الله يكرمك يا استاذ احمد ... ومتشكر جدا جدا على الدعوة الجميلة دى
السلام عليكم ورحمة الله وبركاته
وعليكم السلام ورحمة الله وبركاته
ازيك يا استاذ حسين كل سنة و انت طيب معلش كان لية سؤال على الماشى العربية بتترج لما انقل من الاول للتانى لما ارفع رجلى من على الدبرياج مش عارف اتحكم فى النقل
ما هو حضرتك لما تنقل من الأول الى التانى ... اعمل التالى:
ارفع رجلك من على البنزين تماما
اضغط دبرياج
انقل الغيار
اضغط بنزين خفيف وثبت رجلك عليه
ارفع رجلك من على الدبرياج بالتدريج "نص رفعه" ههههههههه
اول ما تشعر بأن العربية استمرت فى السير بدون رجة
زود شوية بنزين وارفع رجلك نهائى من على الدبراياج
ممكن تكون العربية هادية جدا يعنى سرعتها هادئة جدا وانت عايز تنقل على الغيار الثانى ... يبقى لازم ترفع رجلك عن الدبرياج خفيف والبنزين خفيف فى الأول حتى تأخذ السيارة سرعتها ... او تشعر انها سوف تبدأ فى الانطلاق
ساعتها ترفع رجلك عن الدبرياج بالكامل
الخلاصة: موش هاترفع رجلك عن الدبرياج بالكامل فى السرعات الهادئة جدا ...
يعنى مثلا انت ماشى 10 كيلوا فى الساعة مثلا وداخل على إشارة او زحام .. ماينفعش ارفع رجلى عن الدبرياج بالكامل .. لانك كل ما هاتضغط بنزين سوف تشعر بأن العربية بتترج منك
لازم ازود بنزين شوية ... وارفع رجلى عن الدبرياج بالتدريج ... لو فيه اى رجة .. اثبت رجلى شوية على البنزين واضغط شوية على الدبرياج حتى تبدأ العربية فى التحرك بشكل كويس
ثم ازود بنزين وارفع رجلى بالكامل عن الدبرياج
ومن نصيحك الجميلة اللى عملتها امبارح انى امور قبل اى مطب بمسافة كافية بس فى اللحظة دى اشيل رجلى من على الدبرياج و شكرااااااا
انا على العموم بمور العربية فى اى وقت انا شاعر ان الطريق سوف يتوقف آجلا او عاجلا
مطب صناعى
اشارة مرور
منطقة مزدحمة
ولما العربية تهدى وتدخل المنطقة اللى انا متوقع التوقف فيها والله لو استمر السير بشكل كويس .. هانقل الغيار التانى او الثالث حسب السرعة
ولو توقفت العربيات ... انا اساسا ممور العربية وداخل ورجلى فوق الفرامل خفيف وجاهز للتوقف
مع اطيب التمنيات
اخوكم حسين غزالة
المفضلات