إعـــــــلان

Collapse

.

,
See more
See less

ما خاب من استشار تحت امركم فى اى استشارات مالية او عقارية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة mfe مشاهدة المشاركة
    سيدى الفاضل كل الى انت قولتهم دول تحت الانشاء تسليم من عامين الى ٥ اعوام يعنى مفيش موضوع الجواز بسرعة او السكن الفورى
    عايز نصيحتى صديقك لازم ينزل يتفرج بنفسه المبلغ مش قليل علشان يشترى على السمع او السمعة
    نصيحتى انا لو هختار هختار ماونتن فيو هايد بارك و ده لنفسى و تانى اختيار هيكون بالم هيلز او الباثيو هبعد تماما عن. ستون بارك
    نصيحة تانية فى العقارات اسوء حاجة كلمة بسرعة و الاستعجال الا لو كانت فرصة لا تعوض و ده اكيد مش فى حالة صاحبك الى مش متابع السوق العقارى فى مصر الا من الاعلانات خليه ينزل و ياخد وقته ويدور و لو مستعجل ممكن ياجر فيلا او شقة لغاية ما يلاقى الى هو عايزه
    معاك حق ان الاستعجال صعب بس لان صديقى كبر فى السن وعايز يلحق قطار الجواز قبل ما يفوتة عشان كدة مستعجل

    ثانيا
    هل حضرتك مونتن فيو برضة لسة ادامها سنين عشان تتبنى ولا فى حاجات جاهزة دلوقت ؟؟ ولية هى اختيارك الاول فى كل دول ؟؟ ؟؟
    و اية اسباب نظرة حضرتك لكون اختيارك بالم هيلز او باثيو كاختيار تانى ونبعد تمام عن ستون بارك رغم انها الاشهر ياريت افهمم وجهه نظرتك وخبرتك العميقة فى هذا المجال؟

    Comment


    • صباح الخير يا باشمهندس و حمد اله على السلامة, انا كان لي استفسارين اولا عن مشروع ميفيدا من حيث تقيمك لة لانك لم تذكرة خالص في اختياراتك?. و السؤال الثانى عن رايك فى اراضى القرعة فى التجمع و عدد اخر من المدن الجديدة و جدوى الاستثمار فيها من حيث الموقع و سعر الارض...... انا عارف انك بتميل اكثر لبدر من الناحية الاستثمارية بس رايك يهمنا عن المناطق الاخرى برضة

      Comment


      • اولا بشكرك على اهتمامك بافادة الاخرين ودى بقت للاسف حاجة نادرة
        سؤالى عن موضوع الاستثمار فى العقارات
        بلاقى فعلا ان الايجار كعائد لا يقترب فى افضل الاحوال من 8%
        وده معناه انى لو حطيت فلوسى فى البنك افضل...طبعا الزيادة الراسمالية فى قيمة العقار واردة لكن العائد يظل غير مقنع

        فهل الاستثمار فى العقارات التجارية (محلات) عائدها اكبر من كده من ناحية الايجار؟

        ولو كده ايه افضل الاماكن فى ده حاليا...وهل الافضل فى مول ولا يكون محل حر
        [CENTER][B]ارجوووك وطى الحنفية شوية ووفر فى استهلاك المياه احنا داخلين على ايام ما يعلم بيها الا ربنا:stink[1]:[/B][/CENTER]
        [B]ارجوك علشان خاطر صحتنا وفر شوية فى استهلاك الكهربااء:stink[1]:[/B]
        [CENTER][B]ارجووووك وفر شوية فى استهلاك البنزييييين:stink[1]:[/B][/CENTER]
        [CENTER][B]اللى اغنى مننا مليون مرة بيوفروا فى كل حاجة ومبيقولوش الحكومة حلوة ولا وحشة[/B][/CENTER]

        [CENTER][B]خليك ايجابى لنفسك حتى..زهقت من "[COLOR=sienna]الامعة[/COLOR]" اللى بقم ماليين المجتمع..كل متقول لحد بطل حاجة غلط يقولك مكل الناس بتعملها ومش حبطلها الا لما الناس تبطل "وهو ده وصف الامعة بالظبط فى الحديث الشريف"[/B][/CENTER]

        Comment


        • المشاركة الأصلية كتبت بواسطة الفجر مشاهدة المشاركة
          معاك حق ان الاستعجال صعب بس لان صديقى كبر فى السن وعايز يلحق قطار الجواز قبل ما يفوتة عشان كدة مستعجل

          ثانيا
          هل حضرتك مونتن فيو برضة لسة ادامها سنين عشان تتبنى ولا فى حاجات جاهزة دلوقت ؟؟ ولية هى اختيارك الاول فى كل دول ؟؟ ؟؟
          و اية اسباب نظرة حضرتك لكون اختيارك بالم هيلز او باثيو كاختيار تانى ونبعد تمام عن ستون بارك رغم انها الاشهر ياريت افهمم وجهه نظرتك وخبرتك العميقة فى هذا المجال؟
          ماونتن فيو هايد بارك اول تسليم 2016 و هى اجمل ماونتن فيو فى التجمع
          اقولك حاجة مهمة سمعة المطور مهمة جدا فى الموضوع مش كل المطورين بينجحوا و كمان السياسة التسويقية للشركة مهمة جدا للحفاظ على قيمة عقارك
          انت فى اى كومبوند مش بتشترى عقار بس انت بتشترى سمعة الشركة علشان تحافظ على قيمة العقار بما فى ذلك الصيانة و الأمن و الشكل الجمالى
          دى اسباب اختياراتى
          ستون بارك انا مبحبش اعلق على مشروع بس سياسة الشركة و جديتها محل تساؤلات كتير

          Comment


          • المشاركة الأصلية كتبت بواسطة wael مشاهدة المشاركة
            صباح الخير يا باشمهندس و حمد اله على السلامة, انا كان لي استفسارين اولا عن مشروع ميفيدا من حيث تقيمك لة لانك لم تذكرة خالص في اختياراتك?. و السؤال الثانى عن رايك فى اراضى القرعة فى التجمع و عدد اخر من المدن الجديدة و جدوى الاستثمار فيها من حيث الموقع و سعر الارض...... انا عارف انك بتميل اكثر لبدر من الناحية الاستثمارية بس رايك يهمنا عن المناطق الاخرى برضة
            صباحل الفل بس على فكرة انا مش مهندس lol
            مشروع ميفيدا ممتاز طبعا بدون نقاش بس اسعاره عالية شوية
            نيجى لأرض القرعة عمرها مهتخسر معاك ليها مزايا و عيوب طبعا بس الاستثمار فى الأرض خاصة استثمار مجدى الى حد كبير انا بس شايف ان السعر فى اكتوبر عالى شوية بس فى التجمع مناسب من ناحية الاشتراطات البنائية باقى بس ملائمة المنطقة لانها فى الأصل اسكان عائلى و ده مستواه بيبقى اقل سنة من مناطق العمارات و الفيلات
            انا بدر بالنسبة لى شايف ليها مستقبل بعد التطوير الى فى طريق السويس بس مش شرط بفضلها انا بفضل منطقة معينة بس فيها لراغبى السكن الراقى كبديل عن الشروق او هليوبلس الجديدة لكن مقدرش اقول انها زى التجمع او الشروق واحد مثلا
            العائد هناك أعلى دلوقتى من بدر

            Comment


            • المشاركة الأصلية كتبت بواسطة ahmed4000 مشاهدة المشاركة
              اولا بشكرك على اهتمامك بافادة الاخرين ودى بقت للاسف حاجة نادرة
              سؤالى عن موضوع الاستثمار فى العقارات
              بلاقى فعلا ان الايجار كعائد لا يقترب فى افضل الاحوال من 8%
              وده معناه انى لو حطيت فلوسى فى البنك افضل...طبعا الزيادة الراسمالية فى قيمة العقار واردة لكن العائد يظل غير مقنع

              فهل الاستثمار فى العقارات التجارية (محلات) عائدها اكبر من كده من ناحية الايجار؟

              ولو كده ايه افضل الاماكن فى ده حاليا...وهل الافضل فى مول ولا يكون محل حر
              سيدى الفاضل عائد العقار فى العالم كله هو عائد فى الزيادة الراسمالية طويل الأجل و ليس عائد دخل دورى
              هو ممكن يجيب دخل دورى طبعا و لكن نسبته بتبقى منخفضة بالنسبة لقيمة الاستثمار
              عائد التجارى بشكل عام مرتبط بحالة السوق و المنطقة و وعوامل كتير بس برضه عائد منخفض
              المشكلة الوحيدة لو حطيت فلوسك فى بنك التضخم بياكل الفلوس دى لان التضخم فى مصر 17% و الفائدة 12% كحد أقصى يعنى القيمة الشرائية لفلوسك بتخسر 5% سنويا فدايما بنحاول نعمل التوازن فى الاستثمار ما بين الاستثمار طويل الأجل و الاستثمار ذو العائد الدورى

              Comment


              • جزاك الله خيرا عل افادتك للاخرين ......

                عندي قطعه ارض طالعالي في 6 اكتوبر باسمي ... اسمها القرعه ب - اللي هيا خلف حي الاشجار

                للاسف الشديد - زي مانت عارف - بنم حواليها 4 مناطق ابني بيتك و بالتالي سعرها نزل قوي و بقت في الارض

                بفكر ابيع الارض - عن طريق توكيل - لاني استلمتها خلاص و اشغل الفلوس في حاجه تانيه ..

                ايه رايك في مساله بيع الارض مبدئيا ؟
                و تقترح ايه عليا اشغل فيه الفلوس - حوالي 500 الف- علشان محتاج فلوس ابني قطعه تانيه ؟

                وشكرا مره تانيه و بارك الله فيك

                Comment


                • جزاك الله كل خير عنا
                  يا ريت اعرف احسن مكان اجيب منه سبائك او جنيهات ذهب ولو في سبائك سويسريه في مصر

                  شكرا جزيلا
                  Theprofessiona سابقًا

                  Comment


                  • ما هو التقيم الاستثمارى لشراء شقه فى منطقه هليوبلس الجديده
                    مع العلم ان اسعار الشقق بقى نار المتر بقى تقريبا من شركه مصر الجديدة قرب 3000 جنيه
                    والمنطقه لسه تقريبا فاضيه تماما

                    Comment


                    • المشاركة الأصلية كتبت بواسطة mfe مشاهدة المشاركة
                      ماونتن فيو هايد بارك اول تسليم 2016 و هى اجمل ماونتن فيو فى التجمع
                      اقولك حاجة مهمة سمعة المطور مهمة جدا فى الموضوع مش كل المطورين بينجحوا و كمان السياسة التسويقية للشركة مهمة جدا للحفاظ على قيمة عقارك
                      انت فى اى كومبوند مش بتشترى عقار بس انت بتشترى سمعة الشركة علشان تحافظ على قيمة العقار بما فى ذلك الصيانة و الأمن و الشكل الجمالى
                      دى اسباب اختياراتى
                      ستون بارك انا مبحبش اعلق على مشروع بس سياسة الشركة و جديتها محل تساؤلات كتير
                      ما شاء الله عليك ما شاء الله عليك يا دكتور

                      انت اثرت نقطة هامة جدا جدا وكنا هنلبس فى الحيطة لو جرينا ورا الاعلانات والمناظر الخلابة فى الكمبوندات والشقق .................... والنقطة هى المطور العقارى نفسة وخدمة ما بعد البيع من صيانة المبانى والجناين والحراسة... الخ ودى نقطة هتفرق جامد فى سعر العقار

                      طيب ممكن حضرتك تقولنا ازاى اعرف سياسة المطور العقارى ومن هم فعلا المطوريين الكويسين اللى هيتموا بيك بعد خدمة ما بعد البيع ومش بتوع كلام وزحلق البيعة للزبون وبعد كدة البس واشربها لوحدك لاننا للاسف فى مصر ومفيش قانون يجبلك حقك

                      بالنسبة لترشيحك مونت فيو هايد بارك فانا خلاص اخدت بنصيحتك وتوكلنا على الله انا وصديقى وهنركز فى البحث عن مونت فيو فقط

                      انت كنت فين من زمان ............... انت ثروة فى المنتدى المفروض بجد المفروض الادارة هنا تعملك قسم مخصوص للاستشارات العقارية وتكون مشرف علية والمفروض الاعضاء كلهم يتحالفوا لمطلب افتتاح قسم العقاريات وتعيينك مشرف ودة بعد موافقتك الشخصية طبعا

                      Comment


                      • المشاركة الأصلية كتبت بواسطة mfe مشاهدة المشاركة
                        صباحل الفل بس على فكرة انا مش مهندس lol
                        ر
                        الراجل كاتبب غى اول سطر من الموضوع انة طبيب وكان عايش فى امريكا تيجى حضرتك فى الاخر تقولة يا هندسة ويا باشمهندش !!!!!! عيب والله الكلام دة

                        سمحنا يا دكتور على الكلام االلى كان كاتبة الاخ

                        Comment


                        • السلام عليكم
                          متشكرين كتير يا دكتور على نصايح و وقت حضرتك لافادة الاعضاء المحترمين
                          كنت حابب استشير انا ملاحظ ان حضرتك معجب وبترشح ماونتتن فيو للاسباب الي حضرتك ذكرتها
                          طب لو هنعمل مقارنه بينها وبين مشروع جديد اسمو ناينتي افنيو تابع لشركة تبارك القابضه موقعها على التسعين امام جامعة المستقبل والجامعه الامريكيه الارض الفاضيه الي واخده ناصيه 60 فدان. الشركه مهتميه بالمشروع ده جامد البناء على 18% مصممين عالميين للمشرع واللاند سكيب ومعمول سمارت هوم بيبيعوا المتر
                          ب 11000 والصيانه 10 % هما لسه معملوش الاعلانات بتعتو بس المبيعات شغاله . ماونتن فيو بيبيعو النهارده المتر ب 9800 انا محتار بينهم فياريت حضرتك ترشحلي مين فيهم او لو في حاجه افضل مع الاسباب
                          مع جزيل الشكر

                          Comment


                          • المشاركة الأصلية كتبت بواسطة الفجر مشاهدة المشاركة
                            الراجل كاتبب غى اول سطر من الموضوع انة طبيب وكان عايش فى امريكا تيجى حضرتك فى الاخر تقولة يا هندسة ويا باشمهندش !!!!!! عيب والله الكلام دة

                            سمحنا يا دكتور على الكلام االلى كان كاتبة الاخ
                            السلام عليكم، انا اسف للدكتور لو زعل من و صفة بباشمهندس عن طريق الخط و ذلك ﻻلمامة الشديد بالأمور العقاريه ليس إلا و لم التفت ( سهوا منى ) لكلمة طبيب و شكرا لة لتقبل الأمر بصدر أكثر رحابة من حضرتك و ردك الجاف.....و على فكرة انا دكتور و أستاذ جامعة كمان مش سواق ميكروباص بتقول للناس يا هندسة و أخيرا تقبل دكتور اعتزارى

                            Comment


                            • المشاركة الأصلية كتبت بواسطة barsim مشاهدة المشاركة
                              بيبيعوا المتر
                              ب 11000 والصيانه 10 %
                              يا نهار ابيض ايه الاسعار المجنونه دى

                              Comment


                              • المشاركة الأصلية كتبت بواسطة wael مشاهدة المشاركة
                                السلام عليكم، انا اسف للدكتور لو زعل من و صفة بباشمهندس عن طريق الخط و ذلك ﻻلمامة الشديد بالأمور العقاريه ليس إلا و لم التفت ( سهوا منى ) لكلمة طبيب و شكرا لة لتقبل الأمر بصدر أكثر رحابة من حضرتك و ردك الجاف.....و على فكرة انا دكتور و أستاذ جامعة كمان مش سواق ميكروباص بتقول للناس يا هندسة و أخيرا تقبل دكتور اعتزارى
                                يا راجل زعل ايه بس ايه الى جاب اى زعل فى الموضوع و على فكرة انا برضه مش طبيب انا حامل لشهادة دكتوراة من Wharton Business School , Pennsylvania فى مجال الهندسة المالية للتسهيل يعنى فى الاساليب المتقدمة للاستثمار

                                Comment

                                Working...
                                X