"عيادة طب الاطفال للإستشارة

[د.محمود صلاح]

المهندس محمد حرحش /
تحية طيبة وبعد

حضرتك ما وضحتليش أكثر عن الصوت ده هل مصاحب بأعراض مرضية ؟ هل الطفله سعيده وأمورها طبيعية ؟
الطفل عادة فى هذا السن يصدر أصوات مبهمة وهى بداية تكوين مفردات اللغة عنده ,
وبالنسبة لجلوس الطفل فممكن يجلس مسنودا بداية من الشهر الرابع الى الخامس و يمكن أن يجلس بدون سنادة من الشهر السابع ,
وبالمناسبة عملت ايه فى موضوع التطعيمات ؟
:):)

[د.محمود صلاح]

وبالمناسبة يا باشمهندس محمد ممكن توصف لنا وضع السيارات عندك فى اليابان ايه ؟ ومين الماركه المنتشرة أكثر عندك ولتكن مشاركتك قى القسم العام ولك جزيل الشكر

[msmm122]

حضرتك ما وضحتليش أكثر عن الصوت ده هل مصاحب بأعراض مرضية ؟ هل الطفله سعيده وأمورها طبيعية ؟
الطفل عادة فى هذا السن يصدر أصوات مبهمة وهى بداية تكوين مفردات اللغةليكم عنده ,
وبالنسبة لجلوس الطفل فممكن يجلس مسنودا بداية من الشهر الرابع الى الخامس و يمكن أن يجلس بدون سنادة من الشهر السابع ,
وبالمناسبة عملت ايه فى موضوع التطعيمات ؟

السلام عليكم الحمد لله البنت طبيعيه ولكن الصوت مستمر بنغمة واحده كأنها تتألم من شيء اعتقد الدرادير ممكن هل الدرادير ممكن تجعل الطفل يتألم؟
وشكرا بالنسبة للتطعيمات الحمد لله اخذت اول طعم دي بي تي بدون الم الحمد لله ولم ترتفع الحراره
وبالمناسبة يا باشمهندس محمد ممكن توصف لنا وضع السيارات عندك فى اليابان ايه ؟ ومين الماركه المنتشرة أكثر عندك ولتكن مشاركتك قى القسم العام ولك جزيل الشكر
ان شاء الله سأقوم بوضع موضوع عن السيارات في اليابان عندما انتهي من الشغل المتراكم على هنا
والسلام عليكم على فكره سمعت ان حضرتك عاوز تبيع السياره الشفروليه لماذا؟ هل ظهرت فيها عيوب؟

[د.محمود صلاح]

فعلا أسنان الطفل ممكن تسبب له ألم وهى فى رحلتها من داخل الفك الى بداية البروز
أنا فعلا بعت الشيفروليه عشان مسافر واشتريت عربيه كده على القد تقعد معايا لحد ما استقر هنا وأفكر أجيب ايه بإذن الله

[douha_wise]

السلام عليكم يا دكتور محمود و ربنا يوفقك فى سفرك و عملك و يهون عليك
كنت اريد سؤالك عن شئ خاص بابنتى التى عمرها حوالى 4 سنوات
هى استيقظت من نوها صباح امس ووجدنا تحت عينيها الأثنين لون إحمرار ثم وجدت هذا الإحمرار ازداد اليوم أكثر بشكل بالغ و اصبحت عينيها كأنها مرهقة جدا و لا اعلم ما هذا هل هذا حساسية بالعين أم هذا إن شاء اللة انا ناوى أذهب بها لدكتور اطفال الليلة و كنت أتمنى لو كان الدكتور عيادتة فاتحة صباحا لكنت ذهبت لة على الفور أرجو أن ترشدنى يا دكتور
جزاك اللة خيرا

[douha_wise]

على فكرة أنا لسة مستلم نتيجة تحاليل البول لأنى شكيت برضة فى موضوع الأملاح لأن جسمها بيكون املاح و لا أعرف لماذا رغم انى مركب فلتر 7 مراحل و بالرغم من ذلك اجد عندها أملاح
المهم وجدت نسبة الأملاح ( +++ ) فهل ممكن يكون لهذا علاقة بما حدث لها و ايضا ما سبب إن الجسم يكون أملاح بإستمرار

[د.محمود صلاح]

ألف سلامة وآسف على التأخير
الأملاح اللى موجوده فى تحليل البول هى حسب نوعها ولكن الأكثر شيوعا هى أملاح الأوكزالات التى تتكون عن طريق بعض الأطعمه مثل الباذنجان والطماطم و وأملاح اليوريات التى تتكون عن طريق بعض الأطعمة مثل اللحوم
لا علاقة لهذه الأملاح بالجلد أز بالاحمرار اللى حضرتك ذكرته , هل يوجد انتفاخ حول عينيها ؟
أنا أعتقد إن هذا الإحمرار هو نتيجة نزلات البرد المنتشرة اليومين دول بين الأطفال وبالذات اذا كانت مصاحبة برشح وعطس
بعض الاشخاص يكون لديهم قابلية اكثر من غيرهم لتكوين أملاح وحصوات وأيضا عادات الأكل والشرب

[douha_wise]

الأملاح نوعها ( +++ ) A. Urate
و انا لسة جاى من عند الدكتور و قالى اللى عندها ميكروب مسببلها التهاب فى الحلق و الإحمرار و حساسية و قاللى إنة بيعدى عشان كدة بعدت اخوها عنها و كتبلى على ( زيرتك ) مرة فى اليوم لمدة 6 أيام و مضاد حيوى ( اوجمنتين ) 3 مرات يوميا لمدة 8 أيام و( ميجافين ) فى حالة ارتفاع الحرارة و قالى نخلى دواء الأملاح بعدين عشان متخدش اكتر من كدة ادوية حاليا و وصانى بإنها تشرب مياة كتير و على فكرة هية معندهاش عطس لكن عندها رشح بسيط و احتقان
فأية رأيك يا دكتور
انا على فكرة بشكرك جزيل الشكر و إن شاء اللة سيثيبك اللة خيرالثواب على ما تفعل
و كل ما املك قولة هو الدعاء لك بكل خير

[د.محمود صلاح]

فى الحقيقة صعب تحديد ما أذا كان التهاب الحلق بسبب فيروس أم بسبب بكتيريا الحلق بالميكروب السبحى , فى حالة الإلتهاب الفيروسى فلا يوجد له علاج بل بيتحسن مع الوقت أما فى حالة الالتهاب البكتيرى فلا بد من مضاد حيوى كويس مثل الاوجمنتين , وعموما الأطباء فى مصر بتستسهل وتكتب المضاد الحيوي على طول أما فى بلاد برة فبيعملوا مسحة من الحلق وبتظهر نتيجتها فورا فإذا ظهر الميكروب السبحى يوصفولك مضاد حيوى أما اذا كان الالتهاب فيروسى فلا يصفوا شيئا أكثر من مسكنات للحرارة ,
بالنسبة للأملاح فعلا شرب المياه هينزلها مع مغلى نبات حلف البر - يوجد فى الصيدليات تحت اسم بروكسيمول فوار ملعقة على نصف كوب ماء مرة يوميا أو مرتين -
ولا شكر على واجب والف سلامة لها

[araberphilosoph]

سلام عليكم
بجد ربنا يبارلكلك في وقتك وفي مجهودك
انا مبعوتلي شويه دوا من المانيا ملهمش لازمه عندي ودول جداد وصلاحيتهم لحد 2012 وعايز اتبرع بيهم لحد يكون محتاجلهم بس المشكله اني معرفش دول بتوع ايه
الدوا الاول حقن اسمهت MEAVERIN مكتوب علي العلب انها مخدر قوي او مسكن وه علب كل علبه فيها 5 حقن؟؟
التاني اسمه tramdol نقط ومكتوب عليه برده انه مسكن
دول بتوع ايه يا دكتور؟؟ واديهم لمين الدوا ده شكله جامد واسعاره غاليه في اوروبا بس معرفش بتوع ايه
وشكرا يا دكتور

[د.محمود صلاح]

وعليكم السلام ورحمة الله وبركاته
الدواء الأول MEAVERIN هو مخدر بتاع شركة افنتيس الالمانية وثمن العلبة 57 يورو اسم المادة العلمية Mepivacaine hydrochloride
وهو مخدر موضعى ويستخدم أيضا للتخدير النصفى ( يحقن فى سلسلة الظهر ) وهذا الدواء أعطيه لطبيب تخدير فقط
أما الترامادول فده مسكن قوى ويقع تحت بند الادويه شبيهة المورفين حيث أن له مفعول مشابه للمخدرات من ( ادمان وتعاطى وبيعمل دماغ يعنى )
وهو من أدوية الجدول ويباع فى السوق السوداء بمبالغ طائلة أعلى من سعره الرسمى

[araberphilosoph]

متشكر جدا يا دكتور بس انا معرفش اطباء خالص تقريبا تنصحني اوديهم فين؟

[د.محمود صلاح]

تبرع به لجمعية خيرية بها مستوصف أو مستشفى خيرى لمدير المستشفى كى يوزعهم بمعرفته

[mostafabakry]

السلام عليكم ورحمة الله و بركاته دكتور محمود
معلش يا دكتور محمود علي ازعاجي الدائم لحضرتك لي استفسار بسيط
طبعا حضرتك فاكر ان انا لي مولودة صغيرة عمره حاليا 3 شهور و كنت حكيت لحضرتك في اول المشاركات عليها و هي دلوقتي الحمدلله كويسة و بصحة جيدة بس موضوع التسلخات هو اللي مضايقني شوية لأن البنت عندها شوية تسلخات في فخاذها مع اني كنت بستخدم الذنك اوليف باستمرار و مش عارف اعمل ايه لأن الطبيب اللي بتابع عنده كتب لها علي كريم اسمة بانديرمال و احنا ماشيين عليه بس لسه التسلخات موجودة بس هي قلت كتير عن الأول
في ناس قالولي ان السبب في التسلخات دي هو الحفاضات (البامبرس) لأننا بصراحة بنستخدمة باستمرار و بنغير لها حوالي 4-5 مرات في اليوم بس بالليل بتفضل بيه لغاية الصبح
لما روحت بيها للطبيب بتاعها عشان التسلخات دي و قلنا له انها بتلبس البامبرس باستمرار قالي لا كدا غلط لازم تتهوا شوية و استخدموه بالليل بس
ايه راي حضرتك هل البامبرس هو المشكلة و لا لأ

[د.محمود صلاح]

ممكن يكون البامبرز مع وجود البلل سببا للتسلخات لابد من تهويه الطفل وتجفيف جلده واستخدام ( الكافولة القطنية ) كلما أمكن وتغييرها باستمرار لمنع تفاعل البول مع الجلد - توجد مراهم كثيرة لعلاج التسلخات مثل الكوادريديرم . والف سلامه