"عيادة طب الاطفال للإستشارة

[د.محمود صلاح]

الزيرتك مضاد للحساسية لايسبب النعاس وبالتالى مفيد لحالة حساسية الانف وبالطبع مع المتابعة مع طبيب الأنف والاذن والحنجرة

الموضوع ده محتاج متابعة طبيب انف واذن وحنجرة وبخاخات كورتيزون allergic rhinitis

[النوبي]

السلام عليكم
ازيك يا دكتور
من اسبوع كان عنده كحه وعطس علطول وارتفاع في درجه الحراره والخنفره زادت مع البرد
رحنا للدكتور
كرر الاوتريفين وادله قطره تاني لمده اسبوع oxymet واداله نقط fenistil لمده اسبوعين 3 مرات في اليوم
واداله مضاد حيوي اسمه augmenti مش متاكد من الحروف بتاعه المضاد
وكتبله dentinox ده علشان المعده لمده شهرين 3 مرات في اليوم
وبعد ما اخد الدواء بفتره الكحه خفت شويه بس بعد كام يوم ابتدي يرجع والنهارده رجع كل اللي في بطنه والترجيع كان فيه بلغم اصفر وبدء يكح ويعطس تاني مع العلم ان امه عندها حساسيه
ومبقاش يرضع زي الاول غير بعد معافره وبالعافيه
كان نايم مقلق ومكانش عارف يتنفس وبعد كده لما رجع حاسس انه فاق عن الاول
معلش يادكتور تاعبينك معانا

[د.محمود صلاح]

ما فيش تعب ولا حاجة ربنا يكرمكم جميعا ويحفظكم من الامراض ,

كل ما سبق اعراض زكام ,,, الفنيستيل للحساسية ورشح الأنف الأوجمنتين مضاد حيوي قوى وفعال ,,,, الدنتينوكس بتمتص الغازات من بطن الطفل ,,,, قطرة الأنف بتسلك فتحات الانف


الطفل لما يمرض شهيته بتقل شوية ,,, موضوع انسداد الأنف بيبقى عائق للرضاعة لأن الطفل أثناء الرضاعة بيتنفس من مناخيره وماينفعش تكون مسدودة ,,, موضوع القئ ده بسبب البلغم والكحة ,,, البلغم مادة طبيعية يفرزها الغشاء المبطن للجهاز التنفسى لحمايته من البرد ,,,

يجب تدفئة الطفل وتدفئة الغرفة اللى بيعيش فيها

استخدام قطرة الانف من النوع القابض للشعيرات ( مثل الموصوفه ) يكون فى حدود يومين او 3 عشان ما تعملش التهاب كيميائى فى الاغشية المبطنة للانف

[faraha]

جزاك الله كل خير وجعل الموضوع فى ميزان حسناتك

[د.محمود صلاح]

عفوا طبيبة الاطفال / faraha , والموضوع متاح لحضرتك للمشاركة بالخبرة والرأى أيضا .

ومرحبا بك عضوة فى نايل موتورز ,

والحمد لله لقيت حد يسند معايا

[faraha]

عفوا طبيبة الاطفال / faraha , والموضوع متاح لحضرتك للمشاركة بالخبرة والرأى أيضا .

ومرحبا بك عضوة فى نايل موتورز ,

والحمد لله لقيت حد يسند معايا

:y_hi_3[1]::s_thum1[1]:

شكرا لذوق حضرتك والحقيقة مجهودك رائع وانا فعلا عاملة الموضوع ده فى منتدى نسائى
وفعلا بيبقى التزام لان الواحد مهما انشغل مع الاولاد او الشغل بيضطر يدخل برضه لأن الناس بتزعل لو اتأخرت فى الرد عليهم ومش متخيلين ان الواحد بتحصله ظروف ربنا يقدرنا كلنا بأذن الله ونكون عند حسن ظن الجميع
وربنا يبعد المرض عن اولادنا كلنا يارب

[النوبي]

السلام عليكم يادكتور /محمود
معلش مغلس عليك بس انت شفت ايه دا انا لسه في رقبتك لغايه لما ربنا يدينا العمر واجوزه ان شاء الله
المهم كنت عايز اعرف التطعيمات اللي المفروض اديهاله ايه؟
وبالنسبه للدكتور اللي انا متابع معاه عرض عليا شويه تطعيمات طبعا باسعار كويسه
طبعا انا مش بفكر من الناحيه الماديه انما انا بفكر ان الدكتور يكون عايز يستغلني مش اكتر
علشان كده انا عايز اعرف ايه هي التطعيمات اللي المفروض اديهاله وياريت لو فيه تطعيمات تاني يستفيد بيها او تقوي مناعته تقولي حضرتك عليها
بالنسبه للتطعيمات اللي الدكتور كتبهالي
اول تطعيم مش عارف اقرأ اسمه
(روتا) او( روكا) مش محدد الصراحه
لما يتم 45 يوم جرعه ولما يتم 60 جرعه تاني
تطعيم ضد الانفلوانزا البكتيريه
اول شهرين جرعه ورابع شهر جرعه والشهر السادس جرعه
السنه الثانيه
13 شهر الجدري المائي
وباء كبدي
وجزاك الله خيرا

[د.محمود صلاح]

جدول التطعيمات الإجبارية موجود فى بطاقة الطفل , تطعيم الروتا بتاع فيروس الروتا اللى بيعمل نزلات معوية , ممكن ياخده مافيش مانع , بس هو مش اجبارى

[النوبي]

جدول التطعيمات الإجبارية موجود فى بطاقة الطفل , تطعيم الروتا بتاع فيروس الروتا اللى بيعمل نزلات معوية , ممكن ياخده مافيش مانع , بس هو مش اجبارى

طيب وبالنسبه لباقي التطعيمات اديهاله ولا بلاش

[د.محمود صلاح]

التطعيمات بتختلف من بلد للتانى حسب المرض المنتشر هناك , وأى تطعيم مش اجبارى هنا فى مصر يبقى مالوش لازمة لان المرض المراد التطعيم لأجله غير موجود أو نادر فى مصر , والامر راجع لك ولظروف الطفل المحيطة

[Karim Salem]

عادة مص الابهام عند الاطفال بنتى هتجننى

د محمود
الاول بشكر حضرتك على مجهوداتك بصراحة انا استفدت كتير من خبرة حضرتك
سؤالى عندى بتنى كنزى عمرها سنه و نص
من اول ما اتولدت و ابتدت تكتشف ايديها و هيا على طول حاطه الابهام فى فمها
الاول حاولنا بالتتينة نعودها عليها بس فشلنا
المهم الموضوع عندها دلوقتى زاد لدرجة الادمان
بمعنى بتشيل اليد اليمين و فى نفس الوقت تحط الشمال
بحيث انها تفضل على طول حاطه ايديها فى بقها
و لو مثلا مسكت لعبه شوية او اى حاجة بقسماط , جزرة
تنسى شوية الموضوع وبعدين تفتكر فترجع تانى تحط ايديها فى بقها
حاولنا نحط حاجات طعمها وحش على ايديها (ميه ترمس مثلا - صبار)
اتعودت عليهم و بقوش بيفرقوا معاها
ابتدينى نلبسها جوانتى طبعا بتلبسه بالخناق
و شويه اتعلمت ازاى تشيليه
فيها واحد قريبى جابلى دواء اسمه stop مخصوص علشان الموضوع ده
طعمه صعب جدا
كان الاول مضايقها جدا
حاليا تفضل تجرب تحط ايديها فى بقها و هيا مقروفه لحد ما ترجع اللى فى بطنها

المشكلة انى حاسس انها بتراح و نفسيتها بتكون كويسه لما بنسبيها براحتها
لكن لما بنقولها لأ او نحاول اى محاوله ان نمنعها من العاده ديه بتكون عصبية
طبعا وقت ما كانت بتحبى كان على طول بيجيلها نزلات معويه دلوقتى الوضع افضل شوية
برضه من مشاكل انها حاطه ايديها على طول انها بترفض الاكل او تاكل حاجة بسيطة و تستغنى عن الاكل بموضوه صباعها ده
المشكلة ان الحضانة اللى بتروح اللى ماسكينها المان و رأيهم ان نسيبها برحتها و لو تكبر شوية نقولها ان كده غلط
الدكتور اللى بنروحله رأيه ان الموضوع ده مسببلها مشاكل فى معدتها و هيعوج سننها و هيبوظ سقف حلقها
الواحد بجد متلغبط
معلش انا طولت عليك بس اتمنى لو تقدر تساعدنا فى حل الموضوع ده

[د.محمود صلاح]

يعتقد معظم الخبراء ان عادة مص الإصبع لمن دون الخامسة من العمر لايجب الضغط عليهم لمنعهم منها , حيث ان معظم الاطفال سيقلعون عن هذه العادة بمفردهم فبل دخول سن الحضانة ( 4 سنوات ) , وهو يعتبر سلوك صحي غير ضار فى هذا السن ( مسلى وممتع للطفل ) , وبالطبع من المستحيل ان يظل الطفل فى هذه العادة فى سن متقدمه حيث يمكن توجييهه فيما بعد بالكف عنها .

وهذه العادة قد ترتبط بعادات اخرى مثل لي الشعر او حك الأذن

بعض الأطفال تستمر معه هذه العادة حتى بعد الخامسة وهنا تكمن المشكلة حيث قد تؤثر على النطق ووضعية الأسنان الدائمة , وكاللو بجلد الإصبع ودخول التهابات من وسخ الاظافر للجهاز الهضمى ..

الموضوع لو استمر لما بعد الخامسة او السادسة محتاج صبر وتوجيه بدون حزم او عصبية أو ازعاج وتوبيخ للطفل أو محاولة شد اصبعه من فمه بالقوة حيث قد يؤدى لنتائج عكسية ,,, واضعين فى الإعتبار أن الطفل بعد السادسة فعلا يريد ان يقلع عن هذه العادة ولكن بالمزيد من التوجيه والنصح .

من الافكار :- وضح لوحة كبيرة للطفل ( فوق السادسة من العمر ) محددا بها الايام التى لم يمص اصبعه فيها , وواضعا نصب عينه الجائزة المناسبة نهاية كل اسبوع وجائزة أكبر نهاية كل شهر

دهان الظفر وليس الإصبع بمادة مرة مثل البارفان لمدة اسبوعين متواصل ليلا عند النوم , وكذلك الجوانتى وربط الأصابع ببعضها ,
ولا نتوقع نتيجة الا بعد مرور 6 اسابيع من المحاولة , مع التشجيع والجوائز المستمرة

بعد فشل كل المحاولات يرجى الذاهاب لطبيب أسنان لوضع جهاز مانع للمص ( فى بلاد برة )

وبعد فشل تلك المحاولات يرجى الذهاب لطبيب نفسى قد تكون هناك مشكلة اعمق


المصدر : -احد المراجع الطبية المعتمدة



احد المواقع الجيدة :-

http://www.ehow.com/how_5897_stop-child-sucking.html

[lido_pink2000]

دكتور محمود لو سمحت انا عندى سؤال برة الموضوع بس مهم جدا انا ساعات ابنى لما بيجيله دور الاذن الوسطى بيحتاج حقن مضاد حيوى و انا نفسى اتعلم عشان مدوخش زى كل مرة ممكن تقوللى اتعلم ازاى انا عارفة المكان اللى بيتاخد فلى الحقنة بس مش عارفة هل اضغط بايديه او ادخل السن للاخر او اى ارشادات ممكن تقولهالى ولا بلاش اتعلم احسن؟

[د.محمود صلاح]

الأذن الوسطى تعالج بمضاد حيوي شراب لمدة 10 ايام متواصل حتى تضمن الشفاء التام وسرعة التئام الطبلة ان كانت اتخرمت والأنواع كثيرة وذات طعم مقبول عشان الطفل لا يتقيؤه ( كما انه توجد مضادات حيوية تؤخذ مرة ةاحدة يوميا لمدة 3 ايام زى زيثروماكس بدلا من 10 ايام للانواع الثانية ) ,,, ولا يوجد مرجع طب أطفال ينصح بحقن لإلتهاب الاذن الوسطى , ومش لطيف انى اقعد اشكشك الولد 3 مرات فى اليوم لمدة 10 ايام وغير مسموح نهائيا بوضع كانيولا والذهاب بها فى المنزل لإعطاؤه الحقن وريديا والا بقيت بوابة دخول بكتيريا للدم ,,,,,

كما أن عادة اعطاء الأطفال حقن فى العيادة الخارجية ومن ثم فى المنزل لا توجد فى أى دولة الا فى مصر بلد العجائب ,,, والصحيح ان الحقن تعطى فى مستشفى مجهز لتلافى حدوث أي هبوط وحساسية حادة تحدث من الحقن

[Karim Salem]

يعتقد معظم الخبراء ان عادة مص الإصبع لمن دون الخامسة من العمر لايجب الضغط عليهم لمنعهم منها , حيث ان معظم الاطفال سيقلعون عن هذه العادة بمفردهم فبل دخول سن الحضانة ( 4 سنوات ) , وهو يعتبر سلوك صحي غير ضار فى هذا السن ( مسلى وممتع للطفل ) , وبالطبع من المستحيل ان يظل الطفل فى هذه العادة فى سن متقدمه حيث يمكن توجييهه فيما بعد بالكف عنها .

وهذه العادة قد ترتبط بعادات اخرى مثل لي الشعر او حك الأذن

بعض الأطفال تستمر معه هذه العادة حتى بعد الخامسة وهنا تكمن المشكلة حيث قد تؤثر على النطق ووضعية الأسنان الدائمة , وكاللو بجلد الإصبع ودخول التهابات من وسخ الاظافر للجهاز الهضمى ..

الموضوع لو استمر لما بعد الخامسة او السادسة محتاج صبر وتوجيه بدون حزم او عصبية أو ازعاج وتوبيخ للطفل أو محاولة شد اصبعه من فمه بالقوة حيث قد يؤدى لنتائج عكسية ,,, واضعين فى الإعتبار أن الطفل بعد السادسة فعلا يريد ان يقلع عن هذه العادة ولكن بالمزيد من التوجيه والنصح .

من الافكار :- وضح لوحة كبيرة للطفل ( فوق السادسة من العمر ) محددا بها الايام التى لم يمص اصبعه فيها , وواضعا نصب عينه الجائزة المناسبة نهاية كل اسبوع وجائزة أكبر نهاية كل شهر

دهان الظفر وليس الإصبع بمادة مرة مثل البارفان لمدة اسبوعين متواصل ليلا عند النوم , وكذلك الجوانتى وربط الأصابع ببعضها ,
ولا نتوقع نتيجة الا بعد مرور 6 اسابيع من المحاولة , مع التشجيع والجوائز المستمرة

بعد فشل كل المحاولات يرجى الذاهاب لطبيب أسنان لوضع جهاز مانع للمص ( فى بلاد برة )

وبعد فشل تلك المحاولات يرجى الذهاب لطبيب نفسى قد تكون هناك مشكلة اعمق


المصدر : -احد المراجع الطبية المعتمدة



احد المواقع الجيدة :-

How to Stop a Child From Sucking Fingers | eHow.com

الف شكر يا دكتور محمود
على ردك الكريم
دعواتك معانا