إعـــــــلان

Collapse

.

,
See more
See less

ما خاب من استشار تحت امركم فى اى استشارات مالية او عقارية

Collapse
X
 
  • Filter
  • الوقت
  • Show
Clear All
new posts

  • المشاركة الأصلية كتبت بواسطة khaledelshafie مشاهدة المشاركة
    صباح الخير

    للمهتمين
    فيه كومباوند اسمه ليان بعد الجامعة الامريكية التجمع الخامس بتاع صبور ومعاه شركة كويتية
    عبارة عن فيلات وتاون هاوسز وتوين هاوسز
    باعوا المرحلة الاولى بالكامل وقريبا هيطرحوا المرحلة الثانية
    سعر المتر في وحدات resale يبدا من 9000 جنيه
    بس الميزة ان المقدم المطلوب مش كبير والقسط على ست سنوات
    وشكله هيكون كومباوند راقى
    وكمان توجد وحدات resale في ماونتن فيو هايد بارك وبسعر اقل من الشركة بس المشكلة ان المقدم بيكون كبير مش اقل من مليون علشان المالك بيكون عايز اللى دفعه بالاضافة الى أوفر مناسب
    كم سعر 170 متر resale فى هايد بارك
    <!--sizeo:4--><!--/sizeo-->[CENTER]<!--sizeo:4--><!--/sizeo-->[B]سبحان الله و بحمده سبحان الله العظيم
    اللهم لك الحمد ولك الشكر كما ينبغى لجلال وجهك وعظيم سلطانك
    اللهم اغفر للمسلمين و المسلمات و المؤمنين و المؤمنات الاحياء منهم و الاموات[/B][/CENTER]

    Comment


    • المشاركة الأصلية كتبت بواسطة egyptawy2010 مشاهدة المشاركة
      كم سعر 170 متر resale فى هايد بارك

      الاسعار بتتفاوت جدا على حسب الفيو والمرحلة وكورنر ولا واجهة وهكذا
      انا لسه قارى اعلان عن تاون هاوس مبانى 140 متر وارض 220 متر عامل مليون و870 الف في هايد بارك ....
      حضرتك ادخل ع الفيس بوك وادحل على صفحة connect homes , وصفحة property advisors
      هتلاقى حاجات كتيرة معروضة في كومباوند ليان وهايد بارك وماونتن فيو هايد بارك وقطامية جاردنز وكلها وحدات resale وكله مدعم بالصور والبيانات والمقدم المطلوب وطرق السداد
      بالتوفيق ان شاء الله

      Comment


      • د/محمد ترجعلنا من السفر بالسلامه إن شاء الله

        أولاً انا بتفق مع حضرتك جداً في موضوع الإستثمار الصناعي وإن التوجه للأسف للإستثمار العقاري قلباً وقالباً.

        وأنا للأسف هسأل حضرتك في الإستثمار العقاري ، أنا متابع مشاركات حضرتك من فتره وحضرتك مره رديت عليا في موضوع

        كنت بتكلم فيه إننا نبني فيلا في القرنفل او التمر حنه ولكن الموضوع فشل لأني سألت في جهاز المدينه وترخيص

        الفيلا هيكون 4 شقق فقط .

        عموماً أجي لسؤالي لحضرتك ، التوسعات الشماليه في 6 أكتوبر ، الميزانيه إلي معايا 650 كاش ، و 200 مجمدين في عقار

        فا حضرتك تنصحني أنزل ادور فين في التوسعات الشماليه ؟ فين بالظبط ؟ متوسط الاسعار هناك إيه ؟ مدخلها منين او اروحلها ازاي ، السكن هناك متاح بعد كام سنه

        والترخيص بيكون قد ايه في الارتفاع ؟

        يا ريت حضرتك تديني معلومات عنها لأني بعد نصايح حضرتك قررت اشتري فيها بس عايز اشتري في مكان كويس وليه مستقبل ، وإن شاء الله أنا ناوي ابني مش ناوي اشتري وابيع .

        شكراً مقدماً لحضرتك يا دكتور وربنا يجعله في ميزان حسناتك ، ومنتظر رد حضرتك لما ترجع من السفر إن شاء الله .

        Comment


        • السلام عليكم
          اقدم اعتذارى للتاخير فى الردود و الله غصب عني
          الحقيقة كل مبسافر بره مصر بيصعب على حال البلد و بجد بحاول اكون متفائل بس العالم حولنا بتقدم كل يوم خطوة و احنا بنرجع خطوات عامة ده مش موضوعنا فى الاول هرد على كل التساؤلات الى فى الموضوع

          Comment


          • المشاركة الأصلية كتبت بواسطة hanan ahmed مشاهدة المشاركة
            فيه شركات بتعمل عقود بيع على انها ارض استثمارية بناء على أساس انها معاها ورق بكده وفيه وزارة البترول واخدة هناك وشركة النصر وناس بنت انا زرتها ولاقيت فلل على الواجهة ومن وراء الفلل مبانى بس قليل ... واخر حاجة انها دخلت تبع العبور .... هل فيه احتمال ان العقود دى لن يعترف بها من قبل جهاز العبور ...
            انا عارف القادسية كويس و عارف ان فيه ناس بنت هناك و فيلل و قصور بس انا بقول لحضرتك انها غير مقننة كارض بناء يعنى فيها مشاكل مع الدولة القطع الى على الواجهة الى كانت من الاول مخصصة مبانى الى هى ٥٠٠ متر دى من الاول تخصيص مبانى انما الارض الزراعية الى اتقسمت دى تخصيص زراعى و لازم فيها التصالح
            و مش معنى ان جمعيات العاملين فى وزارة او مصلحة حكومية خدت ارض هناك ان وضعها مقنن و علشان اضرب لحضرتك مثل شوفى سعر المتر فى القادسية فى اى تقسيم كام و سعرالمتر فى العبور او الشروق او حتى العاشر كام
            بصراحة البلد دلوقتى مش بتاعة مغامرة فى القوانين. و لو الحد حب يغامر يبقى بمبلغ صغير ده راى الشخصى

            Comment


            • المشاركة الأصلية كتبت بواسطة Boriooo مشاهدة المشاركة
              د/محمد ترجعلنا من السفر بالسلامه إن شاء الله
              ............................

              عموماً أجي لسؤالي لحضرتك ، التوسعات الشماليه في 6 أكتوبر ، الميزانيه إلي معايا 650 كاش ، و 200 مجمدين في عقار

              فا حضرتك تنصحني أنزل ادور فين في التوسعات الشماليه ؟ فين بالظبط ؟ متوسط الاسعار هناك إيه ؟ مدخلها منين او اروحلها ازاي ، السكن هناك متاح بعد كام سنه

              والترخيص بيكون قد ايه في الارتفاع ؟

              يا ريت حضرتك تديني معلومات عنها لأني بعد نصايح حضرتك قررت اشتري فيها بس عايز اشتري في مكان كويس وليه مستقبل ، وإن شاء الله أنا ناوي ابني مش ناوي اشتري وابيع .

              شكراً مقدماً لحضرتك يا دكتور وربنا يجعله في ميزان حسناتك ، ومنتظر رد حضرتك لما ترجع من السفر إن شاء الله .

              التجمعات الشماليه فيها مكانين بيتباعم :
              1- القرعه القديمه و دي قدام بورتو اوكتوبر و ماونتن فيو - و دي اتسلمت خلاص في شهر يناير اللي فات و كمان ابتدت ناس ترخص فيها
              شروط البناء دور بدروم و ارضي و تلاته متكرر
              السعر : 3 سنين فتره سماح + تقسيط على 7 سنين بعدها (ببلاش يعني)
              سعر السوق : اقل بون اعتقد يعمل 800 و ممكن يوصل ل 2 مليون حسب المساحه و الموقع

              اغلب القطع مساحتها 450 متر بنسبه بناء 45%

              2-
              القرعه بتاع الاسكان الاجتماعي : و دي فيها مساحتين 200 متر و 250 متر تقريبا
              سعر البون وصل 600 - تقريباااااااااا

              التدوير طبعا عن طريق سماسره و مكاتب بس احذر النصب طبعا
              علشان خاطر حضرتك في المنتدى - انا مابحبش اتدخل في الحاجات دي اساسا- انا ممكن اعرفك عل صديقي اللي خلصلي في الشماليات هو محامي و مقاول - و برضه بياخد حسنته في السمسره بس بجد محترم ..
              الموقع :
              Wikimapia - Let's describe the whole world!

              Comment


              • المشاركة الأصلية كتبت بواسطة hesham fawzy h مشاهدة المشاركة
                لو معايا 200 الف و عايز اعمل بيهم مشروع اعمل اييية بعيد عن العقارات

                عايز حاجة تكون دورة راس المال سريعة

                و لسة معنديش خبرة فى اى مجال
                اقول لحضرتك دورة راس المال السريعة محتاجة مشروع تجارى و انا مقتنع ان تسعة اعشار الرزق فى التجارة بس انا الحقيقة مش متخصص فى المشاريع التجارية ممكن اقول لحضرتك مثلا لو عايز تستورد حاجة من بره لكن تفاصيل المشاريع التجارية و اسرارها مش عندى انا زى مقولت متخصص فى الجوانب المالية و العقارات و المشاريع الصتاعية فقط
                و عايز راى بلاش تغامر بدون خبرة و فى الحالة القائمة فى البلد حاليا. الحقيقة معظم المشاريع التجارية بتعانى لنقص السيولة

                Comment


                • المشاركة الأصلية كتبت بواسطة hisho1 مشاهدة المشاركة
                  فى البداية, لازم اشكرك يا دكتور على وقتك و مجهودك و اخلاصك فى النصيحة,

                  سؤالى, اذا كنت عايز استثمر بشراء عقار, ففكرت بطبيعة الحال فى حاجة فى مونتن هايد بارك,
                  تفكيرى انى اخد شقة فى حدود 180م مش فيلا عشان اولا, لو حصل مشكة مبقاش خسرت كتير, ثانيا, لو عايز ابيع بتبقى اسرع من الفيلا و فى الاخر الاتنين هيحققوا نفس الربح, ايه رأآ حضرتك؟

                  الشركة عندها حاجات فى المرحلة الجديدة و عندها حاجات resale من المراحل اللى قبل كده, ايهما تنصحنى بيه يا دكتور من وجهة نظر الاستثمار, علما يانى مش مستعجل

                  بكرر شكرى على وقتك يا دكتور
                  اقول لحضرتك فيلا او شقة مش هتفرق ده على حسب امكانياتك المالية و احسن سعر تقدر تاخد بيه سواء resale او من الشركة
                  مشروع هايد بارك ليه مزايا اكيد و اهم ميزة المساحة الكبيرة و التصميم و الخدمات علشان كده هو هيكون ليه مستقبل يعنى مش هتخسر ان شاء الله فى جميع الاحوال
                  و عايزك تاخد بالك و تفكر فى كلامى كويس الاستثمار العقارى بطبيعته طوبل الاجل يعنى بنتكلم فى اقل مدى زمنى ٥ سنوات اتحقيق العائد بتاعه ممكن طبعا فى بعض الاحيان يبقى اقل من كده او اكتر من كده بس ده الاستثناء يعنى لو حضرتك فيه احتمال انك تحتاج الفلوس قبل كده او تسافر بره البلد مثلا يبقى مفيش داعي للاستثمار العقارى الا فى حدود المبلغ الى مش هتحتاجه خلال فترة الخمس سنوات دول
                  و من كلامك راى تاخد الشقة مش الفيلا

                  Comment


                  • المشاركة الأصلية كتبت بواسطة رحالة مشاهدة المشاركة
                    لو سمحت ايه رايك في اراضي الريف الاوروبي، هل وضعه امان والا فيه مشاكل في الملكية
                    مفهوش مشاكل فى الملكية الارض مخصصة بالفعل من فترة كبيرة المشكلة الوحيدة بتبقى فى الاستخدام لان التخصيص زراعى و تجاوز النسبة البنائية عليه غرامة كبيرة لو حدث فيه تجاوز

                    Comment


                    • المشاركة الأصلية كتبت بواسطة محمد عز مشاهدة المشاركة
                      السلام عليكم يادكتور محمد

                      ربنا يجزيك خير ويوفقك لكل صالح

                      مجهود عظيم وافادة جميلة

                      كنت عايز استشيرك ، ناوى اشترى شقى في مدينتي 200 متر بحوالي مليون ونص أقساط على 4 سنين

                      متشطبة تشطيب عادى وجاردن فيو

                      ايه رايك ؟
                      اقول لحضرتك انا من سكان الرحاب و بصراحة مش عاجبنى الوضع فيها حاليا بامقارنة بسعرها و عارف ان مدينى اسوء كمان من الرحاب فالمبلغ ده بصراحة عالى على مدينتى و ممكن تجيب بيه حاجة كويسة جدا فى التجمع نفسه فى اى مشروع جديد انت بس خصص يومين كده تلف فى التجمع و هتلاقى حاجات ممتازة اقل من كده كمان و هتلاقى فى الشروق كمان حاجات ممتازة اقل من كده

                      Comment


                      • المشاركة الأصلية كتبت بواسطة aminibrahim مشاهدة المشاركة
                        دكتور محمد الفاضل بعد التحيه
                        انا راجل كنت شغال في السياحه وبعدين عملت شركة سياحه مع واحد شريكي واهي ماشيه مع ان الظروف صعبه جدا ومش واضح للبلد معالم
                        وكنت قاعد في اسوان في بيتي في ارقي احياءها بيسموه اطلس ونظرا لظروف قهريه ها نقل القاهره في شقتي في الشروق في اسكان مبارك ٧٠ متر وفارشها كويس
                        السؤال هل ااجر الشقه اللي اسوان هي مفروشه لوكس المساحه ١٤٠ م وغاز ونت وكل ماتتخيل فيها لانه بيتي والا ابيعها وهلالايجار يبقي كام ؟
                        ثانيا نفسي ااعمل مشروع بره السياحه ففكرت ابيع نصيبي من الشركه وابيع البيت في اسوان واشتغل في العقارات
                        ثالثا ،، انا ممكن اوفر مبلغ٢٠٠ الف جنيه دون البيع بس مش عارف اعمل ايه بيهم
                        يا ريت المشوره
                        اجاوبك واحدة واحدة
                        طبعا انا مقدرش احددلك الايجار هيبقى كام بالضبط ده انت ممكن تعرفوا اكتر منى بي هساعدك فى قرار الايجار
                        انا فى تخيلى مثلا ان الايجار هيبقى فى حدود ٢٥٠٠ الى ٣٠٠٠ جنيه فى الشهر لو مفروشة لوكس و يبقى من ١٥٠٠ الى ٢٠٠٠ لو فاضية طبعا ده تقدير ممكن يبقى مش صحيح بس ده مقارنة بموقع مثيل فى الغردقة مثلا
                        حضرتك شوف الفرش يكلفك كام دلوقتى بنفس المستوى و اخصم منه استعمالك و اعمل حسابك ان الفرش ده هيعقد ٥ سنوات بس لو اجرت مفروش بشكل مستمر
                        هضربلك مثل انا عندى شقة فى الغردقة فرشتها على اعلى مستوى ممكن كلفتها حوالى ٧٠ الف فرش لو حبيت ااجرها هتجيبلى ٣٠٠٠ جنيه فى الشهر و لو اجرتها فاضية هتجيبلى حوالى ١٨٠٠ جنيه يعنى الزيادة حوالى ١٢٠٠ جنيه فى السنة حوالى ١٤ الف جنيه فى ٥ سنوت حوالى ٧٠ الف لغاية دلوقتى متردد فى قرار التاجير و بفكر يا اما اخليها او ابيعها لان العملية متساوية تقريبا
                        بانسبة لقرار البيع الحقيقة اسوان من المدن المظلومة فى الوقت الحالى رغم جمالها و انا مقتنع ان هيجى اليوم الى هتاخد فيه و ضعها فبلاش تبيعها و انت لسة مش عارف هتعمل ايه بالفلوس الشقة دى امان ليك
                        الحقيقة وضع مصر كاستثمار صعب شوية دلوقتى نتيجة اوضاع كتير مش مجال ذكرها شغل العقارات كويس مش وحش بس علشان تبدا تشتغل صح محتاج حوالى ٣ او ٤ مليون جنيه لو متوفر المبلغ ده معاك او ممكن تجيب شركاء هقولك تبدا ازاى بطريقة عملية و مربحة و غالبا هتبدا فى التجمع او الشروق علشان اقرب ليك و لفكرة ببساطة انك هتشترى ارض و تبدا فى ترخيصها و حفرها و تبدا تبيعها شقق بالتقسيط على اربع سنوات بمقدم ٤٠ ٪ مثلا و بعدين تاخد المقدم و تشترى بيه ارض تانية و تكرر الموضوع و هكذا و تبنى من الاقساط الدورية الى هتجيلك كل شهر
                        العملية دى بتبقى محتاجة نموذج تدفقات نقدية علشان تظبطها cashin/cashout لو قررت تبدا فيها انا هعملهولك بنفسى دون اى مقابل
                        ٢٠٠ الف جنيه بالنسبة لظروفك مش هيعملوا حاجة ممكن اساعدك لو قررت تشتغل فى الاستيراد مثلا

                        Comment


                        • ايه راى حضرت فى السكن فى كمبوند بفرلى هيلز فى الشيخ زايد

                          الناس كلها بتشكر فيه لكن الا انا ملاحظه انى اسعاره لا ترتفع زى الرحاب

                          ياترى لو بافكر فى حاجة للسكن وفى نفس الوقت اكسب لما ابيع ياترى تنصحنى بيه
                          <!--sizeo:4--><!--/sizeo-->[CENTER]<!--sizeo:4--><!--/sizeo-->[B]سبحان الله و بحمده سبحان الله العظيم
                          اللهم لك الحمد ولك الشكر كما ينبغى لجلال وجهك وعظيم سلطانك
                          اللهم اغفر للمسلمين و المسلمات و المؤمنين و المؤمنات الاحياء منهم و الاموات[/B][/CENTER]

                          Comment


                          • حمد الله عل السلامه يا دك محمد
                            معلش انا تخطيتك و رديت عل الاستاذ بوريو على اساس ان عندي شويه معلومات عن التوسعات الشماليه

                            Comment


                            • المشاركة الأصلية كتبت بواسطة boriooo مشاهدة المشاركة
                              د/محمد ترجعلنا من السفر بالسلامه إن شاء الله

                              أولاً انا بتفق مع حضرتك جداً في موضوع الإستثمار الصناعي وإن التوجه للأسف للإستثمار العقاري قلباً وقالباً.

                              وأنا للأسف هسأل حضرتك في الإستثمار العقاري ، أنا متابع مشاركات حضرتك من فتره وحضرتك مره رديت عليا في موضوع

                              كنت بتكلم فيه إننا نبني فيلا في القرنفل او التمر حنه ولكن الموضوع فشل لأني سألت في جهاز المدينه وترخيص

                              الفيلا هيكون 4 شقق فقط .

                              عموماً أجي لسؤالي لحضرتك ، التوسعات الشماليه في 6 أكتوبر ، الميزانيه إلي معايا 650 كاش ، و 200 مجمدين في عقار

                              فا حضرتك تنصحني أنزل ادور فين في التوسعات الشماليه ؟ فين بالظبط ؟ متوسط الاسعار هناك إيه ؟ مدخلها منين او اروحلها ازاي ، السكن هناك متاح بعد كام سنه

                              والترخيص بيكون قد ايه في الارتفاع ؟

                              يا ريت حضرتك تديني معلومات عنها لأني بعد نصايح حضرتك قررت اشتري فيها بس عايز اشتري في مكان كويس وليه مستقبل ، وإن شاء الله أنا ناوي ابني مش ناوي اشتري وابيع .

                              شكراً مقدماً لحضرتك يا دكتور وربنا يجعله في ميزان حسناتك ، ومنتظر رد حضرتك لما ترجع من السفر إن شاء الله .
                              الترخيص فى القرنفل و التمر ٦ شقق مش ٤ لانك بتدفع غرامة الدور التانى الى هيه ٢٥ ٪ من سعر الارض المخصصة بيه يعنى بتدفع حوالى ٨٠ الى ١٢٠ الف على حسب مساحة الارض و ممكن بعد متخلص بناء و تدخل الكهرباء ترفع قضية فى مجلس الدولة و تستردهم كمان
                              التوسعات الشمالية حضرتك بتمشي فى المحور لغاية متوصل لمول العرب و تخش من عنده يمين كانك طالع على طريق اسكندرية الصحراوى. و ترجع تلف كانك طالع على نادى الصيد هى كل المنطقة الى ورا نادى الصيد و انت مكمل لغاية الاخر
                              اشتراطتها برضه فيلات ارض و دورين و مستقبلها كويس و السكن هناك هيكون مستقر فى فترة من ٣ الى ٥ سنوات و ممكن اقل لو ظروف البلد استقرت اسرع
                              القرار انت الى هتخده وفقا لظروفك لان سكان شرق القاهرة نفسيا بيحبوا التجمع و سكان غرب القاهرة نفسيا بيحبوا اكتوبر
                              بس الاتنين كويسين كسكن و ان كان التجمع اغلى و اسهل فى البيع لقربه من القاهرة و وسط البلد و كثرة محاوره

                              Comment


                              • المشاركة الأصلية كتبت بواسطة wawamoha مشاهدة المشاركة
                                حمد الله عل السلامه يا دك محمد
                                معلش انا تخطيتك و رديت عل الاستاذ بوريو على اساس ان عندي شويه معلومات عن التوسعات الشماليه
                                ياباشا متقولش الكلام ده دا انا المفروض اشكر حضرتك

                                Comment

                                Working...
                                X