إعـــــــلان

Collapse

.

,
See more
See less

ما خاب من استشار تحت امركم فى اى استشارات مالية او عقارية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة a_taamer مشاهدة المشاركة
    يسلم فمك انا اتنبح صوتى فى فهم وشرح النقطه دى لكن لا حس ولا خبر
    مش عارف هل هى فقاعه ودة صعب لان الطلب على السكن فى مصر عالى جدا من الزيادة السكانيه
    ام هو توجه عام من اجل اضعاف اقتصاد الدوله وانهيارها
    فكما اعلم ان الاستثمار العقارى القيمه المضافه له فى الاقتصاد صفر لانه لايمكن تصديره
    ويتحول الى شويه طوب واسمنت فقط
    اشارككم نفس الرأي واعتقد انها فقاعة بفعل بعض السماسرة والمتطفلين على السوق وأخشى أن تنفجر في أى وقت، فنسبة كبيرة من العرض والطلب أيضا تتركز فى الاستثمار ونظام اهى حاجة للزمن وليست من أجل الوفاء باحتياجات الزيادة السكانية.
    ويهمني أعرف رأي السادة الافاضل وخاصة الدكتور الكريم صاحب الموضوع
    [FONT=Arial Black][SIZE=6][COLOR=seagreen]يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.
    [/COLOR][/SIZE][/FONT][CENTER][FONT=Arial Black][SIZE=6][COLOR=seagreen]أبو كمال[/COLOR][/SIZE][/FONT][/CENTER]

    Comment


    • بصوا ياجماعة الاستثمار العقارى جزء مهم من الاقتصاد بس مش هو الاقتصاد
      للاسف فى مصر النمو العقارى حقيقى مش فقاعة و بقول للاسف و هفسر كلامى
      احنا عايشين على مساحة محدودة جدا من ارض مصر و القاهرة لوحدها فيها حوالى ٣٠٪ من سكان مصر طب ده وضع طبيعى لا طبعا مش طبيعى
      طب فرص العمل فين
      طب الترفيه فين
      طب مصالح الحكومة فين
      طب البنوك فين
      طب المصانع فين
      للاسف ٨٠٪ من كل ده متركز فى القاهرة و الباقى فى بعض عواصم المحافظات الكبيرة زى المنصورة و دمياط و المحلة و الاسكندرية
      طب و الاف الكيلومترات الفاضية من الصحراء دى و لا ليها اى لازمة بنشوفها بس و احنا مسافرين الساحل او الغردقة و شرم الشيخ
      الحاجة الى تزعل ان مصر مليون كيلومتر و كان الفراعنة عايشين على المليون ده و عمروا كل حتة فيها من السلوم الى سيناء و سابو اثارهم فى كل شبر
      احنا بقى مصر بالنسبة لينا هى ٥٠ او ٦٠ الف كيلو متر بس و الباقى و لا ليه اى لازمة فى كل اجيالنا المعاصرة ١٠٠ مليون عايشين فى ٥٠ الف كيلومتر بما فيها الاراضى الزراعية و المستصلحة يعنى ٢٠٠٠ بنى ادم فى كل كيلومتر و ده من اعلى معدلات العالم باستثناء قطاع غزة
      طب ده غلط مين للاسف الادارات المتعاقبة على حكم مصر من عهد محمد على و حتى الان يعنى الله يرحم محمد على و اولاده من غيرهم كان زمانا عايشين على ٢٠ الف كيلومتر بالكتير قوى
      ٍفالاسعار فى مصر بتتحدد على اساس المساحة المتعمرة فعليا و عدد السكان و النمو الحقيقى و خلى بالكم كمان احنا هيجيلنا ملايين من الاشقاء العرب و غير العرب الى بلادهم بتتدمر دلوقتى من ليبيا و سوريا و العراق و اليمن و مين عالم بكرة مين تانى
      كل الى بقوله ان احنا نبقى اذكياء و نفكر شوية فى مشروعات صناعية تفيد البلد نحاول نستثمر فيها
      و الله فى ورش فى المانيا مساحتها ١٠٠٠ متر بتكسب ١٥ و ٢٠ مليون يورو فى السنة يعنى حوالى ٢٠٠ مليون جنيه و كلها شغل يدوى او نصف اوتوماتيكى بس باحترافية عالية و مهارة عالية نفسى نبقى كدة مش الاقى كل الصناعات فى مصر مدمرة و سيئة حتى ما تميزنا فيه فى الماضى اصبح سراب
      اقولكم على حاجة
      القطن المصرى احسن قطن فى العالم و بيخسر المزارعين دلوقتى علشان محدش بيطلبه لان ملوش مكن و الهادر فيه كتير يعنى نقطة التميز بقت عيب
      الجلد المصرى احسن جلد فى العالم بس مش عارفين نصنعه علشان الدباغة و تكنولوجيا التصنيع اصبحت قديمة جدا و متهالكة و ضارة بالصحة و مرفوضة من معظم دول العالم
      الرخام و الجرانيت المصرى نسبة الهادر فيه ٤٠٪ لان لسة بنستخدم الديناميت فى المحاجر لتفجير الجبل و العالم كله بيقطع دلوقتى بمقصات الليزر او السلك بس دى عايزة طاقة كهربائية ضخمة و مش موجودة فى اماكن المحاجر
      عندنا اكبر مخزون من العالم من رمال السيليكا النقية و من رمال السيلينيوم و للاسف بنستخدمها كمواد بناء فى بعض المحافظات لان ملهاش مصانع
      الرمال المصرية لو صنعناها صح ممكن تبقى اغلى من البترول نفسه
      جبال سيناء مليانة معادن ثمينة و احجار نصف كريمة و لكن محدش بيهوب هناك
      ده غير مخزونات معادن موجودة فى هضبة العوينات و للاسف غير مستغلة
      تعرفوا فى شمال السودان على حدود مصر فى كام مشروع تعدين اتعمل و منهم مشروع تعدين للذهب
      تعرفوا مخزونات النحاس الى فى جنوب مصر اد ايه و الخرائط متصورة بالاقمار الصناعية الامريكية الحديثة و ممنوع تتسلم لمصر
      تعرفوا انى قبائل العبابدة و البشايرية على جبال البحر الاحمر بيستخرجوا الذهب و الاحجار الكريمة و بيصدروها بمعرفتهم
      و احنا بعد كل ده بندور نهاجر علشان مفيش فرصة عمل فى مصر و مش طايقين نعيش هنا
      طبعا الى انا قولته ده ١ ٪ من موارد مصر و فى الاخر ده حالنا
      كل واحد غاية همه شقة او حتة ارْض تستره على ارض المحروسة بس الشقق دى مش هتوكلنا لما نبقى ١٥٠ مليون
      مش هقدر اقول غير ربنا يهدى القائمين على الدولة و يوفقهم و يعرفوا ان الشعب ده عمروا ما هيقدر يستمر كده
      ملحوظة اخيرة لغاية ما ده يحصل هيفضل الاستثمار العقارى افضل استثمار اخذا فى الاعتبار ان الدولة بقت بتستثمر و تسقع الاراضى زينا بالضبط و تبيعها ب ١٠ اضعاف التمن بعد فترات صغيرة فلازم كمان احنا نعمل كده يعنى احنا مش هنبقى ملكيين اكتر من الملك نفسه

      Comment


      • استشارة عقارية

        السيد الفاضل الدكتور محمد

        كنت عايز استشير حضرتك بالنسبة للاتي:

        1- ترشيح مواقع شراء اراضي في مصر باسعار معقولة ويكون ليها مستقبل في زيادة الاسعار خلال فترة من 5 الى 10 سنوات وبحيث يكون فيها مهلة مفتوحة للبناء .

        وايه رايك في شراء ارض بمدينة هليوبوليس الجديدة على اساس انها مضمونة ومفيهاش مهلة محددة للبناء، وهل يتوقع زيادة سعرها في المستقبل ؟

        2- بالنسبة لموضوع التمويل العقاري: هل ينفع حضرتك ترشح افضل بنك واسهل وسيلة للحصول عليه لتمويل شراء ارض تكون مسجلة ووضعها قانوني لو ينفع؟

        3- يا ريت حضرتك برده تتكرم علينا وتشارك خبراتك للسادة باقي اعضاء المنتدى بالنسبة لقانون الضريبة العقارية الجديد لان هناك التباسات كتير ومش واضح معالمه بالنسبة لطريقة حساب الضريبة على العقارات المملوكة سواء السكنية او التجارية وكذا الوحدات المؤجرة منها

        معلش تقلت على حضرتك بس انا قولت اكيد لازم كلنا نستفيد من خبرات حضرتك العظيمة في هذا المنتدي الرائع

        Comment


        • موضوع اكثر من رائع ... ربنا يباركلك

          محتاج رأى حضرتك .... عاوز اعمل مشروع صغير .. او افتح محل و ابدأ تجارة معينة ...
          انا مهندس ميكانيكا ... بحب الصيانة و العمل اليدوى ....معايا اقل من 500 الف .. متفرغ للمشروع .. مش مستعجل على الربح ... و املك محل مساحته 30 متر فى منطقة جديدة فى مدينة 6 اكتوبر ... قريبة من التوسعات الشمالية

          Comment


          • فعلا صدق من قال "مصر بلد بكر" لسه مضربش فيها مسمار احنا بس بنخربش بالصوابع على الناشف

            Comment


            • الصراحة موضوع شيق جداً وشكرا للدكتور محمد على معلوماته القيمة ومشاركته المثمرة
              خالص تحياتي يادكتور

              Comment


              • اقل سعر لكمبوند فى التجمع الان 6 الاف جنيه للمتر

                هل ده طبيعى ولا ده فقاعة

                ولا الاسعار هتفضل تزيد عادى
                <!--sizeo:4--><!--/sizeo-->[CENTER]<!--sizeo:4--><!--/sizeo-->[B]سبحان الله و بحمده سبحان الله العظيم
                اللهم لك الحمد ولك الشكر كما ينبغى لجلال وجهك وعظيم سلطانك
                اللهم اغفر للمسلمين و المسلمات و المؤمنين و المؤمنات الاحياء منهم و الاموات[/B][/CENTER]

                Comment


                • المشاركة الأصلية كتبت بواسطة ahmed_eng2001 مشاهدة المشاركة
                  موضوع اكثر من رائع ... ربنا يباركلك

                  محتاج رأى حضرتك .... عاوز اعمل مشروع صغير .. او افتح محل و ابدأ تجارة معينة ...
                  انا مهندس ميكانيكا ... بحب الصيانة و العمل اليدوى ....معايا اقل من 500 الف .. متفرغ للمشروع .. مش مستعجل على الربح ... و املك محل مساحته 30 متر فى منطقة جديدة فى مدينة 6 اكتوبر ... قريبة من التوسعات الشمالية
                  و الله ياباشمهندس فتحت نفسي انا مسافر بره اسبوعين و لما ارجع احب افكر معاك بصوت عالي و هنلاقي فرص هايلة ان شاء الله

                  Comment


                  • واحد صديقى النهارده بيكلمنى فى حاجه عايز مقدمها 100 او 120 الف ويدفع قسط شهرى مابين 4 الى 5 الاف جنيه

                    هل فى حاجه كده ممكن يلاقيها لانى معرفش بصراحه الدنيا ايه فى مصر حاليا ؟
                    [B][SIZE="4"]Take it Or Leave it.[/SIZE][/B]

                    Comment


                    • المشاركة الأصلية كتبت بواسطة secret-man مشاهدة المشاركة
                      واحد صديقى النهارده بيكلمنى فى حاجه عايز مقدمها 100 او 120 الف ويدفع قسط شهرى مابين 4 الى 5 الاف جنيه

                      هل فى حاجه كده ممكن يلاقيها لانى معرفش بصراحه الدنيا ايه فى مصر حاليا ؟
                      انا كمان عاوز حاجة زى كدة

                      Comment


                      • احنا حتى الاستثمار العقارى مش نافعين فيه
                        مفيش اى قانون يحمى فلوسك تشترى ارض هتلاقى اللى اخدتها منك او شقة هتلاقى اللى اخدتها ومش بعيد ياخدها بالقانون كمان
                        ده دون الحديث عن مافيات السمسرة فى مصر
                        وبلاش نتكلم اكتر من كده

                        Comment


                        • المشاركة الأصلية كتبت بواسطة secret-man مشاهدة المشاركة
                          واحد صديقى النهارده بيكلمنى فى حاجه عايز مقدمها 100 او 120 الف ويدفع قسط شهرى مابين 4 الى 5 الاف جنيه

                          هل فى حاجه كده ممكن يلاقيها لانى معرفش بصراحه الدنيا ايه فى مصر حاليا ؟
                          للاسف بقى صعب جدا الاسعار ارتفعت بشكل عجيب فى التجمع و زايد و اكتوبر ممكن يلاقى فى الشروق البوابة الثالثة او هليوبلس الجديدة
                          على فكرة كمان ممكن فى منطقة ابو الهول فى التجمع هى اسكان عائلى يلاقى بس مساحة الشقة هتبقى فى حدود ١٢٠ متر و اجمالى تمنها يبقى حوالى ٤٠٠ الف

                          Comment


                          • المشاركة الأصلية كتبت بواسطة egyptawy2010 مشاهدة المشاركة
                            اقل سعر لكمبوند فى التجمع الان 6 الاف جنيه للمتر

                            هل ده طبيعى ولا ده فقاعة

                            ولا الاسعار هتفضل تزيد عادى
                            للاسف الاسعار هتزيد طول ما الارض بتزيد و تكلفة البناء بتزيد و المصنعيات بتزيد و الايجارات بتزيد مفيش مبرر للانخفاض الا لو حصلت ثورة تانية و لو ده حصل اعتقد هيبقى اخر همنا ان احنا نشترى شقة

                            Comment


                            • المشاركة الأصلية كتبت بواسطة mfe مشاهدة المشاركة
                              للاسف الاسعار هتزيد طول ما الارض بتزيد و تكلفة البناء بتزيد و المصنعيات بتزيد و الايجارات بتزيد مفيش مبرر للانخفاض الا لو حصلت ثورة تانية و لو ده حصل اعتقد هيبقى اخر همنا ان احنا نشترى شقة
                              طيب ايه رأى حضرتك فى كمبوند فاميلى سيتى فى محور النوادى باكنوبر
                              <!--sizeo:4--><!--/sizeo-->[CENTER]<!--sizeo:4--><!--/sizeo-->[B]سبحان الله و بحمده سبحان الله العظيم
                              اللهم لك الحمد ولك الشكر كما ينبغى لجلال وجهك وعظيم سلطانك
                              اللهم اغفر للمسلمين و المسلمات و المؤمنين و المؤمنات الاحياء منهم و الاموات[/B][/CENTER]

                              Comment


                              • المشاركة الأصلية كتبت بواسطة fifo2011 مشاهدة المشاركة
                                السيد الفاضل الدكتور محمد

                                كنت عايز استشير حضرتك بالنسبة للاتي:

                                1- ترشيح مواقع شراء اراضي في مصر باسعار معقولة ويكون ليها مستقبل في زيادة الاسعار خلال فترة من 5 الى 10 سنوات وبحيث يكون فيها مهلة مفتوحة للبناء .

                                وايه رايك في شراء ارض بمدينة هليوبوليس الجديدة على اساس انها مضمونة ومفيهاش مهلة محددة للبناء، وهل يتوقع زيادة سعرها في المستقبل ؟

                                2- بالنسبة لموضوع التمويل العقاري: هل ينفع حضرتك ترشح افضل بنك واسهل وسيلة للحصول عليه لتمويل شراء ارض تكون مسجلة ووضعها قانوني لو ينفع؟

                                3- يا ريت حضرتك برده تتكرم علينا وتشارك خبراتك للسادة باقي اعضاء المنتدى بالنسبة لقانون الضريبة العقارية الجديد لان هناك التباسات كتير ومش واضح معالمه بالنسبة لطريقة حساب الضريبة على العقارات المملوكة سواء السكنية او التجارية وكذا الوحدات المؤجرة منها

                                معلش تقلت على حضرتك بس انا قولت اكيد لازم كلنا نستفيد من خبرات حضرتك العظيمة في هذا المنتدي الرائع
                                اسف للتاخر فى الرد
                                فى الاول معتقدش ان مسئولى الضرائب نفسهم يعرفوا الضريبة العقارية هتطبق ازاى او للاسف انا معنديش فكرة
                                التمويل العقارى فكرة فاشلة فى مصر بصراحة كده حد عنده استعداد يدفع ١٦ ٪ فايدة سنوية علشان تمويل شقة لمدة ٧ او ١٠ سنين فى الخارج ناجحة لانها قيمة القسط بتبقى اعلى حاجة بسيطة من قيمة الايجار فمحدش بياجر الا للاقامة المؤقتة اما هنا فالقسط اربع اضعاف قيمة الايجار و بتكتب شيكات على نفسك و ممكن تتسجن لو مسددتش فبصراحة لا انصح بها
                                هيليوبلس الجديدة حلوة مش وحشة بس. الاسعار عليت دلوقتى بصراحة انا مش مقتنع بتخطيطها كان ممكن تبقى احسن من مدينتى بس ربنا يجازى الفكر العقيم بتاع القطاع العام و انا بصراحة كل ما اروح فيلات بدر اقرر انى اشترى هناك و بعد ما ارجع اقول استنى شوية لانى عندى ارتباطات تانية بس انا مقتنع بفيلات بدر على طريق السويس اكتر من هيليوبلس الجديدة و اسعارها لسة معقولة بس الى عايز يشترى هناك ياخد باله ان فى اتجاه لسحب الاراضى التى لم يبدا البناء فيها بعد يعنى يروح الجهاز يتاكد ان الملف متسحبش لانه لو اتسحب يبقى الارض كده ضاعت من صاحبها لمخالفته شروط القرعة

                                Comment

                                Working...
                                X