"عيادة طب الاطفال للإستشارة

[م/محمد صلاح]

دكتور محمود جزاك الله خير بصراحه ولك الاجر والثواب عند الله

استفسار صغير وارجو الا اتثاقل على سيادتكم

ابنى احمد عنده الان 6 شهور و20 يوم بدأنا من بداية الشهر السابع وانقضاء الشهر السادس فى اطعامه بطاطس مسلوقه وجزر مسلوق وزبادى وفروتى كريم (اكيد حضرتك عارفه)

المشكله انه مابيرضاش ياكل الفروتى كريم المتحضر بالميه وبيرجعه اول ماياكل منه معلقه واحده لذلك بدأت احطهوله فى الببرونه مع الرضعه مع العلم انه بيرضع صناعى (كان بيرضع S 26 Gold ولما تم ال 6 شهور غيرناه ببروميل جولد)

هلى وضع الفروتى كريم على الزبادى او على اللبن غلط؟
من اول ما بدا ياكل البطاطس المسلوقه والفروتى كريم والزبادى وهو عنده امساك والدكتور كتبله على زيت لوز
ظهرت برضه على وشه وعلى جسمه بقع حمرا بتقعد يوم واحد وتختفى والحكايه دى اتكررت مرتين لغاية دلوقتى والمده بينهم تقريبا شهر
الغريبه انه دلوقتى بقى بينام كتير قوى يعنى من 14 الى 16 ساعه يوميا بس طبعا بيصحى يزن كل ساعتين بس بيرضع وينام تانى
لغاية دلوقتى مابيعرفش يقعد لوحده ولما بحطه على وشه مابيعرفش يزحف مجرد انه بيرفع صدره ورقبته عن الارض فياريت حضرتك تقولنا على الحركات اللى الطفل بيتعلمها بالتطور السنى يعنى مثلا عند 6 شهور بيعمل ايه وعند 8 شهور بيعمل ايه وكده يعنى وياريت كمان يا دكتور الوزن المثالى بالنسبه للسن يتحسب ازاى؟
كل ما ييجى يضحك ويكركع بتجيله ظغطه

انا اسف على الاطاله وبالتوفيق دائما

[د.محمود صلاح]

السلام عليكم انا اخو د.محمود صلاح ببلغكم تحياته واشواقه لكم ويقول لكم ان الموقع لازال محجوب في عمان ولا توجد بوادر فك للحظر وانه ايضا يتم حجب مواقع اخفاء الهوية كما ذكرتم فى المشاركة السابقة
والسلام عليكم
د م /محمد صلاح محمود

[احمد عبدالله]

دكتور محمود جزاك الله خير بصراحه ولك الاجر والثواب عند الله

استفسار صغير وارجو الا اتثاقل على سيادتكم

ابنى احمد عنده الان 6 شهور و20 يوم بدأنا من بداية الشهر السابع وانقضاء الشهر السادس فى اطعامه بطاطس مسلوقه وجزر مسلوق وزبادى وفروتى كريم (اكيد حضرتك عارفه)

المشكله انه مابيرضاش ياكل الفروتى كريم المتحضر بالميه وبيرجعه اول ماياكل منه معلقه واحده لذلك بدأت احطهوله فى الببرونه مع الرضعه مع العلم انه بيرضع صناعى (كان بيرضع S 26 Gold ولما تم ال 6 شهور غيرناه ببروميل جولد)

هلى وضع الفروتى كريم على الزبادى او على اللبن غلط؟
من اول ما بدا ياكل البطاطس المسلوقه والفروتى كريم والزبادى وهو عنده امساك والدكتور كتبله على زيت لوز
ظهرت برضه على وشه وعلى جسمه بقع حمرا بتقعد يوم واحد وتختفى والحكايه دى اتكررت مرتين لغاية دلوقتى والمده بينهم تقريبا شهر
الغريبه انه دلوقتى بقى بينام كتير قوى يعنى من 14 الى 16 ساعه يوميا بس طبعا بيصحى يزن كل ساعتين بس بيرضع وينام تانى
لغاية دلوقتى مابيعرفش يقعد لوحده ولما بحطه على وشه مابيعرفش يزحف مجرد انه بيرفع صدره ورقبته عن الارض فياريت حضرتك تقولنا على الحركات اللى الطفل بيتعلمها بالتطور السنى يعنى مثلا عند 6 شهور بيعمل ايه وعند 8 شهور بيعمل ايه وكده يعنى وياريت كمان يا دكتور الوزن المثالى بالنسبه للسن يتحسب ازاى؟
كل ما ييجى يضحك ويكركع بتجيله ظغطه

انا اسف على الاطاله وبالتوفيق دائما

لو سمحلي الدكتور محمود أرد على سؤال حضرتك عن الحاجات اللي الطفل بيقدر يعملها عند عمر 6 شهور هوه المفروض يكون بدا يقعد و حد سانده (sits supported) بس ميعرفش يقعد لوحده و يعرف يمسك الحاجات بالصباعين السبابة و الإبهام (scissor grasp ) ويقدر يتعرف على والدته و يبدا يطلع صوت زي مم (mm sounds )

أنا في سنة خمسة طب و لسه مخلص إمتحان الأطفال و أختي دكتورة مبتثرين -حديثي الولادة-
أنا أسف يا دكتور محمود لو حضرتك إعتبرت ده تطفل مني بس ده والله عشان حضرتك مسافر و إحنا تلامذتك يا دكتور و تيجي بالسلامة إن شاء الله

[ahit]

جزاك الله خيراً يا دكتور محمود
الموضوع قديم بس أنا لسه شايفه دلوقتى أعزرنى بس حبيت أشكر حضرتك على مجهوداتك لخدمة أعضاء منتدانا الكبير

بارك الله فيك و جعله الله فى ميزان حسناتك

أرجو من الإدارة التثبيت لتعم الفائدة
شكراً

[Rembrandt]

جزاك الله خيرا يا د. محمود و بارك فيك

[د.محمود صلاح]

آسف على عدم الرد لأن الموقع كان محجوب فى عمان ولكن بعد قتال عنيف مع شركة الاتصالات العمانية وفاكسات شكاوى ورسائل ايميلات متواصلة على مدار اسبوع كامل فتحوا الموقع بسلام والحمد لله ... وحشتونى جدا !

د. محمود، الف شكر على الموضوع الجميل ده
السيد عفركوش (ولدنا) بقى عنده 4.5 دلوقت وحتى الآن بتحصل بنسبة 5 ايام فى الاسبوع انه يبل نفسه وهو نايم

هل هو كده متأخر فى التحكم اللارادى للبول وللا لسه؟ وازاى ممكن نعالج الموضوع ده

الحاجة التانية النطق، هو عنده الكاف والسين والجيم عاملين حادثة .... بيبقوا تاء وثاء ودال بالترتيب ... هل برضه بدرى وعادى ... وللا نتدخل؟ وإزاى؟

ومتشكر جداً

بالنسبة لتبول الأرادى فده بيتحسن تدريجيا وممكن يفضل ( فى 20 % من الاطفال ) حتى سن 12 سنة , فقط استبعد الاسباب العضوية مثل التهابات المسالك والبول السكرى , توجد تمارين بسيطة ممكن تساعد فى التحكم فى هذه الحالة ولكن ليس قبل سن 6 سنوات .بالنسبة للنطق فهو لما يكبر هييصححهم بس لازم من شوية تدريب من دلوقتى ( محادثة مستمرة ببعض الكلمات المحتواه على الحروف المغلوطة ) .. آسف على التأخير مرة ثانية

انا بنتي عمرها سنتين و8 شهور. لاحظنا منذ حوالي شهر ظهور بقع حمراء في جسمها ووجهها. وديتها للدكتور قالي ان دة اكزيما واعطاها دواء عبارة عن كلاميل ومرهم كورتيزون ونصحنا بجعل كل ملابسها من القطن والابتعاد عن القطط والكلاب وعدم استعمال السجاد او الموكيت وعدم اكل الفراولة ولا الموز.

بعد اخذ الدواء الحالة اتحسنت شوية بفضل الله تعالي ولكن ردت اليها مرة تانية وظاهر جدا علي وجهها وجسمها واحنا قلقانين جدا وخايفين ان دة يفضل ملازمها علي طول.

ياريت لو حد من الاخوة الافاضل المتخصصين في طب الاطفال او الجلدية يشور علي اعمل اية في الامر دة...

أعتقد دى حالة اكزيما الاطفال , ودى لها تاريخ عائلى على الأرجح وهى قد تهيئ لأمراض حساسية أخرى مثل الربو ,
طبعا تتحسن بابعاد المؤثر الخارجى كما ذكر لك الاطباء
ومع الوقت ان شاء الله بتتحسن وبالذات مع التعرض البسيط المستمر للمؤثر يؤدى لتعود الجسم عليه
وآسف مرة أخرى عن التأخر على الرد

[د.محمود صلاح]

لو سمحلي الدكتور محمود أرد على سؤال حضرتك عن الحاجات اللي الطفل بيقدر يعملها عند عمر 6 شهور هوه المفروض يكون بدا يقعد و حد سانده (sits supported) بس ميعرفش يقعد لوحده و يعرف يمسك الحاجات بالصباعين السبابة و الإبهام (scissor grasp ) ويقدر يتعرف على والدته و يبدا يطلع صوت زي مم (mm sounds )

أنا في سنة خمسة طب و لسه مخلص إمتحان الأطفال و أختي دكتورة مبتثرين -حديثي الولادة-
أنا أسف يا دكتور محمود لو حضرتك إعتبرت ده تطفل مني بس ده والله عشان حضرتك مسافر و إحنا تلامذتك يا دكتور و تيجي بالسلامة إن شاء الله

لا والله مش تطفل ولا حاجة وشكرا لردك الجميل
والموضوع مفتوح لجميع الأعضاء وجميع الأطباء للرد والمناقشة وليس حكرا على أحد
وآسف على التأخير مكانش بإيدى ...

[eng/muhamad]

ياريت يا جماعه حد يقولى على اكبر و اشطر دكتور لعلاج حساسيه الصدر فى مصر ضروووووووووووووووورى؟
الله يرحمه محمد منير المهيرى من بعده مش عارف حد تانى فى المجال ده

[د.محمود صلاح]

يارب يفيدوك الإخوة الساكنين فى القاهرة اكثر منى ...

[emadkamel]

بالنسبة لتبول الأرادى فده بيتحسن تدريجيا وممكن يفضل ( فى 20 % من الاطفال ) حتى سن 12 سنة , فقط استبعد الاسباب العضوية مثل التهابات المسالك والبول السكرى , توجد تمارين بسيطة ممكن تساعد فى التحكم فى هذه الحالة ولكن ليس قبل سن 6 سنوات .بالنسبة للنطق فهو لما يكبر هييصححهم بس لازم من شوية تدريب من دلوقتى ( محادثة مستمرة ببعض الكلمات المحتواه على الحروف المغلوطة ) .. آسف على التأخير مرة ثانية

كتر الف خيرك يا دكتور وترجع بالسلامة ان شاء الله

[أبــوحبيبه ونور]

السلام عليكم ورحمة الله وبركاته
دكتورمحمود ممكن اعرف ايه افضل طريقةلتجنب او علاج البرد والحكه والعطس عندى بنتى سنتين واربع شهور والتانية 3 شهور ولو الكبيره ودا كتير جدا جالها برد او حاجة الصغيريه بتلقت منها على طول وعلى طول منخرها نازله من ااقل حاجة

سؤال تربوى لو ينفع حضرتك تساعدنى فيه
عندى بنتى الكبيره 2,4شهور بتعيط على اقل حاجة وممكن تفضل تعيط ساعة يا ترى حضرتك عند علاج للمشكلتين اونصيحه

[د.محمود صلاح]

نزلات البرد دى فى الأطفال مشكلة حقيقية , طبعا الوقاية خير من العلاج , طبعا تجنب البرودة وتيارات الهواء وشرب الماء البارد والعصير البارد والأيس كريم وتدفئة الصدر جيدا وتدفئة مكان المعيشة , وتجنب الأشخاص المصابين بزكام وتجنب الأماكن المزدحمة قدر الأمكان ... اما علاج الزكام فأغلب الأدوية الخاصة بالأنفلونزا ضارة للأطفال ولا نلجأ لها الا للضرورة القصوى , توجد ادوية من خلاصة الأعشاب التى اثبتت فاعلية فى تخفيف آثار الزكام مثل دواء جوافه وجوافلكس المصنوع من خلاصة ورق الجوافة وهو مثبت علميا لتخفيف الكحة وأدوية خلاصة حبة البركة و يوجد عشب يساعد فى تقوية المناعة اسمه اشينيسيا وزجاجة الدواء اسمها اميولانت حيث لاحظت بعض اساتذة طب الأطفال يوصفونه , أيضا اعطاء الأغذية المتنوعة الغنية وشراب فيتامينات متعددة وشراب الحديد - اذا كان هناك فقر دم - يرفع مناعة الطفل ضد الأمراض ... وفى حالة الكحة الجافة التى لا يستطيع الطفل النوم بسببها والتى تنتج عن تهيج فى الشعيبات الهوائية فقد يوصف دواء كحة جافة مثل السينكود ولبوس السيلجون ودواء بكتيبرونت حيث تؤدى جميعا الى ايقاف مركز اصدار الكحة فى مخ الطفل Ctz ..

بالنسبة لبكاء الطفل فهذا من ردود الفعل الطبيعية للتعبير عن انفعالاته وسيختفى مع الزمن ولاداعى للقلق ولا تعيره اهتماما , فقط تجاهلها لما تبكى .
هذا رأى لايغنى بتاتا عن زيارات الطبيب , وشكرا

[hobiko]

بجد فعلا ربنا يجعله فى ميزان حسناتك يا دكتور
لى سؤال لو تكرمت ابنى عنده 7 شهور الدكتور اللى بنتابع عنده قالى ممكن دلوقتى يقعد على المشاية بس بحيث يبقى كأنه قاعد عادى بس رجليه لمسا الأرض و هو لما يقدر يقف لوحده حيقف ولما يتعب حيرجع يقعد تانى لوحده بس أنا خايف من المشاية عشان سمعت انها بتسبب تقوس فى رجلين الأطفال فيا ترى ايه رأي حضرتك فى الموضوع ده و شكرا جزيلا

[د.محمود صلاح]

لا تسبب تقوس بمفردها ... التقوس ده مرض ناتج من نقص فيتامين د ومع النقص ده لما الطفل يبدأ يمشى ويحمل على رجله يحدث التقوس

[Drift_Lover]

السلام عليكم ورحمة الله وبركاته...

بداية أتقدم بخالص الشكر للدكتور محمود صلاح. علي فتح هذا الموضوع الأكثر من ممتاز.

بالنسبة ليوسف بقي.
هو عمره شهر وكام يوم.
ومتابع مع دكتور صديق. بس انا بصراحه بدأت اتحرج من كترة اتصالاتي بيه...

ومن متابعتي للمشاركات السابقه.
هو عنده خنفره وهو نايم. (وعرفت ان ده طبيعي وغير مقلق).
الترجيع - من وقت لاخر بعد الرضاعه وليس بصوره مستمره.
بس اللي جد من 3 أيام.
انه عنده إسهال بسيط (مش ميه ولكنه درجه من درجات الاسهال ) بقدر استيعابي لطب الاطفال... وده اللي قالقني دلوقتي.

بالنسبه للوزن الحمد لله طبيعي تبعآ لآخر مره زار فيها الطبيب.
وبينام فترات طويله الكام يوم اللي فاتوا. يعني ممكن ينام طول النهار. وفي المقابل يسهرنا طول الليل وحتي الثامنه صباحآ.

هل موضوع الاسهال البسيط ده مقلق في الفتره العمريه دي ؟

الادويه اللي بنستعملها له.
ثايمسكون و بيبي كالم.
والحمد لله الرضاعه طبيعية.