"عيادة طب الاطفال للإستشارة

[حماده عزو]

والله يا دكتور مشكور على مجهودك
انا عندى طفله عنده أنهارده شهرين
وكنت ناوى أسئل على حاجات بس لقيتها كلها موجوده
عموما لو تنصحنى باى حاجه
وسؤال هوا التطعيم الى بيتاخد فى الفخذ لعمر شهرين بيكون نعاه اى تتطعيمات تانيه فى نفس الوقت
وأثاره على الطفل أيه بعد التطعيم
أنا لسه مطعمها انهارده عمر 60 يوم
جزاك الله خيرا

[د.محمود صلاح]

آسف على الـتأخير فى الرد
جدول التطعيمات الأجبارية المعمول به فى مصر :
عند الولادة وحتى 15 يوم الجرعة الصفرية من شلل الأطفال - نقطتين بالفم
حتى شهرين .. ضد الدرن ( السل ) حقنة بين طبقات الجلد فى الكتف الشمال وتعمل ندبة فى الجلد خلال 3 شهور دليل فاعلية التطعيم
عند شهرين شلل 1 ( نقطتين بالفم ) وثلاثى 1 ( فى الفخذ ) وكبدى 1 ( فى الفخذ الآخر )
عند 4 شهور و6 شهور مثل جرعة الشهرين
عند 9 شهور طعم الحصبة وشلل 4 وفيتامين أ جرعة وقائية 100 الف وحدة
عند سنة ونصف تطعيم ام ام ار ( حصبة ونكفية وحصبة المانى ) ومنشطة شلل ومنشطة ثلاثى وفيتامين أ 200 الف وحدة
الآثار الجانبية للتطعيم : ارتفاع فى حرارة الطفل ( وتعالج بأدوية الباراسيتامول مثل سيتال وتمبرا )
تشنجات حرارية خلال 3 أيام من التطعيم ( ولذا يجب خفض حرارة الطفل ) ولو حدثت لا تعطى الطعم الثلاثى فى المرة القادمة بل اعطيه الثنائى
بكاء متواصل لأكثر من ثلاث ساعات ( حاول تهدئة الطفل ودعك مكان الحقنة )
موانع التطعيم : لا توجد موانع الا لو الطفل مريض جدا لدرجة دخوله المستشفى
طعم الدرن لا يعطى لمريض الإيدز

[aliabutaleb]

مشكلة الفول ما يسمى انيميا الفول وهى من أنواع الأنيما التكسيرية وتظهر على الأطفال فى أى سن منذ الولادة وحتى السنين الأولى من العمر وهى شائعة فى الذكور ولكن ممكن تصيب الإناث - نادرا - طبعا لازم يكون فيه تاريخ مرضى فى العائلة لأنه مرض وراثى تحمله الإناث فى شجرة العائلة وتعطيه للذكور . وأعراضه هى صفراء وليدية فى حديثى الولادة أو شحوب الوجه والكفين واغمقاق لون البول الى لون الشاى فى الأكبر سنا وهو مرض ليس بخطير أو مزمن ويختفى تدريجيا عند سن ال12 سنة

بنتي رقية عمرها 3 سنين ونصف وشاء ربنا إنها تكون إحدى الحالات النادرة المصابة بأنيميا الفول

حضرتك بتقول إن ان شاء الله تحتفي الأنيميا على سن 5 سنوات
ربنا يطمئن قلبك يا دكتور

دلوقتي معظم الدكاترة اتفقوا ان حمزة ابني اللي عمره دلوقتي 4 شهور نسبة اصابته بأنيميا الفول عالية جداً لأنها عند أخته وإن الأحوط إننا نتجنب نأكله الفول
هل الكلام ده صحيح؟

ويجزيك خير على الموضوع الرائع ده

[د.محمود صلاح]

الف سلامة على اولادك ... المرض اسمه انيميا الفول وهو من انواع الانيميا التكسيرية ( التى يحدث فيها تكسير للدم عند توافر العامل المسبب له ) واسمه بالانجليزى اختصارا ( G6PD ) طبعا شدة المرض بتبقى على حسب نقص الأنزيم المسبب له ( نقص كامل او جزئى ) . فطبعا اذا كان نقص كامل ( G6PD - no activity ) فممكن رائحة الفول فقط تسبب تكسر فى الدم ولذا ينصح بالإبتعاد عن جميع الأغذية ذوات الفلقة وأولهم الفول وقائمة كبيرة من الأدوية يعرفها جميع الأطباء ( ولكنها ليست شائعة التداول والحمد لله ) . وكذلك الحناء والمبيدات الحشرية ونزلات البرد والالتهاب الكبدى من مسببات تكسير الدم فى هذا المرض .

طبعا ما ذكرته عن اختفاء الانيميا اقصد به نقصان الانزيم الجزئى والذى قد يستعيد عافيته مع الزمن بزوال المسبب

[aliabutaleb]

الف سلامة على اولادك ... المرض اسمه انيميا الفول وهو من انواع الانيميا التكسيرية ( التى يحدث فيها تكسير للدم عند توافر العامل المسبب له ) واسمه بالانجليزى اختصارا ( G6PD ) طبعا شدة المرض بتبقى على حسب نقص الأنزيم المسبب له ( نقص كامل او جزئى ) . فطبعا اذا كان نقص كامل ( G6PD - no activity ) فممكن رائحة الفول فقط تسبب تكسر فى الدم ولذا ينصح بالإبتعاد عن جميع الأغذية ذوات الفلقة وأولهم الفول وقائمة كبيرة من الأدوية يعرفها جميع الأطباء ( ولكنها ليست شائعة التداول والحمد لله ) . وكذلك الحناء والمبيدات الحشرية ونزلات البرد والالتهاب الكبدى من مسببات تكسير الدم فى هذا المرض .

طبعا ما ذكرته عن اختفاء الانيميا اقصد به نقصان الانزيم الجزئى والذى قد يستعيد عافيته مع الزمن بزوال المسبب

جزاك الله خيراً يا دكتور وزادك من علمه
وتحياتي لك على الموضوع الرائع

[tamersalah]

إستفسار بخصوص نوم الأطفال

ألف شكر يا دكتور علي المشاركات الغنية و المفيدة
حقيقي كما قال أحد الأعضاء الأفاضل، بعض من الأسئلة تم الإجابة عنها بالفعل. و أتمني أن تكون الإجابة عن سؤالي مفيدة بالنسبة للجميع لأني متأكد من أنهم جميعا يعانون نفس المشكلة.

رزقت بإبنة علي وشك أن تكمل 3 أشهر. و المشكلة هي النوم. فهي لا تنام قبل الساعة 5 صباحا و تستيقظ في حوالي الثانية أو الثالثة و لكننا نوقظها في هذه الأثناء للرضاعة. و علي مدار اليوم تستيقظ و تنام حوالي كل ساعة. ما هو الحل ؟

أشكرك شكرا جزيلا علي إهتمامك.
:k47:

[mexmarine]

دكتور محمود شكرا جزيلا لفكرتك النبيله جدا جدا و جعلها الله فى ميزان حسناتك ..

لى استفسار احب اسمع رأى حضرتك

لى ابنى يوسف حوالى سنتين و 4 شهور صحته طبيعيه جدا بإستثناء الإمساك يا دكتور .. بيدخل الحمام كل اربعة او خمسة ايام مع معاناه شديده جدا .

رحت للدكتور كذا مره و قالى لى مالوش علاج غير اكل الالياف و خمسه سنتى زيت برافين كل يوم و ملين للمعده..

بعد كده زادت الجرعه الى 10 سم زيت و الملين مع استمرار المعاناه

برجاء رأى حضرتك الطبى ... و شكرا لسعة صدرك

[د.محمود صلاح]

ألف شكر يا دكتور علي المشاركات الغنية و المفيدة
حقيقي كما قال أحد الأعضاء الأفاضل، بعض من الأسئلة تم الإجابة عنها بالفعل. و أتمني أن تكون الإجابة عن سؤالي مفيدة بالنسبة للجميع لأني متأكد من أنهم جميعا يعانون نفس المشكلة.

رزقت بإبنة علي وشك أن تكمل 3 أشهر. و المشكلة هي النوم. فهي لا تنام قبل الساعة 5 صباحا و تستيقظ في حوالي الثانية أو الثالثة و لكننا نوقظها في هذه الأثناء للرضاعة. و علي مدار اليوم تستيقظ و تنام حوالي كل ساعة. ما هو الحل ؟

أشكرك شكرا جزيلا علي إهتمامك.
:k47:

آسف للتأخر فى الرد فلم أشاهد مشاركتك الا اليوم , بخصوص الأطفال فى السن ده فما ذكرته هو شئ طبيعي حيث أن النوم لدى الاطفال فى مراحلهم الاولى من العمر يكون متقلب وطويل وشيئا فشيئا سينضبط الحال .

[د.محمود صلاح]

دكتور محمود شكرا جزيلا لفكرتك النبيله جدا جدا و جعلها الله فى ميزان حسناتك ..

لى استفسار احب اسمع رأى حضرتك

لى ابنى يوسف حوالى سنتين و 4 شهور صحته طبيعيه جدا بإستثناء الإمساك يا دكتور .. بيدخل الحمام كل اربعة او خمسة ايام مع معاناه شديده جدا .

رحت للدكتور كذا مره و قالى لى مالوش علاج غير اكل الالياف و خمسه سنتى زيت برافين كل يوم و ملين للمعده..

بعد كده زادت الجرعه الى 10 سم زيت و الملين مع استمرار المعاناه

برجاء رأى حضرتك الطبى ... و شكرا لسعة صدرك

سأذكر لك رأي الطب المبسط لموضوع الإمساك ,
الامساك : هو مرور براز صلب أو بطريقة مؤلمة
أسبابه : * فى الغالب بدون سبب محدد ( غير عضوى ) functional؛
* الأمساك عن التبرز تجنبا للألم اذا كان هناك شرخ أو خراج
* اتساع المستقيم نتيجة لقلة الأحساس بالرغبة فى التبرز لدى البعض مع وجود ضعف بالعضلات القابضة لفتحة الشرج تؤدى لتجمع البراز وتصلبة وبالتالى انحشاره وانسياب السوائل حول كتلة البراز الصلبة encopresis
* أسباب عضوية مثل عيوب خلقية بالأمعاء - ضبق - مرض هيرشسبرنج ( حيث يكون هناك امساك مزمن منذ الولاده - مغص )
* أسباب اعتلال أعصاب - ( وتكون هناك اعراض اخرى غير الامساك )
--------------
خطة العلاج : -
استبعاد العيوب الخلقية ومرض هرشسبرنج ( ضيق المستقيم ما قبل فتحة الشرج ) بالأشعة العادية وبصبغة الباريوم .
علاج الأمساك الغير عضوى : -
أولا ازالة كتلة البراز الصلبة ان وجدت وذلك بالحقن الشرجية ( فى عيادة طبيب جراحة )
ثانيا تجنب تكوين كتلة براز صلبة أخرى بعد التفريغ السابق بمداومة التفريغ باستخدام محفزات خروج البراز مثل نقط بيكولاكس ومتابعة استخدام ملينات قوام البراز كما تم وصفه لك مثل شراب اللاكتولوز يوميا لمدة اسبوعين
ثالثا : التغذية الغنية بالالياف والأبتعاد عن الاغذية المسببة للامساك مثل الكافيين ( القهوة الكولا الشيكولاتة ) والحليب الزائد عن الحد ( عند البعض ) , والاكثار من السوائل
رابعا : التدريب المستمر على موعد معين للتواليت toilet sitting and training ويفضل بعد الوجبات - الرياضة البدنية مثل الجرى
خامسا : محاولة تسجيل الأحداث ( موعد التواليت - جرعات الدواء - استمرار الامساك ) لصعوبة التذكر فيما بعد فى زيارات المتابعة للطبيب
---------
تطور الحالة prognosis
التحسن يصل الى 90 % من حالات الامساك الغير عضوى معتمدا على اتباع تعليمات العلاج والمتابعة
----------
المصدر
The 5 - Minute Pediatric Consultation

[emadkamel]

د. محمود، الف شكر على الموضوع الجميل ده
السيد عفركوش (ولدنا) بقى عنده 4.5 دلوقت وحتى الآن بتحصل بنسبة 5 ايام فى الاسبوع انه يبل نفسه وهو نايم

هل هو كده متأخر فى التحكم اللارادى للبول وللا لسه؟ وازاى ممكن نعالج الموضوع ده

الحاجة التانية النطق، هو عنده الكاف والسين والجيم عاملين حادثة .... بيبقوا تاء وثاء ودال بالترتيب ... هل برضه بدرى وعادى ... وللا نتدخل؟ وإزاى؟

ومتشكر جداً

[Mido80]

انا بنتي عمرها سنتين و8 شهور. لاحظنا منذ حوالي شهر ظهور بقع حمراء في جسمها ووجهها. وديتها للدكتور قالي ان دة اكزيما واعطاها دواء عبارة عن كلاميل ومرهم كورتيزون ونصحنا بجعل كل ملابسها من القطن والابتعاد عن القطط والكلاب وعدم استعمال السجاد او الموكيت وعدم اكل الفراولة ولا الموز.

بعد اخذ الدواء الحالة اتحسنت شوية بفضل الله تعالي ولكن ردت اليها مرة تانية وظاهر جدا علي وجهها وجسمها واحنا قلقانين جدا وخايفين ان دة يفضل ملازمها علي طول.

ياريت لو حد من الاخوة الافاضل المتخصصين في طب الاطفال او الجلدية يشور علي اعمل اية في الامر دة...

[Mido80]

اية يا دكاترة مفيش حد رد لية؟

[د.محمود صلاح]

السلام عليكم انا اخو د.محمود صلاح وداخل من عضويته وهو بيعتذر عن الرد لان الموقع محجوب في عمان
د.م / محمد صلاح
المنيا- مصر

[meza]

ههههههه ... نايل موتورز محجوب !

حاجات غريبة بتحصل بره .... بص حضرتك ممكن يدخل على نايل من خلال الموقع ده www.anonymouse.org

[Terrible_DaRsH]

جزاك الله خير يا دكتور ...