هي فعلا البلد مافيهاش شغل؟

**OlaOsman** · 03-06-2010 10:02 PM

المشاركة الأصلية كتبت بواسطة mina_ramsis

خلينا نكون واقعيين فيه شغل بس فى مجالات معية زى مثلا هندسة ميكانيكة و مدنى و مجال الادوية دى اكثر المجالات اللى فيها شغل و يعتبر بتدى اجر مادى معقول بس انت كده سبتى نسبة كبيرة جدا من الشباب اللى متخرج من تجارة و اداب و تربية ده غير المؤهلات المتوسطة مش لاقييين شغل و اذا لقوا بيبقى بدون مرتب تقريبا حوالى من 200 الى 400 جنية و بيصرف اكتر منهم يعنى من الاخر لو قعد فى البيت هيبقى احسنله

ماهو مؤهل عالي و بياخد 200 ولا 400 جنيه يبقى هو ما أهلش نفسه لسوق العمل.. انا باتكلم من منطلق خبرة طويلة في المجال و عارفة سعر السوق للخريجين الجداد إيه و الأرقام اللي انت بتتكلم فيها دي لحد ما يعرفش يتكلم كلمتين إنجليزي على بعض و لا عارف يقدم نفسه ازاي و لايحضر انترفيو ازاي و لا عامل سي في عدلة، و ده تقصير منه في المقام الأول.

**Terrible_DaRsH** · 03-06-2010 10:03 PM

على فكرة يا علا انتى مش واخدة بالك من حاجة .

مبدا التعب موجود عند كل البشر و لكن مبدا الاهانة مش موجود عند كل الناس .

فرقى بين التعب فى الشغل و الاهانة فى الشغل , انا كنت بنزل شغل فى الصيف كنوع من التدريب يعنى لانى لسه مخلصتش دراسة .

موافق جدا على التعب لان ده لازم و لكن الاهانة لا و 1000 لا كمان , فمهنة زى مهنة مندوب المبيعات دى اهانة كبيرة جدا لانها محتاجة واحد تخصص كلام و لسان مش واحد متعلم عايز يبقي صاحب c v محترم .

**OlaOsman** · 03-06-2010 10:10 PM

المشاركة الأصلية كتبت بواسطة terrible_darsh

على فكرة يا علا انتى مش واخدة بالك من حاجة .

مبدا التعب موجود عند كل البشر و لكن مبدا الاهانة مش موجود عند كل الناس .

فرقى بين التعب فى الشغل و الاهانة فى الشغل , انا كنت بنزل شغل فى الصيف كنوع من التدريب يعنى لانى لسه مخلصتش دراسة .

موافق جدا على التعب لان ده لازم و لكن الاهانة لا و 1000 لا كمان , فمهنة زى مهنة مندوب المبيعات دى اهانة كبيرة جدا لانها محتاجة واحد تخصص كلام و لسان مش واحد متعلم عايز يبقي صاحب c v محترم .

يا عم درش الواحد لو فكر في الإهانة و الكرامة مش هاينزل من بيتهم، ما انت ممكن تتهان و تتشتم من واحد مايسواش لو كسرت عليه و لا عملت حاجة و انت سايق عربيتك ملك زمانك و استفذته، و ممكن برضه ما تاخدش منه حق ولا باطل.

الواحد لو فكر في كل السلبيات اللي هايتعرض لها لو نزل اشتغل محدش هايعمل حاجة و هانفضل كده طول عمرنا.

خدها كلمة من حد أكبر منك بشوية كتير، أي شغل بتنزله بيعلمك حاجة.. مهما كان متعب أو حتى مهين، بس بتطلع منه بخبرة ما بتنفعك بعدين، و كمان كام سنة بتلاقي الحاجة اللي ماكانتش عاجباك دي و مخنوق منها هي اللي نفعاك دلوقتي و بتقول في نفسك لو ماكنتش اشتغلت الشغلانة الفلانية اللي كنت شايفها مهينة، ماكنتش زماني دلوقتي قدرت أعمل كذا.

و بعدين الدنيا مش بتطبطب على حد و مش بتعلم ببلاش.. كل حاجة محتاجة تعب و بهدلة، ده غير إنك لو فعلا مش مؤهل انك تشتغل في وظيفة تاخد لك فيها ألفين ولا تلات آلاف جنيه، يبقى تتعب شوية و تتبهدل شوية لحد ما تستحق المرتب الكويس، انما لو قعدت في البيت آه مش هاتتبهدل ولا هتتهان (مع إن لقب عاطل دي أكبر إهانة في نظري)، و كمان مش هاتتعلم حاجة و لا عمر الشخص ده ما هايبقى حاجة.

**phantom0xx0** · 03-06-2010 10:17 PM

أنا تعليقي هيكون بشكل عام

في رأي الخاص ، المشكلة أصبحت في الميزة التنافسيه ، الشغل موجود بس حسب إنت معك إيه ،، مش بس بكالوريوس ...
لزم تكون شايف الحاجات ده من بدري مش بعد لم تخلص الجامعة .....

يعني لم أكون بوظف حد لوظيفة و مطلوب حديث التخرج ، ممكن ألاقي واحد معه بكالوريوس ، و واحد تاني معه ماجستير عادي و فيه واحد تاني كان شغال في سنوات الجامعة و معه mba
يعني ماينفعش تعتمد على الشهادة الجامعه فقط ... و أنا شايف إن دة جزءمن دور الاهل...لزم يكون مفيش وقت ضايع على الفاضي.

**ams** · 03-06-2010 10:31 PM

طول ما الناس شايفة ان "الزبال" شغلة مهينة عمر بلدنا ما هتنضف

**gebreel** · 03-06-2010 11:06 PM

مبدئيا احييك يا علا على الموضوع ده فعلا و انا سبحان الله لسة امبارح كنت بتكلم مع واحد صاحبي في الموضوع ده

انا هعرفكم بنفسي انا طالب في اكاديمية السادات قسم MIS او نظم و معلومات و الحمد لله من سنة 2 عمال برمي في CVs مش بهدف الشغل لكن بهدف اني اعرف السوق محتاج ايه و اظبط نفسي بناء عليهز و انا داخل اولى ثانوي كنت بعرف اتعامل مع الكومبيوتر باحتراف بما يعادل الشغل اليومي لكن حاجة تبوظ اصلحها و كدة لأ رحت اخدت كورسات Visual basic في القوات المسلحة و مكنتش فاهمو قوي ساعتها بس لما دخلت الكليو و بدأت Programing فهمت، الانجليزي بتاعي الحمد لله حببت نفسي فيه و بقيت بتكلمو الحمد لله بطلاقة لدرجة اني احيانا بقعد مع اصحابي نقول هنتكل انجليزي بس علشان بقالنا كثير مامرسناهوش من و انا في سنة ثانية جالي شغل في شركة Telesales اسمها AmecoTech في برج التطبيقيين في العباسية و كان بالمرتب اللي انا كنت طالبو ساعتها و انا بضحك بقول ميين هيديني 1000 جنيه و انا لسة في سنة 2 بس كنت رايح ساعتها علشان اشوف الانترفيوهات بتاعة الشركات الةultinational عاملة ازاي و مش حاطط في دماغي اني هتقبل اصلا و كنت الحمد لله 1 من 2 اتقبلو من ضمن اكثر من 20 واحد كانو في اليوم اللي انا رحتو و ده كان بسبب ايه الانجليزي الكويس اللي معايا و في الاخر مرحتش علشان الامتحانات و الكلية و بتاع

في اجازة سنة 2 رحت جامعة القاهرة اخدت كورسات في الC++ على اساس اني هستيفيد بيها في دراستي السنة اللي بعدها و اخدت كورس Conversation لممارسة الانجليزي

سنة 4 نزلت تدريب في احد البنوك و كنت رايح بمبدأ اني هتعلم اي حاجة حتى لو كانو هيعلموني ازاي اعمل عصير بتنجان و هو بعيد كل البعد عن دراستي اللي هي الكومبيوتر هتعلمو بردو و الحمد لله دخلت قسم الIT و بدل ماكان المفروض اتعلم حاجة واحد اتعلمت حاجات كثيييييييير جدا و البنك طلبني في اني اكون انا و واحد تاني ننفذ upgrade مطلوب في الsystems بتاعة البنك. و بسبب اني كان هدفي اني اتعلم حاجة جديدة علشان اتنقل لحاجة ثانية ده خلى مديري رشحني عند صاحبو كان لسة فاتح شركة و تبقى نفس المشكلة في الدراسة و الامتحانات لأن كل ده كان سبحان الله بيجي في وقت غلط

بعدها جالي مرتين شغل كcall center مرة في شركة اسمها Teleperformance و الثانية مش فاكر اسمها بصراحة و كل ده كان بمرتبات مجزية و عمولات و كدة بس كانت بردو المشكلة في الامتحانات و المذاكرة

و كل ده و انا الحمد لله لسة ماتخرجتش و مش كثير ليه دعوة بمجالي لكن بتبقى مرتبتو معدية ال1000 جنيه و انا لسة ممعاييش شهادة غير الثانوية العامة الفكرة كلها هي اني الحمد لله مكنتش بقعد في البيت غير لما لازم اخد كورس في كل اجازة و ربنا يا رب يباركلي في اهلي و يديهم طولة العمر و الصحة انهم كانو هما اللي بيشجعوني على كدة

[QUOTE=OlaOsman;3872726254]

المشاركة الأصلية كتبت بواسطة grumby78

على فكرة انا شغالة في مجال التوظيف بقالي 12 سنة و أحب أقول لك ان الخريج اللي معاه إنجليزي كويس بيشتغل في وظايف كويسة في شركات محترمة و بمرتبات مجزية جدا. إنما اللي فضل في الكلية 4 سنين و في الأجازات بينام لحد العصر و مقضيها طول الليل مع أصحابه و محاولش يحسن نفسه في اللغة ولا عمل خطة لما بعد التخرج، يبقى لما يتخرج لا يلومن إلا نفسه.. إنما للأسف احنا بنكون مقصرين و اسهل حاجة نعلق تقصيرنا على 100 شماعة جاهزة للاستعمال في المواقف اللي زي دي.

و ده اللي انا كنت بقولو فوق

المشاركة الأصلية كتبت بواسطة AhmedGen2

خريج الجامعات هناك عنده المؤهلات المطلوبة فى سوق العمل ، إنما فى مصر خريج الجامعات لا يصلح لشىء إلا قلة نادرة ، إنما السواد الأعظم غير مؤهل لسوق العمل ، فتجد من الشائع جداً تسمع مقولة "الحياة العملية غير اللى بتدرسه فى الكلية" وكأن مثلا الطبيعى أن تقضى 4 سنوات فى دراسة مواد راح عليها الزمن ولم يعد يعتد بها فى سوق العمل.

و ده للأسف واقع مش هيتغير غير بيك انك تطلع و تاخد كورسات بنفسك و تحاول تقرأ و تتعلم

المشاركة الأصلية كتبت بواسطة ams

طول ما الناس شايفة ان "الزبال" شغلة مهينة عمر بلدنا ما هتنضف

بالظبط و لسة كنت بتفرج على برنامج خواطر 5 كانو عاملين حلقة على المهن و كان من ضمنها سواق التاكسي في اليابان و عامل ازاي و رأييه ايه في الشغل كسواق تاكسي و الناس بتعاملو ازاي

الخلاصة انا مش ممكن اقعد في البيت علشان مش لاقي شغل في مجال الIT و هشتغل في اي مكان طالما مش شغلانة حرام او مهينة و ممكن اشتغل في الIT بتاع المكان نفسو لو كنت كويس و على علاقة جيدة برؤسائي او اكون في نفس الوقت بدور على شغلانة في حتة ثانية
البلد فيها شغل كثير للي مؤهل للشغل لأني لو صاحب عمل و جالي واحد بيركب الكلام بالانجلزي على بعض بالعافية و معندوش Soft skills كفاية عمري ماهشغلو لأن فيه غيرو مؤهلين و مش لاقيين

**brown-eyes** · 03-06-2010 11:42 PM

بصراحة سبب اساسي من اسباب فشل الشباب هي العادات الاجتماعية الفاشلة والمظاهر الكدابة
انا مسافر بره بقالي 6 شهور وفعلا كل مده كل مابحس باختلاف التفكير وليه احنا من دول العالم التالت مع اني يعتبر في دولة من الدول الاوربية الضعيفة . من غير مادخل في تفاصيل بس فعلا مفيش فايدة بدات احس ان كل حاجة في مصر غلط في غلط ومش عارف ايه الحل ونفسي مصر حالها يتصلح !

**mustafaibrahim** · 03-06-2010 11:50 PM

المشاركة الأصلية كتبت بواسطة elassar2010

لا مافيش شغل ودى حاجة انا عايشها انا ودفعتى مافيش حد من دفعتى اشتغل لحد دلوقتى انا خريج 2008

صحابى خرجين اعلام وتجارة واداب مافيش حد فيهم اشتغل ومعاهم كورسات كمبيوتر وحاجات كتير
انا بقصد بالشغل الشغل المحترم والى يدينى مقابل التعب الى هتعبة

فى شغل كتير جدااااااااااااا جدااااااااااااااااااااااا ااااا مندوب مبيعات
بيتعب وفى الاخر مابيلقيش حاجة ومافيش تامين ولا اى حاجة يعنى لو عربية خبطتة مثلا عادى صاحب الشغل مش هيدور علية وهيتعالج على حسابة

يعنى فى شغل ومافيش شغل

أقصد ان اللي عايز فعلا يشتغل بالتأكيد هيلاقي شغل و ربنا هايرزقه و يكرمه طول ما هو بيسعى، إنما اللي قاعد في البيت يتشرط و يتنك ع الوظايف و بعدين يقول مش لاقي شغل، ده ربنا يرزقه ازاي و هو قاعد في بيتهم؟

+111111111111111111

هى البلد فيها شغل؟؟ اه طبعا فيها لنما بكاااااااااام

و مين اللى يقبل بعد مايكون اتطحن اربع سنين فالجامعة انه يشتغل ب300 او 400 جنيه او يشتغل بواب او فمحل ملابس او sales man

اه قبل منسى مرتب الشاب فالحكومة اول لما يتخرج 105 جنيه ايوة مائة و خمس جنيهات