ما خاب من استشار تحت امركم فى اى استشارات مالية او عقارية

[egyptawy2010]

ايه رايك يافندم فى مشروع تاج سلطان الا تقاطع الدائرى مع طريق السويس

[Mohamed_Ayman]

سيدى الفاضل ، جزاك الله خيرا ..

بخصوص الاستثمار فى شالية بحيث يكون فسحة فى الأجازات للأسرة وممكن يتأجر باقى العام ،
ويكون استثمار طويل المدى ، يفضل السداد بمقدم وأقساط. ويفضل متشطب.

ما هى أفضل الأماكن "السخنة ، رأس سدر ، الساحل"؟ ، من حيث الاستثمار ، القرب من القاهرة ، المكان المميز ، موقع الشالية فى القرية ، الخدمات ، التشطيب

ما هى أفضل الشركات ، المنتجعات ، وهل الشراء من الشركات العقارية أفضل "تحت الانشاء" أم من الأفراد.

دمتم فى حفظ الله ،

[hussein]

الموضوع ماشاء الله عليه مميز جدا

[buisnessman]

الموضوع ده وقف ليه فجأة كدة ؟

[mfe]

انا اسف للجميع حاولت ارد على كل الاستفسارات الممكنة سواء فى الموضوع او على الخاص و لكن ارجو العذر من الجميع الحقيقة ظروف السفر و العمل بتخلى الواحد مرهق جدا حتى عن المتابعة و عامة انا تحت امر اى حد ليه استقسار بقدر استطاعتى لغاية ميعاد سفرى الشهر الجاى ان شاء الله

[mfe]

ايه رايك يافندم فى مشروع تاج سلطان الا تقاطع الدائرى مع طريق السويس

اقول لحضرتك حاجة شركة مدينة نصر من اعرق الشركات العقارية مشكلتها حاجة واحدة ان استايل الادارة فى الشركة قديم جدا لسة بتعاملوا انهم قطاع عام و ده ليه مميزات و عيوب
نبدا بالعيوب
الاهتمام غير الكافى او ممكن نقول عدم الخبرة الكافية فيما يتعلق باللاند سكيب و الطراز المعمارى و ده اصبح شئ هام اجدا و ده انعكس على مشاريعهم السابقة زى الواحة مثلا ممكن تقول عليها اسكان اقتصادى فاخر مش كومباوند زى ماونتن فيو مثلا
المزايا طبعا الموقع و مصداقية الشركة

[Mohamed_Ayman]

انا اسف للجميع حاولت ارد على كل الاستفسارات الممكنة سواء فى الموضوع او على الخاص و لكن ارجو العذر من الجميع الحقيقة ظروف السفر و العمل بتخلى الواحد مرهق جدا حتى عن المتابعة و عامة انا تحت امر اى حد ليه استقسار بقدر استطاعتى لغاية ميعاد سفرى الشهر الجاى ان شاء الله

حمدا لله على سلامتك لو ممكن لرد على استفسارى ، وجزاك الله خيراً

[mfe]

سيدى الفاضل ، جزاك الله خيرا ..

بخصوص الاستثمار فى شالية بحيث يكون فسحة فى الأجازات للأسرة وممكن يتأجر باقى العام ،
ويكون استثمار طويل المدى ، يفضل السداد بمقدم وأقساط. ويفضل متشطب.

ما هى أفضل الأماكن "السخنة ، رأس سدر ، الساحل"؟ ، من حيث الاستثمار ، القرب من القاهرة ، المكان المميز ، موقع الشالية فى القرية ، الخدمات ، التشطيب

ما هى أفضل الشركات ، المنتجعات ، وهل الشراء من الشركات العقارية أفضل "تحت الانشاء" أم من الأفراد.

دمتم فى حفظ الله ،

الحقيقة سؤالك صعب جدا الاجابة عليه بشكل عام كده فى سطور و لكن هاحاول
اولا قاعدة عامة معظم الى بيشترى شاليه على مزاجه و يفرشه على مزاجه مبياجرش لان ثقافة الايجار فى مصر بشعة تقدر توصفها بالثقافة التدميرية او الانتقامية من صاحب الشاليه و من مرافق القرية نفسها فمسالة الايجار دى خليها على جنب الا لو عايز الشاليه يجيبلك عائد بس و فى الحالة دى افضل ليك تشترى فى محافظتك السكنية و تاجر هناك هيبقى عائد اعلى
الاستثناء الوحيد هو العين السخنة ناحية السويس و ده لانها بتتاجر طول السنة لمديرى شركات البترول الاجانب و عائدها كويس بس اسعارها نار
الترتيب الحالى للمناطق بعيد عن عاطفتى الشخصية من ناحية الاسعار
هو العين السخنة
الساحل الشمالى
راس سدر
بس عللشان تستمتع و تتفسح
و علشان الاستثمار طويل الاجل
يبقى الترتيب
راس سدر الارخص و الاجمل من وجهة نظرى و ان كانت وسائل الترفيه هناك محدودة جدا
الساحل الشمالى اسعاره غالية نسبيا بس فى اماكن مميزة بحرى و قبلى الطريق ووسائل الترفيه متوفرة
السخنة. اغلاهم حاليا نظرا لقربها من القاهرة ووسائل الترفيه اقل من الساحل و الجو هناك حر جدا فى الصيف

[MuhamedNabil]

حمدا لله على السلامة د.محمد

كنت حابب اعرف هل فى طريقة او حسبة ممكن عن طريقها اقيم سعر ارض. يعنى لو سعر المتر فى الشقق 1000 جم هل ممكن منه استنتج سعر متر الارض يساوى كام ؟
بسأل عشان عايز اقيم ارص بتاعت ولدتى و مش عارف احط سعر

سؤال تانى و برده فى كمبوند صغير اسمه الشروق جاردنز يترى عندك فكره عنه ؟ الشركة اسمها الحلوانى جروب

معليش انا اسف على الطفاسة فى الاسئلة :)

[subhimust]

موضوع جميل

[mfe]

حمدا لله على السلامة د.محمد

كنت حابب اعرف هل فى طريقة او حسبة ممكن عن طريقها اقيم سعر ارض. يعنى لو سعر المتر فى الشقق 1000 جم هل ممكن منه استنتج سعر متر الارض يساوى كام ؟
بسأل عشان عايز اقيم ارص بتاعت ولدتى و مش عارف احط سعر

سؤال تانى و برده فى كمبوند صغير اسمه الشروق جاردنز يترى عندك فكره عنه ؟ الشركة اسمها الحلوانى جروب

معليش انا اسف على الطفاسة فى الاسئلة :)

تامر ياباشا
الارض حسبتها معقدة بس نحاول نبسطها شوية
اول حاجة نحسب مضاعف مساحة المبانى الى مساحة الارض طب الكلام ده يعنى ايه نبسطها شوية
يعنى لو انت عندك ارض الف متر مثلا و هتبنى على ٥٠٪ من المساحة ١٠ ادوار و روف على ٢٥٪ يبقى انت بنيت ١٠ ادوار مضروبة فى ٥٠٠ متر يضاف لها ١٢٥ متر المبنى من الروف
اجمالى مساحة المبانى هيبقى ٥١٢٥ متر يبقى المضاعف ٥.١٢٥ مرة
تانى حاجة نحسب سعر المبانى كبيع و ليكن ثلاثة الاف جنيه للمتر مثلا
ثالث حاجة نحسب تكلفة المبانى و ليكن ١٠٠٠ جنيه للمتر
رابعا نحسب هامش الربح و ليكن ٥٠ ٪ من سعر المبانى يعنى ٥٠٠ جنيه للمتر
خامسا نطرح التكلفة و هامش الربح من سعر المبانى هيتبقى ١٥٠٠ جنيه للمتر
تضرب الناتج فى المضاعف هيتحدد سعر الارض تقريبا يعنى فى حالتنا هيبقى ٧٦٨٧ جنيه للمتر تقريبا
لو فيه تجارى بيتحسب ثلاثة اضعاف السكنى لتحديد المضاعف و البدروم بيتحسب نصف السكنى
بالنسبة للشروق الحقيقة انا معنديش تفاصيل عن المشروع ده مجرد سمع انه كان متوقف لفترات طويلة اخاف اقولك حاجة تطلع غلط بس خد بالك الشروق فيها مشروعات كتير عندها مشاكل احسن حاجة اسال فى الجهاز هناك. و اهم حاجة توصيل المرافق سيبك من البناء المهم المرافق ممكن يبقى المشروع مكتمل تقريبا لكن بسبب المشاكل مع الجهاز او عدم القدرة على سداد المرافق المشروع مفهوش مياه و لا كهرباء

[Ah.Farid]

لو سمحت يا دكتور
معلومات اكتر عن السبائك السويسرية وما هى الافضلية عن سبائك الذهب
شكرا مقدما

الف حمد لله على العودة وبالتوفيق دائما
سؤالى توقعاتك لهبوط الذهب حاليا ممكن يوصل لغاية فين ؟
سعر السبيكة حاليا 1218 $ ودة بيمثل اكبر انخفاض بنسبة 30% حتى اﻻن
واية هى العناصر او محددات صعود او انخفاض السعر ان امكن
ولك الشكر

[mfe]

الف حمد لله على العودة وبالتوفيق دائما
سؤالى توقعاتك لهبوط الذهب حاليا ممكن يوصل لغاية فين ؟
سعر السبيكة حاليا 1218 $ ودة بيمثل اكبر انخفاض بنسبة 30% حتى اﻻن
واية هى العناصر او محددات صعود او انخفاض السعر ان امكن
ولك الشكر

بص ياباشا اصعب حاجة فى الدنيا هى التنبؤ بسعر المعادن و خاصة الذهب و الفضة و اهم سبب ان الطلب و العرض عليها مرتبط بالمؤشرات الاقتصادية من ناحية و مرتبط بالاستهلاك فى الاستخدامات الصناعية و الشخصية و الحلى من ناحية اخرى
بس بصفة عامة هى ارتباطها عكسى مع مؤشرات النمو الاقتصادى و سعر الفايدة فى الوقت نفسه خلينى اوضح
الذهب يعتبر وسيلة امان فى اوقات الكساد او التدهور الاقتصادى اما حصلت الازمة المالية العالمية فى ٢٠٠٨ بدا المستثمرين يشتروا الذهب كملاذ امن و بالتالى تضاعف السعر ثلاث مرات تقريبا اما بدات الازمة تخف و بدا الانتعاش الاقتصادى مبقاش فيه لازمة للاحتفاظ بالذهب فبدا سعره ينخفض بالتدريج حتى الان طب ايه المتوقع
كان فيه كلام عن رفع سعر الفايدة فى امريكا للسيطرة على التضخم المتوقع نتيجة تحسن المؤشرات الاقتصادية اعلى من الازم ده هيخلى سعر الذهب ينخفض اكتر
انما لو حصل ان المؤشرات الاقتصادية تدهورت او بقى فيه صراع عالمى بشكل ما او باخر يبقى الكلام مختلف تماما

[الفجر]

استاذنا الفاضل
صديق بيشتغل فى سعودية وراجع فى اجازة الايام دى المهم ............. عايز توين هاوس او دوبلكس او حتى بنت هاوس داخل كمبوند تشطيب سوبر لوكس فى القاهرة الجديدة فى حدود ال 2ونص مليون جنية فقط
ترشحلة اى منطقة ؟؟؟

بالم هيلز او ميد تاون او ستون بارك او مونت فيو ؟ او ترشلحة حاجة على زوقك فى حدود المبلغ المذكور فقط ؟؟

رجاء الرد لان صديقى عايز يشترى عشان تجوز بسرعة

[mfe]

استاذنا الفاضل
صديق بيشتغل فى سعودية وراجع فى اجازة الايام دى المهم ............. عايز توين هاوس او دوبلكس او حتى بنت هاوس داخل كمبوند تشطيب سوبر لوكس فى القاهرة الجديدة فى حدود ال 2ونص مليون جنية فقط
ترشحلة اى منطقة ؟؟؟

بالم هيلز او ميد تاون او ستون بارك او مونت فيو ؟ او ترشلحة حاجة على زوقك فى حدود المبلغ المذكور فقط ؟؟

رجاء الرد لان صديقى عايز يشترى عشان تجوز بسرعة

سيدى الفاضل كل الى انت قولتهم دول تحت الانشاء تسليم من عامين الى ٥ اعوام يعنى مفيش موضوع الجواز بسرعة او السكن الفورى
عايز نصيحتى صديقك لازم ينزل يتفرج بنفسه المبلغ مش قليل علشان يشترى على السمع او السمعة
نصيحتى انا لو هختار هختار ماونتن فيو هايد بارك و ده لنفسى و تانى اختيار هيكون بالم هيلز او الباثيو هبعد تماما عن. ستون بارك
نصيحة تانية فى العقارات اسوء حاجة كلمة بسرعة و الاستعجال الا لو كانت فرصة لا تعوض و ده اكيد مش فى حالة صاحبك الى مش متابع السوق العقارى فى مصر الا من الاعلانات خليه ينزل و ياخد وقته ويدور و لو مستعجل ممكن ياجر فيلا او شقة لغاية ما يلاقى الى هو عايزه