"عيادة طب الاطفال للإستشارة

[د.محمود صلاح]

الشرح يطول جداً جداً وهو بإختصار انحراف احد العينين عن التحديد البؤري للنظر نتيجة لعدة أسباب

يوجد بالفعل حول لدى الاطفال وبيروح باستخدام 3 حاجات رئيسية : -

نظارة
تبادل غلق العينين
عملية جراحية لتصحيح وضع عضلات العين

بعض الاطفال تكون ثنية الجلد الداخلية للجفن زائدة شوية مثل الكوريين فبتعمل حول ظاهري

يرجى استشارة طبيب عيون متخصص .

عندنا الدكتور شريف في قسم العيادة ممكن يفيدك اكثر

[A7MED_PHARMA]

دكتور ..محمود
ربنا يجازيك خير على الموضوع

..
حالات الإسهال الشديد المصحوبة بإزدياد درجة الحرارة للأطفال
وبتكون ريحة الإسهال لاتطُاق(غير طبيعية)...مع تغير لونه مابين الأصفر أو الأخضر
الحالات دي بتعدي عليا كتير
وبعمل لها otc بناءا على خبرات سابقة من أطباء أطفال..وروشتاتهم

المهم
ممكن تكلمني أكتر عن الحالات دي ..وإيه هوا العلاج الأمثل لها
وخصوصا إن أطفال كتير مش بيتأثروا بالعلاج إلي بيتكتب لهم من قبل الأخصائيين.

..وشكرا يادكتور

[د.محمود صلاح]

الموضوع طويييييل وبلاش otc ووجهم لأقرب طبيب أطفال موثوق فيه

45 % بيبقى الروتافيروس - 25 % كريبتوسبروديوم -والباقي بكتيريا
وغالباً كل الانواع تتوقف تلقائياً معدا البكتيري

ان كان ولا بد من ال otc :-
والمدرج في ادوية منظمة الصحة العالمية ,,

فقط يحتاج الطفل لمنع الجفاف ويحتاج لشراب الزنك ( اكواريم ) 2,5 الى 5 مللي كل يوم لمدة 14 يوم

من 100 - 200 مللي محلول جفاف منخفض الصوديوم كل مرة اسهال

فقط لاغير

فلاجيل لو هناك مخاط وتعنية
سبتازول لو هناك دم في البراز ثم امبيسيللين لو لم يفلح السبتازول

حجز في المستشفى للإرواء الوريدي مع حقن جيل ثالث كيفالوسبورن

اما الإرسيفيوريل والأنتينال والكابكت كل ده هجص
وأفضل واامن ضد القيئ هو الموتيليوم

[A7MED_PHARMA]

شكرا يادكتور
للعلم
الأطباء هنا كانوا بيكتبوا للحالات دي
سيفوتاكس 250
انتينال
دياكان
ريهيدروزنك
مع خافض للحرارة ..ميجافين أو ماشابه

ولو الحالة إستمرت أكتر من يوم كمان..بيتعلق له محلول ريهيدران وريدي

[د.محمود صلاح]

والله يا دكتور أحمد الطب في مصر ( تهجيص وتحشيش ) ..

حالات الإسهال المفروض يتعملها تحليل براز وصورة دم وأملاح الدم كشء أساسي والتعامل يتم على ضوء التحاليل دي ..

الزنك هوالإضافة الحديثة لمنظمة الصحة العالمية لعلاج الاسهال ولكن ليس في المحلول لأن الطفل لو ماعندوش جفاف مش هيشرب محلول الزنك

لازم الزنك على هيئة شراب زي الأكواريم لمدة 14 يوم 2,5 الى 5 مللي يوميا
--------------

سيفوتاكس والحقن دي جريمة طبية تحدث في مصر بكل المقاييس ... لا يوجد مرجع طبي يقول ادي الطفل حقن ياخدها في البيت او في الصيدلية او في اي حته خارج المستشفي ... الحقن يعني حجز داخل المستشفى لتلافي حدوث فرط الحساسية

--------------

الكابكت والانتينال والارسيفيوريل لا أساس علمي لهم وكله هجص

---------------
خافض الحرحرة مهم ويفضل الباراسيتامول عن البروفين عشان التهاب الكلية اللي بيعمله البروفين

[Eng. Rafy Samy]

د/ محمود صباح الخير
اولاً احب اشكرك واحييك على هذا الموضوع الرائع.. بارك الله فيك

ابني فريدي عنده 1.5 سنه المشكلة اللي بتقابلنا هي الاكل
الموضوع انه لحد دلوقتي بياكل اكل مهروس او مضروب في الخلاط ( شبة سائل )+ اللبن الصناعي (بروجرس)
وانا وامه بنخاف جدا جدا نديلة حاجة نشفة شوية ( مثلاً لبابة العيش ) بنخاف يشرق او تقف في زورة او لاقدر الله تدخل في الرئة..
انا مش عارف ازاي ابتدي اديلة اكل ناشف وايه الحاجات اللي ممكن ابتدي معاه بيها وازاي.. يا ريت لو حضرتك تساعدني في النقطة دي..
ويا ريت لو حضرتك تقدر تقولي على مجموعة اكلات مفيدة ومغذية للسن ده.. والمفروض ياخد كام واجبة في اليوم..

الحاجة التانية هي الكلام هو لسة مش بيتكلم.. الكلمة الوحيدة هي (بابا) ومش بيعنيها يعني مجرد صوت فهل ده طبيعي ولا اعتبر انه تأخير في الكلام..
تقبل مني كل تقدير واحترام
ولك جزيل الشكر

[د.محمود صلاح]

في السن ده المفروض ياكل 5 وجبات في اليوم من أغذيه متنوعة بالإضافة للرضاعة الطبيعية .. تقريبا المفروض ياكل كل شيء ,, وما تقلقش بالتدريج هيتعود على المضغ والأكل العادي فقط قلل سيولة قوام الاكل بالتدريج ..

في السن ده الطفل ينطق حوالي 3-5 كلمات ,, وحاولوتتحدثوا معاه كثيراً .. بعض الأطفال بيتاخروا في الكلام شوية بالذات لو آباؤهم اتأخروا أيضاً في الكلام

[otefa]

ازيك يادكتور محمود.....عندي بنتي 3سنين و1/2 اطعمت النهاردة الصبح تطعيم شلل الاطفال+الحصبة ......في الرجل......عضلة الرجل تعباها دلوقتي مكان الحقنة........ياتري اعملها كمادات باردة ولا دافية.........وشكرا جزيلا.

[LORD.ADeL]

السلام عليكم
بنتى عندها سنتين واطعمت نهاردة هل يوجد اي ارشادات يتم اتباعها بعد تطعيم
وكمان هيا لسه خرجه من دور سخونه وعندها سخونه نطرة عله وشها وشويا ورجلها مع كحه وفي بلغم بسيط وشكراا

[د.محمود صلاح]

ازيك يادكتور محمود.....عندي بنتي 3سنين و1/2 اطعمت النهاردة الصبح تطعيم شلل الاطفال+الحصبة ......في الرجل......عضلة الرجل تعباها دلوقتي مكان الحقنة........ياتري اعملها كمادات باردة ولا دافية.........وشكرا جزيلا.

كامادات مياه دافية اريح شوية مع التدليك يخفف الألم قليلاً . شراب باراسيتامول للألم

سؤالي لحضرتك .. ده تطعيم ايه بالضبط ؟ روتيني اجباري ولا عيادة خاصة ؟

[د.محمود صلاح]

السلام عليكم
بنتى عندها سنتين واطعمت نهاردة هل يوجد اي ارشادات يتم اتباعها بعد تطعيم
وكمان هيا لسه خرجه من دور سخونه وعندها سخونه نطرة عله وشها وشويا ورجلها مع كحه وفي بلغم بسيط وشكراا

بعد التطعيم ادي باراسيتامول خافض حرحرة ومسكن الم .. للكحة استعمل الأدوية الآمنة مثل الجوافلكس والبرونكو أعشاب

[otefa]

كامادات مياه دافية اريح شوية مع التدليك يخفف الألم قليلاً . شراب باراسيتامول للألم

سؤالي لحضرتك .. ده تطعيم ايه بالضبط ؟ روتيني اجباري ولا عيادة خاصة ؟

شكرا يادكتور محمود......هو جرعة منشطة اجباري علي مااعتقد في المستوصف....هي الحمد لله لما رجعت من شغلي دلوقتي لاقيتها بتقولي انه رجليها راح منها الوجع وماشية عادي الحمد لله.

[LORD.ADeL]

بعد التطعيم ادي باراسيتامول خافض حرحرة ومسكن الم .. للكحة استعمل الأدوية الآمنة مثل الجوافلكس والبرونكو أعشاب

شكراا يا دوك باذن الله اتابع معاها اللازم والله مستعان
معلش يا دكتور ساؤل تانى
دلوقت البنت بقت قماصه اوي وزن وتعيط اذا ماتم تنفيذ رغبتها
وتعيط وتعمل دوشه ايه التصرف صحيح معهاا ومشكله انى مش عارفين نكلمها لنها تعبانه ؟

[amir_ezzat]

الف شكر ليك يا دكتور على وقتك
معلش انا كان ليا سؤال انا ابنى عنده 3 سنوات ولا 5 شهور
وبلاحظ من فتره للتانيه بيطلع فى جسمه كله حبوب وهرش جامد قوى وكل ما اروح لدكتور بيقول انها حساسيه بحاول اعرف هو اكل ايه واقلل منه بس ممكن مره ياكل حاجه تيجى منها ومره تانيه لأ ياترى فيه تحليل يحدد هو عنده حساسيه من ايه
والف شكر ليك

[د.محمود صلاح]

شكراا يا دوك باذن الله اتابع معاها اللازم والله مستعان
معلش يا دكتور ساؤل تانى
دلوقت البنت بقت قماصه اوي وزن وتعيط اذا ماتم تنفيذ رغبتها
وتعيط وتعمل دوشه ايه التصرف صحيح معهاا ومشكله انى مش عارفين نكلمها لنها تعبانه ؟

لا تفريط ولا افراط .. عاملها بين بين .. حزم برفق ولين