"عيادة طب الاطفال للإستشارة

[د.محمود صلاح]

يا دكتور انا ابنى عمرة سنه و 3 شهور عايزة اعرف اية التطعيمات الاضافية اللى ممكن ياخدها و بتبقى فين فى اسكندرية و هل غالية اوى؟

وزارة الصحة لديها تطعيمات أساسية وكل دولة من الدول لها استراتيجية فى التطعيمات حسب الأمراض المنتشره بها , التطعيمات الإضافية هى عبارة مرسلة حيث توجد الآلاف من الامراض لها تطعيمات ,

وبالتالي لا داعى لتطعيمات اضافية طالما صحة الطقل جيده يكفى الإجبارية التابعة لوزارة الصحة

[د.محمود صلاح]

معلش سؤال تانى هو من المفيد انة ياخد فيتامينات فى السن دة مع العلم انه بيمشى و طلع 8:u_thin1[1]:سنان و درسين

لا داعى للفيتامينات بدون داعى حيث قد تؤدى لأمراض فرط الفيتامين

المنصوح به فى سياسة الوزارة هو جرعة شراب حديد وقائية كل اسبوع حتى اتمام سنتين ونصف ( سيترون شراب )

[د.محمود صلاح]

السؤال التالت انا ابنى تقريبا كل شهر يجيله دور سخونية و بيطلع عنده التهاب فى الحنجرة و الاذن الوسطى و بياخد مضاد حيوى و مش عارفة اية الحل و كمان عندة حساسية انف وراثية هل zyrtecمفيد؟

الزيرتك مضاد للحساسية لايسبب النعاس وبالتالى مفيد لحالة حساسية الانف وبالطبع مع المتابعة مع طبيب الأنف والاذن والحنجرة

التهاب الأذن الوسطى والحلق لابد له من علاج بالمضاد بالجرعة المظبوطة لمدة 10 ايام والا سيكمن الميكروب ويعاود الظهور

[aliabutaleb]

وبالتالي لا داعى لتطعيمات اضافية طالما صحة الطقل جيده يكفى الإجبارية التابعة لوزارة الصحة

د. محمود جزاك الله خيراً على الإفادة
بس كان عندي سؤال بخصوص تطعيم الـ "روتا"
حضرتك بتنصح بيه؟

[أبــوحبيبه ونور]

اقتباسالمشاركة الأصلية كتبت بواسطة lido_pink2000السؤال التالت انا ابنى تقريبا كل شهر يجيله دور سخونية و بيطلع عنده التهاب فى الحنجرة و الاذن الوسطى و بياخد مضاد حيوى و مش عارفة اية الحل و كمان عندة حساسية انف وراثية هل zyrtecمفيد؟
الزيرتك مضاد للحساسية لايسبب النعاس وبالتالى مفيد لحالة حساسية الانف وبالطبع مع المتابعة مع طبيب الأنف والاذن والحنجرة

التهاب الأذن الوسطى والحلق لابد له من علاج بالمضاد بالجرعة المظبوطة لمدة 10 ايام والا سيكمن الميكروب ويعاود الظهور

دكتور محمود

اسمحلى اضيف حاجة بسيطة عن تجربة وليس عن مجال عمل دور السخونة المصاحب للالتهاب الحنجرة احيانا بيكون اللتهاب فى اللوز وتحتاج الى استشارة دكتور انف واذن محترم وليس دكتور جزار

نفس الاعراض كانت عند بنتى ورحنا لاكتر من دكتور واغلبهم كان بيقولنا دى محتاجه تعمل اللوز ويدنا تحاليل ويقولنا اعملو التحاليل واعملو حسبكو ان يومها البنت تعمل اللوز حتى مقالش نشوف النتيجة وحصلت الموقف دا مع اكتر من دكتور الى وفى الاخر ربنا وفقنا لدكتور محترم وعمل متابعة لمدة 3شهور عشان يتاكد ان اللتهاب اللوز متكرر مش ثانوى ولما الموضوع اتكرر اكتر من 4 مرات فى ال 3شهور قال لازم تتعمل العملية والحمد لله من بعد العملية مفيش اى سخونية من اللى كانت بتحصل فى الاول

اسف للاطالة

[د.محمود صلاح]

د. محمود جزاك الله خيراً على الإفادة
بس كان عندي سؤال بخصوص تطعيم الـ "روتا"
حضرتك بتنصح بيه؟

هل تقصد حضرتك التطعيم الخاص بالفيروس ROTA ؟ المسبب لأمراض الإسهال ؟

هذا الفيروس مسبب لأمراض الاسهال الشهيرة عند الاطفال تحت سن 5 سنوات بنسبة من 25 الى 40 % تقريبا من حالات الإسهال والفيروس بينزل لوحده مع الأسهال مع خلايا الامعاء ولذا لا خطورة منه طالما تمنع حضرتك حدوث الجفاف ,

التطعيم ضده طور الابحاث والتجارب وغير مستقرين الآن على نوع معين حيث الطب الامريكى مختلف عن الطب الإنجليزى فى مسألة التطعيم , ووجد انه مصاحب لاعراض جانبية خطيرة مثل تداخل الأمعاء intusussiption .

وعلى ضوء هذه المعلومات تطعيم طفلك ليس اجبارى وراجع لحضرتك

[د.محمود صلاح]

اقتباسالمشاركة الأصلية كتبت بواسطة lido_pink2000السؤال التالت انا ابنى تقريبا كل شهر يجيله دور سخونية و بيطلع عنده التهاب فى الحنجرة و الاذن الوسطى و بياخد مضاد حيوى و مش عارفة اية الحل و كمان عندة حساسية انف وراثية هل zyrtecمفيد؟
الزيرتك مضاد للحساسية لايسبب النعاس وبالتالى مفيد لحالة حساسية الانف وبالطبع مع المتابعة مع طبيب الأنف والاذن والحنجرة

التهاب الأذن الوسطى والحلق لابد له من علاج بالمضاد بالجرعة المظبوطة لمدة 10 ايام والا سيكمن الميكروب ويعاود الظهور

دكتور محمود

اسمحلى اضيف حاجة بسيطة عن تجربة وليس عن مجال عمل دور السخونة المصاحب للالتهاب الحنجرة احيانا بيكون اللتهاب فى اللوز وتحتاج الى استشارة دكتور انف واذن محترم وليس دكتور جزار

نفس الاعراض كانت عند بنتى ورحنا لاكتر من دكتور واغلبهم كان بيقولنا دى محتاجه تعمل اللوز ويدنا تحاليل ويقولنا اعملو التحاليل واعملو حسبكو ان يومها البنت تعمل اللوز حتى مقالش نشوف النتيجة وحصلت الموقف دا مع اكتر من دكتور الى وفى الاخر ربنا وفقنا لدكتور محترم وعمل متابعة لمدة 3شهور عشان يتاكد ان اللتهاب اللوز متكرر مش ثانوى ولما الموضوع اتكرر اكتر من 4 مرات فى ال 3شهور قال لازم تتعمل العملية والحمد لله من بعد العملية مفيش اى سخونية من اللى كانت بتحصل فى الاول

اسف للاطالة

اسأل مجرب ولا تسأل طبيب

بس ال 2nd opinion مشروع وجائز فى الطب , انك تاخد رأي دكتور و2 و3 قبل الإقدام على اجراء طبي .

---------------------------------

خطروة اللوز مش فى السخونة , خطورتها فى الميكروب السبحى المسبب لألتهاب اللوز ( مش دائما حيث 70 ال 80 % من حالات التهاب الحلق فيروسى وليس بكتيرى ) الميكروب السبحى بيسبب فى بعض الأطفال تاثير على صمامات القلب ما يسمى بامراض القلب الروماتزمية وايضا على الكلى ما يسمى (التهاب الكلى مابعد المكور السبحى ) . ومع ازالة اللوز لا يزال ايضا - بعض الدراسات - خطورة الاصابة بامراض القلب الروماتزمية

[bishoo33]

دكتور محمد
سؤال سريع
معلش انا الأن بالعمل وذهبت زوجتى بأبنى ذو ال3 سنوات ونصف الى الدكتور وذلك لأنه يعانى من وجع فى البطن بالأضافه انه تقىء 4 مرات من امس وحتى الأن ويعانى من أسهال
وكان رد الدكتوره انه يعانى من نزله معويه من المعتاد ان تحدث بعد نزلات البرد وبالفعل هو لسه متعافى من نزلة برد
واعطته حقنه كورتيجن
وقالت ليس لها اى تدخل علاجى ولا اى مضادات حيويه
فقط تعويضه بالسوائل
لو سمحت عايز رايك وبسرعة
انا الأن online ولحد حوالى الساعة 10 مساءا

[د.محمود صلاح]

آسف لم أكن أون لاين معك , فعلا العلاج بتعويض الطفل بالسوائل أما الأسهال فبيتحسن لوحده مع نزول الميكروب المسبب مع البراز

[د.محمود صلاح]

هل تقصد حضرتك التطعيم الخاص بالفيروس rota ؟ المسبب لأمراض الإسهال ؟

هذا الفيروس مسبب لأمراض الاسهال الشهيرة عند الاطفال تحت سن 5 سنوات بنسبة من 25 الى 40 % تقريبا من حالات الإسهال والفيروس بينزل لوحده مع الأسهال مع خلايا الامعاء ولذا لا خطورة منه طالما تمنع حضرتك حدوث الجفاف ,

التطعيم ضده طور الابحاث والتجارب وغير مستقرين الآن على نوع معين حيث الطب الامريكى مختلف عن الطب الإنجليزى فى مسألة التطعيم , ووجد انه مصاحب لاعراض جانبية خطيرة مثل تداخل الأمعاء intusussiption .

وعلى ضوء هذه المعلومات تطعيم طفلك ليس اجبارى وراجع لحضرتك

جبت لك بيانات مفصلة بعد ما دخلت على قاعدة بيانات الأكاديمية الامريكية لطب الأطفال :

التطعيم ضد الروتا القديم كان سنة 1998 وكان بيسبب آثار جانبية تداخل الامعاء كما ذكرت لك وتم منعه فى امريكا

ومنذ 2006 طوروا تطعيم ضد الروتا بالفم آمن بدون آثار جانبية ( اللهم الا موضوع الحساساية ) , وجعلوه ضمن الجدول الإجبارى فى أمريكا 3 جرعات من الاسبوع السادس الى ال 12 من العمر للجرعة الأولى والثانية بعدها ب من 4 الى 10 اسابيع من العمر والثالثة حتى قبل الاسبوع ال 32 من العمر .

لو عاوز تعطيه لأبنك مثل الأمريكان فلا مانع .

[aliabutaleb]

جزاك الله خير الجزاء يا دكتور

[د.محمود صلاح]

شكرا بارك الله فيكم

[hossam_elwani]

ابنى عنده 4 شهور وعايز اطاهره ايه السن المناسب للطهارة

وايه اساليب الطهارة الحديثة؟؟

[hossam_elwani]

وكمان عايز اعرف الوزن المثالى له فى الشهر الرابع مع العلم ان وزنه عند الولادة 3.400 جرام؟؟

وعدد الرضعات الطبيعية المثالية من الام ؟؟

ولك جزيل الشكر والامتنان ......

[النوبي]

السلام عليكم
دي اول استشاره وان شاء الله هنتابع مع حضرتك باستمرار طبعا لاني انا وامه علاقتنا بالاطفال زي علاقتنا بالانشطار النووي
وده اول طفل لينا (يعني لسه بنتعلم عليه)
المهم احنا عندنا شويه حجات مش فاهمينها ومخليانا قلقانين
اولا: بيجي له زغطه (فواق) هل ده عادي ولا
ثانيا: باليل يكون نايم وفي امان الله شويه كده وتلقاه صحي يحزء ويعيط علشان بيعمل حمام والدكتور شافه وقال ان عنده انتفاخ وعنده غازات (ده طبيعي ولا)
تاني يوم ولاده احنا كشفنا له والدكتور كتب له (بيدي ووتر)(وقطره اوليفين )علشان الخنفره ولسه عنده الخنفره
ولما شافه الاسبوع الماضي قال عنده انتفاخ وكتب له (سايمثيكون) لمده شهرين و(جاست ريج) ونقط للفم (فنيستيل نقط) لمده اسبوع
وقال البيدي ووتر عند اللزوم ومامته بتديله لما بيعيط حاجه سخنه اسمها (بيبي درنك)
وعندي مشكله تاني لما ييجي يشرب الدواء ياخده في فمه شويه ويطلعه تاني وميرضاش يشربه (ده طبيعي طفل في السن ده بيعرف طعم الدواء )
معلش ياريت ترد عليا في موضوع الخنفره لاني حاسس انها زادت
نسيت حاجه يوم ما اتولد دخل الحضانه علشان ميه دخلت في صدره وقعد تلات سعات وحالته استقرت ممكن يكون ليها علاقه بالخنفره خصوصا ان انا وامه عندينا حساسيه
انا اسف اني طولت عليك