"عيادة طب الاطفال للإستشارة

[aymanmaly]

السلام عليكم
لية استشارة عند حضرتك يا دكتور
انا لية بنت شهر 11 القادم تتم 7 سنوات
المشكلة فى تغير او تبديل الاسنان
السنتين الاماميتين فى الفك الاسفل تم تبديلهم و طلعو حاجة بسيطة جدا و ماكتملش نمو السنة المستبدلة من اكثر من خمسة اشهر مع العلم ان و احدة منهم تم شيلها عن طريق طبيب اسنان
و من حوالى شهرين سنة امامية من الفك العلوى بتتلخلخ بسيط بس من اسبوع كدة بدات الاسنان الامامية فى الفك العلوى كلها تفرق بين الاسنان
فارجو افادتى بالرأي المبدأي للاطمئنان
و بعد كدة ارجو النصيحة متابعة الموضوع دة مع طبيب اطفال ولا اسنان
ولو اسنان ترشحلى طبيب معين لانى معرفش طبيب اسنان اطفال كويس
شاكر اهتمامك

[د.محمود صلاح]

أرجو زيارة دكتور أسنان .. وان شاء الله خير

يفيدك دكتور احمد سامي في موضوعه المثبت عن أقرب دكتور اسنان كويس لديك

[melmegharbel]

السلام عيكم ورحمة الله وبركاته

بدايةً أود أن اقدم شكرى للدكتور محمود على المجهود المبذول، فجزاك الله خيراً.

انا ابنى عمره حالياً شهر وقد قمت بعمل تحليل دم بعد ولادته بخمسة أيام لقياس الصفراء فوجدت أن النسبة هى 13.75، فانتظرت خمسة أيام أخرى وقمت بإعادة التحليل فاصبحت النسبة 13.41، ثم إنتظرت حتى بلغ شهر وأعدت التحليل فاصبحت النسبة 10.85.

بماذا تنصح يا دكتور محمود؟

[د.محمود صلاح]

وعليكم السلام ورحمة الله وبركاته ..
يحتاج لعدة فحوصات متدرجة لمعرفة سبب ارتفاع الصفراء حتى سن شهر , النسبة دي عالية بس مش خطيرة .

توجد أسباب وراثية للصفراء وقد تحتاج علاج دوائي .

توجد أسباب للصفراء متعلقة بالرضاعة الطبيعية حيث تنخفض عند ايقاف الرضاعة الطبيعية لمدة 3 أيام واستبدالها بتغذية صناعية .

كما توجد أسباب أخرى كثيرة جداً ,,

الرجاء المتابعة مع أخصائي طب حديثي الولادة ويفضل تابع للتامين الصحي حتى لا تتكبد الكثير من ثمن الفحوصات .

[elrasy]

بنتى 3 سنين ونصف جالها دور برد وبعد 10 ايام خفت من البرد,, بس مستمرة معاها الكحة وادوية الكحة مش جايبة نتيجة
واخر دكتور كتبلها دواء كحة ولبوس موسع للشعب ولكن بدون نتيجة,,
وملاحظ ان الكحة بتختفى اثناء النوم وبترجع اثناء الاستيقاظ,,
كان لما بيجلها الموضوع دة كانت بتاخد موسدين وبتبقى كويسة لكن موسيدين مش جايب معاها نتيجة المرة دى,,,
يا ترى الكحة دى ساببها اية واية العلاج المناسب؟؟

لك خالص شكرى

[kdosoki]

جزاكم الله خيرا على الموضوع
ابنى عمرو عنده 6سنوات ونصف - انا طبعا مش هشتكى من قله اكله ولما بياكل ممكن يقعد ياكل بيضة مسلوقة وكوباية زبادى فى ساعتين ودى مش مبالغة علشان عارف ان كل الاولاد كده (مبتاكلش)
بس عمرو بيشتكى كتير جدا انه عنده صداع ( على فكرة عمرو عنده طول نظر +5 فى العينين وعملت كشف نظارة بعد شكوى الصداع ولقيت المقاس اللى هو لبسه مظبوط وكمان عمرو مش بيقلع النظارة اطلاقا )
الشكوى التانيه ليه انه عنده مغص وده دائما بيكون قبل مواعيد الاكل وبعدها ( لما يلاقى امه بتجهز الاكل يقولها ماما بطنى بتوجعنى ولما ياكل غصب عنه طبعا يقول ماما بطنى بتوجعنى )
الشكوى الثالثة انه كل لما يجرى شوية مع اصحابة اللى هما فى نفس سنه يسبهم شوية ويقعد يستريح ولما نسأله مالك يقول تعبت وبستريح شوية حتى لو كان منهمك فى اللعب ( انا بحس ان ضربات قلبه سريعة وكل ما ازور دكتور وعمرو عيان يقولى التعب بيزود ضربات القلب )
اخر حاجة فى احيان كتيره قبل النوم عمرو يمسك قصبة رجله وفخده ويقول الحته دى بتوجعنى وساعات بيعيط من الوجع.
مش عارف عمرو بستهبل علينا ولا ايه يا دكتور ( هو الطفل الوحيد وما لوش اخوات )
انا ساكن فى القاهرة الجديدة وعمرو عنده تأمين صحى فى شركة الماسية

[kdosoki]

نسيت اعتذر عن التطويل والرغى الكتير

[LORD.ADeL]

السلام عليكم
ازيك يا دوك كل عام وانت بخير ياغالي
لي سؤال عند حضرتك
دلوقتى بنتى عندها سنتين ونص وكانت وقعت ع زراعها بس وقعه غبيه شويا والحمدلله ربنا سترها معاناااا
قدرالله وماشاء فعل
مهم رحت هيا وقعت يوم وقفه عيد ومكنش فى اي دكتور او مركز شغال غير لما لاقيت مركز طبي فى دكتور طوارئ
شافها وقالي انها سليمه الحمدلله مفهاش اي شروخ او كسور والا مكنتش سكتت من قتها
مهم بقا فى موضوع انه ادها مرهم للكدمات وقالي اربطها لها ايدها وعلقها فى رقبتا
ودلوقت البنت من يومها وهيا مخليه وضع زرعها ع وضع التعليقه الرقبه بتعات الزراع ومش عايزة تستخدمها خالص
وهيا سليمه لان بمسكها منه وبترفع ايدها لوفق وبتتعامل عادي بس مش عايزة تستخدمة زي زراعها التانى طبيعي
مش عارف باي وسليه اخليها تنسي انه كان وجعها علشان ترجع تستخدم ايدها تانى طبيعي ياريت يادوك تتدلنى ع حاجه اقدر اتعامل بيها معها لانها عندية وسيقاا الدلع وزن فيهاااا وعياط وكدة اعمل ايه ودراعها ع كلامي دة يكون سليم ولا فعلا ممكن يكون في كدمه واحنا مش شيافنها اوديها لدوك عظام واعمل اشاعه ؟
وشكرا واسف للاطاله

[د.محمود صلاح]

بنتى 3 سنين ونصف جالها دور برد وبعد 10 ايام خفت من البرد,, بس مستمرة معاها الكحة وادوية الكحة مش جايبة نتيجة
واخر دكتور كتبلها دواء كحة ولبوس موسع للشعب ولكن بدون نتيجة,,
وملاحظ ان الكحة بتختفى اثناء النوم وبترجع اثناء الاستيقاظ,,
كان لما بيجلها الموضوع دة كانت بتاخد موسدين وبتبقى كويسة لكن موسيدين مش جايب معاها نتيجة المرة دى,,,
يا ترى الكحة دى ساببها اية واية العلاج المناسب؟؟

لك خالص شكرى

أحيانا بعد نزلات البرد تستمر الكحة لفترة فلا تقلق واعطيهها سوائل دافئة مع تخفيف التكييف او اطفاؤه تماما

[ehab_mansour]

السلام عليكم دكتور محمود
انا عندي ابني عمره سنة وكام يوم وحتي الأن ما اتكلمش هو فقط بيقول مثلا أأأأأأ علي اي حاجه حتي لما بيكون عايزني بينادي عليا بنفس هذا التعبير ولكنه لسه لم ينطق اي شيء أخر فهل هو كده متأخر في الكلام ولا ده طبيعي وهل لو متأخر ايه اللي مطلوب مني أعمله
وجزاك الله خيرا

[د.محمود صلاح]

جزاكم الله خيرا على الموضوع
ابنى عمرو عنده 6سنوات ونصف - انا طبعا مش هشتكى من قله اكله ولما بياكل ممكن يقعد ياكل بيضة مسلوقة وكوباية زبادى فى ساعتين ودى مش مبالغة علشان عارف ان كل الاولاد كده (مبتاكلش)

الأكل عايز فن من الأسرة وصبر وتعود ومشاركة

بس عمرو بيشتكى كتير جدا انه عنده صداع ( على فكرة عمرو عنده طول نظر +5 فى العينين وعملت كشف نظارة بعد شكوى الصداع ولقيت المقاس اللى هو لبسه مظبوط وكمان عمرو مش بيقلع النظارة اطلاقا )

اكشف على الجيوب الأنفية وانيميا الحديد ( نسبة الهيموجلوبين ) وقياس الضغط والنظر بالطبع

الشكوى التانيه ليه انه عنده مغص وده دائما بيكون قبل مواعيد الاكل وبعدها ( لما يلاقى امه بتجهز الاكل يقولها ماما بطنى بتوجعنى ولما ياكل غصب عنه طبعا يقول ماما بطنى بتوجعنى )

مغص الأطفال في السن ده الغالب بيكون غير عضوي ولا سبب له وذلك بعد استبعاد مسببات المغص الحاد الطارئة .. ويفضل عمل تحليل بول وبراز للديدان

الشكوى الثالثة انه كل لما يجرى شوية مع اصحابة اللى هما فى نفس سنه يسبهم شوية ويقعد يستريح ولما نسأله مالك يقول تعبت وبستريح شوية حتى لو كان منهمك فى اللعب ( انا بحس ان ضربات قلبه سريعة وكل ما ازور دكتور وعمرو عيان يقولى التعب بيزود ضربات القلب )
اخر حاجة فى احيان كتيره قبل النوم عمرو يمسك قصبة رجله وفخده ويقول الحته دى بتوجعنى وساعات بيعيط من الوجع.

دي آلام النمو لا ضرر منها

مش عارف عمرو بستهبل علينا ولا ايه يا دكتور

ربنا يحفظه لكم من كل سوء

( هو الطفل الوحيد وما لوش اخوات )
انا ساكن فى القاهرة الجديدة وعمرو عنده تأمين صحى فى شركة الماسية

الرد في الإقتباس وآسف للتأخير لظروف السفر

[د.محمود صلاح]

السلام عليكم
ازيك يا دوك كل عام وانت بخير ياغالي
لي سؤال عند حضرتك
دلوقتى بنتى عندها سنتين ونص وكانت وقعت ع زراعها بس وقعه غبيه شويا والحمدلله ربنا سترها معاناااا
قدرالله وماشاء فعل
مهم رحت هيا وقعت يوم وقفه عيد ومكنش فى اي دكتور او مركز شغال غير لما لاقيت مركز طبي فى دكتور طوارئ
شافها وقالي انها سليمه الحمدلله مفهاش اي شروخ او كسور والا مكنتش سكتت من قتها
مهم بقا فى موضوع انه ادها مرهم للكدمات وقالي اربطها لها ايدها وعلقها فى رقبتا
ودلوقت البنت من يومها وهيا مخليه وضع زرعها ع وضع التعليقه الرقبه بتعات الزراع ومش عايزة تستخدمها خالص
وهيا سليمه لان بمسكها منه وبترفع ايدها لوفق وبتتعامل عادي بس مش عايزة تستخدمة زي زراعها التانى طبيعي
مش عارف باي وسليه اخليها تنسي انه كان وجعها علشان ترجع تستخدم ايدها تانى طبيعي ياريت يادوك تتدلنى ع حاجه اقدر اتعامل بيها معها لانها عندية وسيقاا الدلع وزن فيهاااا وعياط وكدة اعمل ايه ودراعها ع كلامي دة يكون سليم ولا فعلا ممكن يكون في كدمه واحنا مش شيافنها اوديها لدوك عظام واعمل اشاعه ؟
وشكرا واسف للاطاله

من وصفك أرجو التوجه بها لطبيب عظام لعمل الأشعات والعلاج اللازم وان شاء الله خيراً

[د.محمود صلاح]

السلام عليكم دكتور محمود
انا عندي ابني عمره سنة وكام يوم وحتي الأن ما اتكلمش هو فقط بيقول مثلا أأأأأأ علي اي حاجه حتي لما بيكون عايزني بينادي عليا بنفس هذا التعبير ولكنه لسه لم ينطق اي شيء أخر فهل هو كده متأخر في الكلام ولا ده طبيعي وهل لو متأخر ايه اللي مطلوب مني أعمله
وجزاك الله خيرا

المفروض يقول كلمتين او 3 وهو لا يعتبر متاخر , وبالطبع محادثة الطفل وملاغاته ستسهل موضوع النطق ان شاء الله .

بالطبع يجب التاكد من سمعه ونموه الجسمي والذهني

[ehab_mansour]

المفروض يقول كلمتين او 3 وهو لا يعتبر متاخر , وبالطبع محادثة الطفل وملاغاته ستسهل موضوع النطق ان شاء الله .

بالطبع يجب التاكد من سمعه ونموه الجسمي والذهني

جزاك الله خيرا علي سرعة الرد
هو الأن وزنه طبيعي وهو 9 كيلوو نصف ولكنه عنده تأخر في خروج الأسنان والمشي وجاري اعطاءة جرعة كالسيوم وفيتامين د حسب كلام الدكتور احمد السعيد

وهل اللي اعمله بالنسبة للنطق فقط هو اني الاغيه واتكلم معاه ولا اعمل ايه تاني وجزاك الله خيرا ولكن فقط احب ان اطمأن حتي لا أسيء التعامل مع الطفل وحيث انه الطفل الأول لي

[LORD.ADeL]

من وصفك أرجو التوجه بها لطبيب عظام لعمل الأشعات والعلاج اللازم وان شاء الله خيراً

تسلم يا دكتور الحمدلله قدر الله وماشاء فعل
البنت فعلا ختها ورحت بيها لدكتور عظام وعملت اشاعه ع زراعها بالكامل من الكتف وطلع عندها شرخ بعد مفصل الكتف فى الزراع من الاعلي وتم تكبيرها لان قالي مينفعش جبس بعد ما موضوع عدا عليها فترة وعملها لها رباط حلو زرعها مع تثبتيه مع ربط حول البنطن والاستشارة واشاعه اخرى اخر الاسبوع والله المستعان ويسترها

وحسبي الله ونعما الوكيل فى دكتور الطوارئ اللى شافها وقالي مش محتاجه اشاعه ولا حاجه وادها مرهم فولترين