إعـــــــلان

Collapse

.

,
See more
See less

ما خاب من استشار تحت امركم فى اى استشارات مالية او عقارية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة egyptawy2010 مشاهدة المشاركة
    ايه راى حضرت فى السكن فى كمبوند بفرلى هيلز فى الشيخ زايد

    الناس كلها بتشكر فيه لكن الا انا ملاحظه انى اسعاره لا ترتفع زى الرحاب

    ياترى لو بافكر فى حاجة للسكن وفى نفس الوقت اكسب لما ابيع ياترى تنصحنى بيه
    صعب تقارن كومباوند فى غرب القاهرة بواحد تاني فى شرق القاهرة المقارنة بتبقى لنفس المنطقة
    التجمع ليه ظروف خاصة لتعدد محاوره و قربه من وسط القاهرة يعنى المشوار من الرحاب لوسط البلد بياخد حوالى ٤٠ دقيقة و نفس المشوار من زايد مع الزحمة و المحور ممكن ياخد اكثر من ساعتين
    علشان كده التجمع رغم انه فى فترة زمنية كانت اسعاره اقل من زايد و اكتوبر الا ان اسعاره دلوقتى بقت يمكن اعلى من مدينة نصر و متساوى مع مصر الجديدة لانه جمع بين القرب و جودة السكن على عكس بيفرلى هيلز الى بتتميز بجودة السكن بس مشوارها ابعد نسبيا
    فانت بتختار على حسب شغلك فين و الهدف من الشراء سكن و لا استثمار

    Comment


    • المشاركة الأصلية كتبت بواسطة mfe مشاهدة المشاركة
      اجاوبك واحدة واحدة
      طبعا انا مقدرش احددلك الايجار هيبقى كام بالضبط ده انت ممكن تعرفوا اكتر منى بي هساعدك فى قرار الايجار
      انا فى تخيلى مثلا ان الايجار هيبقى فى حدود ٢٥٠٠ الى ٣٠٠٠ جنيه فى الشهر لو مفروشة لوكس و يبقى من ١٥٠٠ الى ٢٠٠٠ لو فاضية طبعا ده تقدير ممكن يبقى مش صحيح بس ده مقارنة بموقع مثيل فى الغردقة مثلا
      حضرتك شوف الفرش يكلفك كام دلوقتى بنفس المستوى و اخصم منه استعمالك و اعمل حسابك ان الفرش ده هيعقد ٥ سنوات بس لو اجرت مفروش بشكل مستمر
      هضربلك مثل انا عندى شقة فى الغردقة فرشتها على اعلى مستوى ممكن كلفتها حوالى ٧٠ الف فرش لو حبيت ااجرها هتجيبلى ٣٠٠٠ جنيه فى الشهر و لو اجرتها فاضية هتجيبلى حوالى ١٨٠٠ جنيه يعنى الزيادة حوالى ١٢٠٠ جنيه فى السنة حوالى ١٤ الف جنيه فى ٥ سنوت حوالى ٧٠ الف لغاية دلوقتى متردد فى قرار التاجير و بفكر يا اما اخليها او ابيعها لان العملية متساوية تقريبا
      بانسبة لقرار البيع الحقيقة اسوان من المدن المظلومة فى الوقت الحالى رغم جمالها و انا مقتنع ان هيجى اليوم الى هتاخد فيه و ضعها فبلاش تبيعها و انت لسة مش عارف هتعمل ايه بالفلوس الشقة دى امان ليك
      الحقيقة وضع مصر كاستثمار صعب شوية دلوقتى نتيجة اوضاع كتير مش مجال ذكرها شغل العقارات كويس مش وحش بس علشان تبدا تشتغل صح محتاج حوالى ٣ او ٤ مليون جنيه لو متوفر المبلغ ده معاك او ممكن تجيب شركاء هقولك تبدا ازاى بطريقة عملية و مربحة و غالبا هتبدا فى التجمع او الشروق علشان اقرب ليك و لفكرة ببساطة انك هتشترى ارض و تبدا فى ترخيصها و حفرها و تبدا تبيعها شقق بالتقسيط على اربع سنوات بمقدم ٤٠ ٪ مثلا و بعدين تاخد المقدم و تشترى بيه ارض تانية و تكرر الموضوع و هكذا و تبنى من الاقساط الدورية الى هتجيلك كل شهر
      العملية دى بتبقى محتاجة نموذج تدفقات نقدية علشان تظبطها cashin/cashout لو قررت تبدا فيها انا هعملهولك بنفسى دون اى مقابل
      ٢٠٠ الف جنيه بالنسبة لظروفك مش هيعملوا حاجة ممكن اساعدك لو قررت تشتغل فى الاستيراد مثلا

      الف شكر وربنا يبارك فيك
      لكن ممكن تبعتلي ايمبل حضرتك علي اليمل التالي لان الخاص عندي مش شغال رجاء ماتنساش

      aminsebela@gmail.com
      [B][I][SIZE=4]لو علمتم الغيب لاخترتم الواقع[/SIZE][/I][/B]

      Comment


      • المشاركة الأصلية كتبت بواسطة mfe مشاهدة المشاركة

        ٢٠٠ الف جنيه بالنسبة لظروفك مش هيعملوا حاجة ممكن اساعدك لو قررت تشتغل فى الاستيراد مثلا
        ممكن حضرتك تدى تفاصيل اكتر بالنسبة لهذا الاقتراح
        لان انا نفسي ابتدى فى هذا المجال

        Comment


        • السلام عليكم دكتور محمد
          ايه رايك(يا ريت تفصيليا كعادة حضرتك) فى مشروع تشيل اوت لماونتن فيو من ناحية
          1-الموقع كسكن
          2- الاستثمار لو هسكن فى فيلا لو فكرت ابيع على المدى الطويل وهشترى فى المراحل الاولى للمشروع
          3- هو افضل ولا التجمع الذى بنفس المبلغ ساسكن فى توين او اى فيلا فى ماونتن التجمع وخلاص فى اخر مراحله
          4-طريق وادى النطرون يقال انه سيمر بالمنطقة ويقطع المحور لحد طريق الواحات!!! صحيح الكلام ده؟
          5-فيه طريق اسمه بوليفار قاطع ال 3 كمبوند ...مش فاهم ايه الطريق ده....وهل كده تشيل اوت هيفقد الخصوصية للناس اللى رايحه بورتو من الطريق ده ولا ايه موضوع الطريق ده بخبرتك
          جزاك الله خير

          Comment


          • اقول لحضرتك انا من سكان الرحاب و بصراحة مش عاجبنى الوضع فيها حاليا بامقارنة بسعرها و عارف ان مدينى اسوء كمان من الرحاب فالمبلغ ده بصراحة عالى على مدينتى و ممكن تجيب بيه حاجة كويسة جدا فى التجمع نفسه فى اى مشروع جديد انت بس خصص يومين كده تلف فى التجمع و هتلاقى حاجات ممتازة اقل من كده كمان و هتلاقى فى الشروق كمان حاجات ممتازة اقل من كده
            هل عند حضرتك اقتراحات لمشروعات احسن في القاهرة الجديدة من الرحاب ومدينتى ويكون المتر متشطب في حدود 7000 جنيه
            [CENTER] [/CENTER]

            Comment


            • السلام عليكم دكتور محمد
              اشكرك واحييك على الموضوع الرائع اللى افادنى كثيرا وعرفت منه افكار ومواضيع جديدة ما كنتش اعرفها خالص بصراحة
              انا حاليا مهتم بحجز عقار سكنى يكون مساحته كبيرة للاقامة اولا والاستثمار ثانيا.......
              فكنت هسال حضرتك ايهما افضل احجز آى فيلا في ماونتن فيو هايد بارك مساحة مبانى 230 متر مع جاردن او روف حسب اختيارى وغالبا هيكون resale ولا احجز تاون هاوس في كمباوند في الشروق زى سبرنجز حسن علام او الباتيو مساحة اكبر توصل ل300 متر مبانى وحديقة اكبر وطبعا خصوصية اكبر ومدخل خاص على عكس الآى فيلا معاك 5 مشتركين في نفس المبنى وغالبا السعر واحد تقريبا بيتراوح من مليون و800 الى 2 مليون وفى الحالتين هادفع مقدم واقسط الباقى على 4 او 5 سنوات حسب الوحدة المتاحة
              انا محتار بين تفضيل المساحة والخصوصية ولا تفضيل الموقع والخدمات والكومباوند الارقى والشركة الاعلى من حيث جودة التصميم

              Comment


              • سلام عليكم يا دكتور محمد
                ايه راى حضرتك فى مشروع دار مصر

                طيب ممكن موضوع الائتمان العقارى يعمل زى ما حصل فى امذيكا كده? الناس ما تقدرش تكمل فالدنيا تقع
                http://img14.imageshack.us/img14/5853/sig1j.jpg

                Comment


                • دكتور محمد ربنا يكرم حضرتك علي وقتك و مجهودك و افادتك
                  كنت عايز اسال حضرتك عن رايك في مشروع دار مصر اللي عرضاه الحكومة هو كومباوند جنب الرحاب و القرنفل كنت بفكر اخد شقة او 2 فيه للسكن و تكون استثمار الشقة ال 140 متر هتعمل حوالي 600000 كاملة التشطيب و هقسط علي 4 سنين بدون فوايد ايه راي حضرتك في السعر انا شايف السعر اقل من range المنطقة و المكان و هل الموضوع ليه مصداقية ؟ اتوكل علي الله ولا ممكن تبقي زي اسكان الشباب علما بان العقد مكتوب فيه انه كمباوند كامل الخدمات التجارية و الرياضية و الترفيهية و محاط بسور لتحقيق الامن و الخصوصية و مساحة اامشروع كبيرة شايفه هيبقي كويس بس فيه بند في كراسة الشروط مقلق منه و مش فاهمه اوي "التخصيص شخصي ولا يجوز التنازل عنه للغير او التصرف في الوحدة باي نوع من انواع التصرفات سواء الناقلة او المقيدة للملكية الا بموافقة كتابية من الهيئة و بشرط سداد كامل ثمن الوحدة و المصاريف المقررة" هل ده معناه اني مينفعش ابيع الشقة ؟ اسف علي الاطالة و شاكر لحضرتك مجهودك
                  Ahmed Alaa .. Electrical power and machines Engineer

                  Comment


                  • المشاركة الأصلية كتبت بواسطة a7medalaa مشاهدة المشاركة
                    "التخصيص شخصي ولا يجوز التنازل عنه للغير او التصرف في الوحدة باي نوع من انواع التصرفات سواء الناقلة او المقيدة للملكية الا بموافقة كتابية من الهيئة و بشرط سداد كامل ثمن الوحدة و المصاريف المقررة" هل ده معناه اني مينفعش ابيع الشقة ؟ اسف علي الاطالة و شاكر لحضرتك مجهودك
                    البيع مسمسوح بشرط سداد كامل ثمن الشقه يعنى بعد نهايه الاقساط

                    Comment


                    • انا سمعت انى مشروع دار مصر ملكية الارض غير متاحة

                      يعنى الا يشترى شقة ليس له حصة فى الارض
                      <!--sizeo:4--><!--/sizeo-->[CENTER]<!--sizeo:4--><!--/sizeo-->[B]سبحان الله و بحمده سبحان الله العظيم
                      اللهم لك الحمد ولك الشكر كما ينبغى لجلال وجهك وعظيم سلطانك
                      اللهم اغفر للمسلمين و المسلمات و المؤمنين و المؤمنات الاحياء منهم و الاموات[/B][/CENTER]

                      Comment


                      • المشاركة الأصلية كتبت بواسطة a_taamer مشاهدة المشاركة
                        البيع مسمسوح بشرط سداد كامل ثمن الشقه يعنى بعد نهايه الاقساط
                        شكرا جدا علي ردك لو كده يبقي مفيش مشكلة بس "الا بموافقة كتابية من الهيئة" هل عندك فكرة دي ايه يعني لازم استاذن الهيئة قبل مابيع شقتي ؟!! ولا دي مقصود بيها لو هبيع قبل اتمام الاقساط للاسف الجزئية دي مش واضحة و تعتبر نفطة مهمة لو الواحد حب يبيع في اي وقت او لاي ظرف
                        Ahmed Alaa .. Electrical power and machines Engineer

                        Comment


                        • المشاركة الأصلية كتبت بواسطة egyptawy2010 مشاهدة المشاركة
                          انا سمعت انى مشروع دار مصر ملكية الارض غير متاحة

                          يعنى الا يشترى شقة ليس له حصة فى الارض
                          للاسف الناس بتفتي جامد في موضوع دار مصر ده بدون علم و هتسمع فتي كتير في الواقع النقطة دي ملهاش اي ذكر في كراسة الشروط "ان الساكن ملوش حق في الارض" بس الموضع هيبان في العقد للي هيرسي عليهم الوحدات
                          Ahmed Alaa .. Electrical power and machines Engineer

                          Comment


                          • المشاركة الأصلية كتبت بواسطة a7medalaa مشاهدة المشاركة
                            للاسف الناس بتفتي جامد في موضوع دار مصر ده بدون علم و هتسمع فتي كتير في الواقع النقطة دي ملهاش اي ذكر في كراسة الشروط "ان الساكن ملوش حق في الارض" بس الموضع هيبان في العقد للي هيرسي عليهم الوحدات
                            مش فتى ومعاك انه مش مذكور فى الكراسة بس طلع مذكور فى حاجة تانية مش فاكر اسمها تشمل كل المشروعات الى معمولة دلوقتى زى مشروع المليون وحده كده ان كلهم ليك حق الانتفاع من الشقة يعنى لو وقعت كل سنة وانت طيب وتم التأكد من أكثر من مصدر فى اكتر من مكان

                            Comment


                            • المشاركة الأصلية كتبت بواسطة eslam.elrefaey مشاهدة المشاركة
                              مش فتى ومعاك انه مش مذكور فى الكراسة بس طلع مذكور فى حاجة تانية مش فاكر اسمها تشمل كل المشروعات الى معمولة دلوقتى زى مشروع المليون وحده كده ان كلهم ليك حق الانتفاع من الشقة يعنى لو وقعت كل سنة وانت طيب وتم التأكد من أكثر من مصدر فى اكتر من مكان
                              انا مقصدش ان انت اللي بتفتي اعتذر عن سوء الفهم انا اقصج اني كل شوية اسمع حاجة غلط من الناس و الاقي مذكور عكسها في كراسة الشروط
                              هسأل ان شاء الله في الموض ع ده في البنك و ربنا يعمل اللي فيه الخير
                              الصراحة السعر و التسهيلات في السداد و الموقع الرائع مشجعني جدا و نفسي الواحد يستفاد بحاجة من البلد دي بجد مطلعناش عمرنا من وش الحكومة بحاجة
                              Ahmed Alaa .. Electrical power and machines Engineer

                              Comment


                              • منقول من احد العاملين بقطاع العقارات بالقاهرة الجديدة

                                "ملاحظات سريعة حول الوحدات المطروحة من قبل الدولة بالقاهرة الجديدة
                                ملاحظات تخص الملكية وحق التصرف فيها
                                1- لا يوجد حصة بالارض لملاك الوحدات اي ان ما يملكه صاحب الوحدة هي الشقة فقط وقد اكد هذا الامر مساعد الوزير في تصريح له علي قناة صدي البلد بان الارض ملك الدولة ولا يجوز تمليكها للمواطنين
                                2- لن يستطيع المالك التصرف في الوحدة بالبيع للغير الا بعد سداد كامل الثمن " طبيعي " وبعد الحصول علي موافقة الجهاز كتابيا " كمين " ليه بقي كمين لانه هيتعامل مع الوحدة زي الاراضي المخصصة فهايطلبك بنسبة من اجل الموافقة علي البيع او التنازل للغير علي فكرة الورقة اللي الشهر العقاري بيطالب اي حد بيبيع شقة انه يجيبها من الجهاز الورقة دي بيبقي فيها اقرار من الجهاز بان الوحدة محل البيع بالتوكيل غير خاضعة لقانون الوحدات الاقتصادية او المدعومة
                                ملاحظات تخص مساحات الوحدات
                                3- الوحدات المطروحة مساحتها ليست صافية كما زعموا من قبل فالوحدة التي مساحتها 130 متر صافيها 101 متر وبعد اضافة 12% نسبة الحوائط تصبح مساحتها 113 متر فقط فيبدوا انهم يقومون بتحميل الوحدة نصيبها من المدخل والسلم وطرق التوزيع
                                4- البلان الداخلي للوحدات غير متوازن فالغرف مساحتها مريحة ومتسعة والريسبشن ضيق وبالكاد سيتم فرشه بقطعة ونصف

                                ملاحظات تخص التسعير
                                5- سعر المتر 4250 جنيه وباضافة 2% تميز للادوار المتكررة و5% وديعة صيانة يصبح سعر المتر حوالي 4500 جنيه والادوار الارضية التي سيكون بها حدائق سيتم تقدير قيمة مالية لها كحق انتفاع وذلك عند التسليم
                                6- التسعير غير مناسب للموقع فكما نعلم ان القطاع الاكبر من المشروع يقع في المنطقة المحصورة بين منطقة القرنفل وغربا ومقابر طريق السويس شرقا وامتداد الرحاب شمالا وتسعير منطقة القرنفل فيلات لا يتجاوز ال4500 جنيه للمتر وتسعير منطقة اللوتس بجانب الجامعة الامريكية 5000 جنيه مع الاخذ في الاعتبار ان المشروع حصل علي دور زيادة استثناءا فالعمارات ارضي وخمسة ادوار ولو قمنا باعتماد اخر تسعير لاراضي طرحت فهو 3500 جنيه للمتر بمنطقة الاندلس مع فارق الدور الزيادة فكان يجب الا يزيد التسعير عن ثلاثة الاف جنيه للمتر بالتشطيب
                                7- مسالة ان الوحدات كاملة التشطيب سلبية وليست ايجابية لان التشطيب امر ذوقي واعتقد ان من يشتري وحدة ب500 الف جنيه فسوف يهتم بتفاصيل تشطيبها وسوف يدقق في جودة المواد المستخدمة فكانما من سيشنري الوحدة لن يستفيد من مسالة تشطيبها الكامل لانه سيقوم باجراء تعديلات علي الموجود واعتقد انها ستكون جوهرية ومما يثير الشك ايضا ان كراسة الشروط لم تتضمن اي مواصفات للتشطيب

                                ملاحظات تخص الموقع
                                8- وجود المقابر بجانب المشروع مع الاكتفاء بسور شجري فقط للمشروع طبقا لما هو مكتوب بكراسة الشروط يقلل من تميز الموقع

                                - في رائي ان الملاحظات ارقام 1,2,6,8 هي ملاحظات جوهرية يجب ان تاخذ مساحة من التفكير والتحليل قبل اتخاذ قرار المشاركة بالقرعة" انتهى كلامه

                                Comment

                                Working...
                                X