حياتي بلا أغاني لها أسمي المعاني

**megamoudy** · 21-05-2010 09:22 PM

المشاركة الأصلية كتبت بواسطة funnymickey

هوا انتا شغلت الفيديو بتاع الشيخ الشعراوي ؟؟؟
سمعته؟؟؟؟

ماهو بيقول نفس الكلام

ومفسر لهو الحديث
وقالك اي شئ يلهي عن ذكر الله

يشتري
يعني يطلب
ويدفع ثمن
في شئ رخيص

في حين ان الدين
جايلك
لحد عندك
ومن غير تمن
وغااااااااااااااااااااااا ااااااااااااالي اوي في القيمه

تروح سايب ده وماسك ده

تروح للباطل وتسيب الحق

والراجل واضح

قاللك كل شئ يلهي عن الغرائز

شيل اللحن
اثار الغريزه
او النفس
فهو باطل مره
اتحط عليه اللحن فهو باطل مرتين

الام تغني لابنها حلال
الفتاتين كانوا في بيت السيده عائشه وغنوا يوم العيد
والرسول مأنكرش لانهم ستات مع بعض
والبنتين دون سن البلوغ يعني اطفال

ويوم الفرح اما الرسول قال للسيده عائشه غنوا كذا في الفرح

ايه المشكله

هوا مش فيه افراح اسلاميه
؟

بيغنوا فيها ايه

انا زوجتي بتنشد في الافراح الاسلاميه

بنات مع بعض وبيغنوا اغاني للزوجه

والولاد مع بعض يغنوا الاناشيد

فين الحرام

انما ميجيش خالد الجندي وطنطاوي يقولولي بسمع ام كلثوم وعبد الحليم وعاوزني اقول امين

متقوليش
قدر احمق الخطي سحقت هامتي خطاه
وعاوزني اسكت
وتقولي ده عبد الحليم

متقوليش
لا حسلم بالمكتوب ولا حرضي ابات مغلوب وعاوزني اقول ماشي

متقوليش
خدني لحنانك خدني علي رأي الشيخ كشك
خدك ربنا ياشيخه

اكتر حاجه بحبها فيكي هوا ده وهيا دي

قالوا اختار بين جنه ونار اخترت انا نارك

وبعدين يعني

حنروح فين تاني

شتان بين غناء ينفع يتغني في مناسبات معينه
والغنا عمال علي بطال

غني بس كلام ينفع يتغني وفي مناسبته

ومن غير مووووووووووووووسيييييييقي

من غيييييييييييير ايقاااااااااااااااااااااا ااااااااااااع

الفرق بين اغنيه احمد بو خاطر زوجتي
واغنيه هاني عادل تتجوزيني اللي استاذ معز مسعود مألف كلماتها ومنزلها في عيد الحب
زي الفرق بين السما والارض

الاولي تاخد بيها حسنات
والتانيه تاخد بيها ذنوب

عشان الايقاع بس
مش عشان حاجه تانيه

الغناء فيه حلال وفيه حرام
انما مفيش موسيقي حلال وموسيقي حرام

مينفعش اخد توزيع موسيقي ليالي الحلميه واما احط عليها طلع البدر علينا تبقي حلال

الموسيقي حرام في كل حالاتها
انما الكلام اتكلم
لحنته لحنه
بتقول ايه

بتحمس الشباب للجهاد
ولا ام بتهدهد ابنها عشان ينام

ولا بتقول كلام حب لبنت عشان تميل دماغها
وعيونك وشعرك وقلبك وخصرك

انما حتقول نشيد للجهاد بالموسيقي حرام

بتقول طلع البدر علينا من ثنيات الوداع حلال

حطيت عليه طبله ودف ومزمار وناي

باظت
مبقتش طلع البدر علينا

بقت طلع الشيطان علينا
من كل حته

فهمت بقي ولا ايه

اخويا حبيبي ف الله فاني ميكي

انا على فكره من ساعتين وانا قاعد ع الجهاز مشغل اغاني مش عارف اقولك قاعد مخنوق اوي اوي والله والله قاعد مخنوق

قولت اقرا الموضوع بتاع حياتي بلا اغاني حاليا بقالي ساعة بسمع قران اختلاف تااااااااااااام ف حالتي النفسي وهدوء اعصابي

يا جماعه كفاية الايه اللي بتقول ألا بذكر الله تطمئن القلوب

وعلى فكره انا ف خامسة طب وقعدت كتير مع اطباء نفسيين عشان بحب التخصص ده وبحب الكلام المنطقي النفسي عمري دخلت عياده من العيادات دي ولا حتى عندنا ف العيادات الخارجية بيكون في اغاني

كل الاماكن دي بتتسم بالهدوء

عاوز اقولكو اني لما بسمع الاغاني والله والله والله وربنا يسامحني على كده مش بطيق اسمع صوت القران وحتى بقوم للصلاة بالعافية وبكروت في الركعات كمان

اسمع قران وابطل اغاني الاقي نفسي بقوم اتوضا قبل كل صلاة واصلي كويس

ربنا يهدينا جميعا ويهديني كمان يارب

ادعولي مضعفش واسمع اغاني تاني يا جماعه

**M.Osman** · 21-05-2010 09:28 PM

الرأي اللي بيقول انها حرام مقنع بصراحة... و حتة انها بتلهي الواحد .. دي اكتر حاجة مقنعة

ربنا يهدينا جميعاً

**megamoudy** · 21-05-2010 09:33 PM

المشاركة الأصلية كتبت بواسطة m.osman

الرأي اللي بيقول انها حرام مقنع بصراحة... و حتة انها بتلهي الواحد .. دي اكتر حاجة مقنعة

ربنا يهدينا جميعاً

كلامك صح يا استاذ محمد

عاوز اقولك انا ليا صاحب من ايام ثانوي الولد ده كان حافظ القران بسم الله ما شاء الله تحب تبص لوشه تحس انه فعلا فيه حاجة لله

دلوقتي - ربنا يهديه ويهديني - بيسمع اغاني ولا عاد بيقرا قران وبيشرب سجاير والله اني كل ماشوفه بحس ان النور اللي ف وشه راح هو نفسه حاسس بكده

**dr.amr** · 21-05-2010 09:35 PM

ربنا يكرمك ياميكي باشا

لاصرارك علي الحق

والله بتلهييييييييييييييييييييي يييييييييي

وبتخليك مالكش نفس تسمع قران

**SeiffoZ** · 21-05-2010 09:50 PM

المشاركة الأصلية كتبت بواسطة funnymickey

أنا قولت إللى عندى حضرتك و معنديش معلومات تانية و ماينفع أفتى ...

نقطة الخلاف إللى بينى و بينك ....

إن حضرتك مصمم على إنك تصف مجموعة من العلماء بالمخطئيين ..

لمجرد إن حضرتك مقتنع برأى المجموعة الأخرى ...

و ده ماينفعش

لسبب بسيط قوى إن إحنا مش فى علمهم ..

خصوصا فى مسألة إختلاف ...

**M.Zaher** · 21-05-2010 10:00 PM

المشاركة الأصلية كتبت بواسطة seiffoz

أنا قولت إللى عندى حضرتك و معنديش معلومات تانية و ماينفع أفتى ...

نقطة الخلاف إللى بينى و بينك ....

إن حضرتك مصمم على إنك تصف مجموعة من العلماء بالمخطئيين ..

لمجرد إن حضرتك مقتنع برأى المجموعة الأخرى ...

و ده ماينفعش

لسبب بسيط قوى إن إحنا مش فى علمهم ..

خصوصا فى مسألة إختلاف ...

يا اخ سيف هوه حضرتك ماخدش بالك من اي مشاركه انا كتبتها

يا اخي الحبيب المسالة مش مساله خلاف نهائيا لان دي مسالة فيها اجماع يعني مفيش خلاف في التحريم
ومعني ان فيه بعض العلماء زي مابتقول يعني خالفوا الاجماع ده فده مش خلاف معتبر ولا يعتد برإيهم لان من قبلهم كان فيه اجماع
وبعدين حضرتك عشان تريح دماغك خد دايما بالراي اللى فيه دليل من صحيح الاحاديث و القران مش اللي يقولك فلان قال كذا و كذا
وزي ما الامام الشافعي قال : اذا صح الحديث فهو مذهبي

**ehab_mansour** · 21-05-2010 10:19 PM

المشاركة الأصلية كتبت بواسطة megamoudy

اخويا حبيبي ف الله فاني ميكي

انا على فكره من ساعتين وانا قاعد ع الجهاز مشغل اغاني مش عارف اقولك قاعد مخنوق اوي اوي والله والله قاعد مخنوق

قولت اقرا الموضوع بتاع حياتي بلا اغاني حاليا بقالي ساعة بسمع قران اختلاف تااااااااااااام ف حالتي النفسي وهدوء اعصابي

يا جماعه كفاية الايه اللي بتقول ألا بذكر الله تطمئن القلوب

وعلى فكره انا ف خامسة طب وقعدت كتير مع اطباء نفسيين عشان بحب التخصص ده وبحب الكلام المنطقي النفسي عمري دخلت عياده من العيادات دي ولا حتى عندنا ف العيادات الخارجية بيكون في اغاني

كل الاماكن دي بتتسم بالهدوء

عاوز اقولكو اني لما بسمع الاغاني والله والله والله وربنا يسامحني على كده مش بطيق اسمع صوت القران وحتى بقوم للصلاة بالعافية وبكروت في الركعات كمان

اسمع قران وابطل اغاني الاقي نفسي بقوم اتوضا قبل كل صلاة واصلي كويس

ربنا يهدينا جميعا ويهديني كمان يارب

ادعولي مضعفش واسمع اغاني تاني يا جماعه

ااالهم ثبت قلبه علي الدين
اللهم وفقه الي ما تحبه وترضاه
اللهم اشرح صدره للإيمان
اللهم حبب اليه الإيمان وزينه في قلبه وكره اليه الكفر والفسوق والعصيان برحمتك يا أرحم الراحمين

**ehab_mansour** · 21-05-2010 10:26 PM

جزاكم الله خيرا لكل من يدافع عن الدين ويرفع لواء الحق
وربنا يهدينا جميعا كل من يتعصب ويأخذ العلم من غير موضعه

-

-

الموضوع: حياتي بلا أغاني لها أسمي المعاني

LinkBack

أدوات الموضوع

عرض

-

-

-

-

-

-

-

المواضيع المتشابهه

لو أعلم أن أسمي سيكون عقبة في حياتي...........محمد حسني مبارك

أغاني تعليمية للأطفال

المعاني المقلوبة في الايام المضروبة - مقالة ليوسف معاطي -

أغاني الحب من زمن (أهواك) إلى (ابو أمك)

الكلمات الدلالية لهذا الموضوع

المفضلات

المفضلات

ضوابط المشاركة