الموضوع: كيف نشخص موتور خفيف ؟

المشاركة الأصلية كتبت بواسطة ahmed hassan

يا استاذ سمير انا طلبت من حضرتك توضيح سألتني سؤال علشان هيساعد في الاجابه. جاوبت حضرتك. يا ريت توضحلى بقى.

ماهو أنا سألتك علشان أشوف وجهة نظرك

لكى تتلاقى أفكارنا

وطبعا حاليا واضح أن مفيش تلاقى للأفكار

لأن أنت بتبص من زاويه وأنا بأبص من زاويه تانيه

_________________________________


وجهة نظرك

أن الهواء كل مايكون بارد كل ماحتاخد قدره وعزم أكبر من المكنه

ونظرت للحاله اللى بتقابلنا كلنا لما بنسوق العربيه فى الصباح الباكر ( علشان الجو بيبقى بارد وحرارة الهواء قليله )

نعم

فى الصباح البارد وفى الأجواء البارده ستحصل على قدره أكبر من محرك السياره

طيب ليه ........................ده بيحصل

مش علشان الجو بارد والهواء بارد من زاوية الحراره
أبدأ

دا علشان لما بيكون الهواء بارد ( يعنى كثافته كبيره ) يعنى كمية هواء كبيره بتخش جوه المكنه

بالضبط ............زى مايكون هناك تربو طبيعى على مدخل المكنه

ولو عاوز تشيك كمان على صدق كلامى هذا

حتلاقى المكنه بتستهلك بنزين أكبر فى الأجواء البارده عنها فى الساخنه

وده دليل على أن كمية الهواء اللى أتحرقت كبيره ولازم يقابل ذلك زياده فى البنزين المحروق

يعنى أنخفاض الحراره مكنش السبب فى رفع قدرة المحرك

لا ............الهواء الكتير اللى أتحرق جوه المكنه ( بسبب التربو الطبيعى )

_________________________________________


وجهة نظرى


لو جينا بأه وواقفين بنسخن المكنه

أيه اللى بيحصل فى البدايه

هواء لسه بارد جاى من الغرفه وحول الفلتر ولسه المكنه بتشد حيلها وعماله تحرق على أمل ثبات عزم المكنه

ده بيجىء من أرتفاع الحراره للهواء الموجود داخل الغرف

هواء سخن بيخش من عند الفلتر وبالتالى المكنه بتشد حيلها

لأن الأشعاع الحراره اللى فى الغرفه نتيجه سخونة المكنه المتوالى بيسخن الهواء اللى داخل من الفلتر

وكميته هى نفس الكميه ويمكن بتقل كمان ( لأن الحراره مع زيادتها الكثافه بتقل يعنى كمية الهواء بيقل بنسبه طفيفه طبعا )

وعلشان كده
أنا علقت على موضوع التربو

زي ما حضرتك قريت في مشاركتي انا طلبت من العضو تأجيل الدخول في تفاصيل التربو حاليا علشان نخلص من النقطه الاولى اولا .

لأن فيه أرتباط الى حد ما بين القصتين

وأن مجمعتش بين القصتين

لن تتقابل معى فى وجهة النظر الفنيه الحساسه تلك

المشاركة الأصلية كتبت بواسطة skybird

ممكن اشترك في اجابة السؤال
انا رايي الافضل يكون الهوا اللي داخل للموتور ساخن
زي نظرية التربو كده

المشاركة الأصلية كتبت بواسطة Ahmed Hassan

ok

يا سبعاوي باشا
انا كنت بقالي يمكن 6000 ك مبصتش على مقاس الزيت
مع العلم اني حاطط زيت شل الجركن الرمادي ال 10000ك
والعربية عاملة 151000ك
السحب والدنيا كلها تمام دون اي مشاكل تذكر
واستهلاك البنزبن على السريع بالتكييف بيوصل لحد 15.5 ك / لتر

انهاردة بقى كانت الصدمة لي
بقيس الزيت لقيته ناقص وزودته بتاع نص لتر (الباقي من الجركن بعد غيار الزيت والفلتر)
وفي زيت كتير في الجانب الايمن من المكنة وفي الماسورتين الصغيرين اللي داخلين على فلتر الهواء

ده ايه بالظبط
مع العلم اني لما حطيت ايدي على الشكمان لمدة اقل من 7 ثواني وجدت دفع قوي جدا من العادم
مع ملاحظة انني لم ارى اي تغيير في لون العادم
واول لما جيبت العربية على 136000 ك غيرت جوان وش الماتور علشان كان بيرشح زيت
ارجو الافادة
علشان بدأت أقلق

المشاركة الأصلية كتبت بواسطة sab3aawy

هنا عدة طرق بالنظر واليد والسمع تعطى معلومات لا بأس بها عن حالة المحرك ، لكن يعيب هذة الطرق ان كلها تؤكد ان الموتور خفيف لو ظهرت، لكنها لا تنفى انه خفيف لو لم تظهر

1- ظهور دخنة بيضاء مائلة للزرقة الخفيفة لها رائحة الزيت المحترق من الشكمان لحظة تدوير المحرك صباحا او بعد تركه لعدة ساعات تعنى ان كاوتش الصباب مقطوع او مهترئ
2- ظهوردخنة بيضاء مائلة للزرقة الخفيفة لها رائحة الزيت المحترق من الشكمان عند تعشيق الأول وبداية الحركة تعنى ان المحرك خفيف
3- ظهور بخار كثيف من فتحة خرطوم الفايض او الpcv (فى حالة ان السيارة مزودة بنظام pcv يجب سد خرطوم التنفس لملاحظة البخار) يعنى ان الحبك خفيف سواء كان ذلك بسبب الشنبر او الشميز او كلاهما
4- إضاءة لمبة الزيت فى السلانسيه أو انها ترعش مع بداية الحركة يعنى ان السبائك خفيفة لو تأكدنا ان الزيت من نوع جيد والطرمبة جيدة وساعة الزيت سليمة
5-ظهور دخنة بيضاء مائلة للزرقة من الشكمان طوال الوقت يعنى ان الموتور خلصان أو ان هناك شنبر مكسور
6- سماع صوت (رك رك رك رك) واضح من المحرك وهو ساخن، وخصوصا مع بدء الحركة يعنى ان الشنبر خفيف وبيحدث صوت اثناء التخبيط فى الشميز
7- سماع صوت (تك تك تك) من احد البساتم وخصوصا فى السلانسيه والمحرك ساخن يعنى ان هناك بنز خفيف
8- عند عدم التمكن من سد خرطوم الفايض باليد بسبب الضغط الواقع عليه هذا يعنى ان الموتور خفيف و(بينفخ)
9- وجود اثار زيت كثيفة على نهاية خرطوم الفايظ او فى العمة او مجمع الهواء حيث يتنهى خرطوم الفايض يعنى ان الموتور خفيف
10- وجود تعريق زيت على البوجيهات يعنى ان شنبر الزيت خفيف والزيت بيدخل حيز الاحتراق
11-وجود تسريب زيت كثيف من كل الجوانات برغم سلامتها يعنى ان الموتور خفيف والزيت بيخرج نتيجة لأن المتور بينفخ ويضغط على الزيت فيتسرب من الجوانات

كل هذة مؤشرات وجوده يشير الى ان المحرك خفيف لكن عدم وجودها لا ينفى، والفيصل هو قياس كبس الموتور فى المحطة ومتابعة استهلاك الزيت

lموضوع جميل و الأجمل التوقيع (نحن نحارب الغلاء بالإستغناء)

المشاركة الأصلية كتبت بواسطة sab3aawy

اكشف على كبس الموتور فى المحطة
لو الموتور خفيف يبقى عمرة كاملة او متور استيراد
لو الموتور كبسه كويس يبقى اعمل كاوتش صباب
هو مبيتكلفش كتير ولا بياخد وقت يعنى حوالى يوم شغل و 150-200 جنيه بالمصنعيات
لو العربية سليمة صلح الموتور او غيره ولاص بحسب الحالة افضل من البيع والشراء وانت ونصيبك متعرفش هتجيب ايه

متشكر جدا يابشمهندس
انا البارح كنت عند الميكانكي عشان اغير كوتش اللصباب وقاللي هياخد 100 جنيه مصنعيه قلت والله مانا مغيرها دلوقتي
المهم قلتله الموضوع ده ليه ضرر قاللي لا هي بس شوية دخانه اول ماتدور وخلاص

حصرتك رايك ايه ؟ لو موضوع كوتش صباب بس عادي تمشي ولا لازم يتغير وايه المضاعفات؟