيت وانت ابنى وبنتى غلطت فى حقى وحقك..... ويسيبك تختار وممكن يترجاك انك تستر عليه وانه هيشيلك الجميل ده طالما هوا واثق فى كرم اخلاقك

لكن طبعا هيهات هيهات ...... اختار الطريق السهل انه يعلم عليك ويستغفلك

من الاخر الكورة فى ملعبك دلوقتى لو مخدتش قرار دلوقتى ممكن تندم بقيت عمرك

اناااا عارف انك متردد من الأول وانك عامل الموضوع كنت متخيل ان الناس هدعمك انك متسيبش خطيبتك لانك بتحبها وده مش عيب انك تغفرلها وان البنت صغيرة واضحك عليها وهبلة وعبيطة والكلام الخايب ده

لكن العيب انك تدوس على كرامتك !!!!

وعملت الجزء التانى من المشروع بنفس الهدف انك تلاقى حد متعاطف مع بنت عمك وعيلتها وبالتالى تلاقى ردود ترفع من معنوياتك انك تكمل الخطوبة والجواز

الكورة فى ملعبك ....اكسب نفسك

واللى يبعينى ابيعه واللى يقرطسنى ادوس عليه

عذرا على الاطالة

[A.Saad]

احنا كلنا متفقين على موضوع انه يسيب البنت يا جماعة
عايزين مساعدة فى موضوع العفش والاتفاقيات المادية وازاى ياخد حقه كامل مكمل
لان من الواضح انه دافع فى الموضوع كتير
عمه بيموت على الفلوس ودى هتبقى ضربة وتأديب حلو ليه
والذوق مش هيجيب نتيجة مع عمه ولا كلام

[waleedfesal]

يا باشمهندس اللى لعرفه ان الموضوع دا لو تمت الجوازه دى
هيفضل فى عقللك وتفكيرك طول حياتك
واستحاله انك تنساه
ودا اللى يخلينى اتوقع ان الجوازه مش هاتطول
عشان كده بقولك وانت على البر لسه
الخساره القريبه احسن بكتير من خساره جامده جايه جايه
واتمنى لك التوفيق

[sanhory]

وهو فى حد حضرتك بيحل مشاكل حد بعد الساعة 12 ولمدة 650 دقيقة ؟؟؟؟ لييييييية خير بتحل مشكلة الضفة الغربية وقطاع غزة !!!!!!

يا راجل دي لو بتحل ضفيرة x6 مش حتاخد كل ده هههه

[sanhory]

قالتلى ده واحد زميالها فى الشغل وهو بيحبها وهى لفترة بسيطه إستريحتله بس عمرها ماشافت غيرى ولا تتخيل حد غيرى جوزها والكلام الفاضى ده....

اللللللللللللللللله طب لما هى بتحل مشكلة بينة وبين مراتة ماقالتش لية كدا من الأول ألى الى خالها تقول البق دا بقااااااااااااا وأستريحتلة وبتاع !!!!!!!!!!!!!!!!! يبقى ماكنتش بتحل مشكلة بقا يا بوب ! وأية ألى هيخلية يحبها وهى بتقول بتحلله مشاكلة !!!!!!!! يا صاحب الموضوع

الراجل ده جاب مالاخر و جابلك الحته اللي فيها الكدب بعينه و خلاصة الموضوع

و بعدين باباها كان عارف ايه و كلام فاضي ايه دا على اساس كان بيعدي عليها في الاوضة بتكلمي مين ياحبيبتي خطيبك ولا صاحبك بتاع المشكلة , تقوم تقوله بتاع المشكلة يا بابا يقوم يقولها طب يا بنتي ربنا يوفقك

عذر اقبح من ذنب , ابعد عن العينة دي من البنات اللي بتعرف تقرطس كل اللي حواليها و لما بتبكي بتحسسك انك مفيش في قلبك رحمة و انها مظلومة والله اعلم اصلا هى قايله للضحية التانية ايه ممكن اصلا متكونش قايله انها مخطوبة و الواد يا حبة عيني لابس هوا كمان في الحيطة .

[ahmed4000]

انا اتعرضت لنفس موقفك ده زمااااااااااااااااان
وكان نفسي اقولك حاول واديها فرصة والكلام ده
لكن صدقنى انت راجل عمرك محتنسى وحتفضل شاكك فيها طول العمر

فالافضل ليك وليها انك تسبها بهدوء ومن غير فضايح

انت دلوقتى مش متخيل انك تقدر تعيش من غيرها لكن صدقنى بعد شهور او حتى سنين حترتبط بواحدة تانية وحتفتكر الموضوع ده وتحمد ربنا انه بيحبك وكشفهالك قبل الجواز

[tarekomar66]

اخى العزيز السلام عليكم ورحمه الله
انا سنى مقارب على الخمسين يعنى مش صغير ولذلك سوف انصحك نصيحه
ابعد وسافر لمده يومين ولاترد عليها وحاول تريح اعصابك واعمل استخاره لو الموضوع فيه خير ربنا يتممه
وقت ماترجع من السفر اطلب من خطيبتك ان تترك العمل فى المكان الموجود فيه زميلها وتبعد عن هذا الزميل.
اذا سمعت كلامك اذن هى شرياك والذى حدث كان لحظه طيش .
وكمل موضوع الزواج.

اود ان الفت النظر الى شى مهم وهو ان اخطر شى ان يجمع العمل زميالين فى مكتب واحد حيث ان زميلا العمل يكونان متواجدين مع بعض فتره اطول من الفتره التى تقضيها مع زوجها فى المنزل وياخذون راى بعض فى اشياء يصعب تخيلها وتنشا بينهم الفه قد تقضى على الحياه الزوجيه لانه مع الزوج فى المنزل قد تحدث خلافات اما بسبب الاولاد او المصروف ولكن مع زميل العلم فلاخلاف على شى وتشاهد الوجه الحسن فقط

+++111111111111

[beetleMOSH]

رد عمك انها غلطت و لازم تاخد جزائها
كان ردك المفروض يكون
انك متكملش و هو ده جزائها المناسب للفعل الصادر منها
عشان مش ده جزائك منها

و اعتراف عمك و مراة عمك بغلطها
اكبر دليل انك على حق
و حق لا تنازع فيه

دى ابسط حاجه ممكن اقولهالك

وربنا يكون فى عونك و يهديك للى فيه الخير :)
و متنساش الدعاء لله

تحياتى :)

[max_ziro]

انا عروق وشى طلعط من كتر الضغط
امبارح شوفت الجزء الاول من الكلام و اكتفيت بردود الاعضاء كلها قالت الى عايز اقولة و ماشاء الله قاموا ب الواجب
بس بعد الجزء التانى
اترفع ضغطى اكتر و جالى صداع
و مستنى الاخبار المفرحة عشان لو معملتش كدة بجد هتبقى ................................

[abo_anas]

ايه ياهندسه انت كل ده ولسه مالقيتش حل ولا ايه؟؟؟؟؟؟؟

انا اقولك من الاخر على حل من غير تعب ،
انت تبعت لعمك رابط الموضوع ده ، وان شاء الله اعتبر الموضوع منتهى.

ونصيحه الى اى فتاه مستهتره اوعى تتخطبى لعضو فى نايل موتورز

[friendship7897]

ربنا يكون في عونك بعد كل اللي قريته في الصفحات اللي فاتت - ولسة ما أتخدتش قرار .
بس أنت عايز آراء أكتر من كدة ، أحسن حاجة فيك أخذت بالشورى والأغلبية بتقول لك سبها .
خد بالك - دي واحدة مستهترة - وأنا أسفه هي وأهلها - يعني سهل جداً تكون مستهترة وهي زوجة ( لأنك كنت عملت أيه زمان لما عرفت أنها بتخونك ) ، وكمان مش هتعرف ترجع لحد كبير من أهلها ( لأن أهلها عملوا أيه زمان لما عرفوا أنها بتكلم راجل غريب ) ، وإما تضطر تعيش مكسور وخلاص علشان العيال وإلتزامك أمام (عمممممك الكبير ) ودوس على نفسك أكتر وأكتر ، وزود على دا كله شخصيتك اللي هتكون مهزوزة ومترددة - أكون زوج سعيد ( إزاي !!! ) ، ولا أكون زوج خاين ( لا قدر الله ) وتخسر دينيتك وأخرتك ، فووووق بأة - دا أنت المفروض تشكر ربنا على اللي أنت أكتشفته بدري علشان تخرج وأنت مش خسران (دع ما يريبك إلى ما لا يريبك )

اللون الاحمر مخصص للمداخلات الاداريه والاشرافيه فقط
مشرف عام 1

[Ahmed Nasr]

مابنى على الخداع فهو باطل

وهل لو فرضنا ان الموضوع عدى انت نفسيا هتنسى.........ما اعتقدش وفى اول فرصة الشك هيرجع لك تانى

[SHNORY]

دا عيب جواز القرايب بقي
لما بتحصل مشكله بيكون فيها 30 طرف
انما لو مرتبط بعيله تانيه
كل واحد بيروح في حاله والوشوش مش بتتقابل
ولما تحصل حاجه بتطيح فيهم براحتك وتفش غلك