نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

**mohammedia33** · 21-09-2010 05:34 PM

المشاركة الأصلية كتبت بواسطة husseinoo

بسم الله الرحمن الرحيم

اللهم صل على محمد وعلى آله وصحبه أجمعين

تعلم القيادة فى 10 ايام

كيف تدير سيارتك

اختيار الغيار "الفتيس"

تغير الفتيس لغيار اعلى

لتغيير الفتيس من الغيار الاول الى الغيار الثانى

امسك عجلة القيادة بإحاكم بيدك اليسرى

انظر امامك على الطريق ههههههههه يعنى اوعى تنظر على الفتيس وتنسى الطريق

ضع يدك اليمين فوق الفتيس وكن مستعدا

اضغط على الدبرياج بسرعة وفى نفس الوقت ارفع رجلك من على البنزين

حرك الفتيس "بهدوء" براحة من الغيار الاول الى الغيار الثانى ههههههههه البعض للاسف يستعمل القوة نتيجة القلق وطبعا احيانا بيختار غيار خطأ ويسبب مشاكل فى السيارة

ارفع قدمك من فوق الدبرياج بهدوء ثم اضغط البنزين بهدوء ايضا لزيادة سرعة الموتور

ضع يدك اليمنى مرة ثانية على عجلة القيادة ههههههههه يعنى امسك الدركسيون مرة تانية بإيديدك الأثنين ومافيش داعى انك تعمل فيها ههههههههههههه معلم وتمسك الدركسيون بيد واحدة.

الغيار الثانى سوف يسمح لك بزيادة سرعة السيارة اكثر قليلا حتى تجد الفرصة للتحرك الى الامام واختيار الغيار الثالث وهكذا ... تذكر انك يجب ان تستخدم "كف اليد" لتغيير الفتيس

نقل الغيارات الى اسفل
الاجراء المناسب لنقل الفتيس الى غيار منخفض يتوقف على "هل السيارة تم تهدئة سرعتها بواسطة الفرامل ؟" اما لا ؟

قاعدة عامة

يجب الضغط اولا على الفرامل قبل نقل الفتيس على غيار منخفض ... او تترك السيارة تخفض سرعتها لوحدها بأن ترفع رجلك من على البنزين

للتمرين يجب ان تزيد سرعتك حتى تصل الى سرعة 45 كيلوا فى الساعة او 60 كيلوا على الاقل وتكون ماشى على الغيار الثالث اوالرابع هههههههههه حسب حالة العربية ثم تبدأ التدريب على نقل الفتيس من الرابع الى الثالث ... ومن الثالث الى الثانى وهكذا ...

نقل الفتيس الى غيار منخفض وفى نفس الوقت سرعة منخفضة

تذكر يجب ان تمسك عجلة القيادة بجدية وبيد واحدة "ايدك الشمال"

ابدأ اولا برفع رجلك من على البنزين

وبهدوء اضغط على الفرامل حتى تصل سرعة العربية الى حوالى 30 كيلوا فى الساعة

انظر امامك جيدا

ضع يدك اليمنى على الفتيس وكن مستعدا

اضغط على الدبرياج الى اسفل بسرعة فى نفس الوقت حرك الفتيس من الغيار الرابع الى الثالث

ارفع رجلك من على الدبرياج بهدوء

ورجع رجلك مرة تانية على البنزين او اتركها كما هى فوق الفرامل على استعداد للتوقف ... حسب الموقف اللى انت فيه

رجع يدك اليمنى فوق الدركسيون مرة تانية

افحص المرايات وتأكد ان الطريق آمان لإعادة التدريب مرة تانية

خفض سرعتك الى حوالى 15 كيلوا فى الساعة ثم انقل الفتيس من الغيار الثالث الى الثانى

ملحوظة: موش لازم انقل الفتيس بالترتيب

يعنى المفروض بعد خفض سرعة السيارة .. يتم اختيار الغيار المناسب للسرعة التى تسير عليها العربية

وللتدريب على ذلك

افحص المرايات

تأكد ان الطريق آمان

ثم خفض سرعتك حتى تصل الى 15 كيلوا فى الساعة

ارفع رجلك من على الفرامل

ثم انقل الفتيس مثلا من الغيار الرابع الى الغيار الثانى

اعد التمرين مرة تانية

زود سرعتك حتى تصل الى 60 كيلوا ثم خفض سرعتك وانقل الفتيس الى اسفل وهكذا ...

نقل الفتيس من الغيار الثالث الى الاول

خفض سرعتك حتى تصل الى 30 كيلوا فى الساعة

اذا كان الطريق آمان

اضغط الفرامل بهدوء حتى تنخفض سرعتك تقريبا "العربية بتكون بتتحرك"

اضغط على الدبرياج

ارفع رجلك من على الفرامل واتركها تسير بهدوء جدا

وقبل العربية ما تتوقف تماما

انقل الفتيس من الثالث الى الاول

عندما يكون الطريق آمان .. زود سرعتك حتى تصل الى 30 كيلوا فى الساعة تقريبا ثم انقل الغيار الثالث واستمر فى التدريب حتى تشعر بالثقة الكاملة

نقل الفتيس الى اسفل وانت تسير بالسيارة بسرعة

احيانا تحتاج الى اختيار غيار منخفض "لان العربية محتاجة الى قوة اعلى" لكى تستمر فى السير

مثلا: بجوارك سيارة تسير بنفس سرعتك ... وتحتاج الى سرعة اعلى لكى تتخطاها

ضع يدك على الفتيس وكن مستعدا

اضغط على البرياج على الآخر وفى نفس الوقت اضغط على البنزين خفيف

اختر الغيار المناسب

ارفع رجلك من على الدبرياج بهدوء

ثم زود بنزين واستمر فى السير

اهم حاجة فى موضوع الفتيس ده انك تعرف

كيف يمكن نقل الغيارات

الاستماع الى الموتور جيدا سوف يساعدك على نقل الغيار فى التوقيت المناسب

مع التمرين الجيد سوف تتوقع الاحداث على الطريق وسوف تستطيع اختيار الغيار المناسب تلقائيا

ارجوا ان اكون وفقت
فى انتظار التواصل

تابــــــــع

مع اطيب التمنيات

اخوكم حسين غزالة
هل عندكم عجلة القيادة على اليمين و تغيرون الفتيس باليد الشمال

**husseinoo** · 21-09-2010 06:34 PM

المشاركة الأصلية كتبت بواسطة mohammedia33

السلام عليكم

وعليكم السلام ورحمة الله وبركاته

. موضوع اكثر من رائع.

شكرا لحضرتك على ذوفك

انا عضوة جديدة من المغرب

أهلا وسهلا بحضرتك
اعتقد ان كل الأعضاء اليوم سعداء بتشريفك للمنتدى كا أخت لنا من دولة عربية شقيقة وعزيزة علينا كلنا

و سائقة مبتدئة

هههههههه كلنا هنا والحمد لله مبتدأين وبنتعلم مع بعض

كل يوم اعمل اخطاء لكن الحمد لله ربنا ستر. كل يوم ادخل الموضوع لكي استفيد. شكرا للجميع. سيارتي كيا بيكانتو 2010

أهلا بحضرتك وياريت نسمع تجارب حضرتك فى القيادة عشان نسنفيد كلنا مع بعض إن شاء الله

ملحوظة: على فكرة احنا عندنا فى مصر المحروسة الدركسيون على الشمال .. ونقل الفتيس على اليمين
لكن بالبحث على صورة مناسبة للموضوع لم اجد غير هذه الصور
على العموم ههههههههههه معلهش خلينا مركزين شوية فى شكل عصا الفتيس بلاش نركز على يد السائق ... لانى لما حاولت اغير اتجاه الصورة ارقام النقلات المكتوبة على الفتيس "اتغير شكلها" ههههههههههههههههه فقلت لنفسى الاغلبية هايكون مركز على شكل النقلات وموش هايلاحظ وضع اليد هههههههههههههه لكن انتى ما شاء الله عليكى اول واحدة تكتب ملحوظة بخصوص مكان الدركسيون ...
واحيانا هاتلاقى صور كثير بالشكل ده ... ويظهر فيها اتجاه سير السيارات مختلف لان الكثير من البلدان الاوروبية "الدركسيون" يكون على اليمين

فى رعاية الله
مع اطيب التمنيات
اخوكم حسين غزالة

**nadeen** · 22-09-2010 09:23 AM

السلام عليكم ورحمة الله وبركاته

كنت عايزة اسأل عن معلومة سمعتها بس مش متأكدة من صحتها ,هل فعلا المشى البطئ بالعربية يعنى أقل من 60 لفترة طويلة ده خطر على الموتور وتفرق لو كانت العربية حديثة او قديمة ولا لأ ؟

**husseinoo** · 22-09-2010 09:23 PM

المشاركة الأصلية كتبت بواسطة mohammedia33

شكرا لحضرتك.

العفو حضرتك واحنا تحت امرك فى اى وقت

انا اخدت رخصة السياقة في 2002 او الأصح اشترتها. و عمري ما سقت لأني زوجي عنده سيارة و عملي قريب جدا من البيت و مدرسة الاولاد جنبنا يعني المشوار كله 10 دقائق مشيا. السنة اللي فاتت نقلت اولادي مدرسة ثانية و بدات المعاناة مع النقل المدرسي قررت اشتر ي سيارة و اوصلهم. بدا ت مع سائق من مدرسة تعليم السياقة لكن لما سقت سيارتي كانت الطامة الكبرى. خوف شديد و لا زال لحد الان.

كلنا ما زلنا فى حالة الخوف دى ...
لكن انا متأكد من حاجة مهمة قوى ... ان معظم سائقى السيارات التى تقابلنا فى الطريق ... هم ايضا خائفين ... حتى ولو بيقودوا السيارة بشكل جيد ...
الخوف الإجابى يولد الحرص والاهتمام وده موش عيب
ومع الوقت الخوف يقل إن شاء الله
ومع التدريب الجيد جدا كل شىء يكون تمام التمام

الاخطاء الخطرة للي عملتها مع العلم اني ملصلقة علامة تدل على اني مبتدئة.

ههههههههههه احنا هنا نخاف نضع علامة تدل على ان قائد السيارة تحت التعليم ... نخاف نعمل كده يتسحب مننا الرخصة هههههههههه والبديل اننا نلصق ورقة على الزجاج ونكتب عليها "السيارة فى التليين" يعنى معمول لها عمرة عند الميكانيكى ولازم امشى بطىء غصب عنى ههههههههههههه

مرة كنت انتظر للي لهم حق الاسبقية لما حبيت امشي شفت سيارة بتحدف عليا من الشمال فكان رد الفعل اني ادور الدريكسيون على الشمال و ما شفتش اني في سيارة على شمالي ضرب كلاكس خلا نيارتبكت وفرملت.

جميع المبتدأين فى الأول دائما يقعوا فى هذا الخطأ ... بمجرد انهم يسمعوا كلاكس او عربية تمر بجوارهم ... على طول بشكل تلقائى يبتعد بالسيارة عن صوت الكلاكس او عن السيارة التى تمر بجواره ... والحل هو السير مدة طويلة فى شوارع خاليه حتى يتعود السائق ويسيطر على حالة الخوف شوية
والعيب ايضا يقع على السيارات التى حولنا ... يعنى يبقى شايف ان السيارة التى امامه صاحبها بيتعلم ... ويضرب له كلاكس ويربكه ويخليه يعمل مشاكل جامدة حاجة فى منتهى الذكاء .... واحيانا اجد سائقين فى منتهى الحنان والادب ... ولا يقترب من بعيد او قريب من سيارة يقودها مبتدأ بل يقترب منه بحرص ويشجعه على انه يمسك اعصابه ويرشده الى الطريق الصحيح ههههههههههه خصوصا لو كانت اللى سايقة العربية واحدة ست ههههههههههههه تلاقى الناس اللى عايزة تساعدها كتير قوى اما لو كان واحد راجل تلاقى اللى عايز يشتمه كثير قوى ههههههههه

الخطا الثاني و الثالث كان في يوتورن مرة كنت جايا بسرعة هادئة و معايا ولادي شفت شمال الطريق فارغ حطيت رجلي على البنزين معرفتش واحد بعجل خرج منين و عوض ما ادوس فرامل دست بنزين لاني رجلي كانت عليه لقيت السيارة بتهرب بينا بسرعة ارعبتني لكن الحمد لله ربنا لطف

وده اول خطأ لى اكتشفه احد الاصدقاء اثناء ركوبه معى ... وكانت بداية إعادة التدريب لى مرة تانية ... والخلاصة بتقول اوعى تمشى فى تقاطعات او فى زحام او فى يوتيرن ورجلك فوق البنزين .... لازم رجلك تكون فوق الفرامل بتتحكم فى سرعة السيارة فقط وجاهز للتوقف فى اوى وقت

و مرة حبيت اتفدى واحد بيكنس الشارع و غير مهتم بالسيارات لقيت نفسي و انا بلف فوق الرصيف. الحمد لله ربنا ستر مرة ثانية.للي تعلمته من هده الاخطاء عمري ما الف الدريكسيون لتفادي اي حاجة عوض دلك اهدي السرعة

بالنسبة للمشاة بالذات الافضل فعلا انك تهدى السيارة حتى ولو هاتتوقفى ... لانك ما تعرفيش اللى ماشى هايستمر فى السير ولا هايتراجع للخلف ... وطبعا اخطر شىء فى الدنيا كلها انك تصطدم بأحد المشاة وربنا يسترها مع الجميع

و اشوف في المرايا و افرمل وانقل على الغيار الاول و اكمل طريقي. ادا افتكرت اخطاء اخرى ساكتبها ههههههههه

اهلا وسهلا بحضرتك
وشكرا على التواصل

المشاركة الأصلية كتبت بواسطة nadeen

السلام عليكم ورحمة الله وبركاته

وعليكم السلام ورحمة الله وبركاته

كنت عايزة اسأل عن معلومة سمعتها بس مش متأكدة من صحتها ,هل فعلا المشى البطئ بالعربية يعنى أقل من 60 لفترة طويلة ده خطر على الموتور وتفرق لو كانت العربية حديثة او قديمة ولا لأ ؟

اساسا السرعة المحددة داخل المدينة المفروض تكون فى حدود 60 كيلوا فى الساعة
ثانيا: لو كنت انا ماشى اساسا على سرعة 60 والطريق لا يسمح بسرعة اكبر من كده ... يبقى انا مسير موش مخير ... يعنى مضطر انى امشى على السرعةالمناسبة للطريق
ثالثا: لو كان الطريق يسمح بأن ازيد من سرعة السيارة مثلا ممكن امشى على 90 كيلوا فى الساعة لكن انا ارغب فى السير على 60 كيلوا فى الساعة ... العبرة هنا على اى غيار انا اسير

يعنى مثلا لو كانت اقصى سرعة للسيارة على الغيار الثانى هى 60 كيلوا ... يبقى فى الحالة دى حرام انى اظل ماشى مدة طويلة على الغيار التانى
يبقى الافضل هنا انى امشى على الغيار الثالث عشان السيارة ترتاح شوية

دائما الميكانيكى ينصح بأن تريح العربية فى الغيارات
يعنى موش لازم امشى على آخر الغيار "اقصى سرعة ممكن الوصول اليها"
قبل العربية ما توصل للسرعة القصوى للغيار انقل على الغيار التالى خصوصا لو كان اللى راكب السيارة موش غاوى جرى بسرعة ... او مازال مبتدأ

طيب لو فضلت ماشى على الغيار التالت مدة طويلة ... مافيش مشكلة ... لكن المشكلة لو مشيت لحد ما وصلت لاقصى سرعة على الغيار التالت ... مثلا وصلت لسرعة 90 او 100 كيلوا ... ومازلت ماشى وعندى اصرارا انى افضل ماشى على السرعة دى
كده حرام
فى الحالة دى لازم انقل على الغيار الرابع عشان العربية ترتاح

وطبعا من الخطأ انى انقل غيار فى توقيت غير مناسب
يعنى مثلا انقل غيار الرابع وانا على سرعة 60 كيلوا
او انى انقل الغيار الثالث وانا على سرعة 30 كيلوا

كده غلط على العربية

لازم اختار الغيار المناسب
وموش لازم انى اوصل بالغيار لاقصى سرعة عشان انقل الغيار المطلوب
والافضل قوى انى اسمع صوت الموتور ... لو وجدت ان صوت الموتور عالى ... على طول انقل الغيار التالى بدون تردد وبدون اى حسابات

او وجدت ان العربية لا تريد ان تسير "يعنى العربيت لا تسحب معايا" يبقى انقل غيار الى اسفل مثلا من الرابع الى الثالث او من الثالث الى الثانى وهكذا

مع التدريب ان شاء الله
والسير مدة طويلة

عملية زيادة السرعة واختيار غيارات للفتيس اعلى ... هاتكون العملية دى طبيعيه جدا

مع اطيب التمنيات
اخوكم حسين غزالة

**husseinoo** · 22-09-2010 09:42 PM

بسم الله الرحمن الرحيم
اللهم صل على محمد وعلى آله وصحبه أجمعين

تعلم القيادة فى 10 ايام

كيف تدير سيارتك

التوقف بهدوء فى مكان محدد
لكى تتدرب على هذا الموضوع لازم تكون ماشى فى شارع مستقيم وطوالى ويكون فى الشارع بعض العلامات المميزة مثلا "شجرة .. كشك ... الخ"
الهدف انك تتوقف بحيث يكون الاكصدام الامامى قبل الهدف المطلوب التوقف عنده

الموضوع ظاهره سهل ولكنك تحتاج للمزيد من التدريب لكى تنجح فيه

عندما تجد ان الطريق آمن

زود سرعة السيارة لتصل الى حوالى 45 كيلوا فى الساعة

تقريبا هاتكون ماشى على الغيار الثالث او الرابع حسب حالة العربية

الشخص الذى يجلس بجوارك "المدرب" يطلب منك التوقف عند اى مكان يختاره ... مثلا توقف عند "الكشك" ده

تفحص المرايات جيدا .. وتأكد أن الطريق آمن

ضع قدمك فوق الفرامل

اضغط على الفرامل بهدوء جدا

وبالتدريج اضغط على الفرامل بقوة اكبر حتى تشعر بأن السيارة سوف تتوقف فعلا فى المنطقة المحددة

بالتدريج خفف الضغط على الفرامل ثم اضغط على الدبرياج

اترك السيارة تسير وحدها حتى تصل الى النقطة المطلوبة

اختر الغيار الاول وكن جاهز للتحرك مرة تانية

اضغط على البنزين خفيف قوى ... وارفع قدمك من على الدبرياج لتصل الى "نقطة التحرك" .. وكن جاهز للتحرك فى اى وقت

اختيار مكان آمن للتوقف

عندما تختر التوقف بجوار "الرصيف" يجب ان تختار مكان آمن .. ليس قريبا من التقاطعات او الملفات او بجوار منخفضات مثل الكبارى

يجب ان تختار مكان لا يسبب ازعاج للآخرين

مثلا: لا تتوقف قريبا جدا من مكان مخصص لتوقف السيارات ... يعنى مثلا لا تتوقف فى مدخل او مخرج باركينج او جراج

يجب ان تنظر ايضا الى الجهة المقابلة للطريق ... بحيث تختار مكان بعيد عن التقاطعات فى الطريق المقابل ... يعنى مثلا لا اركن السيارة فى مكان امامه "يو تيرن" او محطة اتوبيس

اختر مكان مستقيم وخالى من المشاكل ... وتابع المرايات .. واستخدم الإشارة المناسبة وفى الوقت المناسب توقف فى المكان المحدد ... ثم توقف بالقرب من الرصيف على قدر الإمكان بدون ان تلمس السيارة الرصيف

بالطبع لازم تكون متابع جيدا للعلامات المرورية الموجودة على الطريق ... مثلا علامة "ممنوع الإنتظار" ... عدم التوقف بجوار منشآت عسكرية ...

التوقف فى اماكن غير آمنة يعرضك ويعرض غيرك لخطر شديد ... خصوصا فى الاماكن التى لا يستطيع الآخرين رؤيتك جيدا اثناء السير انظر الى الصورة كامثال:

طبعا الموقف ده انا شخصيا بشوفه كثير لكن فى الشوارع المزدحمة ... يعنى مثلا تكون داخل يمين وتفاجأ بسيارة متوقفة على ناصية الشارع واحيان كمان تكون متوقفة صف ثانى ... يعنى حاجة مافيهاش اى عقل ربنا يسترها مع الجميع

الغرض من استخدام الإشارات

الإشارة تستخدم لكى يعرف الآخرين انت ناوى تعمل ايه ههههههههههههه او لكى تعطى لك فرصة لعمل مناورة على الطريق ...

تذكر ان الإشارات لا تعتبر تعليمات اجبارية لمستخدمى الطريق الآخرين ولا تعطيك الحق او الاولوية لعمل المناورة المطلوبة هههههههههههه يعنى مثلا موش عشان حضرتك استخدمت الإشارة اليمين ... بعدها على طول تدخل بالسيارة يمين هههههههه وتعمل مشكلة كبيرة.

متى تستخدم الإشارة

توقيت استخدام الإشارة مهم جدا

لازم تستخدم الإشارة فى توقيت جيد قبل ما تعمل اى مناورة بالسيارة وقبلها بوقت كافى .. لكى يكون واضح تماما لكل مستخدمى الطريق حولك انت ناوى تعمل ايه.

لا يجب ان تستخدم الإشارة فى وقت مبكر جدا ... لانك بالطريقة دى ممكن السيارات التى حولك لا تهتم بك وممكن مثلا يعتقدوا انك نسيت زراع الإشارات شغال ...

او مثلا انت ترغب فى الدخول ناحية اليمين ... وتستخدم الإشارة مبكرا قبل الشارع المطلوب بمسافة كبيرة ... وكان هناك شارع آخر قبل الشارع الذى ترغب الدخول فيه ... يبقى فى الحالة دى انت بتلخبط دماغ السائق الذى يسير خلفك ههههههههههههه هل انت سوف تدخل الشارع الاول ام الشارع الثانى ؟ ....

كيف تستخدم الإشارات

يتم استخدام الإشارات عن طريق زراع الإشارات او عن طريق الضغط على الفرامل "عند الضغط على الفرامل يتم اضاءة نور خلف السيارة"

نور الإشارة لازم يكون واضح جدا للسيارات الأخرى

انظر الى الصور السابقة واستخدم هذه الاساليب الموضحة على الطريق السريع والطرق الداخلية
ولكن قبل ان استخدم الإشارة يجب أن اسأل نفسى سؤال ... هل من الضرورى ان استخدم الإشارة ؟ .. متى يجب ان استخدم الإشارة ؟ ... وما هو الوقت المناسب والآمن للتحرك وعمل المناورة ؟ ..... للإجابة على هذه الأسئلة يجب ان تستخدم المرايات بشكل مناسب

وتذكر روتين عمل اى مناورة هو " المرايات ثم الإشارات ثم التحرك"يعنى انظر جيدا فى المرايات ثم اعطى الإشارة المناسبة ثم اتحرك فى الإتجاه المطلوب

استخدام الإشارات اليدوية

الإشارات اليدوية تستخدم قبل الدخول فى الإتجاه اليمين او الشمال او تغير الحارة الى حارة اخرى.

او المرور من سيارة اخرى

او التوقف على جانب الطريق ... فيتم اعطاء تحذير للسيارات التى فى الخلف والسيارات القادمة من الامام ايضا.

تستخدم الإشارات اليدوية فى حالة

تعطل إشارات السيارة الكهربية

وطبعا احيانا تستخدم الأثنين اعتقد فى حالة انك تكون المرشد لباقى السيارات يعنى تكون سيارتك هى التى فى المقدمة عن باقى السيارات وطبعا لازم تستخدم الإشارات اليدوية فى وقت مبكر بعض الشىء مثلا خارج رحلة وترغب فى ارشاد باقى السيارات التى تسير خلفك الى الطريق الصحيح

الحالات التى لا تحتاج فيها الى استخدام الإشارات
يوجد اسباب قوية لعدم استخدام الاشارات ... لأنها لن تساعدك فى شىء او تساعد اصحاب السيارات الاخرى ... خصوصا لو كان استخدام الإشارة سوف يسبب حالة من اللبس وتلخبط السائقين الآخرين

عندما تقرر انه من الضرورى استخدام الإشارة ...
فكر اولا ...

ما هى المسافة التى تبعدك عن التقاطع او الملف ؟

عند ظهور سيارة اخرى مثلا فى الحارة التى ترغب الإنتقال اليها

اثناء التوقف او السير مسافة طويلة فى الزحام وبشكل بطىء .. هل من الضرورى ان اترك نور الإشارة يظل يطفى وينور مدة طويلة "يعمل فلاش"

تذكر اغلاق زراع الإشارات بعد الإنتهاء من المناورة المطلوبة ... فى الغالب الزراع يعود اتوماتيكيا لوضعه الطبيعى بعد الإنتهاء من المناورة ... لكن ذلك لا يمنع من التأكد

لا يجب استخدام الإشارات عمال على بطال ... يعنى بداعى وبدون داعى ... فقط المطلوب استخدامها عند الضرورة وفى الوقت المناسب

احترس من استخدام الإشاراة الخاطئة هههههههههه يعنى مثلا تكون داخل يمين وتعطى اشارة شمال هههههههههههههه

ولكى اوضح خطورة موضوع الإشارة الخاطئة
يوم السبت الماضى كنت ذاهب الى التجمع الخامس عشان تجديد رخصة القيادة الخاصة بأخى الكبير
ولكى نوفر فى الوقت اثناء العودة قررنا الإتجاه الى طريق السويس والعودة الى مصر الجديدة تجنبا للطرق الغير ممهدة فى مدينة نصر
المهم انا ماشى فى طريق سريع والطريق فيها اكثر من حارة يعنى على الاقل 4 حارات والسيارات كلها بتجرى جامد واقل سرعة حوالى 90 كيلوا او 100
المهم اخويا قال لى: ادخل فى الفتحة الجاية يمين
قلت له ماشى: اعطيت اشارة يمين
وبعدها بثانية واحدة
قال لى: لأ خليك ماشى على طول
ههههههههههههههههههه
طبعا اللى ماشى ورايا خلاص مقرر انى داخل يمين
ومرة واحدة وجدنى ماشى على طول
وطبعا انا غلطان جامد
وتسمع احلى كلاكسات
وانا ارفع ايدى بالإعتذار
واقول لأخويا: ينفع كده
عايز تفكر ندخل من اى شارع ... نمشى على اليمين خالص ونسأل او نفكر على مهلنا ... لكن نبقى بنجرى بالعربية بسرعة جامدة ونعطى اشارة ونلخبط الناس اللى ماشية ورانا ونرجع نغير رأينا طبعا ده كلام خطر جدا جدا جدا وربنا يسترها مع الجميع

معلهش هو موضوع روتينى شوية لكن مهم جدا

تابـــــــــــــــــــع

ارجوا ان اكون وفقت

مع طيب التمنيات
اخوكم حسين غزالة

**mesaharaty** · 23-09-2010 09:02 AM

وطبعا من الخطأ انى انقل غيار فى توقيت غير مناسب
يعنى مثلا انقل غيار الرابع وانا على سرعة 60 كيلوا
او انى انقل الغيار الثالث وانا على سرعة 30 كيلوا

أرجو التوضيح للعبارة
يعنى هل سرعة 60 دى معناها إنى كان لازم أنقل الغيار إلى الرابع قبل الوصول إلى 60

ومعنى إنى أنقل الغيار الثالث وأنا على سرعة 30 كيلو معناها إن كده غلط ولا إيه بس

عاوزين نفهم الحتة دى شوية

**husseinoo** · 23-09-2010 12:54 PM

المشاركة الأصلية كتبت بواسطة mesaharaty

وطبعا من الخطأ انى انقل غيار فى توقيت غير مناسب
يعنى مثلا انقل غيار الرابع وانا على سرعة 60 كيلوا
او انى انقل الغيار الثالث وانا على سرعة 30 كيلوا

أرجو التوضيح للعبارة
يعنى هل سرعة 60 دى معناها إنى كان لازم أنقل الغيار إلى الرابع قبل الوصول إلى 60

ومعنى إنى أنقل الغيار الثالث وأنا على سرعة 30 كيلو معناها إن كده غلط ولا إيه بس

عاوزين نفهم الحتة دى شوية

السلام عليكم ورحمة الله وبركاته

عندك فى العربية اربع تروس مسئولة عن تحريك العربية
اكبر ترس "الغيار الاول" وده مسئول عن تحريك العربية فقط
الترس التالى اصغر قليلا عن الاول "الغيار التانى" ووظيفته زيادة سرعة السيارة الى 40 كيلوا او اكثر او اقل حسب حالة العربية هههههههههههه بعنى غى العربيات القديمة قوى لو العربية جابت سرعة 30 كيلوا وهى ماشيى على الغيار التانى يبقى حاجة هايلة

الترس الثالث "الغيار الثالث" حجمه اصغر من الثانى والمفروض انك لا تستخدمه قبل ما العربية ما توصل الى سرعة 50 او 60 كيلوا فى الساعة

الترس الأخير "الغيار الرابع" وده اصغر ترس فى العربية المفروض استخدمه لما سرعة العربية توصل الى 80 كيلوا مثلا

السرعات المكتوبة تقدر تعتبرها متوسط للعربيات عامة

لكن طبعا فيه عربيات جديدة وحديثة وقوية جدا وفيها 5 غيارات كمان

وفيه عربيات الغيار الثالث فقط ممكن يوصل سرعة العربية الى 100 كيلوا وأكثر

لكن احنا بنتكلم عن متوسط السرعات فى الحالات العادية

لو العربية سرعتها وصلت الى 60 كيلوا ... لازم انقل الغيار الثالث عشان اريح العربية وعشان تسحب وتجرى معايا براحتها ... لان الغيار التانى لن يوفر السرعة المطلوبة حتى ولو ضغط بنزين جامد ..
تقدر تقول انك بتحمل على العربية زيادة عن اللزوم

الخلاصة: لو سمعت صوت الموتور ابتدأ يعلى ويكون غير طبيعى ... انقل الغيار التالى ...
تحاول تدرب نفسك على نقل الغيارات دون النظر على عداد السرعة

فيه طريقة تانية
انظر الى عداد الـ RPM
قبل ما يقترب المؤشر الى المنطقة الحمراء فى العداد
لازم تنقل الغيار التالى على طول

'طبعا كل عربية حسب قوة موتورها والموديل
يعنى مثلا موش هاتجيب عربية 127 مثل عربية مثلا "باسات"

ممكن العربية الثانية تمشى على سرعة اكثر من 60 كيلوا وهى على الغيار التانى عادى خالص مافيش اى مشاكل ... لان العربية اساسا سرعتها القصوى ممكن تكون اكثر من 200 كيلوا فى الساعة

اما الـ 127 لو وصلت سرعتها الى 120 السرعة القصوى ده هايبقى هايل جدا
وصعب قوى انى امشى على سرعة 60 كيلوا وانا مازلت على الغيار الثانى
لازم انقل الغيار الثالث وبسرعة ممكنة بمجرد الوصول بالسرعة الى 40 كيلوا كمان موش اكثر

طبعا انا بحترم العربية الـ 127 جدا
وانا بضرب مثال بين سيارتين فيه بينهم تفاوت فى القوة

هههههههههههه واصحاب الـ 127 ناس محترمة عشان موش عايز حد يزعل منى

ارجوا ان اكون وفقت

فى انتظار التواصل

مع اطيب التمنيات
اخوكم حسين غزالة

**husseinoo** · 26-09-2010 01:10 PM

المشاركة الأصلية كتبت بواسطة doctormk

و الله انتي بتتكلم كأنك حاسس بيا انا برضه لسة جديد في السواقة و بخاف اركب العربية بس الموضوع عاوز تدريب كده واحدة واحدة و ربنا يسهل الحال ان شاء الله

أهلا وسهلا بحضرتك
هو ده الكلام
التدريب ثم التدريب
انا زهقت خلاص من الناس اللى ماشية فى الشارع بتخرف على مزاجها
التدريب الصحيح هو اللى يقوى القلب ويهدى الاعصاب هههههههههههه

المشكلة اني جبت عربية زيرو فبقي الخوف مضاعف خوف علي العربية و خوف من السواقة بس كله عاوز تدريب و ربنا يكون معانا

شوف الناس اللى بتفهم زى حضرتك
هما اللى لخصوا الحكاية فى الكلميتن اللى حضرتك كتبتهم
الخوف على العربية لان فيها تعبك كله
والخوف من السواقة ودى محتاجة تدريب

عشان كده لازم الواحد يصبر
ويتدرب مع واحد فاهم
وبدون استعجال لازم تاخد وقتك
وبعد كده كل شىء هايكون سهل إن شاء الله

فى رعاية الله
مع اطيب التمنيات
اخوكم حسين غزالة

الموضوع: نصائح سائق جديد .. وخوفه قل شوية من موضوع السواقة .. والبركة فيكم تعلمونا الباقى

LinkBack

أدوات الموضوع

عرض

-

-

-

-

-

-

المواضيع المتشابهه

الى احلى اعضاء تعالو نقعد مع بعض شوية ....(موضوع جديد)..

يوميات سائق جديد ؟!

ارجو النصيحة لوجه الله انا لسه متعلم السواقة جديد اشترى مستعمل ولا جديد؟

استفسار من سائق جديد فى الغيارات

جديد في السواقة؟ اجيب جديد ولا مستعمل

الكلمات الدلالية لهذا الموضوع

المفضلات

المفضلات

ضوابط المشاركة