"عيادة طب الاطفال للإستشارة

[د.محمود صلاح]

الف شكر ليك يا دكتور على وقتك
معلش انا كان ليا سؤال انا ابنى عنده 3 سنوات ولا 5 شهور
وبلاحظ من فتره للتانيه بيطلع فى جسمه كله حبوب وهرش جامد قوى وكل ما اروح لدكتور بيقول انها حساسيه بحاول اعرف هو اكل ايه واقلل منه بس ممكن مره ياكل حاجه تيجى منها ومره تانيه لأ ياترى فيه تحليل يحدد هو عنده حساسيه من ايه
والف شكر ليك

مافيش تحليل معين .. حاول تحدد بالضبط ايه المسبب ..الحاجات الشهيرة الفراولة الشيكولاته المانجو البيض حبوب اللقاح في الجو والملابس بالطبع ... وجود خلايا ازينوفيل في صورة الدم يدعم وجود حساسية

عند اطباء المناعة يوجد اختبارات تحديد نوع الانتيجين المسبب للحساسية بس لا توجد لدي معلومات كافية ويسمي skin prick test وذلك بوضع الانتيجين المسبب للحساسية في وخز للجلد ويري أيهم عمل حساسية

[د.محمود صلاح]

RAST tests (radioallergosorbent tests) measures free serum IgE to a specific antigen to which a particular patient may be sensitized. In children, these tests are primarily reserved for patients at risk for a severe systemic reaction from skin testing (i.e., Latex allergic patients), or in patients in whom skin testing is not feasible (i.e., patients with extensive skin disease). These tests are less sensitive than skin prick and intradermal tests. These tests are starting to be used more frequently in the diagnosis of food allergy although skin testing is still preferred.

[mtageldeen]

شكراا يا دوك باذن الله اتابع معاها اللازم والله مستعان
معلش يا دكتور ساؤل تانى
دلوقت البنت بقت قماصه اوي وزن وتعيط اذا ماتم تنفيذ رغبتها
وتعيط وتعمل دوشه ايه التصرف صحيح معهاا ومشكله انى مش عارفين نكلمها لنها تعبانه ؟

لا تفريط ولا افراط .. عاملها بين بين .. حزم برفق ولين

بعد إذن الدكتور محمود
أنا أحب أن أفصل إجابتك من واقع قراءة وخبرة وتجربة

أولاً:حضرتك تنفرد بالطفل بعيداً عن أمه أو إخوته مهما كان سنهم ثم تعنفه دون ضرب لكي لا ينتصر لنفسه ولكبرياءه (ولا أحد يفكر أن الأطفال لا تعي هذه المعاني فإنها تعيها جيداً)

ثانياً:تركز تركيز شديد علي أن يصل للطفل أنك غضبان بسبب الفعل الخطأ الذي فعله

ثالثاً: لابد أن يفهم الطفل أنه في حالة العودة للفعل سيغضبك مرة أخري

رابعاً: الفصل التام بين توبيخ الطفل وتوبيخ فعل الطفل فالثانية هي المطلوبة

خامساً: تترك الطفل وغالباً ما سيكون وحده بعد جلستك معه وسيفكر بما حدث.

سادساً: تستعمل ذلك الأسلوب دائماً ولا تحيد عنه حتي تصبح هذه عادتك وإنتظر نتيجة مختلفة مع الوقت وليست لحظية إن شاء الله

نصيحة إلي كل أب وأم
لا تتعامل مع الطفل علي أنه طفل بل تعامل معه بإحترام كأنه رجل كبير

[LORD.ADeL]

الف شكر ليك يا دكتور محمود
وتحياتى لك ع التوضيح وشرحك الوافي استاذى الفاضل mtageldeen
والله مستعان

[د.محمود صلاح]

شكراً جزيلاً mtageldeen الفاضل

وبالطبع اسأل مجرب

[النوبي]

السلام عليكم ازيك يادكتور
محمد من خمسه ايام عنده اسهال من خمسه مرات الي سته مرات في اليوم وكان لون البراز اخضر وله رائحه والدكتور كتبله nitazode
و lacteel faote المهم هو خلص الدوا التاني واخد من الاولاني 4 ايام
المشكله انه النهارده المدام بتغيرله شافت ((مخاط لونه اصفر مائل للبني)) في البامبرز المشكله انها كميه مش حاجه صغيره وكمان درجه حرارته 27 واربع شرط
معلش يادكتور تاعبك معايا

[د.محمود صلاح]

اعمل تحليل براز شوف فيه طفيليات ولا لأ ولو فيه ابدأ له شراب الفلاجيل بجرعة مضبوطة لمدة اسبوع

وابدا معاه شراب الأكواريم زنك نصف ملعقة ( 2,5 مللي ) مرو واحدة يوميا لمدة 14 يوم .
وزيد الرضاعة الطبيعية ومحلول الجفاف المنخفض الصوديوم .

دواء ال Nitazoxanide طالع موضعه الأيام دي عشان ميكروب ال Cryptosporidiosis - Wikipedia, the free encyclopedia

والذي لو اصاب الأطفال بيعمل اسهال وبيتوقف لوحده بدون دواء ... والدواء يعطى فقط لمن مناعتهم ضعيفة بسبب أمراض المناعة ...

اما اللاكتيول فهو يحتوى على lactobacillus البكتيريا النافعة بالأمعاء والتي تقرر فرصة نمو البكتيريا الضارة وأصلا مدعم من لبن الأم وموجوده في الامعاء

أهم شيء في الإسهال هو منع الجفاف وشراب الزنك حيث ان أغلب ميكروبات الإسهال self limiting أي بتموت لوحدها وتنزل مع البراز

[د.محمود صلاح]

تعديل المشاركة

اعمل تحليل براز شوف فيه طفيليات ولا لأ ولو فيه ابدأ له شراب الفلاجيل بجرعة مضبوطة لمدة اسبوع

وابدا معاه شراب الأكواريم زنك نصف ملعقة ( 2,5 مللي ) مرو واحدة يوميا لمدة 14 يوم .
وزيد الرضاعة الطبيعية ومحلول الجفاف المنخفض الصوديوم .

دواء ال nitazoxanide طالع موضعه الأيام دي عشان ميكروب ال cryptosporidiosis - wikipedia, the free encyclopedia

والذي لو اصاب الأطفال بيعمل اسهال وبيتوقف لوحده بدون دواء ... والدواء يعطى فقط لمن مناعتهم ضعيفة بسبب أمراض المناعة ...وبالتالي لا داعي له

اما اللاكتيول فهو يحتوى على lactobacillus البكتيريا النافعة بالأمعاء والتي تقلل فرصة نمو البكتيريا الضارة وأصلا موجوده في الامعاء ومدعومة من لبن الأم المحتوي على المادة bifidus factor ... وبالتالي فلا داعي له

أهم شيء في الإسهال هو منع الجفاف وشراب الزنك والرضاعة الطبيعية حيث ان أغلب ميكروبات الإسهال self limiting أي بتموت لوحدها وتنزل مع البراز

تعديل في الرد

[النوبي]

الف شكر يا دكتور

[د.محمود صلاح]

عفواً ,, شراب الزنك تم ادراجه من ضمن ادوية معالجة الإسهال في منظمة الصحة العالمية

[Sh_sunsea]

اسمحولي بالانضمام للموضوع الجميل ده بما ان حمزة تم 6 أيام دلوقتي أهو - ادعوله يعدي اليومين دول على خير

سؤال يا دكتور - بعد الولادة يوم الأحد - كشفنا على الصفرا يوم الأربع كانت 9 - والنهارده السبت كانت 12.6 وبيقول ان بعد 14 لازم يتحجز في حضانة - هل في أي حاجة ممكن أعملها للمساعدة - وهل طبيعي الزيادة دي خلال يومين تقريبا فقط
شاكرين وقتك ومجهودك يا دكتور

[د.محمود صلاح]

لحد الآن في الحدود الطبيعية .. ولكن في بعض الحالات يكون العلاج الضوئي في الحضانة لأرقام أقل من كده

[zkralla]

جزاك الله خير يا دكتور
كنت عاوز اخذا رايك فى حاله ابنى (سنين ونصف )هو عنده حساسيه بقاله شهرين وديته لثلاثه دكاتره جلديه وكلهم اجمعوا على انها ارتكاريا حشريه وكتبوا له كرتيزون (فيندكسين )اخر واحد كتبه لمده شهر يتم تخفيض الجرعه خلال الشهر
هى عباره عن حبوب بتطلع فى جسمه شبيهه بحب الشباب ولها نفس اللون لكن حجمها اقل ومش بتبقى معبيه زى حب الشباب لكن الشكل الخارجى مقارب ليها جدا وبتسبب ليه هرش شديد بتخليه يعور نفسه

لكن المشكله أن فى كل مره بيأخذ الكريتزون بيتحسن وتقريبا تختفى لكن فى اول تخفيض للجرعه بتطلع غيرها فى اماكن تانيه فاروح موديه عند دكتور تانى وده الى حصل( للمره الثالثه ) امبارح مع اول تخفيض للجرعه ونفس الوضع حصل مع قبل كده برضه مع تخفيض الجرعه
طبعا هو مع الفندكسين بيأخذ بردم مرهم وبرمجنات مس وبيردم برينجو ملطلف للحكه
أنا كمان محتار فى حاجه هل فى تخصص اطفال جلديه أو جلديه اطفال ولا الموضوع جلديه بس
رجاء سرعه الرد وجزاك الله خير

[د.محمود صلاح]

هو تخصص جلدية وبالطبع يجب عدم الإكثار من الكورتيزونات لآثاره الجانبية المعقدة .
ودي في الغالب اسمها papular urticaria ومن رأيي تتعايش معاها ان لم تكن تسبب حكحكة شديدة والتهاب في الجلد لكي تعطي فرصة للطفل للتغلب على الانتيجين المسبب للحساسية مع قص الاظافر ومرهم الكالامين الشهير الأبيض

[zkralla]

الف شكر يا دكتور صلاح
لو كان ممكن توضحلى النقطه ديه اكتر

لكي تعطي فرصة للطفل للتغلب على الانتيجين المسبب للحساسية