الموضوع: الشقة لازم تكون ايجار قديم

المشاركة الأصلية كتبت بواسطة haloly

الشقة لازم تكون ايجار قديم علشان تتجوز . ايجار جديد لا . مش عاجبك مع السلامة

طيب أي شاب متخرج وبيشتغل

نقول في القاهرة
مرتبه كام ؟
نقول 1500 جنيه

إزاي هيأجر شقة إيجار جديد ب 900 جنيه أو ب 1000 جنيه ؟؟؟

عادي جداً لما يكون مش حاسبها صح

طيب واحد مرتبه 5000 جنيه
لا إنت أصبر شوية وهات شقة تمليك أدخل فيها على طول


طيب واحد مرتبه 500 جنيه
يا ريت يصوم وينسى موضوع الجواز مؤقتاً
إلا لو كان عايش مع الحاج الوالد في الريف وفي هذه الحالة قوضتين فوق السطوح يحلوا الأزمة ويبقى ينزل الغيط مع الحاج أيام الجمع يعمل أوفر تيم
لكن لو قاهري يصوم أحسن

بناء عن تجربة شخصية
مستحيل هوافق على جواز بنتي من شاب معندوش شقة أو أنا هديله شقة يسكن فيها لو الشاب ده راجل متدين
لكن شقة قانون جديد لأ لأ لأ
هوافق لو عنده شقة في مكان متواضع ايجار قديم أو تمليك لكن جديد لأ
لو مش هيقدر هديله شقة عندي لكن جديد لأ

المشاركة الأصلية كتبت بواسطة أحمد كمال

ده مش استقرار

ده قلة ايمان بربنا و بالرزق

يعني ايه اوقف حال بنتي على شقة تمليك

طيب و لو اتجوزها و دخل بها و تاني يوم باع الشقة هاعمل ايه هاخلعها منه؟

و لا لو مرض و اضطر يبيعها و يتعالج بتمنها؟

مفيش حاجة مضمونة .... الضامن ربنا .... ممكن يتجوزها فقير و يغتني ..... و ممكن يتجوزها غني و يفتقر .....

عمره ده ما كان قلة إيمان
ربنا أمرنا بالأخذ بالأسباب ومنها الإختيار
وإختيار زوج البنت أو الأخت أمانة

يعني المفروض كل إنسان بيكون ليه شروطه التي يرى أنها يكون أدى بها واجبه بحسن الإختيار لبنته أو أخته
وبالتالي عندما يحاسبه الله تعالى يكون من الناجين

أما مسألة إنه بعد ما اتجوزها مرض أو باع الشقة أو غير ذلك
فهذا أمر لم يكلفنا الله به ولن يلومنا عليه

لو أنا إخترت لبنتي عريس مناسب أخلاقيا ودينياً ومادياً
وثاني يوم داسته طيارة مش هتكون مشكلتي ولن يلومني الله على ذلك

لكن لو جوزت بنتي لواحد أنا شايف إنه معندوش سكن مستقر وتاني يوم رماها في الشارع فهنا ألوم نفسي ألف مرة
أكون أمام الله مذنب

المشاركة الأصلية كتبت بواسطة ezzatfox

+ 1000000000000000000000000000

دة اللى عايز اقولة بالظبط ... الارزاق بيد الله .. و ربنا بيرزقك برزق اللى معاك سواء زوجة او اولاد كل واحد بييجى و رزقة معاة .. اهم حاجة البنى ادم ... اخلاقة و دينة و اجتهادة و تناسبة علميا و اجتماعيا مع مستوى زوجتة .

اخلاقة و دينة و اجتهادة و تناسبة علميا و اجتماعيا بس فقط قط فط
يعني المادة ملهاش لازمة
أختلف مع سيادتك

عشان الكلام يكون كامل لازم نزود كلمة مناسب مادياً أيضاً

المشاركة الأصلية كتبت بواسطة ahmed1981

ليه بس يا دكتره
متحبكهاش

أهل العروسة ليهم حقوق وشروط برضه لأن بنتهم غاليه عليهم
من حقهم يتشرطوا على ولاد الناس طبعاً

الواحد في الزمن ده بيتجوز واحدة وأبوها بيشاركه في جميع تكاليف الزواج من التجهيز للفرح لغيره
وبعد ده كله مش عايزينه يتشرط

في الحالة دي طالما مش عايزينه يتشرط
يبقى نمشيها نظام إسلامي
العريس عليه كل حاجة من أول المهر للشبكة لتجهيز البيت بالكامل بالبيت بالهدوم بالرفايع ببابا غنوجه بالفرح بالمأذون بمعونة الشتا

والعروسه تروح بهدومها فقط

طيب كده هيريح الشباب كلهم احب اذكرك ان لو خاتم من حديد بس شبكتها مفروض ترضى

المشاركة الأصلية كتبت بواسطة ahmed1981

اخلاقة و دينة و اجتهادة و تناسبة علميا و اجتماعيا بس فقط قط فط
يعني المادة ملهاش لازمة
أختلف مع سيادتك

عشان الكلام يكون كامل لازم نزود كلمة مناسب مادياً أيضاً

مختلفناش .. بردة لازم يكون فى تناسب من الناحية المادية يعنى ميكونش فى تفاوت كبير فى المستوى المادى لان دة اكيد بينعكس على حاجات تانية كتير زى البيئة و اسلوب الحياة و الثقافة و لغة الحوار بين الطرفين و كل دة كنت اقصدة بكلمة التناسب الاجتماعى بس يمكن المعنى موصلش .
بس دة بردة مش معناة ان لازم تكون الشقة ايجار قديم .. اذا كان الرسول الكريم بيقول ((إذا أتاكم من ترضون دينه وخلقه فزوجوه)) نيجى احنا نزود عليها شقة ايجار قديم .. انا عارف ان كل واحد نفسة يأمن على بنتة بس للاسف مش هو دة اللى هيأمن مستقبل بنتك
فى مثل بيقول لا تعطينى سمكة و لكن علمنى كيف اصطاد .. يعنى حضرتك دور على اللى بيعرف يصطاد مش اللى عندة السمكة .. بمعنى انك تدور على الاخلاق و الدين اللى هيضمنوا لبنتك المعاملة الكريمة و انها متتهانش و لا تتظلم و تدور فية كمان على العلم و الطموح و الاجتهاد و العقل الراجح اللى ممكن يأهلة بعد كدة لحياة كريمة هو و بنتك .

وما تدري نفس ماذا تكسب غداً وما تدري نفس بأي أرض تموت .
ان الله يبسط الرزق لمن يشاء .
صدق الله العظيم

يا بنى انا هقولك كلمة حكمة
ايلي يشتريك شيله فوق دماغك
و إيلي يبيعك متعبروش ولو جزمة في رجلك
عشان انا مريت بظروف زيك كده بالظبط و يمكن أكتر منك كمان و الله
و بجد هتحس بفرق كبير جدا بين الناس ايلي شريالك و الناس ايلي بتشتري مديات و مش مهم الشخص عندهم
و انا متهيقلي ايلي ترفضك أو أهلها يرفضوك عشان ظروفك ايلي هى ظروف كل شباب مصر يبقي ميستحقوش منك تفكر فيهم اساسا و حاول تدور علي ناس تانية يشتروك انت و بس أى كانت ظروفك و سعتها تبقي أفتكرني بدعوة صالحة