إعـــــــلان

Collapse

.

,
See more
See less

ما خاب من استشار تحت امركم فى اى استشارات مالية او عقارية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة egyptawy2010 مشاهدة المشاركة
    طيب ايه رأى حضرتك فى كمبوند فاميلى سيتى فى محور النوادى باكنوبر
    بص اقولك راى بصراحة عمرى ما افكر فى كومبوند الا لو كان كومباوند بجد بخدماته بمدارسه ببنوكه بمستشفياته غير كده مبحبش ادفع ٥٠٪ او ١٠٠٪ زيادة علشان اسمى ساكن جوه سور و مش باخد اى خدمات اضافية ده غير مصاريف الصيانة الى حضرتك هتدفعها علشان الحدائق و الامن و خلافه و الى بتبقى مبالغ فيها جدا الحقيقة
    فالكومباوند بالنسبة لى هو خدمات لو لاقيتها اهلا و سهلا ملقيتهاش يبقى اوفرلى اشترى شقة فى فيلا و اخد مكان فى الجراج علشان عربيتى و اوفر كل الفلوس دى
    انا بصراحة معرفش الكومباوند ده فيه الخدمات دى و لا لا بس اعتقد انه كومباوند صغير

    Comment


    • انا بعتذر ياجماعة انا ان شاء الله مسافر بكرة لمدة اسبوعين و على فكرة انا ان شاء الله بجهز كده لمشروع صناعى هبقى اخد رايكم فيه هو فكرة جديدة لم تنفذ فى مصر و لا فى الشرق الاوسط قبل كده مش عارف هتنجح و لا لا و ياريت لو حد ليه خبرة فى تصميم الماكينات الصناعية يساعدنى لان تصميم المكن فيه تحدى كبير و للاسف سعر المستورد منه فلكى معتمدين على صعوبة التصميم رغم انى انا شايف ان ممكن يتنفذ فى مصر بعشر التكلفة بس بصراحة الموضوع يستاهل المخاطرة لان ارباحة كبيرة لتوافر المواد الخام الاساسية فى مصر و رخصها

      Comment


      • ترجع بالسلامة ان شاء الله ... و فكرة حضرتك جيدة جدا .. متابع باهتمام

        Comment


        • المشاركة الأصلية كتبت بواسطة anaslbda مشاهدة المشاركة
          مجهود تشكر عليه,
          معايا 2 مليون و 800 الف وعايز أشتري شقة في حتة كويّسة تنفع كاستثمار مع مرور الزمن, هل من الافضل آخد في الزمالك مثلاً أو في المُربّعات الراقية في العجوزة أو المهندسين أو الدقي ولا ادوّر في كومباوند؟

          انا حاسس ان الكومباوندز ما هي الّا bubble ومع مرور الوقت قيمتها هتقل. ايه رأيك؟
          عندك كام سنة وانا اقولك المبلغ دة كام منة تستثمرة و كام تحتفظ بية او تشتري بية عقار
          ولو انت استثمرت قبل كدة لحد ماجبت المبلغ دة او وراثة ياريت توضح كان اية نوع الاستثمار

          Comment


          • شكرا يا دك محمد
            ربنا يوفقك و ترجع بالسلامه

            ياريت الاداره تثبت الموضوع ده

            Comment


            • ايه رأى حضرتك في أرض القادسية ... هل قدامها مستقبل وارتفاع في السعر ولا هي منطقة مش كويسة او فيها مشاكل؟

              Comment


              • المشاركة الأصلية كتبت بواسطة hanan ahmed مشاهدة المشاركة
                ايه رأى حضرتك في أرض القادسية ... هل قدامها مستقبل وارتفاع في السعر ولا هي منطقة مش كويسة او فيها مشاكل؟
                شركةًالقادسية كانت شركة زراعية كانت بتبيع ٥ فدادين و ٥٠٠ متر بنا بحوالي ١٥٠ الف او اقل و الارض بعد كده اتقسمت بشكل عشواءي للبناء عامة هي فيها مشكلتين المرافق الحكومية و التصالح مع الدولة لتغيير النشاط من زراعي الي سكني
                و لغاية ما ده يحصل انا عن نفسي ما انصحش بيها

                Comment


                • لو معايا 200 الف و عايز اعمل بيهم مشروع اعمل اييية بعيد عن العقارات

                  عايز حاجة تكون دورة راس المال سريعة

                  و لسة معنديش خبرة فى اى مجال
                  [COLOR="RoyalBlue"][SIZE="5"][U]سبحان الله و بحمدة سبحان الله العظيم
                  لا اله الا الله محمد رسول الله[/U][/SIZE][/COLOR]

                  Comment


                  • المشاركة الأصلية كتبت بواسطة mfe مشاهدة المشاركة
                    شركةًالقادسية كانت شركة زراعية كانت بتبيع ٥ فدادين و ٥٠٠ متر بنا بحوالي ١٥٠ الف او اقل و الارض بعد كده اتقسمت بشكل عشواءي للبناء عامة هي فيها مشكلتين المرافق الحكومية و التصالح مع الدولة لتغيير النشاط من زراعي الي سكني
                    و لغاية ما ده يحصل انا عن نفسي ما انصحش بيها
                    فيه شركات بتعمل عقود بيع على انها ارض استثمارية بناء على أساس انها معاها ورق بكده وفيه وزارة البترول واخدة هناك وشركة النصر وناس بنت انا زرتها ولاقيت فلل على الواجهة ومن وراء الفلل مبانى بس قليل ... واخر حاجة انها دخلت تبع العبور .... هل فيه احتمال ان العقود دى لن يعترف بها من قبل جهاز العبور ...

                    Comment


                    • فى البداية, لازم اشكرك يا دكتور على وقتك و مجهودك و اخلاصك فى النصيحة,

                      سؤالى, اذا كنت عايز استثمر بشراء عقار, ففكرت بطبيعة الحال فى حاجة فى مونتن هايد بارك,
                      تفكيرى انى اخد شقة فى حدود 180م مش فيلا عشان اولا, لو حصل مشكة مبقاش خسرت كتير, ثانيا, لو عايز ابيع بتبقى اسرع من الفيلا و فى الاخر الاتنين هيحققوا نفس الربح, ايه رأآ حضرتك؟

                      الشركة عندها حاجات فى المرحلة الجديدة و عندها حاجات resale من المراحل اللى قبل كده, ايهما تنصحنى بيه يا دكتور من وجهة نظر الاستثمار, علما يانى مش مستعجل

                      بكرر شكرى على وقتك يا دكتور

                      Comment


                      • لو سمحت ايه رايك في اراضي الريف الاوروبي، هل وضعه امان والا فيه مشاكل في الملكية

                        Comment


                        • السلام عليكم يادكتور محمد

                          ربنا يجزيك خير ويوفقك لكل صالح

                          مجهود عظيم وافادة جميلة

                          كنت عايز استشيرك ، ناوى اشترى شقى في مدينتي 200 متر بحوالي مليون ونص أقساط على 4 سنين

                          متشطبة تشطيب عادى وجاردن فيو

                          ايه رايك ؟
                          [CENTER] [/CENTER]

                          Comment


                          • المشاركة الأصلية كتبت بواسطة mfe مشاهدة المشاركة
                            الحقيقة ترددت كتير اكتب فى الموضوع ده بس فى مواضيع مختلفة الكلام جاب بعضه و حسيت ان كتير من الاعضاء خاصة الى بره مصر نفسهم يحطوا فلوسهم فى حاجة مضمونة جوه مصر و دايما بيسالوا و احيان كتير بيسالوا الشخص الغلط فانا قررت اساعد اخواتى هنا مع توافر وقت الفراغ الكافى ليه
                            بداية اعرفكم بنفسى انا اسمى الدكتور محمد و مش هقول بقية الاسم علشان الموضوع ده يمكن يبقى حساس لشغلى معايا دكتوراة من امريكا و اشتغلت عمرى كله تقريبا بره مصر ماعدا اخر ٥ سنين باشتغل فى مؤسسة كبيرة امريكية و ماسك الاستثمار فى مصر و تونس و شرق اوروبا سواء الاستثمار العقارى او المالى يعنى اسهم و سندات انا عندى ٤٢ سنة و الفترة الاخيرة انفصلت عن مراتى الاجنبية الى رفضت تعيش فى مصر و معنديش ولاد و مضرب عن الزواج حاليا ففى الفترات الى باقضيها فى مصر غالبا مبخرجش بره البيت خالص و طبعا زهقان من التليفزيون و من كل حاجة فقررت انى انفع اخوتى هنا لو حد عايز يستشرينى فى شراء عقار او فى كيفية استثمار فلوسه
                            انا طبعا الحمد لله و الشكر ليك يارب حققت اكتر بكتير من الى بحلم بيه ماديا يمكن انا فشلت فى تكوين اسرة و اطفال بس اعتبرت ان ده نصيب و النصيب هيجى فى الوقت المناسب
                            فاى حد عايز يسال عن العقارات فى مصر او تركيا او الاستثمارات او دراسة جدوى لمشروع صناعى انا تحت امره و كذلك عن الاسهم المصرية او التركية او الامريكية بس على شرط انا دورى يقتصر على النصيحة و التوجيه لا اسوق لاى مشروعات و لا اى توصيات مباشرة بس هساعد كتير فى انى اوجهك للاستثمار الى يناسب ظروفك و شخصيتك و المخاطر الى ممكن تتحملها و العائد المتوقع ليك و طبعا اكيد انا لا اسعى لاى استفادة من اى نوع يعنى الموضوع ده هيبقى لنشر ثقافة استثمارية ليس الا


                            طبعا انا عايز الناس تعذرنى لو حد سالنى و ماجاوبتش عليه اكيد هكون مشغول فى شغل تانى او مسافر بره مصر
                            برضه الى هيسال عن مشروع تجارى او محل مش هقدر افيده لانه ليس مجالى و مفهمش فيه علشان كده انا حددت المشروعات الصناعية لان جزء من شغلى هو تاسيس هذه المشروعات و هيكلتها


                            دكتور محمد الفاضل بعد التحيه
                            انا راجل كنت شغال في السياحه وبعدين عملت شركة سياحه مع واحد شريكي واهي ماشيه مع ان الظروف صعبه جدا ومش واضح للبلد معالم
                            وكنت قاعد في اسوان في بيتي في ارقي احياءها بيسموه اطلس ونظرا لظروف قهريه ها نقل القاهره في شقتي في الشروق في اسكان مبارك ٧٠ متر وفارشها كويس
                            السؤال هل ااجر الشقه اللي اسوان هي مفروشه لوكس المساحه ١٤٠ م وغاز ونت وكل ماتتخيل فيها لانه بيتي والا ابيعها وهلالايجار يبقي كام ؟
                            ثانيا نفسي ااعمل مشروع بره السياحه ففكرت ابيع نصيبي من الشركه وابيع البيت في اسوان واشتغل في العقارات
                            ثالثا ،، انا ممكن اوفر مبلغ٢٠٠ الف جنيه دون البيع بس مش عارف اعمل ايه بيهم
                            يا ريت المشوره
                            [B][I][SIZE=4]لو علمتم الغيب لاخترتم الواقع[/SIZE][/I][/B]

                            Comment


                            • المشاركة الأصلية كتبت بواسطة محمد عز مشاهدة المشاركة
                              السلام عليكم يادكتور محمد

                              ربنا يجزيك خير ويوفقك لكل صالح

                              مجهود عظيم وافادة جميلة

                              كنت عايز استشيرك ، ناوى اشترى شقى في مدينتي 200 متر بحوالي مليون ونص أقساط على 4 سنين

                              متشطبة تشطيب عادى وجاردن فيو

                              ايه رايك ؟

                              السلام عليكم

                              اسمحلى ارد عليك
                              انا شارى في مدينتى من 2008 ويا دوب لسه هاستلم واحاول ااجر الوحدة حاليا
                              الحقيقة مدينتي ما تستاهلش الرقم ده خالص لان مستوى التشطيب سيء لابعد مدى ولا اقصد التشطيب الداخلى فقط فهذا مقدور عليه وممكن حضرتك تفور الشقة كلها وخاصة السباكة وتعملها على مزاجك ولكن جتى تشطيب العمارات وواجهتها ومداخلها والمساحات الخضراء لا تليق ابدا بكومباوند مفترض يكون راقى بالاضافة لتقصير امنى شديد حيث حدثت عديد من السرقات المتتتالية بالمدينة ومازال هناك نقص بالخدمات وعدم اكتمال للمولات والنادى انشطته محدودة هى محتاجة صبر 5 سنين كمان
                              انا رايي شوف اى كومباوند في التجمع الخامس افضل موقع احسن ومعدل زيادة في السعر اعلى
                              ولو حضرتك مصمم على مدينتى ما تشتريش من الشركة وحاول تشترى من حد عاوز يبيغ وخاصة اللى اشترى في 2006 كانت رخيصة جدا وبالتالى حتى مع الاوفر هيكون السعر ارحم من الشركة كتير

                              Comment


                              • صباح الخير

                                للمهتمين
                                فيه كومباوند اسمه ليان بعد الجامعة الامريكية التجمع الخامس بتاع صبور ومعاه شركة كويتية
                                عبارة عن فيلات وتاون هاوسز وتوين هاوسز
                                باعوا المرحلة الاولى بالكامل وقريبا هيطرحوا المرحلة الثانية
                                سعر المتر في وحدات resale يبدا من 9000 جنيه
                                بس الميزة ان المقدم المطلوب مش كبير والقسط على ست سنوات
                                وشكله هيكون كومباوند راقى
                                وكمان توجد وحدات resale في ماونتن فيو هايد بارك وبسعر اقل من الشركة بس المشكلة ان المقدم بيكون كبير مش اقل من مليون علشان المالك بيكون عايز اللى دفعه بالاضافة الى أوفر مناسب

                                Comment

                                Working...
                                X