"عيادة طب الاطفال للإستشارة

[ashrafsadany]

يا دكتور عايز نصحتك مش عرفين نتصرف انا وزوجتى ربنا رزقنا طفل الحمد لله وهوا عندو سنتين و3 شهور كنا ابتدينا نعلمو استخدام البوتى وهوا عندو سنة و8 شهور واستجاب للتعليم فترة كبيرة حتى وهوا نايم كان يقوم علشان يعمل حمام وكان بيمسك نفسو وحنا فى الشارع لحد منرجع وكان الموضوع ممتاز وتخيلنا اننا عدينا المرحلة دى وفجئة من اسبوع كل شيئ كأنو لم يكن بيعمل على نفسو تانى وبيعند جدآ لو طلبنا منو الجلوس على البوتى ويرفض ويعمل على نفسو دا تفسيرو اية والعمل معاة اية علشان احترنا والاراء متضاربة فى التعامل مع الحالة دى رجاء تفسير حضرتك

[د.محمود صلاح]

ارى اعادة تدريبه باسلوب المحايلة والملاطفة , ومع الوقت هيستجيب ولا داعى للقلق

[د.محمود صلاح]

ابنى عنده 4 شهور وعايز اطاهره ايه السن المناسب للطهارة

وايه اساليب الطهارة الحديثة؟؟

كل ما يكون بدرى يكون افضل ,

افضل لك الطهارة عند جراح متمكن واستخدام الخياطة الرفيعة جدا تجنبا لمشاكل النزيف

[د.محمود صلاح]

وكمان عايز اعرف الوزن المثالى له فى الشهر الرابع مع العلم ان وزنه عند الولادة 3.400 جرام؟؟

وعدد الرضعات الطبيعية المثالية من الام ؟؟

ولك جزيل الشكر والامتنان ......

معدل الوزن حسب جداول جامعة عين شمس للشهر الرابع - من 4,2 الى 7,8

الطول من58 سم الى74 سم وهو ممدد

عدد الرضعات من 8 فما اكثر ليلا ونهارا كلما طلب , بدون اى اضافات او ماء او لبن صناعى او ينسون الى بداية السادس

[د.محمود صلاح]

السلام عليكم
دي اول استشاره وان شاء الله هنتابع مع حضرتك باستمرار طبعا لاني انا وامه علاقتنا بالاطفال زي علاقتنا بالانشطار النووي
وده اول طفل لينا (يعني لسه بنتعلم عليه)
ربنا يبارك لك فيه

المهم احنا عندنا شويه حجات مش فاهمينها ومخليانا قلقانين
اولا: بيجي له زغطه (فواق) هل ده عادي ولا

عادى جدا دليل الشبع

ثانيا: باليل يكون نايم وفي امان الله شويه كده وتلقاه صحي يحزء ويعيط علشان بيعمل حمام والدكتور شافه وقال ان عنده انتفاخ وعنده غازات (ده طبيعي ولا)

مغص الاطفال طبيعى لحد الشهور الست الاولى من العمر ولا اسباب محدده له ولا علاج سحرى له ,, مجرد هدهده ومناغاه وخفض الضوضاء والتدفئة وتقليل تنقله من يد لأخرى

تاني يوم ولاده احنا كشفنا له والدكتور كتب له (بيدي ووتر)(وقطره اوليفين )علشان الخنفره ولسه عنده الخنفره

الخنفرة نتيجة للهواء البارد الرجاء تدفئة الغرفة جيدا , قطرة اوتريفين محلول ملحى فقط هى المسموح بها

ولما شافه الاسبوع الماضي قال عنده انتفاخ وكتب له (سايمثيكون) لمده شهرين و(جاست ريج) ونقط للفم (فنيستيل نقط) لمده اسبوع
وقال البيدي ووتر عند اللزوم ومامته بتديله لما بيعيط حاجه سخنه اسمها (بيبي درنك)

لا داعى للجاست ريج ولا الفنيستيل ,, النتفاخات دى طبيعية جدا وان كانت بتعمل مغص وبكاء وحزق , اما الساميثكون فبيشفط الغازات لا ضرر منه , البيبى درنك اعشاب زى من ايام زمان لا مانع منه


وعندي مشكله تاني لما ييجي يشرب الدواء ياخده في فمه شويه ويطلعه تاني وميرضاش يشربه (ده طبيعي طفل في السن ده بيعرف طعم الدواء )

طبعا بيستطعم ولا داعى لأدوية مالهاش لازمه

معلش ياريت ترد عليا في موضوع الخنفره لاني حاسس انها زادت
نسيت حاجه يوم ما اتولد دخل الحضانه علشان ميه دخلت في صدره وقعد تلات سعات وحالته استقرت ممكن يكون ليها علاقه بالخنفره خصوصا ان انا وامه عندينا حساسيه
انا اسف اني طولت عليك

لو فيه تارخ مرضى يبقى ممكن الطفل يطلع عنده حساسية جلد او صدر وربنا يعفو ,

اما الخنفرة فهتروح مع الوقت بس استخدم اوتريفين بيبي وتدفئة جو الغرفة

[ashrafsadany]

ربنا يكرمك يا دكتورنا
بلنسبة للاخ الى بيسأل على الطهارة فى دكتور ممتاز فى الهرم لو قريب منك استاذ جراحة الاطفال فى جامعة الازهر والجراحة العامة اسمو على حسيب

[KSA2011]

كل ما يكون بدرى يكون افضل ,

افضل لك الطهارة عند جراح متمكن واستخدام الخياطة الرفيعة جدا تجنبا لمشاكل النزيف

بعد اذنك يا دكتور محمود انا احترت فى موضوع الخياطه ده
بتوع جراحه الاطفال مش بيخيطوا
لكن بتوع الجراحه العامه بيخيطوا
الافضل ايه ؟

[hossam_elwani]

معدل الوزن حسب جداول جامعة عين شمس للشهر الرابع - من 4,2 الى 7,8

الطول من58 سم الى74 سم وهو ممدد

عدد الرضعات من 8 فما اكثر ليلا ونهارا كلما طلب , بدون اى اضافات او ماء او لبن صناعى او ينسون الى بداية السادس

شكرا على ردك

طيب هل ممكن امه تأكله زبادى فى الايام دى؟؟؟

وبعدين ايه حكاية جراح اطفال وجراح عام ايهم افضل؟؟

وسمعت كمان ان فيه اداة جديدة عبارة عن حلقة بتم بيها الطهارة للقطع الدائرى بكل سهولة دن مشرط هل ده صحيح ؟؟

[د.محمود صلاح]

لأول 6 شهور لاشئ يدخل فم الطفل الا الرضاعة الطبيعية ,

تخصص جراحة الأطفال فرع من تخصص الجراحة العامة ,

يتم قطع الجلد فى الطهارة باستخدام مقص خاص ,

بالنسبة للخياطة , حسب رأي اخصائى الجراحة المعالج , عندنا فى عمان فى المستشفيات الحكومية لازم خياطة

[hossam_elwani]

لأول 6 شهور لاشئ يدخل فم الطفل الا الرضاعة الطبيعية ,

تخصص جراحة الأطفال فرع من تخصص الجراحة العامة ,

يتم قطع الجلد فى الطهارة باستخدام مقص خاص ,

بالنسبة للخياطة , حسب رأي اخصائى الجراحة المعالج , عندنا فى عمان فى المستشفيات الحكومية لازم خياطة

شكرا جزيلا على اهتمامك وردك الكريم

[د.محمود صلاح]

عفوا وربنا يحفظ لكم ذريتكم بتمام الصحة والسلامة

[د.محمود صلاح]

الأخ النوبي و لقد قمت بالرد على رسالتك على الخاص ولكن يبدو أنك حاذف خيار الأستقبال على الخاص

[النوبي]

الأخ النوبي و لقد قمت بالرد على رسالتك على الخاص ولكن يبدو أنك حاذف خيار الأستقبال على الخاص

لا ابدا يادكتور علي العموم انا ضفتك كصديق للتغلب علي هذه المشكله
وربنا يبارك فيك ويجعله في ميزان حسناتك إن شاء الله

[د.محمود صلاح]

تم الرد على الخاص

[lido_pink2000]

لو سمحت يا دكتولر انا قلتلك ان ابنى عندة15 شهر و عندة حساسية وراثية فى الانف وبياخد زيرتك المشكلة ان الدواء مابقاش بيعمل تاثير يعنى مناخيرة مسدودة على طول و بياخد نقط انف اسمها اوكسيمت عشان يعرف يتنفس اعمل ايه؟