خطيبتى خانتنى...موقف صعب أتمنى المساعدة

[abd_el_7amid]

معلش انا قريت المشكلة بس من غير ردود
المهم تفتكر هتقدر تعيش من غير شكوك لو اتجوزتها؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




ماتبتديش حياتك غلط

[أحمد كمال]

بطني وجعتني بجد من كتر قراية الردود ووجعتني اكتر من الضحك على ردود الاستاذ احمد كمال المفتري هههههههههههههههههههههه
انا كنت عايز اعرف منك اخواتها عرفو الموضوع ده ولا عمك ومراته بس ؟؟
لو انت معتبر حد من اولاد عمك من اصحابك وبتحكو مع بعض علطول ممكن تحكيله على الوضع من اوله وانها قالتلك انها بترتحله وهو بيحبها وراحت قالت كلام تاني لابوها وامها علشان يلمو الموضوع

دانا خلبااااااااااااااااااااااااااااااااااااااااااااان

[pro_samir]

سبحان الله ! هو ده الراجل اللي كنت خايف عليه لما يعرف !

حظك حلو انه طلع كده وعرفت وانت لسه علي البر

بيقولك بتحل مشكلته مع مراته ، وصاحبها في الشغل .. الموضوع في النور .. وهم عارفين .. So what

وقال إيه "أي قرار تحت أمرك" وبعدين "رايحين للنجار يوم الجمعه"

طبعا تبقي غلطان لو لسه متردد ، يمكن الموضوع في الأول كان صعب عليك لكن دلوقتي ملكش حجه

ده طلع هي وأهلها

وعلشان تبقي عارف مفيش واحده بتتغير فعليا علشان خاطر راجل .. انسي

احب اولا اشكرك على الترافيك :-) الموضوع ما شاء الله 7 الاف مشاهدة
يا ريت تعمل الجزء التاني

مصائب قوم .. يا خوفي تكون انت اللي بتشتغلنا

[Mohamed.Mohsen]

اكيد الموضوع وحله واضح جدا والزملاء اجمعوا عليه ولم يكن محتاج موضوع ..الغريب فين صاحب الموضوع؟؟؟!!!

[newcastle]

بص ربنا انعم عليك بانك عرفت وانت عالبر
وردود اهلها بيؤكد شكوكك اللي مبقتش شكوك دي بقت يقين
تأكد تماما ان ربنا مقدرلك حاجه احسن من كده وان مش دي الحاجه اللي انت تستاهلها

[mero100]

ربنا يكون في عونك ....ساعات الواحد بيتحط في مواقف من القدر كدة و بيبقي قدره و مبيكونش له ذنب فيها ....بس قدر .

[mero100]

مبقاش عندي ثقه ف حد ...م اللي انا شفته ف حياتي ... زمان انا خدت درس و غلطتي ماذاكرتهوش... انا خدت الضربه بجد من اقرب ناس ف حياتي ... مش اهلي دول والله لاااااااا.....اقسم بالله وحوش .....
صديقي صاحب الموضوع قلوبنا معاك و ارمي ورا ضهرك .... و المهم ف كل الحوار دة انك متتعقدش ....مش كل الناس زي بعضها ... و الضربه اللي ما تقسمش تقوي .... حتلاقي نفسك خدت خبره كبيره مكتسبه تقدر تحكم بيها بعد كدة علي أي بنت .... و نفسي اقف جنبك كأخ لكن مفيش ف ايدي حاجة غير الكلام و إني ابعتلك اللينك دة....مهم أوي ... حينسيك حاجات كتير ......قلوبنا معاك .

[hazoom2006]

هو الموضوع فى حاجة مخبينها عليك ولما عمك كلمك اكلك فى الكلام وقالك ازاى بتشك فى بنتى وانت بتقول انه عصبي ومتتوقعش ان ده يكون رد فعله يبقى حاجة من اتنين

- ياما مخبين حاجة عليك والموضوع كبير (لو كنت ملاحظ تغيير فى معاملتها ليك الفتره الاخيره يبقى فعلا مخبين حاجة)
- او البنت قالت لامها انك عقلك صغير وان مقموص علشان هيه بتكلم زمايلها فى الشغل وامها بسطت الموضوع لعمك اكتر وانك بتعمل زى الاطفال علشان كلمت زميلها مره ولا مرتين

الحل فى كلمه واحده
اهرب اتهرب من الجوازة ماطل فى الجوازة قولهم دفعت الفلوس مقدم عربيه خسرت الفلوس فى البورصة ادخل عليهم البيت وفى ايدك ازازه خضرا واعمل سكران

او الحل السلمى انك تقول سلام عليكو انا مش هينفع اكمل

هتتعب فى الاول وتحس بفراغ فى حياتك حاول تملاه باى حاجة مع اصحابك العب رياضة او حتى العب حيمز

وربنا يوفقك ويكرمك

[prisoner]

يا جماعة عيب الكلام دا :)
لما تيجي تلعب استميشن تاني قوللي عشان مش لاقي لاعيبة عندي

ايه ده ياريس انت بتقول ايه مانا قولتلك قبل الكده بس انت اللى هربت زى موضوع المانجاااااااااااااااااااااااااا فاكر والا اسيح

[homme49]

انهى الموضوع باى طريقه شيك وبدون شوشره
اوعى تكمل ابدا
حاتفضلب تشك فيها طول عمرك حتى لو مفيش حاجه جديده تدعوا لذلك

اللى تحب على خطيبها فى فتره الخطوبه سهل جدا تخون جوزها بعد لما تزهق منه وتتعود عليه

و اللى تغلط مرة
حا تغلط مليون مرة

[msafa]

معلش انا مقدرتش اقرا كل الردود بس ده رأيي
------------------------------------------------------------

المشكلة انها هي اللي كانت بتكلمه يعني كان ممكن يكون هو بيشاغلها وبيتصل بيها وبيقولها كلام حلو وبتسمعه وبتبسط بيه وخلاص لكن هي اللي بتتصل بيه.
عارف لو حاجة قديمة وخلصت كنت اقولك انسي وسامح لان ربنا بيسامح، لكن فاضل 3 شهور وتتجوزوا كانت هتقطع معاه امتي؟ والمفروض ان البنت قبل الجواز مابتبقاش فاضية لحاجة وعندها مليون حاجة تشغلها.
انا مش شايف انها حاجة صح انك تكمل معاها، واختيار انك تنسحب بهدوء وتتحمل الملامة وتروح تقول لاهلها انا اسف مش هاقدر اسعدها او انك تقرر انك تقول لاهلها علشان يخلوا بالهم من تصرفاتها ده راجع ليك وعلي حسب عمك واخواتها هيتعاملوا ازاي لو عرفوا

[M.Elgergawy]

ايه ده ياريس انت بتقول ايه مانا قولتلك قبل الكده بس انت اللى هربت زى موضوع المانجاااااااااااااااااااااااااا فاكر والا اسيح

ههههههههههه كده تمام بس انا مكنتش اعرف انك ليك في الاستميشن يا حبي
انا وانت وصاحب الموضوع ونشوف راااابع اكيد هنلاقي واحد من المشاركين او حتى المشاهدين دا الموضوع واخد اكبر نسبة مشاهدة ونلعب بولة جاااامدة والكوز يجبلنا مانجا هههههههههه

[tam77]

لازم تسيبها حتى لو هتخسر أهلك كلهم لآن محدش باقى أبوها وأمها هيموتو وأنتا الى هتشيل الطين
وبعدين البنات على أفا من يشيل وأفتكر كويس أن دى هتكون أم للأولادك وبناتك هتربيهم الزاى
صدق الناس الى نصحوك
لآن السنين مهما فاتت عمرك ماهاتنسا الى حصل وأستعن بالله

[Eng_hatemfathy]

اخى الكريم
متابع من الامس لكن مش عارف ارد لانى كنت متراقب من الحكومه وطبعا خايف اضحك من ردود الاخ احمد كمال لانى فى الموضوع الماضى الخاص بالاخ اللى مخاصم مراته اتنكد عليا بسبب الموت من الضحك فى نص الليل والعاقل من اتعظ بماضيه
وهنا مربط الفرس فمن خلال تجربتى الشخصية وتجارب اناس قريبين جدا اى موضوع زواج اوله مشاكل زيادة اخرته طلاق ولو بعد دستة عيال
هناك زواجات تمت خوفا من ضياع ما دفع فى التجهيز والالتزام بنص المهر اوكله والالتزام بالقايمة ولو مفيش مسمار او لوح خشب جه والنتيجه الخسارة بتكون اكبر وخاصة مع وجود الاولاد والنفقه والحضانه واللازم منه
وهناك زواجات قامت على الشفقه وفى الاخر بدل ما يبقى فراق بعد خطوبه او بالكتير كتب كتاب يبقى بعد بناء او حتى اطفال
والقاعدة التى لا تتغير اللى اوله كدب اخره .......
والعاقل من اتعظ بغيره وايه الدافع اللى يجبرك على الدخول فى مخاطره غير مأمونة العواقب وخاصة بعدما اتضح كل هذا منها ومن امها ومن ابوها -يعنى فاضل مين فى صفك وانت لسه على البر وموقفك قوى وبنتهم غلطانه وفضايحها سابقاها -طب لما تلبس وتدخل القفص هيعملوا فيك ايه
وبصراحه وعن تجربه ايضا لما بيكون بيت بالمنظر ده بيقى الزوج مش مسموح ليه يأدب مراته او يأمرها او ينهاها بحجه عمك موجود يا ولد انت ملكش كبير ولا ايه وطبعا انسان يبدو عليه متربى ومتعلم زى حضرتك ملوش فى البلطجه ونظام ..... عمى على اللى يتشددله وهديها باللى فى .... لحد ما تتربى
فالمشكله انك هتوصل لمرحله تخسر فيها رجولتك ومش بس كده كمان ولادك هيكونوا خارج السيطره والكلام والتربيه هيكونوا كلام جدو وتيته وماما والرد الطبيعى لما تعترض انه يتقال يعنى مين اللى رباك مش احنا -النهارده مش عجباك تربيتنا للعيال
ومش هيكون قدامك لو حاولت ساعتها انك تشترى نفسك غير انك زى الباشا تسيب الجمل بما حمل وتنسى العيال وتقاطع العيله لان دايما الاعمام مع البنت وانها الضعيفه وانت اللى مفترى لان ملكش اللى يدافع عنك وابوها ما شاء الله هيكسب كل عمامك ومش بعيد حد فيهم يهينك لان الموضوع ساعتها مش نسايب -لأ دول عمامك وانت سورى فى الكلمه قليل الادب وبترد على عمامك والنتيجة خسارة غير محدودة ماديا وقطيعة رحم واهانه
ايه اللى جابرك على كده -اتعظ من غيرك خيرا من الندم بعد فوات الاوان-طظ فى الفلوس وفى الجوازة وفى النسب اللى بدايته غلط

[opelawy]

مفيش اخبار ؟

انا نفسي ربنا يكون خلصك منها و تفرحنا او علي الاقل طمنا عليك عملت ايه

معلش موضوع جانبي ( انا الوقتي عرفت ليه فتكات من اعلي الترافك في مصر كلها :) )