"عيادة طب الاطفال للإستشارة

[د.محمود صلاح]

هو أدرى مني في القصة دي ,, بس اللحمية بتبان في الأشعة فعلا وبتتشال مع اللوز لما تصبح مصدر قلق للطفل أثناء النوم وتحرمه من التنفس من أنفه كبقية الأطفال ...

الإرتشاح خلف الأذن بيروح مع تفتيح الأنف بالقطرات والوقاية من الزكام

[د.محمود صلاح]

شكرا يا دكتور محمود على الرد
المشكلة عندى انى حطيت للبنت القطرة دى فعلا بس المشكلة ما زالت موجودة(ساعات ترضع و ساعات ماتعرفش تفعد تمص كدة على الفاضى من غىر ما تضغط على مكان الرضاعة) و امها اما بتغلب بتديها بيبى درينك فى الببرونة ,هل دة صح ولا اية
و كنت عاوز اسأل حضرتك سؤال لو لا قدر الله البنت رضعت صناعى فى الاخر هل سنخسر كتير
انا ابنى الكبير (سنتان و نصف) رضع صناعى على طول و هو الحمد للة طبيعى و ذكى ما شاء الله بس شقى جدا و عنيف جداااا هل دة ممكن يكون نتيجة الرضاعة الصناعية
جزاك الله كل خير

اتبع الإرشادات السابقة في وضع وطريقة تعلق الطفل بالثدي ,, وحاول تنزل فيديوهات تعليمية للأم breast feeding positioning and attachment

حذار ,,, حذار ,,, حذار من اللبن الصناعي بدون داعي ولا داعي انى أذكر لك العواقب التي تظل في الإنسان طول عمره

[tahayt]

اتبع الإرشادات السابقة في وضع وطريقة تعلق الطفل بالثدي ,, وحاول تنزل فيديوهات تعليمية للأم breast feeding positioning and attachment

حذار ,,, حذار ,,, حذار من اللبن الصناعي بدون داعي ولا داعي انى أذكر لك العواقب التي تظل في الإنسان طول عمره

شكرا يا دكتور بس لية حضرتك مش عاوز تقول اضرار اللبن الصناعى يمكن دة يكون حافز لينا ولغيرنا للتمسك بالرضاعة الطبيعية
و جزاك الله كل خير

[د.محمود صلاح]

اللبن الصناعي له علاقة بالسمنة وامراض القلب والشرايين والسكر هذه احد المحاذير والكلام يطول جداً جداً

[tahayt]

شكرا يا دكتور محمود
لو سمحت انا عاوز اعرف هل الفيلوسيف velosef مناسب تاخدة الام فى فترة الرضاعة و كذلك الكاتافلام و جزاك الله كل خير

[د.محمود صلاح]

فيلوسيف مناسب ,,,

كاتفلام لا ينصح به ,, يفضل الأبيمول كمسكن وخافض حرارة بدلا منه

[tahayt]

شكرا يا دكتور ربنا يباركلك

[eagle2009]

شكرا لحضرتك على معلوماتك القيمة
انا ابنى عنده سنة وشهرين ، كان عنده مشكلة اللسان المربوط وكان فاتح فمه عالطول
عملنا له عملية فك اللسان والدكتور حرر اللسان
المشكلة ان بقه مازال مفتوح على طول ومش عارفين ازاى نعوده يقفله
المشكلة التانية ان عنده كلكيعه صغيرة كده تحت الودن تنتهى عند الفك ، ودايما موجودة
الدكاترة بتقول ان دى غدة تصرف فيها اى التهاب فى الجهاز التنفسى او الفم علشان فتحة بقه
مش عارفين نعمل ايه وخايفين الغدة دى تقلب بمرض لاقدر الله
ازاى نخلى الكلكيعه دى تصرف ؟ وهل هى خطيرة ؟
وازاى نعوده يقفل بقه
وشاكرين لسيادتك
تحياتى

[د.محمود صلاح]

فاتح فمه أثناء النوم أيضا ؟ هل يوجد زكام ورشح بالأنف ومسدودة على طول ؟ هل بينام على تكييف ؟

الغدد اللمفاوية من الطبيعي تكون موجودة وبتكبر وتصغر مع الإلتهابات وده طبيعي وماتقلبش بحاجة وحشة ان شاء الله

[nabilhussein]

[fot1]
ربنا يجازيك خير ويكفيك شر الطب التجارى البحت ... حاجة جميلة مساعدة الاخرين ربنا يباركلك ويكتبهالنا ان شاء الله
[/fot1]

[د.محمود صلاح]

جزاك الله خيراً ووفقك للطريق الصح

[Dojuar]

انا عندي ولد عنده سنوات4 و بنت 8 شهور عندهم التهاب في الشعب الهوائيه

بقالهم يجي شهر الولد حرارته تروح و تيجي و البنت بتكح

محتار و مش عارف اعمل ايه؟ هل ده طبيعي عشان الجو مثلا؟

و لك جزيل الشكر

[د.محمود صلاح]

شهر كثير وبالذات مع وجود الحرارة ,,
اعمل اشعة على الصدر للولد وكشف h1n1

[eslamspirit]

بارك الله فيك يا دكتور

[ahmed4000]

دكتور محمود ربنا يباركلك على مجهودك

بنتى عندها سنة بالظبط ابتدينا نشك ان عندها حول

رحنا للدكتور قعد يقول كلام كتير فهمت منه ان العضمة اللى فى النص عريضة وبالتالى بيسمى حول ظاهر وطلب اننا نستنى ست شهور كمان لان ممكن العضمة تكبر وتظبط المسافة بين العينين وبيقول انه ممكن يكون قصر نظر

فهل ممكن تشرحلنا بتبسيط معنى الحول عند الاطقال وكيفية التعامل معاه وهل فعلا فى حول عند الاطفال ممكن يروح؟